السلام عليكم

سؤااالي للرجال ؟؟

اللي يحترمون زوجاتهم وبالاسواق شايلين عيالهم
ويخلون حريمهم ع كيفهم
ويهدون زوجاتهم ويفااجؤنهم ؟؟؟

سؤالي وش مسوين لكم زوجاتكم تحبونهم هااقد
وللنساء

وش مسوية بزوجك يدلعك ويقدرك كذا؟؟&ماشاء الله

ابي اجابه وافيه شاافيه

تعبت من زوجي كل ماشاف رجال شايل لزوجته بالسوق ولاماخذين راحتهم يقول روحي اسأليها وش مسويه لزوجها

لاسوق اتهنى فيه ولاطلعه انبسط بها هذا اذا طلعت ولا كوفي اشربه الايذلني عليه
توصل فيه ياخذه من يدي ويرميه من الدريشه من الوقااحه
واسكت وابلعها
كل شي احبه يعاااندني فيه
كنت اعشق الشوكلاه ويذلني عليها الحين جت وراحت ماتهمني
عشقي القهوه الايطاليه وكل ماطلبتها يكرهني لها واخرشي ماعاد اطلبها
السوق كنت من اكشخ البنات واتسوق براختي قبل اتزوج بداية الزواج كان يستحي مني الحين يوم واحد السوق وخلصتي ولاماخلصتي ماراح اوديك
وطول الوقت يسب ويشتم ويتحلطم ومايشيل عياله ومايشتري لهم😢حتى العصير بالغصب وطلعة الروح
والله وصلت فيه يسخب ولدي بالمحل عشان يبي سيارة لعبه وولدي من كثر الصياح والبكا يستفرغ والله اني ابكي معاه بكاء طفل من ااقهر وبعد ماطلعت ارواحنا من البكا اشتراله سياره بس بعد ايش بعد مابكيت وشاهقنا من البكا وادعي ياربي ولدك الله يلعن الفلوس

فيه بخل شوي
ودايما اقول لا يارب ماهو بخيل اقنع نفسي
وامه وابوه بخلاء جدا اغنياء محرومين لاحول ولاقوة الابالله
احس مأثرين عليه بالمره
احسه وده يعطي بس مااايقدر😭
ابي اجابه تشفي غليلي،،


يكره المطاعم والاغلب سندوتشات تخيلو😣
دايم اذا دخلت اي مكان صيدليه سوق يعصب ويتوتر ويقلق ويتكلم علي وصلت فيه يدفني قدام الناس والله واعصب اقول ماني بهيمه عندك
ومايرضى اسال العامل واذا قلتله مايقول اللي ابي للعامل مدري وش هالانسان
واذا قلت ناديلي العامل انا اساله يقول تعااال واذا جا العامل يقول فلانه تبيك
مرات احسه وقح بهالاسلوب مايبغاني اطلب واسال العامل واذا مارد علي انا اسألهم ويتكلم علي قدام العمال فلانه تبغاك

والله ان بيتي كان زي الفنادق واحسن
الملعقه يتمرى فيها اذا بياكل
واهتمامي فيه حمامات اسويله ومقشرات والله اني افركله رحوله وادهنها والبسه شراباته وادهن جسمه واعطره
كان بجنه وداسني وماقدرني ولااحترمني
ولاعاد اسويله من اللي زمان شي
يحمد ربه ان غرفة الجلوس والنوم نظيفات ومرتبات
باقي البيت غرفة عياله الملابس بالارض وشناط وحوسه
والحوش يغبرمااجيه والمطبخ اراكم المواعين لليل ماعاد اهتم زي اول



ابي اسراركم ونصااايحكم ابعرف وش مسويات فيكم تعاملونهن كذا
ووش مسويات ياحريم
ممكن نظره رجال تختلف عن المراه

مع اني اتوقع اللي عندي اخلاقه كذا يحتقر المرأه دايم

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

الحظ من الله
خوذيها من الآخر
ماشاء الله لاقوة الا بالله اعرف وحدة تقول لزوجها كل .... ياغيي ماتفهم وكل عطلة دولة وشغالات وسواق رايح وسواق جاي غير الجوالات والحركات...
ووحدة بيته يلمع وليالي الوان وحاشمته وحاشمة اهله على سوءهم ويقولها يابقرة!!

ارزاااااق وبس

هذي السخره
المتزوجات اللي تتكلمين ربي سخر لهم ازواجهم
ادعي ربك يسخره لك

كل ما الزوجة احترمت نفسها وقدرتها وعزتها
زوجها نفس الشي
ونفس الشي بخصوص الزوج كل ما احترم نفسه وقدرها
الزوجة بتحترمة وتقدرة
بالنسبة لصاحبة الموضوع انتي كيف تتخيلين حياتك بعد عشر سنين ؟؟؟

ماشاء الله تبارك الله تسخير من ربي
والله العظيم حماتي تقوله ياحيوان ويمشي وراها وان كل اسبوع تسافر مهو كل شهر
واذا مهو اسبوعيا كل شهر
يعني مستحيل يمر الشهر ماسافرت لو قريب اهم شي تمشى

وبصراحه اني مدلعته ع الاخر والله ماشاف الا الليالي والترتيب والاهتمام
الفتره الاخيره اهملت كل شي كل شي

الله يعطيكن العاافيه

ننتظر ردود الرجال😊

اتخيل حياتي بعد عشر سنوات
ماني متخيله حياتي من عرفته وانا عايشه لحالي بس وقت النوم معانا
ابتفاءل
خليني اتخيل حياتي بتتعدل بيكون كل شي ع كيفي😂
ويكون لي اهميه ووجود بحيااته
الحمدلله خلونا نتفاءل
واسأل الله انه يسخرلكم ازواجكم وزوجاتكم وانا معاكم

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

لايوجد شيء خارق للعاده تسوية الانثى لزوجها عشان تعيش مرتاحة
وبمجرد قيام الانثى بواجبها تجاة زوجها (بنفس طيبة معى اسلوب حوى) كافية جدا لجذب اهتمام الزوج والعكس صحيح ومنتضر بقية الاخوان

__________________
تمنيت حبـاً يدوم طويـلاً .. فـدام الحب وَ رحل الحبيب.

الاغلب اجمعو ع قول واحد اخلاقه وتربيته
وحظ وارزااااق

وقد ذكر الله الحظ بالقران

بانتظار البقيه

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

رزق من ربي سبحان الله ،

وأحيانًا يكون الزوج عسر وصعب بس الزوجة تعرف شلون تكسبه .. كيف ؟
يعني في رجال أهم شيء عندهم الشكل الخارجي تلاقين الزوجة تهتم بالبيت اهتمام مبالغ ، تهتم بالأولاد مايشوفهم أبوهم الا نظيفين ومرتبين ،، تهتم بشكلها ع الرغم من أنها أقل من عادية وجسمها مررة سمينة لكنها تهتم ..
وزوجها يشوفها عيونه المركّبة ماشاءالله 😍

وأحيانًا الأخلاق والروح الحلوة هي اللي تحبب بصاحبها ..

وآخر شيء واللي أكثر شيء أسمعه هو وقت العلاقة إذا ريّحت الزوجة زوجها بالليل ، ريّحها بالنهار ☺️


وبالنهاية كللللها توافيق من ربي .. والإنسان السليم يحاول أول شيء يصلح مابينه وبين ربه عشان ماتمشي حياته هدر .. بعدين يفكر بإصلاح حياته

يعني إذا زوجي سيء بفكر ببديل مثل وظيفة مرموقة ! وظيفة تكفيني وظيفة تدلعني .. ما أجلس كذا حاطة يدي ع خدي وأتذمر .. لا أشتغل ع إسعاد حياتي ..

والله كلهن موفرتهن له
وفوق ذلك الفراش مرتاح ومبسوط ويثني ويقول مسكين اللي ماعنده مثلك
لكن مجرد انه يصحى يصير انسان ثااني ومايطيق كلامي ولايسولف معااي وبس مكشر ومايبي طلبات
يبي الاكل يطيح من السما علينا


شفت عدم اهتمامه لي واهماله اهملت شوي شووووي
وهددته اني راح اهمله يقول ماتقدرين
الاخ واااثق


وظيفه وبحثت ودورت ورعم اني ممتازه وتقديري عالي لكن ربي ماكتب وظيفه الله يرزقني
احس مافي شي راح يسعدني قد وظيفتي

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

ماعندهن زوووود

ياكم رفلة حظها عند رجال وياكم ظفرة حظها عند .............

المسألة حظووظ وتوافيق وأرزاق من الله ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔