يا جماعه ضايقه فيني الدنيا
بعد اخر مشكله مع زوجي وهو متغير علي
لاني توددت له وتقربت منه بشكل كبير
بعد ما الاعضاء نصحوني اعامله بلين ودلال
رجع يومها من الدوام وانا متشيكه واضمه
وادلله واطبخ له الاكله اللي يحبها
وهو من بعدها وهو ماشي بسكه الزعل
قلت براحته وتركته
وامس بالليل حطيت له العشاء
وسألته بحب: وحشتني سواليفك.. لمتى ساكت؟
وهو عصب وجالس يجرح فيني بالكلام
يقول انتي تتودي لي لان تأكدتي انو قريبي ماراح يجي
قلت الله يسامحك لا والله بس بطيب خاطرك
واذا على قريبك على راسي حتى لو انا حامل او نفاس
ابشر ولايهمك
قال بزعل: بعد ايش!! خلاص موقفك بان من البدايه
ورفضك حسسني انو مالي خاطر عندك
وهالشي كرهني فيك وانا نافر منك
لما قال كذا بكيت
بعدين قربت منه وبست رأسه وقلت: حقك علي لاتكبرها

راح وتركني
وانا رحت انوم بنتي
جاني بعد ساعه معصب لي رميت شي بالزباله
قلت له انتهى تاريخ صلاحيته اليوم
قال ليه ماصبرتي لبكرا هذي نعمه!!
قلت احنا بنام ونصحى ويكون جاء بكرا وخلاص
بعدين قلت اوكي اسفه (بدون نفس)
وحطيت راسي عالسرير ونمت
على فكره زوجي ابدا مو بخيل لكن اذا زعل ينكدددد


واليوم الصبح كان عندي مراجعه بالمستشفى
رحت معه وماتكلمنا مع بعض من صحينا
وانا انتظرت كثير لانو زحمه.. وجاني معصب
يقول: مو معقول ساعه انتظار واحنا معنا موعد!!
قلت له مدري انا ايش دخلني غصبا عني!
ولما دخلت الدكتوره كانت توصيني طول الوقت بالجماع
لاني بالتاسع حاليا
وزوجي مالمسني من زماااان وانا ساكته لاني ما ابي مشاكل
لكن كلام الدكتوره جاني عالوجع
وبنفس الوقت الحديد ناقص ومشاكل ثانيه عندي
المهم طلعت من عندها وانا مرهقه مره
وزوجي استقبلني بتكشيره: اخيرا يا مدام خلصتي!!
ركبت السيارة وكنت امسح دموعي بمنديل
عصب وقال لاحول ولاقوه الا بالله ليش هالبكاء!!
قلت تعبانه
وهو استمر ينق على راسي
وماحسيت بنفسي وشد البكاء وزادت دموعي
وهو جلس يدعي على نفسه ويتهمني بالنكد

رجعني البيت
وبدل مايرجع دوامه لقيته داخل وراي
وانا منسدحه عالسرير تعبانه
سألني اذا يعمل لي شي اكله او يساعدني بشي
قلت شكرا مالي نفس
وجلس يسأل بهدوء عن اسباب دموعي
وقلت له مو قادره اتحمل خلاص تعب بيت وحمل
وانت ماسك لي سالفه تافهه له ايام
اللي فيني كافيني ارجوك
حتى كلام الدكتوره تعبني اكثر


انهرت خلاص تعبانه نفسيا وبدنيا
وبدل ما اشيل همي ملزومه اشيل هم الناس
واللي سافر وبيجي منطقتنا والزوج اللي مبوز ويقول كارهني

قال خلاص امس تفاهمنا
قلت انت امس خانقتني على شي تافه قبل النوم
وصحيت الصبح ولا كلمتني
وخانقتني بالمستشفى
خلاص ارجوك اتركني
ما ابغى تداريني وتحنن قلبك علي
بس اتركني بحالي ارجوووووووك ترى مو قادره اتحمل
يكفي علي الثقل والتعب اللي فيني

رجع يدعي على نفسه بالموت
وطلع وتركني ورجع دوامه

تم تعديل العنوان ليتناسب مع المضمون

احس زوجي اناني
بدل مايداريني ويحن علي بهالايام
القاه ينكد ويفتعل مشاكل ويعصب
وبعدين يتهمني اني سبب النكد
ولو حاولت اعدل الجو اتهمني اني مشيت رأيي
ولو طنشته دور له اي قصه وجاء يخانق فيها
خلاص تعبت
ترى نوم زي الناس مو قادره انام من ثقل الحمل
ومع ذلك مو مقصره ابدا معه
اطبخ وانظف واكوي ملابسه وادلعه واهتم له
وهو كان كويس معي وفجأه قلب علي
وكالعاده اذا زعل يطلعني اردى الناس
ويطلع فيني عيوب الدنيا كلها
ويقول بوجهي انه كارهني ونافر مني
وانا قلبي مجرووووح بما فيه الكفايه
وقبل شوي يرد ويقول: انا مجروح اكثر منك!!


ما ادري عشان ايش كل هالدراما اللي مسويها
اوكي زوجي حسااااااس جدا جدا
وهذا عيب متعب فيه
لكن بهالوقت الحرج مو وقته والله
بكرا بروح نفاس بيت اهلي 40يوم
تمنيت نترك لبعض ذكرى حلوه
لكن هو مصر يحسسني ويحسس نفسه انه مظلوم


اوكي واحد بيجلس ايام ببيتنا
وانا وقتها يمكن ما اكون كملت نفاس
مع ذلك ماعصبت وماقلت لا
كل اللي قلته اخوانه موجودين وانا ماراح ارتاح
لكن اللي تشوفه اعمله براحتك
وهو من هنا قلب علي 180 درجه
يقول بنت الاصول تقول ابشر وتم بدون جدل
واللي تقدر زوجها ماتقول هالكلام
قلت طيب وانت ليه ماتقدر زوجتك وتعبها!!
قال ماراح يجي الا بعد ماترتاحي ويخلص نفاسك


ناسي ان الوحده اقل شي تحتاج 6 شهور حتى ترتاح من وجع وقرف الولاده وطلبات البيبي الجديد

ان كنت ناسي أفكرك ذكري زوجك ما دام هو ناسي قرف الست شهور بعد الولادة
قوليله اهلا وسهلا بضيفك وان شاء الله اني أقدر أقوم بواجبه مع الطفل الجديد والسهر وبكا الطفل بالليل وووووووووو.

هو من نفسه راح يتراجع .

واذا عازز عليكي تروحي النفاس وانتم متزاعلين تقبلي منه تودده لك

هو لما يزعل ما يرضى ولا يتقبل منك وكل ما قربتي منه يتجبر أكثر فما تكوني مثله

ولا تندمي أنك قربتي منه وهو استمر بالدلال ..لو ما قربتي ما كان تودد لك لما رجعتوا من المستشفى وما كان حن قلبه لما شافك تبكي

__________________

اهلين خاله بيتا وحشتني ردودك
انا يمين وهو يسار
تخيلي وقتها يقول لاتطبخي ولاشي
نجيب الاكل من برا
حلول سطحيه وسخيفه.. كأن القصه اكل بس

الوحده تتحمس تطلع من النفاس
حتى ترجع لبيتها زي العروس
وممكن يكرمها زوجها بسفره خفيفه
وتغير جو بعد قرف 9 شهور
والقى هالرجال مستلمني من الحين
يبغاني اخدم واضايف الناس
واحكر نفسي بغرفتي ومطبخي
يا الله ايش هالتعاسه

مع ذلك اللي قاهرني ما اعترضت
قلت بكيفك بس انا مو متقبله الموضوع
وزعل وقوم الدنيا على راسي
انقهرت منه وتحسفت على سنعي معه ومع اهله
قسما بالله انا اكثر وحده سنعه بين زوجاتهم
وهو بعد كلمتي حسسني اني اردى الناس

يعني لا التوقيت يسمح
ولا الظرف يسمح
انا انتظر الطلق واحاتي الولاده
واخينا بالله اهم شي صورته عند الناس
ولما عصرت على نفسي ليمونه وجيته
كبر راسه زياده علي
ويلومني اليوم ليه زعلانه وابكي
اه ياقلبي

ياحياتي ألزم ماعليك نفسك وراحتك
هو الشهر التاسع لا إرادي الدموع تنزل فيه من النفسيه مانتي ناقصه
الله يحننك عليك ويفرج همك ويسهلك ولادتك وتقومي بالسلامة ياعسل

الله يساعدك بس ارجووووووك اهتمي بصحتك صحتك اهم من اي مخلوق بالوجود وربي نفسيتك الان حتأثر كثير على ولادتك انا كنت بحملي بالشهور الاولى الين التاسع اخدم من غير التعب والضغوط وتعسرت ولادتي حولوني قيصري حتى الدكتوره تقول لاهلى نفسيتها جدا تعبانه الخلاصه الى قايمه فيهم محد تحمد حتى بالسلامه


تووووووووووبه افضل واخدم واكل بنفسي على حساب احد حتى لو زوجي والله يوم طحت ماحد نفعني

ارجوك خلى زوجك اذا مو مقدر مشكلته مو وقته الان تفكري فيه

افرشي سجادتك وادعي بتسهيل الولاده والصحه والعافيه لك وللبيبي وامشي كثير واطلبيه حقك الشرعي لمصلحتك استغفري وخليك ريلاكس

الله يكتب لك ولاده ميسره يارب

قلبي معاك لازم تنتبهين على نفسك ونفسيتك بهالفتره وطااااف للكل

__________________
ان لم تستطع التفاؤل ،،
فلا تخبر أحدآ أنك متشائم .

جوووودي
اللهم امين
مشكوره حبيبتي

وكيلي الله
كلامك صح 100٪
بس حاز بخاطرك موقف زوجي
ماكان العشم منه والله
دايما يخذلني وقت ما احتاجه
بالنسبه لحقي الشرعي ما ابغاه
نفسيتي صارت زي الزفت منه
وهو يقول بالفم المليان نافر وكاره
مالي نفس ألمسه ابدا
حزينه على نفسي
تمنيت لو اني متزوجه احد ثاني اكثر رحمه فيني
حسبي الله ونعم الوكيل

كالعادة اتصل علي من نص ساعه
يسأل ايش يجيب لي عالغداء
على اساس مراعي تعبي!!
قلت له لا تتعب نفسك نزلني عند اهلي
وهم يهتمون فيني وبأكلي هاليومين
قال انا زوجك وهذا واجبي!
فجأه صار يحس بالمسؤوليه
والا يمكن يبغى يبين قدامي واهلي انه ولد اصول

وفوق كذا ادخل تويتر
القاه كاتب قبل شوي انو رأسه مصدع وتعبان

ما ادري ليه يعمل كذا فينا
يتعبني ويتعب نفسه
ويحملني مسؤوليه كل شي
ويشوف نفسه كامل مكمل

كنافه
ي بت دايما اقرا مواضيعك الاحظ مشكلتك الاساسيه الجنس والا الباقي ينحل حاولي ماتتنرفزي على اي شي طيب مادام قال وش اجيب على الغدا ياختي كان طلبتي وش تبين مشي امورك كذا ماينفع وبعدين ماالومك الوحده وهي حامل تضرب اخلاقها بس والله مو كذا ليش قلت كذا وليه وليه اسكتي خلاص انهي المشكله
والله يسهل عليك ولادتك

__________________
استغفر الله واتوب اليه..دعواتكم لي