السلام عليكم ورحمة الله وبركاته

نزلت قبل فتره مشكلتي عن عمل زوجي المتواصل

والآن الحمد لله اخذ اجازه يوم في الاسبوع ،،

اهل زوجي قبل اسبوع انتقلوا من المدينة اللي احنا ساكنين فيها لمدينه ثانيه تبعد 4 ساعات لظروف عمل عمي ابو زوجي

لديهم ابن اصغر من زوجي يدرس في الجامعه رفض النقل معهم ويريد البقاء في المدينه اللي احنا ساكنين فيها عشان جامعته وان باقي له سنتين ويتخرج

المشكله ان زوجي عرض عليه انه يسكن معنا وهو اكيد وافق ،،

انا في البدايه اعترضت لأن بيتنا صغير مارح اقدر اخذ راحتي وفوق هذا زوجي دوامه طويل واخوه لا شغل ولا مشغله طول الوقت بالبيت ولسى مابدت الدراسه ،،

الحين له اسبوع ساكن معنا واخذ كل البيت يعني انا اكون محبوسه بغرفتي او المطبخ وهو وقته بالصاله عشان التلفزيون ووقت نومه يروح غرفته

صبرت قلت عشان زوجي بصبر ،،

بس من وقت ماسكن معنا وزوجي يتغدى ويتعشى معاه ماقد اكل معي الا مره وحده ،،

امبارح صارت مشكله بينا قلت له ابغى اجلس معاك واتعشى معك ومن يوم ماجا اخوك وانت طول الوقت معاه ،،

قاال لي انه لسى ضيف لازم مايحسسه انه ثقيل علينا

قلت له طفشت وانا اكل لحالي وشهيتي تنسد

قال خلاص ولا يهمك وجبه عندك ووجبه عنده وقال بمزح حسستوني اني متزوج ثنتين وخلاص اعتبري اخوي ضرتك ولازم أعدل بينكم

عصبت وقلت له طيب والمشاركه مو بالاكل بس حتى النوم روح نام معاه وليلتي متنازله عنه له روح نام معاه ،، وقلت كلام مو كويس بحقه

ضربني كف وقال لي يبغالك تربيه من جديد

طفشت من الحاله هذي

مو مرتاحه ببيتي ما احب اصير محكوره بغرفة حتى قبل يومين زوجي كان مداوم واخوه كان بالصاله يشوف التلفزيون وانا كنت بالغرفه وطلعت منها عشان اروح اسوي رضاعه لولدي وقلت بصوت عالي - حتى الواحد وهو ببيته مايقدر يتحرك ولا يرتاح - عشان يسمع ،، وهو طفى التلفزيون ودخل الغرفه يعني سمعني بس الحمدلله انه ماقال للحين لزوجي ،،

الحين حطيت ملابسي وملابس عيالي بالشنطه عشان اروح بيت اهلي بس ماقدرت اتصل على ابوي يجي ياخذني لانه زعل مني اني كذبت عليهم وقال تجين زياره اهلا وسهلا بس مشكله بينك وبين زوجك حليها مع زوجك ولا تجين بيتنا

انا مابغى اجلس بالبيت لاني مو مرتاحه بوجود اخوه ولأن زوجي ضربني ؛؛

ممكن نصايحكم ،،

مستجدات
الرد 57
http://www.66n.com/forums/showpost.p...0&postcount=57

لاحول ولاقوة الى بالله يعني بدال ماكنتي صاحبة حق فقدتية بسبب لسانك الله يهديك
على العموم اخو زوجك لازم يشوف له غرفه ويستأجرها وخصوصا انه مطول وغرف العزاب كثيره جدا ومتوفره في اي مدينه ومن حقك انك تطالبي من زوجك ايجاد حل لاخوه ولاكن باسلوب ولو شديتي علية بأسلوب طيب وذكرتي لة كيف انك قاعدة في البيت مثل المسجونه يمكن يفهمك واذا مانفعت هالطريقه معى زوجك يوجد طريقة اخرى
روحي عند اخو زوجك وسلمي علية وبأسلوب طيب اذكري له ان بيتكم صغير وانك حرمة وحيدة وتبغي تأخذي راحتك ببيتك وماقدرتي ومن هالكلام الي يقنعه ويروح يدور له غرفة وخلااااااااص
الدعوى بسيطه لاتكبريها وتجعليها مشكلة

__________________
تمنيت حبـاً يدوم طويـلاً .. فـدام الحب وَ رحل الحبيب.

اصبري ياعسل
زمان كانوا كل الوقت مع بعض مو بس سنتين
وفيه حل حلو انكم تسوون له جلسة متكاملة بغرفته
فيها سريره وجلسة وتلفزيون ويجلس هناك طول وقته وانتي لك الغرفة والصالة والمطبخ.

من اول ماسكن وانا اتكلم مع زوجي بالموضوع بأسلوب بس مافاد ،،

وثانيا صعب اروح اسلم عليه او اكلمه احنا بمجتمع مايصير اتكلم مع الغريب حتى لو هو ولد عمي

وضعه مايسمح له يستاجر غرفه واخو زوجي الثاني الكبير قال له يجي يسكن معهم بس رفض لان علاقته بزوجي اقوى من الكبير



نبض الدان ماتعودت احد يعيش معنا عشان كذة ماقدرت اصبر

هو اشترى له ثلاجه صغيره لغرفته عشان مايدخل المطبخ وان شاء الله يوفر الباقي

شكرا لكم

لما صارت المشكله بينا البارحه قلت له يا أنا او اخوك بالبيت قال لي اخوي بيسكن هنا ومارح يطلع وانتي بكيفك

يعني هو مفضل اخوه علي

حتى يوم اجازة زوجي طلع معنا

لانه عارف انك ماراح تطلعين😊
وبعدين عزيزتي اكبر خطأ تحطين زوجك كذا ع المحك..
ترا موقفه صعب
اخوه عنده تخيلي يقوله لو سمحت اطلع!!
مو من الاخلاق ولا المرجلة
بس قولي لزوجك جهز له جناح الرجال وصلى الله وبارك
هو فعلا جداا صعب انه يكون متواجد اغلب الوقت وسط البيت لكن شوية تنظيم وتنسيق وتنحل ان شاء الله
كبريها تكبر..صغريها تصغر

ادري يانبض الدان انه صعب يقول له يطلع بس انا مو متقبله احد يسكن معنا وبعدين الشقه صغيره يعني دور واحد بس 3 غرف ومجلس وصاله عشان كذاصعب اتقبل وجوده معنا وهو مو صغير كبير يعني اصغر من زوجي بسنتين بس ،، يعني يقدر يدبر اموره لوحده

قعدته معاكم غلط ومعاج حق تتضايقين
بس ألحين هو معاكم لا هو من الذوق ولا الأخلاق ولا من حسن إكرام الضيف تقولين له چذي عشان يسمع ويقوم!!!! ترى وايد عيب ..
المفروض تتفاهمين مع زوجج مو تقولين حق أخوه هالكلام ، حطي نفسج بمكانه ، إن زوجج يقول حق اخوج هالحچي ، بترضين ؟!!!!
ثانياً حتى كلامج مع زوجج كان فيه تقليل من احترامه ، يا أختي لسانك حصانك...
والكلمة الزينه والشينه من حلج واحد ومن لسان واحد ، شخسرتي لو تكلمتي بالكلام الطيب " والله حبيبي اخوك واهلك كلهم على راسي وهم الداخلين وانه الطالعه واشيلهم بعيوني ، بس اخوك رجل وكبير وبيظل فترات طويلة بالبيت وانه امرأة ما يصير نقعد بمكان واحد لو فرضا بالغلط انكشفت عليه ووو الخ "


عموماً الافضل ان زوجج يعرف ان قعدت اخوه عندكم غلط ، والمشكلة ما تستدعي تدخل اهلج ، كلميه بالحسنى ، وهم افتحي معاه موضوع الضرب انه شيئ غير مقبول مهما كان السبب

__________________

حاجة الناس إليكم من نعم الله عليكم ، فـ لا تملوا النِعم ☁✨

ولا هو من الذوق ولا من الأخلاق بيوم اجازتنا يقول بطلع معكم

وانا ماقلت له هالكلام الا من قهر خروجه معنا وماستفدت من الاجازه شي بسببه


وتناقشت كثير مع زوجي بالموضوع هذا بس معيي يسمعني وكل كلمه والثانيه هذا اخوي له صدر البيت واحنا العتبه

أسلوبك غلط
يمزح معك وقلبتيها جد
يا أختي كل شيء تبينه تقدرين
تاخذينه بس بأسلوب أفضل
هل شاورك بسكن اخوه معكم قبل ما يوافق؟!
اذا الجواب نعم فأنتي وافقتي
ولازم تتحملي قرارك
اذا لا لازم تفهميه انكم شريكين
في الحياة وموضوع مثل كذا
يأثر ع حياتكم لازم تتشاورون فيه

بالنسبة لأخوه ليش مايسكن
ببيت اهله
او اطلبي من زوجك تنقلون
شقه أكبر عشان انتي واخوه
تاخذون راحتكم