السلام عليكم ورحمة الله وبركاتة

مساء / صباح الخير

انا مقبل على الزواج بأذن الله لكن الى الآن محتار بعد البحث الطويل البنات الي اعمارهم مناسبه لي كبري او اصغر مني يكونون أغلبهن مبزره والله ماتدري عن السنع والطبخ بشيء شغل البيت بوادي وهي بوادي ولاهن حقات مسؤولية

وكل الي ماشاء الله عليهن شايلات البيت على روسهن ومسنعات اهلهن وبيتهن ودين واخلاق يكونون اكبر مني بسنه وسنتين حظي المهم فيه وحده متردد بسبب العمر اكبر مني بسنتين انا 23 وهي 25 ما ادري ليه مسألة العمر حاولت اقنع نفسي فيها ماقدرت ودي اخطبها وانا مقتنع ومرتاح

ودي يجاوبوني المتزوجين الي مجربين نفس التجربة سوا كانت زوجه متزوجه اصغر منها ولا زوج متزوج وحده اكبر منه

هل سبب لهم فرق العمر مشاكل او خلافات او حتى فكرتوا فيه

العمر ابدا مو مهم
بعض الناس اعمارهم كبيره وعقولهم منحرفه
والعكس صحيح
انسى العمر

__________________
كن كالغيمة السخية ، أمطر على الآخرين بحسن خلقك
وامض في حياتك دون انتظار مقابل 💙

انا ما أؤيد الزوجة اكبر من الزوج ..

من سن 20 وأكثر بتكون مناسبة للزواج..!
والعمر ما له علاقة بتصرفات أو أخلاق البنت..
تعتمد كلياً على الأسرة والبيت اللي بتتزوج منه..

فيه بنات صغار وفيهم الخير تشيلك وتشيل بيتك، ست بيت
وفيه بنات كبار لكن الله بالخير هي في ديرة والسنع في ديرة..

يعني أبحث عن أسرة طيبة تربي ابنائها على الدين والعلوم الغانمة وبتلاقي إن شاء الله
بعدين طبيعي تتعب في بداية حياتك الزوجية مهما كانت البنت اللي تختارها، تحتاج وقت لكي تتأقلم معها وهي أيضاً

الله يرزقك الزوجة الصالحة

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

الله يرزقك الزوجه الصالحه

انا افضل يكون الزوج والزوجه نفس العمر او يكون هو اكبر منها بسنه او سنتين بالكثير
اما اكثر من السنتين يكون التفاهم صعب الا اذا المرأة كبرت عقلها

اما اذا الزوج يكون اصغر منها بصراحه ما اؤيدها ابدااا لانها بتكبر قبله وبعدين يروح يدور الصغيرة << مو الكل طبعا

اختي اللي زواجها بعد كم يوم زوجها اصغر منها بسنه وعلى ماسمعها ان يفهموا بعض كثير !!

اما كلامك ان الصغار مو سنعات ترى مو الكل في الكبيرة اللي ماتعرف شي وفي الصغيرة قايمه بالبيت

وبالتوفيق

انا ماعممت انا اتكلم عن البيئه الي عندي المحيط الي انا فيه البنات الي اصغر مني والله مبزره وللأسف والي لاقي فيهن كل الاشياء الحلوه والسنع والتربيه الزينه يكونون اكبر مني شي يحطم

انا ابي بنت ينشد فيها الظهر تمسك بيتها وتتحمل مسؤلية البيت سنعه مسنعه اهلها وبيتها اخلاق ودين ولا اهتم للشكل كثير
مابي بنت الزوج بنظرها ( المارد الي بيحقق احلامها الطفوليه والخياليه ) ولاتعرف تطبخ ولاتهتم لبيتها ولاشي بكره تنثبر عندي كنها مزهريه ابتلش بها

الله يعين والله دورت لين دخت

اخي نصيحه ابحث عن فتاه ذات خلق ودين والتي يريدها قلبك وتستمر معها طول العمر

هي لن تاتي إليك خادمة وانما زوجه وحبيبه !!

لا تفكر بفارق العمر ابدا

ولا تفكر اذا هي تعرف تطبخ وتنظف ومثل هذه الاشياء

انا استفزني موضوعك لاني من التي ذكرتهن لا تعرف الطبخ ولا شؤون المنزل

تزوجت وانا باواخر 18 لا اعرف شيء من شؤون المنزل حتى لدرجة غسل الملابس والطبخ

لكن مع الايام تعلمت وساعدني زوجي

لذا تستطيع يا اخي ان تاخذ من تحب حتى لو لم تكون تعلم بشؤون المنزل

انت بطريقتك تستطيع نصحها وتغيرها وتعليمها اذا استطعت

حتى لو لم تنصحها انا ارى ان الفتاه اذا دخلت الحياه الزوجيه ستتعلم بنفسها وبارادتها لانها ستشعر بالمسؤولية وتريد ان تتغير للافضل حتى لو طال الزمن شهرين 3 شهور الى سنه

الخلاصه فكر بالاساس وهي شريكة حياتك كيف ستكون بالمستقبل وليس قبل زواجك منها

المهم انك تكون مقتنع فيها هي بشخصها ليس بشغلها !!

يمكن تاخذ لك وحده هبة ريح في بيت ابوها ولما تتزوجها ماتبغى تسوي شي ببيت زوجها لانها تعبت ببيت ابوها

بالتوفيق

وليه ماتتعلمين من قبل الزواج الرجال يتعب علشان يحصل وظيفه تغنيه مستقبلاً وتغني زوجته ولاحصل وظيفه يتعب ويتحملها علشان يجمع حق الزواج
والبنت ببيت اهلها حاطه رجل على رجل وابسط الاشياء بالبيت ماتعرفها ولاكلفت نفسها تتعلمها قبل الزواج !! انا اشوف هالشي مو عذر الزواج مفروض الطرفين كلهم يتعبون علشان بعض من قبل الزواج والله ان الواحد يشيل هم ويحاول يحصل افضل وظيفه علشان بس ينبسط مع زوجته مستقبلاً ويطيح بوحده ماتعرف شي
شي يحز بالخاطر دليل انها ما اهتمت له ولو اهتمت كان تعلمت من قبل تعيش معه

انا قصدي بالسنع مو اني بعتبرها خدامه بالعكس يعني اثنين ببيت واحد مافي شغل كثير لكن كون البنت متعلمه وتهتم لبيت اهلها دليل على نضج عقلها وهذا واقع اتوقع الكل شايفه والشكاوي هنا بالمنتديات وغيرها تثبت هالشي هذي وجهة نظري

مو مشكلة.. لك الحرية بالاختيار اذا كانت هذه اولوياتك..

وكل الانواع هذي موجودة وبكل المقاييس العشوائية

بس لعلمك.. اهمال البيت مشاكله قليلة جدا بالمنتدى اذا كنت بتقارن بالمشاكل الاخرى

مثل الاحترام بين الزوجين والعلاقة الخاصة وغيرها

لذلك هذا التاهيل اهم لانك تستطيع ان تتعلم الطبخ والنفخ وغيره لكن لا تستطيع ان تعلم الاخلاق وتربي من جديد على الاحترام

وغالبا هذه الامور هي الدافع الاكبر لخراب البيوت لذلك لا تغيبها

والله محد ضربهم على ايدهم وقالهم تعالوا تزوجونا

اذا هو شاري البنت ياخذها بعيوبها او يدور على وحده غيرها

الوحده يعني ماتاخد راحتها لا في بيت اهلها ولا ببيت زوجها !!

لعلمك اللي مرتاحه ببيت اهلها وانتقلت لبيت زوجها تشتغل احسن من اللي كانت تشتغل ببيت اهلها بسبب انها تقول خلاص ارتاحت بما فيه الكفايه ولازم تتعلم 😊

وجهة نظري مو لازم احد ياخذ فيها

وان شاء الله تحصل وحده عمرها مناسب لعمرك وسنعه