السلام عليكم.. موضوع هو موضوع عادي نوعا ما,
انا طبيب حاليا و قررت الزواج من طبيبة لاسباب كثييرة
لكن مااخترت البنت ولا في بنت معينة عندي الحين, لأن وضعي الحالي لا يسمح وانتظر حتى يسمح وضعي العائلي الحالي قريبا باذن الله راح اختار البنت او اختي وهي طبيبة تختارها لي.
لكن هناك كم من الشروط في بالي واريد رأي الطبيبات فيها:-
- ان تكون من التخصصات الطبية المناسبة للزوجات ( راديو، فاملي،ديرما) لقلة الاونكولات وضغط العمل فيهم وافضل ان تكون GP في مركز صحي او دكتورة Basic science بالجامعة يكون احسن بكثييير واريح لي نفسيا.

- ان بيتي ما تدخله شغالة نهائيا حتى لو يصير عندنا عشر عيال !.. وبالنسبة لشغل البيت انا عشت عزوبي اكثر من 7 سنوات واستطيع مساعدتها بالطبخ ونظافة البيت. واحب ان اعمل ذلك في بيت ابي.

- ان تلتزم بالنقاب واللبس الساتر وان البالطو يكون واسع وتحت الركبة بمسافة كافية وتلبس تنورة. وهذي لقيت كثيير ممن يلبسون الخمار وشكلهم مرة مشرف وساتر ماشاء الله وشكلي راح اخذ وحدة منهم !..

-بالنسبة للاطفال عليها ان تأخذ اجازة امومة وتتفرغ لترعى الطفل لمدة سنة على الاقل حتى يشتد بعدين نحطه بالحضانة,
-بالنسبة لراتبها لا لي تدخل فيها وفيما تصرفه, ولها ان تصرفه كيفما تشاء. ولها مصروف مني شهري. ولا اريد منها شيء وانا لله الحمد لدي تجارتي الخاصة ودخلي ممتاز. لكن لا اريد ان ترغمني على شيء لا اريده لسبب مادي. كالسفريات مثلا قد لا احبذ السفر احيانا لارتفاع التكاليف تقوم تقول نسافر على حسابها. لا اريد هذا. وهذه امور في وقتها تنحل ونتفاهم عليها..

- في أي حال من الاحوال اصبح عملها عامل سلبي على البيت وكان لا مجال الا ترك العمل عليها ان تتركه .. ( ارجو عدم فهم النقطة غلط) اقصد انها قصرت كثيير او صار دوامها كان كثيير ومرهق جدا .. او صارت امور سلبية كثيير بسبب عملها..

وهذه شروطي وابي رأيكم فيها وهل قابلة كلها للتطبيق وهل اصرح للي اخطبها بشروطي هذه؟
تم تعديل العنوان ليتناسب مع المضمون

ياسر.. مافي بنت تفصال بالمللي

خلك مرن شوي.. انت تبي وهي تبي بعد

الطالبات المتزوجات اللي يدرسون معاي ماساعدهم بعد الله الا ان ازواجهم مرنين

انت داخل زواج سكن ومودة.. مو معركة مين يفرض رايه

اذا هي حاولت قد ماتقدر تريحك.. انت نفس الشي

بدري على الكلام بالاطفال ومين يهتم فيهم وانت توك ماخطبت..

انا اشوف انك تحط طفل عند خدامة وحدة تحت مراقبتك وببيتك اهون من توديه حضانة ماتدري مين يلمسه ومين يشيله وهو مايقدر يعبر ولايتكلم

مستوى حضاناتنا اقل من عادي ومافي شي يحفظ حقك!

واقولك شي؟ عن اذا صار دوامها مرهق

واقع الحال يقول دوام الطبيبة جدا جدا مرهق من غير شي يعني.. وطويل وفيه له سلبيات

اذا كنت مانت متحمل الفكرة.. ماله داعي تغصب نفسك

لان 80٪ ماراح تترك عملها.. لا تاخذه بشكل شخصي 😊

دايما بنقاشاتنا على هذا الموضوع نقول.. اننا ماتعبنا وسهرنا وضيعنا شبابنا ورغباتنا ووناستنا ومرضنا نفسيا وجسديا وفوتنا على نفسنا متع كثيرة عشان يجي فلان من الناس يهد تعب السنين كله
و يقول اقعدي بالبيت مابيك تداومين ماعجبني..

ولا بلاها زواج 😊

ما اختلفنا باول كلامك.. انا مو فارض رأيي.. انا فقط اقول الي ابيه وبالنسبة دوام الطبيبة مرهق كثير صح. لكن مو كل التخصصات قريباتي تخصصاتهم مثل ديرما وسايكتري مرتاحين .. غير طبعا يكونو نيوروسيرجري او كذا..

بالنسبة الى الشغالة مستحييل اخلي عيالي عند الخدم بعد الي شفناه وسمعناه من المصايب من الخدم, وصراحة بعد الحرمة كليا عن شغل البيت يقلل المودة بين الزوجين.. حلاة الحياة الزوجية لما اشوف حرمتي مهتمة بالعيال واكل لقمة من طبخها واشرب شاي من يدها..

بعدين بداية الرضيع لازم احد يهتم فيه على الاقل لمدة سنة.. بعدين يا احطه وقت الدوام عند امي او عند الحضانة. ويمكن صح الحضانات مو بالمستوى الي نبيه.. لكن امي موجودة وراح اكون قريب منها.

بالنسبة انها تترك شغلها لا ان شاء الله. لو بيصير كذا كان اصلا اخذت ربة بيت ولا اخذتها.. كنت اقول في ظرف خاص وضروري تترك الشغل وهذي الحرمة هنا لازم تقدر ولا تحط وظيفتها على حساب بيتها..

ومن رأي الشخصي من خلال ما شفته من الطبيبات المتزوجات الي شفتهم.. انهم يقولو ان البنت في البداية تقول طموحها اهم شي ووكذا لكن بعد ما تتزوج وتجيب عيال بتحصل عيالها هم طموحها وتربيتهم هي هدفها.. وهذا هي الفطرة لأنو من رأي الشخصي انو وظيفة الحرمة الاساسية هي تربية الاجيال !

وبالنسبة بلاها زواج. شوفيهم بالمستشفيات ياكثر الي جالسين في بيوت ابوهم .. يعني احس ان حياتهم جالسة تروح هباء

ابيها طبيبة لاسباب كثيرة منها انها ابي وحدة من نفس اهتماماتي ونفس تفكيري وتكون ذكية وتفهم. وبرضو افضل في تربية العيال. وايضا وظيفتها تقدر تتركها متى ما تبي وتقدر ترجع لها وقت ما تبي لو قلنا انو حصل ظرف طاريء وكذا..

بالنسبة لربات البيوت حاليا الوقت هذا لا ينفع صراحة لأنو جلسة البيت فضاوة مو كويسة وتخلي الحرمة مو مرتبة وقتها وتقضي وقتها سهر . وايضا انو انا انسان بيتوتي ولا احب الطلعات .. وهذي ربة البيت بتكون طفشانة تبي تطلع وانا ابي ارتاح جاي من الدوام.

اجدها شروط معقولة
بالتوفيق

__________________

يعطيك العافية.

ما قلت تترك وظيفتها .. لو ابي تترك وظيفتها كان ما اخذتها.. بس اقصد ان صار شي طارىء. وبعدين الطبيبات يقدرو يرجعون متى ما يبون مو مثل الوظائف الثانية..
الشغالة ما فيه حاجة وتنظيف البيت انا بساعد فيه.. وفيه شركات تنظيف يجون بآلات خاصة.. وجارنا امام مسجد ماعند شغالات وبيته كبيير. ويجيب شركات تنظف والبيت يلقلق نظافة.. ما راح اطلب منها فوق طاقتها.

بالنسبة للعيال انا استغرب صراحة تبون العيال يربونهم الشغالات .. للاسف ! هذي تربية الشغالات نشوفهم بالشوراع الحين وشوفو مصايبهم من قتل وتحرش وبلاوي !..

شكرا لك.


ما تزوجت شغالة انا عشان تكنس وتنظف. بعدين شقة راح تكون... وش الحاجة لشغالة.. ممكن لو صار عندنا بيت كبيير ممكن افكر وهذاك وقتها راح يكون القرار.. وانا سألت اكثر من خمس اطباء كبار زوجاتهم طبيبات وكانو مبسوطين جدا.. لكن نصحوني بالتخصصات التي ذكرتها. الشيء الثاني انتي مقتنعة ان يربو عيالك الخدم ؟ ... صراحة لا تعليق ! للمعلومية تراكم تقدرون تتركون الووظيفة وترجعون لها ولو بعد سنين عادي خلافا للوظائف الاخرى !

بعدين الي فضلو وظيفتها على بيتها وفضلت الانفصال .لا اعتقد وحدة عاقلة تسويها الا اذا زوجها كان سيء ! اما اذا كان الزوج طيب وكويس تقوم تفضل وظيفتها وطموحها على بيتها ! وش الفايدة كملت طموحها وهي بلقب مطلقة وجالسة ببيت ابوها ؟ تتوقعي حالها افضل من ان كانت ربة بيت وعند عيالها وفي بيتها؟ .

اعرف واحد متزوج وحدة موظفة بادارة شركة. وحياتهم كل واحد بطريق لا يتقابلون الابغرفة النوم اذا كنتي تبي هذي الحياة فاقولك انها ما تنفع لأنو المودة تضعف وتروح. وبالنهاية انتي راح تخسري !..

انا ما طلبت تشتغل بالبيت وقايل بساعدها وراح تكون شقة اصلا, وش كبر البيت عشان يكون متعب. وشغل البيت مو يومي كل اسبوع تنظيف والوضع اوكي ! وصح التوافق الفكري هذا ابيه. وبعدين تكون انسانة واعية وعارفة وين مصلحتها.

بعرف هو شغل البيت يوميا بيكون؟ لا. كل اسبوع بالترتيب والجدولة وتنظيم الوقت راح يكون سهل ,, والبيت اصلا بيكون شقة. بعدين اذا كان فيلا ممكن نستعين بشركات التنظيف مثل كثييير من الناس يسوو..
وصح ربات البيوت اذا مافيه شي يشغل الفضاوة تجيب البلاوي والطفش وتكيات النت الي ما لها اي فايدة.

لماذا اخذ ممرضة او غيرهم .. هذولاك دوامهم متعب اكثر وشفتات ليلية اكثر.. ووضعهم غير مريح بالنسبة لي.

ماطلبت تترك شغلها.. قلت في حالة طارئة.. يعني اذا بتكون انانية وبتقول شغلي ! صراحة بيت ابوها اولى فيها !

معلوماتك قدييييمة للاسف يا اخي.. لا يوجد الحين وظائف للمعلمات في المدارس الحكومية. الا الف كيلو عنك. هههها يعني بتاخذها معلمة مدرسة اهلية في الغالب وراتبها ما يسوى شي ويكرفون والدينها بانواع الشغل الي لازم تسويه بالبيت هذي عن تجارب لاصدقائي. تورطو بالمعلمات.. الحين لا يوجد موظفات سوا القطاع الصحي فقط . البنوك والمدارس اصبحت متشبعة.. ممكن تحصل وحدة مدرسة بمدرسة حكومية انا اهلي دورو بالمدارس الي جنبنا وسألو ايضا قريباتنا المدرسات... حصلو معلمات لكن كبيرات في السن ولا عجبو اهلي ..

بالنسبة للخادمة ما ابي تربية الخدم لعيالي. اسال المعلمين اصبحو يشتكون من تربية العيال التي واضح انها تربية خدم وبعدين المصايب وحوادث القتل الي كل يوم نشوفها. الواحد يبعد عن البلاوي ويفتك.

هذي عقود شركات الله يهديك
اخي من جدك طبيبه تعبت وتعبوا اهلها وخرجوها
وخذتها جاهزه مجهزه تترك وظيفتها
سؤال ثاني وش اعتراضك على الشغاله
لا هي عيب ولا حرام ولا من علامات المرجله ان بيتي ما تدخل الشغاله
زادو العيال والمسئوليات اجيب وحده تريح زوجتي وتريحني
بعشر اولاد وطبخ ونفخ وين بيكون الدلع وتنفيذ طلبات الزوج و اللحظات الخاصه بينهم
بتلقى نفسك من تعب الدوام الى تعب البيت والعيال انت تركض وزوجتك تركض ومو ملحقين
واصلا مستوى الحضانات عندنا متردي
تحسب نفسك بامريكا
اللبس اطلب اهلك يشوفون لبسها بمقر عملها
اذا لبسها ستير ماله داعي تشرط ماراح تغيره بعد الزواج
خلك مرن ولا تحاتي كل نقطه من الحين
الله يوفقك

حتى الشروط بعد الزواج قد لا تلتزم انت بها
استخير وربك بيكتب فيه الخير

مايصير تبني على سمعت وشفت

اي مراة عاملة غالبا ماراح تقصر اذا كان وقت فراغها طويل.. وعيالها اكيد بتهتم فيهم

ساعات الفراغ القليلة تحتاج ترتاح فيها مو تكنس وتنظف..الخ

هي مو الة بالنهاية

لان الموضوع مو شاي او اكلة تسويها وانتهينا.. اللايف ستايل يفرض علينا هالشي

بيوتنا كبيرة والحياة الاجتماعية متوسعة ومتعبة.. لذلك تعتبر شي اساسي مو كمالي

ومايسوى ابد تشقي امك عشانك مقتنع بامر معين.. لو بتحطه مع خدامته نقول معليش

انا برضو اعرف اكثر من طبيبة خيروهم ازواجهم بين الانفصال او ترك المهنة

واختاروا عملهم وفعلا انفصلوا 😊

قلنا بلاها زواج اذا ما كان في شخص مقدر ومراعي..

هالحكي كنت بقوله حتى لو ماكنت ادرس طب 😊

عموما حكيك بيتغير لما تتزوج صدقني