السلام عليكم

انا محتاره جدااا وما ادري وش اسوي
توقف التفكير عندي
واتمنى من اهل العقول الحكيمه مساعدتي


زوجي الحبيب من بدايه زواجنا اكتشفت ان له علاقات وان عنده جوال ثاني ولابتوب بعد في السياره

المهم صارت سالفه طويله واعترف بعد ماكشفته وحلف لي ووعدني ان ماراح يتكرر وانتي الحبيبه الغاليه



وتكرر

وحلف ووعدني واشترطت جواله يكون مفتوح وافتحه متى مابغيت ووافق اهم شي اني ارضى


والحين صار له فتره جواله عليه رقم وحاط عليه لاصق غامق ولما سألته قال ان واحد زميله ملقوف في الدوام
يشوف وش قاعد يرسل !!!!
والجوال في البيت عالصامت ومقلوب

وياخذه معه الحمام ويقعد ساعه ويتعذر انه يدخن في الحمام ويطقطق عالجوال

لكن اللي خلاني اقطع الشك باليقين انه متغير علي من ناحيه العلاقه مو زي قبل مقل مره واذا تكلمت معه
يحسسني ان الوضع طبيعي واذا حشرته بالاسئله قالي ضغوط في العمل !!!!

امس كان جوالي مفصول وابغى اجري اتصال ضروري وكان نايم واستغليت الوضع وجيت قومته وطلبت جواله عشان اكلم وفز من السرير وارتبك واعطيته الجوال يفتحه لانه برقم وحاول يماطل فيني انه بيكلم
بس قعدت له قعده قلت كلم وانا انتظرك هنا ههههه

كلم مكالمه واضح انها مالها داعي بس يبغى وقت اطول يمسح شي
اخذت الجوال ورحت غرفتي ولحقني ويدور في الغرفه ويقولي خلصي وواقف فوق راسي
طبعا شفت برنامج شات هذا اللي امداني اشوفه
واخذ الجوال مني
انا هنا سالته ليش مرتبك في شي بحوالك ماتبغاني اشوفه
قال لا واخذه وحاول يطلع بسرعه وملقيني ظهره

انا هنا انفجرت وقلت كل شي اني شاكه فيك وانت اصلا مو كفو توعدني وتخلف
وكلام طويل اخر شي قلت له انا ماعاد ابغاك طلقني

قهرني
من كثر مايكذب ماعاد اثق فيه
كيف اتصرف معه الحين من امس وانا سافطته ولا كانه موجود وقفلت علي ونمت لحالي ولا اطالع في وجهه
وهو كالعاده يبغى يراضيني
ومطلع نفسه مظلووم وانا اتبلا عليه بس على مين

كيف اتصرف الحين مع هذا الرجال
تعبت منه

(تم تعديل العنوان ليتناسب مع العنوان)

انا اكتب وانا جدا متضايقه
اي استفسار انا حاضره

والله مدري اش اقولك
ما دام فتحتي الموضوع كملي لكن الزعل وقفلت الباب ما بتحل شي
بالعكس يمكن تزيد الفجوه بينكم وينبسط انك عطيتيه جوه..

لا تنسين الدعاء..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

شكرا ملاذ

حتى انا ما ادري وش التصرف المناسب مع نوعيه الرجال هذي

بس الحسنه الوحيده ان زوجي من النوع اللي يخاف ويبان عليه حتى لو انكر
احس استنفذت كل الحلول معه الزعل وتدخل الاهل ورحت لاهلي

اخر حل استخدمت التهديد بطلب الطلاق
الله يعيني بس

ودي بكلام قوي ممكن يهزه

أهلا أختي نوارة الخميلة
بصراحه اللي مثل زوجك لا ينفع معاه لا ترهيب و لاترغيب
لانو لو دخلتي أحد في الموضوع راح تزيدين الطين بله
مالك ألا أنك تصبرين وتدعي الله يهديه أو الانفصال عنه

بصراحه أكثر هو أكيد كان قبل الزواج عنده علاقات يعني أتوعد على جو المغامرات
الله يهديه و يهدي كل ضال و يرده لكي رد جميل

اخي فارس مكة

شكرا لردك جزاك الله خير

انا فعلا بدأت افكر في الانفصال
لان مايمديني انسى خيانه الا والثانيه وراها
شعور متعب ومؤلم جدااا لما تكون مخلص وماتبغى تهدم بيتك وتخسر حياتك الزوجيه بس تنحد

انا صرت احس كل الرجال كذا الا من رحم ربي
كرهت جنس الرجال كلهم

للمعلوميه
يمكن تحسوو الموضوع منتشر كثير ومو بالقوه اللي توصل للطلاق
بس انا ماعندي اطفال وانا سليمه الحمدلله وزوجي اللي يتعالج
عشان كذا احس بجرح كبييييييير ومؤلللم

الحمدلله

الله يعينك
المواجه مهب حل .. لانه راح يكذب عليك وانتي جربتي اكثر من مره
زوجك يعاني من فراغ عاطفي حاولي تملينه ...
ارسلي له كلام حب على جواله لان شكله يحب العلاقات الالكترونية

وواضح انك تهمينه ومايبي يخسرك عشان كذا يكذب عليك
لا تهاجمنه عشان مايجرحك او يتمادى لان كل ممنوع مرغوب
سايريه وأملي فراغه ... والله يعينك ويصبرك

^^^

اي فراغ يا اختي الله يهديك اقولك ماعندنا اطفال يعني وقتي كله له
هوو اللي يحاول يتهرب ويختلس الوقت عشان يسوي سوالفه

كالعاده المرأه هي شماعة اغلاط الرجل