السلام عليكم ورحمة الله وبركاته
انا عضوه جديده عرفتني عليكم صديقه لي وقالت انه باذن الله تقدرون تساعدوني في مشكلتي وكلي رجاء اجد الحل عندكم ..
انا انسانه اتمتع ولله الحمد بقدر كبير من الجمال والثقافه متعلمه محبوبه ولله الحمد عند الناس
متعاونه وصبوره ومضحيه وكثير اقدم مصلحة الاخرين على نفسي ..
بالمقابل عصبيه وحساسه كثير ومن عيوبي خوافه جدا من كل شيء تقريبا لااشعر بالامان مع الاخرين
متزوجه من رجل احبه كثير وهو بالمقابل يحبني
من مميزاته ..
حنون وكريم ومتعاون..
ولكنه كثير يشعرني بالنقص ودائما يشككني في حب الاخرين لي ويحاول قدر المستطاع ان اعيش في توتر
مع من هم حولي ..
عصبي جداا واذا فقد اعصابه يتلفظ بكلمات يجرحني فيها كثير
اذا غبت عنه عند اهلي مايسال عني بالاسبوع والعشره ايام واذا عاتبته يقول انت عند اهلك ولاتخافين اذا متي
او صار شي بيوصلني خبر واذا انا مت بيوصلك خبر.
وقفت معه ماديا ونفسيا كثييير ولكنه ينكر مواقفي ولايذكرها ابدا وكأنه من واجبي اسوي هالشي
نفسيته متقلبه كثيير واذا صارت نفسيته تعبانه تطول معه الحاله يعني اسبوع من الشهر يكون رايق وباقي الشهر زعلان ومعصب ومايتحمل مني اي كلمه
واذا صارت نفسيته تعبانه ينام في مكان اخر بالبيت غير غرفة النوم في الصاله او في احد المجالس
واي موضوع نتناقش فيه لازم ينتهي بمشكله عظيمه ودايم يحط اللوم علي انه انا مااعرف اناقشه واني مغروره وشايفه نفسي عليه ..
اي قرار يتخذه مايشاورني فيه وكأني غير موجوده ودايم يقول انت تابعه لي ومالك رأي انا احدد وانا انفذ
المشكله اكثر قراراته انا ادعمها ماديا كوني موظفه ولا لي اي رأي ..
مايحترمني لا بيني وبينه ولاقدام اهله وكثير يطلق تعليقات علي قدام اهله واذا زعلت قال انت نفسيه وماتتقبلين المزح ..
في احد المرات بسبب اهماله قلت له طلقني انت غير سعيد معاي قال مستحيل اطلقك انا احبك ولو تبين الطلاق روحي اخلعيني ..
تعبت من تناقض شخصيته وماعرفت كيف اتعامل معه اتمنى اجد المساعده عندكم والله يجزاكم خير
واعتذر عن طول رسالتي
14-12-2014, 02:23 PM
ضوابط المشاركة
العرض المتطور