سبق وكتبت مشكلتي مع خيانة زوجي واجهته ومرت بسلام
ووعدني وعوضني وحسسني بكل شي حلو طول الوقت ، لانه كان جنبي طول الوقت واشغلني وخف تفكيري ب الي شفته بس مجرد. مايبعد عني ارجع افكر انه يكلم او طلع مع بنت
طول الفترة هاذي جوالاته صارت بدون قفل شفت مصااايب نسى يحذفها بس كلها قديمه
عرفت انو يغري البنات بفلوس وهدايا علشان يطلعون معه
حاولت اتجاهل واصبر نفسي انه تركهم خلاص زي ماوعدني
وامس انشغل بعمله ورجع الليل ومادري ماحسيت براحه بتعامله معاي لما صحيت الصبح
لقيت رسالة واتس غريبة كانها تكملة كلام وتأخرت والكلمة وحده هي بس وسخه من البنت الي كان يتكلم معاها قبل و مرسله الصبح وهو نايم حذفت كلامها وكان ماصار شي
ولما مسكت جواله مره ثانية لقيته مبلكها ،، ف شكله طول. الوقت اذ جاء عندي بلكهم واذ طلع شال البلوك
والمره هاذي نسى
المهم ارسلت لها واتصلت عليها وجوالها مقفل ولا عرفت كيف ارجع الحظر مره ثانية زي مو مسوي زوجي ويمكن ردت عليه الحين وعرف اني شفت رسالتها
واكتشفت انه ضاف رقم جديد لها لان وقت ماكشفت خيانته لي كان ضايف رقمين للبنت
وجهة اتصالها الحين من التوب في قائمة بحث الايفون هذا ايش يدل عليه؟ والبنت عرفت من المحادثات القديمه انه يعرفها من سنه ويقابلها في بيتي زمان
بعد كل هذا لمحت له شي بسيط واخذ جواله ويسألني ايش شفت قلت له انت تدري
وبرر انو مافي شي ويقولي ليه مارديتي على البنت طيب يوم شفتيها مرسله
يحاول يبين انه مافي شي شوي وطلع برا البيت
انا خلاص ماعاد اثق فيه وتعبت منه حررق قلببي باللي يسويه
اتصلت على اهلي وشلت اغراضي المهمه
ولما رجع للبيت ولا شافني اتصل ع اهلي وقالو اني عندهم جاء وقالي اطلعي بسرعه
انا رفضت راح وارسل لامي يقولها اني طالق اذ ماستأذنت مره ثانيه منه وطلعت من البيت واذ مارجعت له بكرا
ورديت عليه برسالة اني مراح ارجع واللي شفته منه ومن خيانته ،، ورد ينكر ويحلف انه ماستمر ومستغرب

انا حامل وفي شهري الاخير
كل شي صعب علي لا اقدر ارجع بعد الي سواه. ولا اقدر اجلس عند اهلي
انا لازلت احبه وفي اخر مشكله عرفت اني متعلقه فيه مرره وكانت نفسيتي مره سيئه طول وقتي بالي معه ولا اكل ولا انام
في نفسي ودي ارجع بس كرامتي تمنعني وكمان لما افكر هو قد قابل بنات لييه انا افكر استمر معاه ليه انا كذا ويهدد بالطلاق وهو قاعد يخون مفروض اكرههه
ولاني حامل ابي ارتاح بسرعه بضر نفسي وبضر الجنين
ابي اكون قوية وارضى بالطلاق وانساه
ساعدوني

طيب يمكن هي ناشبه له ومو راضيه تفك عنه !! ترا وربي البنات لززززقه اذا لقت اللي يعطيها وجه ،، حتى لو عافها بتضل تركض وراه ...حبيبتي دام حياته كلها خوف وتردد ومره يبلكها ومره يشيل البلوك اتركيه بهالاضطراب مصيره يمممل،،احياناً ابن آدم يركض ورا الممنوع يصير عنده مرغوب .،يشوفك تدققين وراه وتقولين له لاتكلم واغار ومدري ايش ويزين هالشي بعينه،،،نصيحه: التغابي نعمه كبيره لايعرف معناها الا الاذكياء،،تجاهلي تصرفاته ،،وخليك على الجانب الحسن اللي يظهره لك..بيني له انك قويه ومو ميته عليه سواء خانك او لا بنفس الوقت(اشبعيه ع الفراش) و( قومي بواجباته من طبخ وتنظيف) اما سالفة كل شوي احبك واموت فيك و هل تحبني؟؟ وليش تخونني؟؟ انسيهاااااا

حبيبتي عشان تكونين عايشة بالواقع وان كان مر
ترى بتحصلين خياناته مره ومرتين وثلاث ومليون مره

لانك سكتي تتكلمين عن الخيانه وتسكتين بعدها طبيعي هو بيشوفك بارده وماعاد دققتي بيسوي الي بباله

من خان مره بيخون مليون مره حتى يتوب

ومايتوب لين يشوفك حازمه وصارمه بالموضوع وش تستفيدين من التشكي هنا وهناك ساكته

اذا انتي جايه تفضفضين علمينا عشان مانتعب انفسنا بالكلام ونستمع ونرد على قدر الفضفضه
وان تبغين فعلا مساعده اسمعي كلام الاعضاء كما نصحناك سابقا

اطلبي من زوجك ان يغير رقمه وان يبتعد عن هالمراءه
واطلبي منه ان يبقي تلفونه مفتوح ان كان واثق في مايعمله

اخبريه بعلمك بخيانته وانها مره وانك لاتستطيعين ان تتحملي امر خيانته وكوني شدديدة لان النقاش بامور جدية لاحتمل البرود فيها

اختي شخصيتك اظهريها وكوني انتي
اخاف بعد ولادتك ترين منه صده بالكامل والخيانه تكبر

قابلها في بيتك؟!! في بيتك!

مدري شقول صراحه مبين إنك تبين ترجعين ومستعده تتغاضين

إللي مايخاف من الله ماراح يرده شي وهو رجل محصن

جابها بيتك وش يسوون يشربون قهوه؟!

مابي أزيد كلام من باب قل خيرا أو أصمت

الله يكون بعونك

ماسكت على المره الاولى كنت انوي اتركهه وجهزت واستعديت وهو شك وبعدين واجهتهه
كانت مواجهتي قوية بس مجرد مابكى قدامي ضعفت وسامحتهه
والحين حاسه بتأنيب ضمير ممكن اكون ضلمته وهو فعلا ترك البنات
رغم الي شفته واضح بس اضرب احتمالات عليه ( اضافة رقم جديد للبنت نفسها وآخر محادثه كانت كلمة للبنت نفسها الي كان يطلع معها وانو هي في قائمة التوب) هاذي اشياء تدل انو استمر بس اقول يمكن في شي مو فاهمتهه بالموضوع واني ضلمت لانه رد علي مستغرب ويسأل ويحلف انو ماخاني
ثاني شي اذ مارجعت له اليوم اعتبر طالق ومن المستحيل ارجع له بس يحزني ويحرق قلبي منظره امس لما جاء عند اهلي ويقولي تعالي وانا رفضت وكنت بارده جدا ولا ارد عليه وطلع وهو زعلان
وبكل سهولة يقول طالق اذ مارجعت له اليوم
مابي تكون نهايتنا بهاذي الطريقة,,

المقابلات قديمه والمحادثات الي شفتها وقتها كان بيننا مشاكل واكون عند اهلي
الا مع بنت كنت عنده كل هالكلام بالخيانه الاولى ومرت زي ماقلت ورجعنا لبعض بس هو مايدري ايش شفت بالظبط
ف الحين مابي ارجع الماضي لانه خلاص واجهتهه فيه
مشكلتي الحين مع الي ذكرته كله بالموضوع

هو يقولي طالق اذ مارجعت له اليوم, قلتله اني مراح ارجع لك وقلتله بموضوع الخيانه
ورد يحلف ومستغرب واني تعجلت جدا .. كيف ممكن ارد عليه الحين؟
مابي اللوم يكون علي في طلاقنا

يااختي ارجعي البيت واقصري الشر
ارجعي بس عشان لا يقع الطلااااق وبعدين احردي براحتك
تاكدي ميه بالميه من الموضوووع وامسكي عليه ادله مقنعه بعدين اطلبي الطلاق وما احد يلومك خصوصا لو كان بينهم علاقه جسديه وببيتك
تعوووذي من ابليس وارجعي مو ضعف ولا خوف بس خراب البيت مو هين والله

مشكلتك من البدايه إنك بحثتي وراه

إذا مقرره ترجعين عمرك بحياتك ﻻتفتحين جواله وتراقبينه

خليه يخاف من الله مو منك

تبين ترجعين إرجعي وتواصلي معنا من هناك ﻻتتخذين قرار إﻻ وإنتي مقتنعه فيه

الرجوع صعب لانه طلق على شيء بسيط مايستحق الطلاق ولانه بيشوف اني بكل سهوله رجعت له بعد ماهدد بالطلاق وبعد ماعرفت بخيانته وكلمته عنها
وارجع له؟؟ وانا اللي كنت شايله اغراضي علشان خيانته ارجع له! ,, كذا برجوعي مراح يحسب لي حساب