مشكلتي ليست في كبر حجمها بل في تكرارها...
اعاني جداً من بعض صفات زوجي رغم حبي واحترامي له انا 29 وهو 41 ..متكبر /يهتم بلبسه وأناقته بشكل مفرط /يسخر من الناس ويعايرهم بما ليس فيه ...كثير المدح في نفسه وأهله وكثير النقد والمعايرة لغيرهم ..يحب السيطرة والتحكم في مالايخصه لايأخذ بمشورتي بمايخص البيت كاختيار الاثاث والاولاد كإختيار ملابسهم إلا بمشكلة ..عنصري دائما يجعل الحق مع من يحب والخطأ على من يكره حتى لو تبدلت الأدوار لا يتغير رأيه ...وكثير العبط (يعني وقت المواجهة ينكر ماقد ذكره لي من نقد أو معايرة لغيره ....يقول انتي تتوهمين أنا ماقلت كذا )

لايتضايق إذا أهملته أو أهملت البيت لايغضب اذا خرجت من غير إذنه واتأخرت ومواقف كثيرة تحدث لي لايسألني عن أسبابها وتبيعاتها و المشكلة الغريبة معه ..لاينظر لي وانا اتحدث او اتزين او البس ...(شكلي مقبول جداً وجسمي مقبول جداً لااعاني لا من سمنة ولاضخامة ولامن ابتلاء خلقي والحمدلله ،وزواجي تم عن طريق امه واخواته شافوني في مناسبة من غير مكياج ، وهو شافني شوفة شرعية وأعجب بي على حسب كلامه أيام زواجنا الأولى .وغالباً اذا تحدثت معه في أي موضوع وأكون داخلة جو يقاطعني و يعطيني ظهره ويذهب لبعض شؤونه...واجهته وعاتبته ...جوابه اسطوانة متكررة ...انت تتوهمين ..انتي ماعندك ثقة بنفسك...انتي موسوسة...المفروض تفرحين لأني مريحك ومعطيك حريتك ...احنا لين متى على هذا الحال ...خلاص كل واحد يمشي في طريق ...وهذا حاله يكابر وعلى أسباب تافهه يصدمني و يلمح بالانفصال ...

حاولت أن أصبح مثله حتى يكون هناك توازن في حياتنا ونقلل من المشاكل وفعلاً قللت الكلام والاحتكاك معه أوقفت جميع أشكال الإهتمام به اتجنب النظر إليه وأقاطعه أثناء كلامه لأرد على الجوال ولاأرجع له ولم يتأثر أو يغضب كبتت مشاعري واحتياجاتي العاطفية لم أعد أحزن أو أتضايق من إهماله وتهميشه لي ..ومن شدة الكبت جاتني الام في الصدر اشبه بالرضوض ...كتمة وضيق في التنفس...صعوبة في التحدث ولعثمة فقط معه ...فزع اثناء النوم وكوابيس ..وانطوائية وسلبية معه ...وهو مازال يحملني المسؤولية وانه برئ وماقصر معايا وانه كل مشاكلي معاه أوهام لاوجود لها ...


ايجابياته كريم مادياً /خدوم/ محب لأولاده /ليس عصبي بل جداً بارد /ينسى او يتناسى مشاكلنا / اجتماعي ومرح مع الناس/


وكيف أتأقلم معه بدون أضرار نفسية وصراع
خصوصاًأني أصبحت وقت العلاقة اتظاهر بأني طبيعة وفجأة أسقط في نوبة بكاء أحاول أيقافها ولاأستطيع

مالقيت مشكلة تستدعي المرض النفسي!!!!!!

__________________

لأني ماتوسعت في الأمثلة ماحبيت يكون موضوعي طويل ومحد يقراه

أعطيك مثال :مرة حبيت اسوي له مفاجأة ورحت معاه محل ساعات وقلت له اختار أي ساعة هدية مني لك
واشترى له ساعة وطلعنا من المحل لا شكراً ولاجزاك الله خير وجلس يحكيني عن زوج أخته اللي اشترى لها ساعة بسبعة الآف وانا ولاشكرني ولاقال هيا دوري اختاري وانا احاسب

قلت لك هي مواقف مي كبيرة بس كثيرة كرهتني بشخصيته

تبينه يرد الهدية لك بوقتها؟!!
تبين مقابل عاجل بكل شي تسوينه؟!
عمرك ما رح ترتاحين كذا
طيب ممكن لما ما شكرك انت جبتيها بمزح وقلتي له طيب لا شكراً ولا يعطيك العافية ولا شي؟!
او اي طريقة ثانية
حبيبتي
فكي انت شوي ولا تدققين بتصرفاته
هو ثقته بنفسه عاليه وعايش حياته
وانت مركزة عليه وحاطته تحت المجهر
كان ما لك حياة ثانية؟
كلام الاخت اللي قبلي سليم وجميييييل جداً
طبقيه وبترتاحين
انت مو ثقيله
بس هذي المشكلة

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

لا ابشرك تعرفين وش رده دايم لمن أسوي له شي
يقولي مو قليلة في حقي لو مااستاهل ماكان اشتريتي لي لوما اني طيب معاك ماكان سويتي وحطيتي
وانتي ماجبتي شي خارق كل الحريم كذا يحبون يدلعون ازواجهم
كل شي عنده مردود وكل شي عنده له مبرر له عذر له سبب ....سؤالي كيف أتأقلم مع عقليته

خخخخخخ
وانت تزعلين اذا قال كذا؟!
يا بنت الحلال اقلبيها لمزح
اضحكي
طيب قولي له " لو ما تستاهل كان ربي ما زوجك وحده مثلي؟ اكيد تستاهل!"
وخلاص صرنا خالصين ، هو واثق من نفسه وانت نفس الشي
باختصار انت بسيطة وواضحة وهو مللللكع

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

زوجك اسلوبه غير جميل بالتعامل معك
لكن سببلك عدم ثقه بالنفس
انتي كويسه وكل شي فيك اوكي
لكن قوي ثقتك بنفسك
ولاتهملينه
واعرفي سبب اهماله وبعده عنك ايش
ويمكن هو ماتعجبه طريقه كلامك
ماادري
حاولي تغيرينها
خذي رأي احد من المقربين في طريقة كلامك وشخصيتك
ويكون بدون مجامله
مثلا اختك او صديقتك
وحاولي تطورين نفسك
وتخرجين من البيت وعيشي حياتك
اشتغلي ادرسي خذي دورات

شوفة نفس لاأكثر ولاأقل ...يعني مابيعجبه شي
وانا فعلاً حساسة وفاقدة الثقة بنفسي من الداخل لكن أتظاهر بعكس ذلك
وحين اهملته لم يهتم ولم يتغير عليه شئ إطلاقاً
والحمدلله على كل حال

زوجك ماضج وشخصية رزينة وواثق من نفسه بزياده
اعتقد المشكلة ان زوجك شخصيتك مو عاجبته عشان كذا يتم يمدح نفسه ويزيد اهتمامه بنفسه لاجل انتي تسوي مثله
ياختي حبي نفسك اكثر من اي شي وخصوصا اكثر منه
لاتنتظري احتياجات عاطفيه منه بادري انتي
خليك ملكة نفسك دلعي نفسك مارسي هواياتك اضحكي فرفشي في نفس الوقت عاملي زوجك باحترام وولطف لاحظت قلتي انك تردي تلفون اثناء كلامه لعل ينتبه هو كاشفك ومنتبه لحركتك بس مشها لك لانه شايفها حركة تصنع ومحاولة استفزاز
بالعكس خليك لبقة معاه محترمة واستغلي كرمه والحرية الي معطيك اياه في اشياء تفيدك
احضري دورات روحي تسوقي سوي مساج كل ماحسيتي بتوتر انشغلي عنه بقناعه مو تسوين كذا عشان ينتبه لك لا سوي كذا لان انتي حابة كذا
لا تحاولي تجادليه وتناقشيه ليش ماتهتم ليش ماتسوي
اتركيه وحاوليه تجذبيه بشخصيتك الجديدة

وخففي ع نفسك الضغط والكبت اهدي وفكري بروية الله يفرجها عليك ويصلح لك زوجك

بعدت عنه وجمدت مشاعري واوقفت التفكير فيه منذ سنين لذلك طفحت الحاجات المكبوتة على شكل عوارض نفسية ولازلت اتجاهلها واحاول أن أخطئ نفسي واعتبر ماتطلبه ليس من حقها وافكر دائماً بالذين هم اقل منا وافكر باليوم الاخر وتفاهة الدنيا وحقارتها

شاكرة لك دعواتك الطيبة جعل الله لك منها أوفر النصيب