السلام عليكم

كنا جالسين على التلفزيون ومع القهوة والشاي وزوجتي تقلب بالتلفزيون وكان فيه مسلسل وجات لقطة من مسلسل ........ اعتقد وفيه وحدة تشتكي من زوجها انه متغير عليها وفي وحدة عجوزة تقرب لها تواسيها وتقول لها اجل زوجيه وخليه يتزوج عشان يتغير وتضمني انه يكون تحت عينك ولااذكر باقي التفاصيل
المهم كنت بمزح مع زوجتي وقلت لها وش هالمسلسل وش هالنصيحة !
قالت وهي مركزة ماعليك منها هالعجوز المخرفة ! قالت اصلا يانبيه كله يابلاش !
قلت لها وانا امزح افا اخرتها يابلاش ! يعني لو زوجك بيتزوج عليك خلاص ماتبينه قالت ايه !
مابيه يتزوج واذا تزوج ماعاد ابيه !
انا انصدمت من كلامها والله مع ان الموضوع مزح بس ردها الرسمي والجاف استغربته منها !
انا اقسم بالله ماجا في بالي اتزوج عليها ولاافكر بهالموضوع ولاعمري فكرت فيه لكن احب اثير غيرة زوجتي علي بس ماتوقعت انها ممكن تتخلى عني لو صار وتزوجت عليها !
حاولت اتناقش معها بالموضوع قامت تتهرب من السالفه وتغير الموضوع !


هل تتركين زوجك وماعاد تبينه لو تزوج عليك ؟
اذا كان فعلا تحبه ماراح تتركه حتى لو تزوج عليها ومهما كان السبب للزواج ؟
وش رايكم ؟

(تم التعديل ليتناسب مع المضمون)

طبعا اتركه وما يشوف شر

ورجل بداله رجل

__________________
لا اله الا انت سبحانك اني كنت من الظالمين

اخوي كلمة وانقالت! ماعتقد تقصدها وانما كرد فعل لان موضوعك او طرحك للسالفة حسسها او بان لها كأنه استفزازي ماعليه احنا النسوان تفكيرنه جذي ،،،

تصير اخوي ولا تركز عليها ولا تعتقد انها تقصد شي او فعلا هذا شعورها !! طلعت بلحظة استفزاز واستنكار لكلامك ...

هههههههه كلنا تصير فينه هالحالة وبعدها مافي قلوبنه شي وانا اقولك سواها لي زوجي واخوي مزحة و رديت بنفس هالرد ولا ولا هامني ... لان الطريقة مستفزة! خصوصا عاد اذا كانت المرأة متعبة من العمل وتوها قاعده مريحة شويات ..

بعض النساء نعم ما تقدر تتعايش مع زوجها اذا ما اصبح هناك زوجة اخرى وخصوصا مع احساسها بالظلم من تجاهه وانها ماقصرت باي امر من اموره باعترافه! .. انا اعتبر لهن العذر لان الانفس تختلف والاحاسيس والشخصيات وهالشي يؤدي للاسف للافتراق حتى مع عشرة سنين طويلة ..

البعض يوكل امره لله ويترك قلبه بجانب وتستمر الحياة ويكون المشجع الوحيد للاستمرار هم الاطفال ..

بكل الحالات انا اعذرهن ،، والله يديم المحبة بينكم ويبعد عنكم كل شر وسوء ونصيحتي راضي قلبها بكلمتين ممكن هي فاهمه كلامك على انك ممكن مفكر بشي!

يعطيك العافية .. والله مافتحت الموضوع انا لكن هي الي فتحته لما شافت المشهد وجلست تطالع في التلفزيون بامتعاظ فحبيت الطف الجو وامزح معاها بس ردة فعلها وكلامها كان صادم شوي ؟ والغريب اني والله ماطرحت ابدا الموضوع عنا احنا ولكن حبيت اتناقش معها زي ماتناقش معكم هنا ولكن مافي فايدة !
طريق باتجاه واحد وممنوع التجاوز او الالتفات !

انا مازعلت والله وانا مو مفكر ابدا بهالشيء بس ابي نقاش معها في اي شيء حتى لو كان الزواج من اخرى ! ولكن النقاش لمايكون حاد ونتيجة ورأي واحد بهالشكل يكون غير مقنع ! وخاصة لو كان في تهرب من الموضوع !

يعني وحدة بوحدة ! وين الحب وين الألفة والمودة وين عشرة السنين طيب ؟ بتقولين لي طيب هو وينه عن كل هالاشياء بقول لك هو يمكن لايزال يحبها وعايشة بينهم الالفه والمودة والرحمة والعشرة لكن في سبب والاسباب كثيرة خلته يتزوج .. مثلا .. مرض او تقصير من زوجته او مشاكل بينهم او حتى فكر انه يعدد مثلا .. هل هذا سبب كافي لانها تتركه ؟
هو ماتركها طيب ولايزال يحبها ولاقال لها بينفصل عنها لكن لسبب ما فكر بالزواج فليش الزوجة تبادر بالانفصال وترك الزوج وماتبي احد يشاركها فيه ؟
نحن مسلمين ولكن حتى الزوج مايبي احد يشاركه في زوجته وعفوا على الكلمة لكن لماذا شرع الله للرجل التعدد وحرمه على الزوجة ؟ اكيد لاسباب كثيرة شرعيه واخلاقيه ..
طيب ليش ماترضون بشرع الله وتحطمون كل شيء بالعلاقه الزوجية مع ان الزوج ماغلط بشيء ولاارتكب حرام ولا اعتدى على زوجته ؟
اعيد واكرر انا اتكلم بمفهوم عام ولست اشجع على التعدد لاني ارى انه لابد من سبب وجيه لذلك ولكن
استغرب من ردة الفعل النسائية لو فعلا بيتزوج زوجها عليها!

طيب انتي زوجه ثانيه!!!!!!!!!!!!!!!!

ردة فعل طبيعية

هي لأنها تحبك .. ما تتخيل حد يشاركها فيك .. ومن الغيرة تفضل انها تتررك
ويمكن من مبدأ انك جرحتها وجبت عليها وحده .. فخلاص تطلع من قلبها

عالعموم كلنا نقول نفس الجملة فلا تستغرب
واالضرة شي ثقيل على كل حرمة

عارف هالشعور وجميل ان يكون متبادل بس النتيجة لو صار هالشيء قاسية وهي الانفصال وترك الزوج لانه تزوج عليها ؟ وعارف انه شيء ثقيل على الحرمة بس هل يصل الموضوع ان تتخلى عن زوجها عشان تزوج عليها هنا ارى مبالغة !

اكيييد بتركه بدون تفكييير

ليش بدون تفكير ؟ هو كذلك بامكانه يتركك بتفكير او بدون تفكير لكن لو استمر معاك بالعلاقة ليش المبادرة بالترك تكون منك انت ؟