السلام عليكم ورحمة الله وبركاته
انا متزوجة منذ 3 سنوات من مطلق ولدينا طفل
قبل استخرت الله فيه كثيرا وكنت متخوفه جدا لانه مطلق وكان سبب الطلاق على حد قوله منها وانه صرف وصبر عليها كثيرا
انا وافقت عليه بناء على اخلاقه وصبره وقوة تحمله لانه عاناء كثيرا في زواجه السابق
تمت الملكه وكان بين الزواج والملكه اقل من شهرين وكان يزورني وكنت احاول ان اسعده بشتاء الطرق وكان مبسوط جدا وكنت اهديه هدايا وهو لم يحضر لي الا باقة ورد وحلى ولم ادقق كثيرا لاني سمعت انه كريم جدا
وفي احد الزيارات كان مرهق جدا لم اعرف لماذا(اعتقد مشاكل مع اهله لانه دائم بينهم مشاكل لاتنتهي)فقال لي بطلب منك طلب ارجوك لاتتركيني وكنت مستغربه جدا قلت ممكن لانه مبسوط معاي وتعب في زواجه السابق لانه لم يطلق بعد فقط يريد حقوقه وطلق بعد زواجي
تم الزواج وكان انسان اخر ماكان فرحان زي العرسان وانصدمت كثير كان يوم زواجه حصلت مشكله مع اخوانه
فقط تصور معي وقال خلاص مو لازم نروح نتصور في مكان العشاء فوافقت وذهبنا للفندق وكان صامت ويدخن بشراهه من الصدمه ماحسيت اني عروسه احسه في عالم ثاني وانا عالم اخر جلس معاي جلسه بارده جدا وكأنه يعرفني من زمان المهم لما جاء وقت الفطور وكان جائع جدا وانا كذالك قال الفندق فطورهم غالي ادفع 100 ريال لفطور بس مره غالي
واتصل لاحد اصحابه فاحضر فطور وكنت مستغربه جدا منه المهم كنا نخرج في الليل للعشاء وكان يمشي سريعا وكنت انا خلفه لم احس انني عروسه فعلا
ولماء ذهبنا لمنزلنا احس نفسي غريبه وموضيفه ولم ينم معاي في غرفة النوم هو لوحده وانا لوحدي كلتمته قال والله تعبان وابغى ارتاح وطنشت واستمر كذا يوم حتى سافرنا وفي الفندق كان اول لقاء بيننا وكان عنيفا جدا ومؤلم لدرجة الصراخ وكنت متعبه جدا ونمت وانا ارتجف من الالم ولمااستيقظت في الليل وذهبت للحمام وكان الدم غزير ولم يكن موجود وذهبت ابحث عنه فوجته نائم لوحده في غرفة اخراى ولم اكن ادقق لاني كنت اثق فيه
المهم استمرت الحياه معاه كان كثير الصمت وشارد الذهن وكنت ابرر له من كثر المشاكل
ولم يملك وضيفه فدخل مشروع مع اهل اهلي دفعو راس المال وهو الخبره وكان لايملك مال انصدمة منه واهلي كذلك لم يكن امين وياخذ من المال وطول 3 سنوات كان يصرف من المشروع واهلي لم ياخذو ريال واحد واخر سنه ابي دفع له راتب تعاطفا معاه لانه لايملك وضيفه وكان ضغط الشغل اكثر على اهلي ومنحرجين منه كلمه اخي كذا مره انه لازم يحضر ويشتغل هو انسان اتكالي ويحب الناس يخدمونه وتعبو منه اهلي ففضو الشراكه معاه
فقسمو المال فاتهم اهلي انهم ظلموه ولم يعطوه حقه كاملا ففضح باهلي واهلي من النوع اللي مايحبو يتكلمو ويخافون الله بل بالعكس اعطوه اكثر ممايستحق ولم يحاسبوه على الاموال اللي كان ياخذها ويصرف بها علينا
ومن بعدها تغير علي اكثر واتهم ابي بالبخل واصبح يقصر على في حقوقي ويذلني بشكل غريب جدا فناقشته كثير وكل مااناقشه يجيب سيرت اهلي ويسب فيهم ويتهمهم بكل ماهو قبيح واقول طيب انا ايش قصرت معاك يقول انتي مصيرك راح تكونين مثلاهم ويتهمني ويسئ الظن فيه
وطول 3 السنوات يكرر اذا مو عاجبك روحي بيت اهلك ومااحس معاه بالحب والامان ولم اسمع منه كلمه حلوه او شكر احس اني عائشه مع اخوي مو زوج مقصر معاي بالمصروف وكل مااطلب منه يقول ماعندي وجالس في البيت لايشتغل ومو اس فيه مقصر معاي حتى بالفراش مو حاس اني انسانه
حملت بعد سنه من زواجي ولما دخلت الشهر الخامس اجهضت باسباب كثيره اولها نفسيتي تعبانه منه لم يهتم بي مشاكله الخارجيه دائما يدخلها البيت ويتعب نفسيتي منها وبعد خروجي من المستشفى بعد الاجهاض افتعلا مشكله معاي بسبب اني لم اخبره ان اختي حامل وقال راح اتزوج ولم يراعي نفسيتي وكنت في قمت حزني على اجهاضي فسامحته انا ولم يعتذر
حملي الاخير ذهبت عند اهلي لاني مهدده بالاجهاض وبعد تمام الحمل وذهبت لبيتي وانا زعلانه منه بسبب عصبيته وافتعل مشكله ورجعت البيت وكاني مغصوبه ماحسيته انه فرحان ولم يحتفل بي ولو بورده او هديه
حتى العشاء احضر بيتزاء واحده فمشيت الامور ومن البكره قال اخواتي بيحضرون فرح بجيب عيالهم عندك وكنت متعبه فعتذرت ولم يقبل الاعتذر وقال لو دريت ماجبتك يقصد انه خلاني عند اهلي قلت يعني انت جايبني عشان هالامر مو مشتاق لي فتخاصمنا ايام عده فتنازلت ومشيت الامور
وتغير علي كثيرا بعد طفلي وكان دوري انتهي اثبت انه قادر على الانجاب فاصبح انسان اخر لايتقبل مني أي شي ولايبادر ابدا ولو بكلمه تجبر الخاطر كل مااناقشه يقول انا كذا مو عاجبك روحي بيت اهلك
دخلت اخته في مشاكلنا وقالت هو عشاه مضغوط ماديا والان يحلف انه راح يجمع فلوس ويتزوج واعرفه لو اصر على موضوع يفعله ويريد مني انا ان اطلب الطلاق لانه يستخدم اسلوب التطفيش وقبل كم اسبوع بسبب مشكله صحاني الساعه 3 وقال جهزي اغراضك بوديك بيت اهلك قلت بنام وبكره يصير خير ولما استيغضت اخذت اجمع اغراضي فدخل اخته وانهت الموضوع ولم يعتذر بل انا بادرت لاني اريد ان اعيش في جو هادئ
انا تعبت منه جدا هو يريد الانفصال وانا كذالك بس يريده مني حتى ادفع له المهر
تفاصيل كثيره لم اسردها فقط المهم
ارجوكم اريد حل فرج الله همكم

ينقل الى القسم الانسب

قسم المتزوجين

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

فرج الله همك وهداك لما فيه الخير
هل أنت تحبينه؟
إلى أي مدى تستطيعين تحمله بلا عمل؟
ذكرت أنك راغبة باﻹنفصال كم نسبة هذه الرغبة لديك؟
هل فكرت جيدا في تبعات حياتك بعد اﻹنفصال؟
مارأي أهلك هل يشجعونك ع اﻹنفصال وهل هم سند وعون لك ؟

اهلي عادي عندهم واستشرتهم وقالو استخيري واعطيه فرصه
الحمدلله حياتي افضل بكثير عند اهلي ماعندهم قيود مثل حياتي الان
مرتاحه ماديا ونفسيا عندهم
جزاك الله خير

للمعلوميه الان لي شهرين مارحت بيت اهلي يقول خلي اخوانك يجون ياخذونك ويرجعونك انا مااوديك لهم

__________________

.................................

انتظر نصائحكم جزاكم الله خير وفرج همومكم

حبيبتي بعض تفاصيل حياتك مثل حياتي ومابي اخوفك بس اتوقع النهاية معروفه احد لي هالدرجه معروف نهايته بس انصحك تستخيري وتدعي ربنا وتقرري والله يختار لك الخير يارب وحاولي لي اخر لحظه لاتندمي

__________________
(وَلَوْ أَنَّهُمْ رَضُواْ مَا آتَاهُمُ اللَّهُ وَرَسُولُهُ وَقَالُواْ حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ)
لاحول ولاقوة الا بالله العلي العظيم حسبي الله وحده ونعم الوكيل

متوقعه ومستسلمه الله يكتب لي الخير فين مايكون
انا ماابغى الطلاق وفي نفس الوقت ماابغى الاستمرار اخاف اضيع عمري مع انسان مومضمون بالنسبه لي
واخاف يسبب لي حاله نفسيه وامرض منه