السلام عليكم ورحمه الله وبركاته
اولا اشكر القائمين على هذا المنتدى اسئل الله ان لايحرمهم الاجر .. كنت متابع للمنتدى منذ بدايه مشكلتي والان ساسرد لكم المشكله لعل وعسى ان يرشدني أحد الى حل أو دعوه صادقه من أحدكم
تزوجت منذ ثمان سنوات وكانت حياتنا مثل أي زوجين مبنيه على الود والاحترام وكنت لاارى من النساء غير زوجتي مع انها لاتزيد عنهم بشي وربما اقل منهم ولكن محبتها بالقلب وكنت قريب منها جدا والاهتمام من ناحيتي اكثر انجبنا ابننا الاول وانقسم الحب بين الاثنين وكانت حياتنا مستقره وانجبنا ابنتنا الثانيه ولااخفيكم انني لااتذكر طفولتها علما ان عمرها 3 سنوات لااذكر شهورها الاولى بالتحديد بداءت مشاكل من لاشي تنرفزت منها وشتمتها ويعلم الله اني بعد ماخرجت من البيت اني متالم على كلامي لها
وبلغت اهلها بالقصه وبداءت الاراء التي دمرت حياتنا بدؤا اهلها يشحنونها علي علما ان امها شرانيه وراعيه مشاكل وماصدقت خبر تحصل مشكله وصارت زوجتي بيننا اقول الكلام وتوصله لاامها انا اعاند وهي تعاند فهجرتها كانت معي بالبيت وكانها مو معي انام في غرفه وهي بغرفه لايحصل علاقه احيانا شهر او اكثر واذا حصلت كلن يكابر على الثاني نضراتي لها تدل على الحب ولساني ينكر ذلك فصارت الشارده والوارده تقولها لااهلها لدرجه انها تكذب علي واهلها يكذبون فصرت انا سالفتهم اليوميه كانت حياتنا جحيم لمده 3 سنوات بعدها راحت اهلها فلم اتحمل فراقها اسبوع ورجعت بعد الوعود لااهلها وانني ساتغير فتغيرت معها بنسبه كبيره فلاحظت انها تغيرت للاسواء وكبر راسها بعد ماترجيت اهلها وامها كانت تعبي راسها بعد مارجعت لي وكنت اقول لها دائما ابعدينا عن المشاكل ولكن اخذتها عاده انها تنقل كل شي لااهلها وكرهت اهلها فيني
يعني بدايه المشكله انا السبب وبعد رجعتها هي السبب كان اهلها يعرفون كل شي عني وعن برنامجي اليومي نايم صاحي ويعرفون من صحيت لين نمت وش سويت تكلمت معها قلت ثقتي فيك منهاره وماقدر اقولك كل اللي بقلبي لانك ماتسترين شي وكنت صادق كان يدور في بالي دائما اني اضحك امزح مع زوجتي امون عليها ولكن للاسف الثقه منهاره اي كلمه مزح توصلها لااهلها على انها جد لانهم غير اجتماعيين وماعندهم سالفه غيري
والمشكله الكبرى اني وديتها زياره لااهلها قبل 8 اشهر وحنا بالطريق قلت لها خليك سنعه ولكن كنت معصب شوي نزلتها لم يكن بيننا اي شي رجعت بعد كم يوم اخذها حصلتها ماترد واهلها رافضين رجعتها واجهت ابوها قلت وش المشكله قال مااوفيت بوعودك قلت ايش الغلط اللي سويته قول كذا وكذا راح يتهرب وفهمت من كلامه انه مواجهه ضغوط في رجعتها الاولى لانهم طلبوا اراضيها وجيت ابوها باسلوب وخلاها تروح معي بدون لاارضيها جلسوا يضغطون عليه ويكذبون عليه شفت قلنالك شوف وش سوى ساحب علينا الام منبذوه حتى من مجتمعها وحتى اخوانها واخواتها وهي راس المشاكل تكلمت مع ابوها حوالي 4 مرات طوال ال 8 شهور دائما نختلف على النهايه انه يقول الشروط تكون مكتوبه بالمحكمه وانا اعارض هالشي وكانه يلين معي احيانا ولكن متمسك بالشروط
اخر مره جيت لهم الاسبوع الماضي حصلت ابوها واخوها اخوها تلفظ بكلمات سخيفه ولكن ضبطت اعصابي وبادلته الرد بابتسامه باهته لاني مابي احوس الموضوع اكثر قلت لاابو زوجتي الموضوع طول ولابد من حل
قال الحل توافق على شروطها او طلقها قلت السلام عليكم ومشيت ماكملت عشر دقايق
لم اعارض على الشروط الى انني متاكد انها ستكون انتقام مني وستكون لوي ذراع لي يعني تروح زوجتي وتجي بدون اي رائي لي
الشروط باختصار تصير على كيفها واحتمال تروح لااهلها بدون سبب وتجلس بالشهور انا متاكد من هذا الشي الان وهي بدون شروط 8 شهور بدون سبب يذكرونه لي
الان لي اسبوع لا ليلي ليل ولانهاري نهار
مااتخيل نفسي مع زوجه غيرها ولاابي اذل نفسي اكثر خلاص عطوني الزبده خيارين احلاهم مر ويستخدمون اولادي كوسيله ضغط علي ماشفتهم طول هالفتره كلمتها بعد مرور شهر من المشكله على الواتس اب ماردت كان كلامي لها لاتضيعين عيالنا وتضيعينا معهم ابشري اني اتغير وكلام من هالنوع
بعدها طنشت وعطيتها بلوك على الواتس من 7 شهور وهي ماعطتني حظر
والان اهلي يقولون تزوج وجالسين يخطبون لي وقلبي يعتصر الم على زوجتي وعيالي يقولون لو تبيك مافضحت فيك عند الله وخلقه
وكذالك ابوي راح لهم اكثر من مره ونفس كلامهم لي يقولونه له
الان محتار وحالتي مايعلم بها الى ربي بيتي اتهرب منه كل شي فيه يذكرني فيها وفي عيالي واشهد الله اني ماخنتها حتى بغيابها صابر وان شالله يعوضني خير اهلي يخطبون لي الان وقلبي معلق فيها مجرد اتخيل انها بتكون مع رجل غيري اموت وانهار لحد يقول وافق ع الشروط وترجع لك الشروط بدايه ضياع جديده لاني مااثق فيهم اللي يمر على الموضوع يشاركني ولو بدعوه لان الابواب كلها مسكره وقفلوا كل الطرق والوالد يقول ماعاد لنا رجعه عليهم خلاص هذا نصيبك
نصيحتي لااي زوج وزوجه حلوا مشاكلكم في بيتكم التدخلات بين الزوجين ضياع

اخي .. اولا لاتخطب وقلبك معلق بزوجتك لا تظلم الزوجة الجديده ارجوك
وزوجتك أعطها فرصه وارخي الحبل ووافق على شروطها بس بدون المحكمه
ربما امها تعبيء رأسها انك ان رجعتي بلا شروط سيستهتر بك
وانت بنفسك قلت انك السبب في مشاكلكم القديمه
وانت جعلتها تفقد الثقه فيك اولاً
لذلك وثقت بأمها واصبحت تخبرها كل شيء في بيتكم من باب الاستشاره
وهذا جهل منها
لكن نصيحتي ترخي لها الحبل وتوافق ع شروطها ،،
واذا جت بيتك تفاهم معها بأسلوب لين وخلك حبوب ورومانسي
لان واضح اسلوبك جاف ،،
لو تدري زرجتك وش كثر تحبها والله ماتفارقك
بس مشكلة اغلب رجالنا مايعبر لزوجته عن مكانتها مع انه يعشقها !؟
لاتقول لها عشان العيال قل ارجعي لأني احبك وابيك واعشقك ومااقدر اعيش مع غيرك
واذا رجعت اتفقوا ان مشاكلكم بينكم
ورجع الثقه بينكم اللي انت اساساً هدمتها

__________________
nh

موضوع الزواج كنسلته من اول شهر
كل يوم اصرف اهلي اقول بكره افكر وارد لكم خبر
ومرت ثمان شهور من اصعب ايام حياتي نحفت وصرت شارد الذهن
وغير اجتماعي والان اهلي يقولون محد درى عنك مشقي نفسك
ولاحد جاب لك خبر شوف حياتك لو تبيك دقت عليك وتفاهمت معك
وبالنسبه لحبي لها اخر رساله بالواتس اب ارسلتها قلت حبي لولدي وبنتي
انتي تعرفين شكثراحبهم لانها تعرف شكثر احبهم قلت انتي تاكدي انك اكثر منهم
وماردت اسبوع وعطيتها حظر .. وبالنسبه اني اوافق ع الشروط القصد من الشروط نذلك ونهينك
اعرفهم زين

مشكلتك بااخوي ماتعرف للحريم
هي تتغلا عليك
زود الجرعه حبتين وشوف النتيجة ،،
المرأه تحب تتغلا على زوجها عشان تتأكد هو متمسك فيها صدق والا كلام فاضي يسكتها فيه
والشروط صدقني هذي عاده قديمه ان الزوجه اذا زعلت من زوجها ماترجع الا بشروط ويمكن امها متمسكه بهالعاده صدقني محد يبي يذلك
وافق على شروطهم بس بدون محكمه
وزوجتك افتح عنها الحظر وتلطف معها وقل لها كل الي بقلبك
قل لها انا احبك انتي وبس وتحملها راح تتدلع عليك شوي وتتغلا بعدها راح ترضى
تحملها شوي خلك الرجل الحليم امسك العصا من المنتصف
واذا رجعت لبيتك على خير ،، تفاهم انت وياها وافتحوا صفحه جديده بدون تدخلات
الآن قدم تنازل ووافق ع شروطهم او ع الافل تفاوض معهم عليها مو لازم تقبل الكل
صدقني هذي عاده قديمه عند السابقين صعب يتخلون عنها
سكت امها بالموافقه وخذ زوجتك وتفاهموا ببيتكم ،،
ربي يصلح حالكم

__________________
nh

المشكله ان اهلها هم اللي مجلسينها امها متسلطه ومعروفه بهالشي
وهم عائله مو مع الحق يكفي انهم يتدخلون بالنوايا ومتاكدين انه مو صدق
واللي يخليني اخاف من الشروط ان اختها سبق وان صار بينها وبين زوجها مشكله
والان هي اللي مسحبه بخشته تروح وين ماتبي ولاترد له الشور اصلا
لان زوجتي وعائلتها رائيهم كلهم عند امهم المتسلطه
بعد رجوعها المره الاولى لاحظت استعلاء منها وماترد علي
وشفت منها عناد وكانها تبي تنتقم واخرتها ذهابها الى اهلها بدون سبب
وخلق مشكله من لاشي واذا قلت وش السبب ذكروا لي اشياء قديمه لها سنتين وثلاث سنوات
اقول ابي اللي مزعلها وخلاها تطلع من بيتها الان ماعندهم شي

شوف موضوع اخونا ابو ملك في المشاكل الحلوله
كان مثلك وزوجته تكابر وهو يكابر
ولما غير اسلوبه وصار لين الحمد لله انحلت مشكلتهم وبطلوا مكابر هو وزوجته
عسى الله بتمم عليهم

الجفا مايولد غير الجفا
ذوب الجليد اللي بينكم
ولا تقول عفتها انتم بينكم عيال ،،

__________________
nh

يااخي هي خلها تجي البيت اللحين
وكل شي فداها هي وعيالها
لكن حسبي الله ونعم الوكيل على من وقف بيننا

لو تسمع كلمتك كان جتك ركض
يااخوي سكت اهلها بالموافقه ،،
صدقني يمكن لو بعد سنين تجيك بنتك لا سمح الله تشكي من زوجها صدقني ماراح ترجعها بالساهل
الضنا غالي

خلك حليم
وخل عنك العناد والمكابر
انت افقدتها الثقه فيك ،، والآن رجعها ،، وارجع الثقه لبيتكم ،،

__________________
nh

دائما لاشي نتيجه عمل لاشي
يعني سكوتي ماراح يجيب نتيجه واهلها متاكد محرصين عليها ماترد علي
ومنبهينها عن هالشي فك الحظر سهل ولكن اذا كلمتها وكبر راسها ولاردت
راح اعض اصابع الندم اني كلمتها
اكيد فتره ال 8 شهور ولدت جفا بيننا اكيد

طيب اخوي انت ليش ماسمعت منهم الشروط ووافقت على اللي تقدر منها

واخذت وأعطيت معهم يمكن تطلعون بنتيجة

أو كلمت أحد من أهلها تحس انه حكيم ووممكن ينصفك

يعني ماني شايفة مشكلة حقيقية عشان توصلون للنهاية

اذا تحس انك لسى تحبها لاتقدم على الزواج وتدخل ضحية جديدة مالها ذنب

قفل على موضوعك انت وزرجتك أول وبعدين فكر في الزواج .