السلام عليكم ورحمة الله
اعجبني موضوع مبتعثة متفائلة عن القرض اول سنوات الزواج
واعجبتني ردود الاعضاء لانها تخلو من المثالية

وبستشيركم بموضوعي
زوجي حالتة المادية متوسطة يعني اخر الشهر جيبة فاضي
وانا الحمد لله عندي املاك خاصة وموظفة ودخلي السنوي عالي
واعيش على نفس مستوى زوجي المعيشي
يعني شقة متواضعة وكل شي متواضع
واليوم تناقشت مع زميلاتي بالعمل
وسألتهم عن مساعدة الزوج ماليا
وطبعا الكل صرخ فيني مجنونة انتي
ولاتدفعين هللة وحدة
هو الرجال هو اللي يصرف
انا نفسي
اشتري فيلا بحي راقي واستقدم خدم
ونرفع مستوانا المعيشي
ونصيف في اوربا
وننبسط في حياتنا
مو اخر الشهر مشاكل عشان
الثلاجة فاضية
والطلعة مرة بالشهر
ودائما اذا زعلت منه
يكسر خاطري
احس نفسة يسعدني
بس مامعاه
طيب ايش فائدة المال اذا ما صرفناه على سعادتنا!؟!؟؟

طيب وين المشكلة؟!
كل اللي بتسوينه لك مو له
الفيلا باسمك
والخدم لاجلك لاجل يريحونك
اجل تدفنين عمرك بالفقر وانت عندك خير
متعي نفسك هذا اللي قلناه في موضوع مبتعثة لكن لا تسوين شي له وباسمه
عيشي الحياة اني لك من الناصحين

اسعدني مرورك
المشكلة الفيلا والخدم يبغالهم مصاريف
ومع راتب زوجي المتواضع مايقدر يوفرهم

انا مثلك احياناً اقول ليه يعني الموظفه ماتبي تساعد زوجها بشي
ودائم تطلب منه يجيب لها كل طلباتها بدون ماتدفع ولاقرش
واستغرب من الي يقول اياك وآياك << عذراً لكل موظفه
لكن احسها هذا انانيه فيها.
اقول لك : انتي سوي الي انتي تحبينه وتتمينه بحر مالك
تسافري تسكني في بيت اعملي الي يريحك لكن حقك لايضيع
والحق حق
اذا حابه تسافري اوربا < النص بالنص انتي وزوجك
تبين تسكنين بفيلا << كمان النص بالنص
حلو الشخص يساعد شريكه بكل شي
وعلى فكره اذا توظفت بأذن الله هذا قانوني اعمل الي انا حابته بحر مالي بلاها نكد ووجع راس

__________________

مرام صحيح انا كتبت الوحده ماتاخذ قرض لزوجها
كان قصدي تتدين وينكتب كل شي لزوجها
شفايده الفلوس ان ماتمتعنا فيها
خلاص انتي اختبرتي زوجك وعارفه انه يدفع الي وراه ودونه لكم
اشتري فله واكتبيهل وباسمك وسافري وصرف عيالك والبيت عليه

هلا والله
نفس الكلام مصاريف الفيلا والخدم تختلف عن شقة صغيرة

انتي قلتيها بنفسك ..

وش فايدة المال اذا ما حقق لنا السعادة ؟!

ولاتنسين انك عايشه مع زوجك .. شريك حياتك وعمرك .. يعني مـو لـص تخافين ينقض على اموالك في أي لحظة مثل ما تفكر بعض الحريم ؟

اذكر قصة رجل تزوج امرأة كانت موظفه بوظيفة مرموقة اضافة لوجود استثمارات عندها ، وكانت ترفض صرف ريــال واحد من مالها الخاص حتى على نفسها رغم ضعف وتواضع امكانياته وكانت تجمع المال بشراهة من راتبها واستثماراتها وتحرم نفسها وبيتها واولادها وظلت على هذا المال لمدة تزيد على 15 عام عاش فيها الرجل وهو يكابد ويكافح لتلبية احتياجاتها ، واخيرا تعرضت لحادث مروري اودى بحياتها وورث زوجها واولاده الجزء الاكبر من اموالها الضخمة .

وحاليا عايش مع زوجته الجديده واولاده بنعيم وعز ورفاهية ورحلاتهم لاوروبا وغيرها تكاد لا تنقطع على مدار السنة ..

وطبعا ما يسنون انهم يدعون لها دايما على كرمها الزايد وان كان جاء متأخر شوي

هههههههههههه بسم الله علي
عسى عمري طويل
انا مدلعة نفسي بس صراحة البيت مقصرة عليه
والسفر مع اهلي
بس حاليا هو مانعني اني اسافر مع اهلي
عشان البيبي يقول انه يفقده!!!!

الحياه نعيشها مره وحده

أعتقد أنتي كذا تحرمين نفسك
أنا ضد تشترين منزل وتسكنينه معك مهما يكون السكن على الرجال وبعدين هو امكانياته يدوب يقدر يصرف على هالشقة فكيف بفيلا

مسألة تسافرين ايش فيها لو عزمتيه على سفرة تتكفلين فيها من الى اعتبريها هدية لكم
وليه الطلعه مرة بالشهر خليها مرتين عليك مرة عليه بالشهر
أو اسبوع عليك واسبوع عليه

مقاضي البيت أفضل تكون عليه