ارجو من الكل الدخول والادلاء برأيه فانا جد محتاجه لكم والله محتاجة لارائكم
بسم الله الرحمن الرحيم
السلام عليكم ورحمة الله وبركاته
مساكم الله بالخير خواتي واخواني في الله
انا سجلت في ها لمنتدى بالذات لأني اعتقد بان الأغلبية متزوجين وأكثر دراية فحبيت اخذ رأيكم بشأن قصتي وبرويها لكم مثل ماهي وابي اخذ مشورتكم واللي بتقوم عليها حياتي باذنه تعالى ///

وقصتي كالتالي:
انا فتاة في السابعة عشر من عمري من كنت صغيرة والأقارب يتكلمون عني فلان خطبك وفلانه تبيك لودها ومن هالقبيل لكني أنا من يوم كنت طفله وانأ أحب ولد خالتي وأموت فيه بس عمري ما تجاوزت حدود الأخلاق وحتى طلعت قدامه بالغلط عمري ما غلطت في تربيتي ولأني ماعمري قابلته ولا حتى كلمته ولا اسأل خواته بعد عن شعوره تجاهي كنت ممشية حالي عادي مثل أي بنت عاديه المهم بعد فترة صارت مشكله بيني وبين بنات خالتي وبدون شعور امي قالتلي انتي ماتدرين انهم يغارون لان كل يوم يطلع واحد يخطبك حتى خالتك فلانه خطبتك لولدها اللي انا احبه انا وقتها كنت بموووت فرحت من كل قلبي بس في نفس الوقت قلت هو مايحبني ولا عمره حسسني بشعورة تجاهي المهم عاد امي قالتلي انها ماتبيه لانه يسكن بعيد عن اهلي لان اهلي يسكنون في غرب المملكة وهو يسكن في الرياض يعني بعيد وانا اكبر خواتي وامي ماتبيني ابعد عنها وتقول بعد انه مايهتم بصلاته (صلاة الجماعه في المسجد) وعلشان كذا ماتبيه انا قلت براك يمه لاني لو احسه شاريني كان اعترضت وقلت لها لا انا ابيه وموافقه عليه المهم بعد فترة لعب الشيطان بعقلي وسألت اخته وقلتلها هو وشو شعوره نحوي ابي اعرف بس ماقالتلي شي تستحي من اخوها وما جا على بالي غير اني اضيفه بالماسنجر واتكلم معه بصفتي وحده مااعرفه ولا يعرفني بس اشوف اجس نبضه بطريقه او باخري والله بعد كم محادثه عرفني هو وحسيت انه ميت علي (يحبني يعني) انا فرحت جدا بهالشي وقررت اني اعارض امي واقولها اذا خطبت خالتي بشكل رسمي انا موافقه وصرت بين فترة وفترة اتكلم مع امي بنفس الموضوع واحاول جاهده معها انها توافق واقولها مو مشكله البعد لانه مقتد ماديا واقدر اجي ازورها كثير وبسهوله واما عن الصلاة هو يعيش عزوبي الحين لانه يدرس ومافي احد وراه يعاونه وينصحه واكيد شاب لوحده مايهتم الا من رحم ربي وانا بحاول معه على هدايته وان شاء الله يهديه بس احيان توافق واحيان لا حتى كثير احلم فيه وفيه حلم فسرته في احد مواقع النت وطلع التفسير اني ارتبط في هذا الرجل وانا مادري مصدر التفسير موثوق به ام لا وايضا مارأيكم بشأن زواجي من هذا الرجل انا اخاف ماتصير بينا ثقه عقب الزواج لكن هو دايم يقول عادي وانا بصراحه ماكلمته الا يوم عرفت انه خطبني وهو يعرف يعني في اشكال انا خايفه من هالمشكله واللي زاد الطين بله اني مااقدر ابعد عنه بالماسنجر لاني تعلقت فيه كثير وهو بعد مايبيني اترك الماسنجر لمحادثته
افيدوني الله يوفقكم ويرزقكم الخير والصلاح ... انا في حاله عصيبه وابي اراكم ضروري من ناحية الثقه بعد الزواج اهم نقطه

متأسفة جداً على الإطاله ،،
الف شكر لكم
ولكم تحيااااااااااااااتي ،،