العنوان اختصار حياتي
انا عمري 33 وهو 44 ..ينام بغرفه لحاله من سنوات لا حضن لا بوسه ولا شي
اغلب وقته يابالعمل او في النوم
بينا اولاد وعلاقتنا معاه بالاسبوع مره نطلع يوم عائلي وبس
كلمته فهمته ابيه يحس قال ان شالله ويرجع لنفس البرود والتطنيش كرهت نفسي لاني احس بالمذله اني محتاجه له ماني عارفه ابيه والا مابيه نفسي عافته بس عشان خاطر العيال لازم اتصبر

فراغ عاطفي وحاجات نفسيه وجسديه مهما حاولت اتصدد عنها احس بالنقص ..لو رجال كان قالو له تزوج غيرها بس الحرمه وشتسوي .. للعلم انا مو ناقصني شي وبكلامه وشهادته ويقول هو داري ان العيب والتقصير منه بس ماهو قادر يجاملني ولا يمثل علي الحب حتى بوسه شاح بها وللحين مهتمه بنفسي وشكلي بس للناس لانه مايهتم اساسا

وانا. اصلا من طول المده قلبي صد ومنجرح جدا

الموضوع فضفضه عارفه مشكلتي مالها حل

وعليكم السلام ورحمة الله وبركاته ..
مرحباً بكِ أُختي الكريمة ..
كم سنة لكِ أنتِ وهو على هذا الحال ؟!
ماهي الطرق التي اتبعيتها في حل هذه المشكلة ؟!
هل مرّت على زوجكِ أحداث جعلته يتغير هكذا بعدما كان معكِ ؟! أو أزمة وماشابه ؟!
كيف تعامله معكِ عامة ؟!
لاتفقدي الأمل أختي الكريمة ..
بإنتظاركِ وأهلاً بفضفضتكِ وأسمعكِ ..
جبر الله قلبكِ بكل ماتُحبين ..

مشكوره يختي اللهم امين يجبر كسر قلوبنا

صار لنا عشر سنوات زواج كان عنده برود من بدايه الزواج ولكنه كان يجاملني ويحاول من بعد ماحملت بالولد الاول وهو متغير بعد ثلاث سنوات من الزواج وبعدها على طول حملت بالولد الثاني مع ان العلاقه كانت قليله بس سبحان الله حصل حمل
ومنهاا تحجج بازعاج الاطفال بالليل وطلع ينام بغرفه لحاله على اساس انه وضع مؤقت وصرت اطلبه يرجع ويرجع يومين ويرجع لحاله ومرت الايام وانا تعبت اني اطلبه واترجاه وكبرو العيال وماكان يبي عيال بس انا كنت ابي فحملت بالثالث وكنت دايما ابادر وهو اللي ماله مزاج واكتشفت انه مدمن افلام اباحيه بس حاليا يقول انه تركها وان فقد الرغبه وان المشكله انه مافيه رغبه وهو رابط الحنان والعناق والقبلات بالرغبه مع اني بكيت وفهمته مليون مره انها شي مختلف بس هو يقول انه مايقدر يمثل ولا يتصنع

وانا خلاص صرت اطنش هالموضوع بس احيانا تجيني حاله من الفقد واحس بالكسر وبس ابكي وانهار واتحسر على حياتي انا ماني طالبه الا حقي وش بسيط بعد بس هو مش حااس ولا يبي يحس ويمكن لانه ماعنده رغبه. يتعمد ينشغل عني او ينام عشان مانتواجه

لا لا تطنشي أبداً الموضوع ..
أنتِ ابدئي وسيتغير مع الوقت وابتعدي كل البعد عن المجاملة والتصنع ..
هل يدوام على صلاته ؟!
جبر الله قلبكِ بكل ماتُحبين

زوجي شخصيه فصيميه حسب ماسمعت من تحليل للدكتور طارق الحبيب هو اصلا بارد وجاف المشاعر

المشكله يااختي انني من كثر ماحاولت وبكيت نفسيا مش متقبلته احس بحاجز بيني وبينه واحس بالذل والانكسار كل ماحاولت اتقرب منه الاحظ بروده واتذكر كم مره صدني وكسر قلبي واقول ليش اسوي فيني نفسي كذا ...
اخر المرات اللي حصلت بينا علاقه قبل شهوور كانت بطريقه خايسه مافيه اي مداعبه وحجته انه خايف القدره تروح منه. وانا ماني بهيمه اعذريني عالوصف

احس ان المشكله انتقلت لي ...فيني رغبه ولكن لي مشاعر واحساس قريت ان المره تقدم الجنس لتحصل على الحب والرجل يقدم الحب ليحصل على الجنس

انا ماشفت هالحب ولا حسيته واحتقر نفسي ان بادرت عشان الجنس بدون اي ملاطفه او احساس


نفسيا ماقدر وهو بالنهايه مش فارقه معه اصلا لا هذا ولا هذا.

انا اللي تعبانه ومنكسره

أختي الكريمة ..
هذا من متتبعات ماكان يُشاهده ..إقرئي ردي السابق جيداً وستفهمي عدم رغبته بكِ ..الصورة التي في دماغه التي كان يُشاهدها مازالت ..
بالعكس يٌفترض أن لاتشعرين بالأنكسار ولا الذل هذا حقكِ وبالنهاية زوجكِ ..
هذا الأمر يحتاج وقت فلا تيئسي ياطيبة ..
للأسف هذه مضار لمن يشاهد هذه الأمور ..
فلا تسمحي جفاف مشاعره يتسلل إليك أنتِ كذلك وتكون مثله ...انتبهي !
كلما أعطيته الحب ووووو سيعطيكِ ماتُريديه لكن دون فقد أمل ..هي فترة كي تنتزع الصورة التي بداخل عقله !
جبر الله قلبكِ بكل ماتُحبين ..
كيف يتعامل معكِ مجملاً في الحياة ؟!

همسة /
لاأسمح لكِ أن تصفي نفسكِ بهذا الوصف أبداً ..أنتِ كريمة ياطيبة ..

السلام عليكم....حبيبتي (ان الله لايغير ما بقوم حتى يغيرو ما بأنفسهم) ادري هو اللي مقصر وجاف ويفقع المراره وكل شي.. بس مالك الا تتشبثين بخيط الأمل الوحيد هذا بتقولين لي كيف.؟؟
اول شي لازم تلزمين الاستغفار. .تستغفرين باليوم الاف المرات لاتقولين كثير اضغطي ع نفسك.. الشي الثاني اللي نبيه منك تحاولين قدد ماتقدرين تتجاهلين بروده وتتناسين حركاته معاك عشان تتشجعين للخطوه الاخيره!!
الخطوه الاخيره لازم المبادره تكون منك مايبيلها مقدمات ولاشي البسي وتضبطي وحاولي تتجرأين بهالموقف وادخلي عليه بغرفته واجلسي جنبه وابتدي انتي الشكوى لله.. مايحتاج نعلمك سوالف الحريم اكيد تعرفينها. . لمسه وضمه وبوسه ووووو الخ..
ترى ياحبيبتي مافي شي ماله حل ولكل واحد مفتاح وبالتوفيق ان شاء الله

سر الحياه مشكلتي ليست في العلاقه الخاصه فقط ...والا لكتبتها عنوان مووضوعي مشكلتي عاطفيه ايضا فانا لا تهمني العلاقه الخاصه كثر مايهمني الحنان والاحتضان

وردا على سؤالك هو انسان كريم وخلوق مع جميع الناس ولكنه غير موجود في حياتي ولا في حياه ابناءه هو دايما مشغول خارج البيت او نايم ومقفل غرفته ولايرد علينا انعزالي وليس له اصدقاء او مشاركات اجتماعيه


زهره الجاردينيا

انا مابي ابادر تعبت نفسيا انا ابي احس اني حرمه مرغوب فيها انا عمري كله وانا ابادر خلاص تعبت ونفسي عافت
وشكرا على النصيحه انا الحمدلله دائمة الاستغفار

وشكرا

مشكلتي الطلاق والبرود العاطفي بيناااا لهذا كتبت ان النوم في غرفه منفصله هو ما يكسرني