السلام عليكم

موضوعي حساس ومحرج

في بداية الزواج تبدأ الزوجه بوضع التزامات وطلبات عالزوج حتى تمشيه عليها وتستغل كونه منحرج منها

بس المشكله لما تكون هالطلبات مكلفه جدًا وترهق كاهل الزوج

بعطيكم امثله علشان تفهمون قصدي

يعني بشهر العسل والزوجه تطلب من زوجها يسكنون بفندق مميز وسعره نااااااااار اشلون تتصرف ؟

لما الزوجه تجيب مصورتها الخاصه بالفرح ( وطبعًا المفروض تكون عليها من فلوس المهر ) وتفاجئك بعد العرس تقول لك حبيبي يلا نطلع صورنا وتروح وتحرجك علشان تدفع والسعر يكون نااار بحدود (10 الاف ريال ) والمصيبه توك راد من شهر العسل !! اشلون تتصرف

لما تحاول ست الحسن والدلال تحط لها خط فواتير باسمك ( طبعًا هذا غير مصروفها الشخصي ومصروف البيت والخدامه كله عليك طبيعي ) شالحل ؟
لما تحدد لها مصرف جيب شهري خاص لها ممتاز جدًا بحدود 2000 الفين ريال وما تستحي تقعد تناقشك وتساومك وتتزعل تبيك تزيده شالحل ؟؟؟

شخصيًا اقدر اتعذر بس مشكلتي اتضايق واتكدر وانحرج واللي يقهر كأنك متزوج وحده ماهي شايفه خير مع ان وضعهم ممتاز بس سبحان الله عينهم ضيقه وعيال فقر اللي مو متعودين عالنعمه صج اهم شي القناعه


سبب وضع مثل هالموضوع تغير نسبه كبيره من بنات هالجيل وجرأتهم الغير طبيعيه وما عادت تستحي من الزوج بالعكس الزوج يستحي منها

قبل الزوجه تستحي وتطوف هالشغلات
الحين شالحل شالدبره شالسواة

وعليكم السلام ورحمة الله وبركاته ...
مرحباً بك ياأخ الإسلام ..
أيعقل في زوجات هكذا يطلبن في بداية الزواج ؟!
لاأعتقد ..
صعبة جداً بصراحة ..
ولا أعتقد من ستختارها بأخلاقها وأدبها وحياؤها ستطلب منك كل هذا !
بل ستحترم القدر الذي تعيش به ..
التصرف الصحيح / يُفترض قبل المتطلبات هذه يكون الإتفاق على كل شيء كي لايُصدم كلاً من الطرفين

مراحب يا اخت الاسلام

والله فيه من هالنوعيه وكثييير

مو حنا نحترق بنار انتم ما تعلمونها وبالتالي تحطون اللوم علينا

الزمن تغير وفي من هالنوعيات واغرب كمان

ابي منك نصايح انا مو مكبر الموضوع بدليل ابي حل ابي اصلح من الزوجه ابي افكاركم ونصايحكم والله يهدينا وياهم*

الحمدلله رب العالمين ..
لستُ منهن ياأخ الإسلام ..لاتعمم القاعدة على جميع النساء بارك الله فيك ..
وهذا ردي عليك فيما سبق
التصرف الصحيح / يُفترض قبل المتطلبات هذه يكون الإتفاق على كل شيء كي لايُصدم كلاً من الطرفين ..

ما قلنا انك منهم وما عممنا ولله الحمد

وهذي امور يصعب الاتفاق عليها بمجتمعي لانها من البديهيات وانا شخصيًا موفرها على اكمل وجه وزياده ولكن افاجئ من طلبات اكثر واكثر من الزوجه لتحرجني !!

بصراحة أنا مستغرب ..
هذا الأمر لايوجد لدينا في مجتمعي أبداً طالماً متفقان كلاً منهما ...
رُبما أحد الأخوات تُخبرك كيف التعامل !
وأعلم بأن في مجتمعك أغلب من يتزوج يأخذ قروض والمفروض هُنا تحترم كل ظروفه التي يمر بها !!
وحتى ولو كان غنياً فلا بد من القناعة تكون في داخلها ..!
وفقك الله لكل خير ..

الخجل وارد في الزوجة .فهذا التصرف يبدو لي غريب لكن له تفسير
انها قد تظن ان ما تطلبه ضمن قدرات زوجها و انها لا تكلف عليه
تكون ماخذة فكرة ان تلك حقوقها رغما انه ليس واجب على الزوج بل النفقة كل على وسعه
وفي نفس الوقت ترى ما تعمله ليس بحقوق
ربما لو اشركتها بالمسؤولية تخف الطلبات
لا اقصد تطلعها عى حساباتك ،بل تتحدث عن خططك المتقبلية و المشاريع سواء بيت او تجارة
ومن ضمن الكلام ضرورة التوفير لتكبر تجارتكم و من هالكلام
او على حسب شخصيتها قد تؤثر عليها نصائح دينية عن حرمة الاسراف الزائد
بسماع محاظرات تتحدث عن هذا الامر وماشابه

__________________

الله يجزاك خير

اختي كلامك مقبول في حالة متزوجين من مده

بس المشكله هالبلاوي تصير قبل الدخله الى شهر العسل فما في مجال اعطي محاضرات عن الاسراف والتوفير راح تطير البنت وتقول بخيل وعينه قويه

ابي اصلح زواجي وتنستر اموري بس مشاكلي تنفجر من البدايات والحمدلله على كل حال

ابي نصايح عمليه وردود لهذي الطلبات

البنت شكلها متعوده عالصرف في بيت أهلها
حلك انك تعلمها بكل شارده ووارده ماليه
اشتريت كذا وسعره كذا وخليت للحفل كذا
وماصفي معي غير مبلغ وقدره كذا
وحط لك سقف محدد وخلاااص يصير ان جات
تتطلب تعرف انك مانت يمها ومافي مجال
او احشرها وان طلبت شي قول اللي اعرفه
انه العروسه تجيبه من المهر .. خلها تستحي على دمها
ودامك دفعت المهر كامل عداك العيب
الدور عليها تمد رجولها على قد لحافها

كلام جميل الله يجزاك خير

بس ماودي بالمشاكل والتوتر من اول شهر بس شنو نسوي مو بيدنا الحمدلله على كل حال