السلام عليكم اخواني واخواتي..
تعودت عليكم وما استغني عن نصايحكم..
خصوصا خاله بيتا وكوكي وعطر الفجر
ومسز داني وناني والكل والله..
لان مشاركاتي معكم ساهمت بتغيير حياتي..


المشكله الان ان كل التغيير من ناحيتي..
وزوجي ردات فعله محبطه كالعاده..
طبعا كلكم لمتوني على تقصيري بالعلاقه معه..
والحمدلله صرت اقبل عليه.. بس هو مستفز..
اخر مره صارت العلاقه بينا من 10ايام..
لانه كان مشغول جدا طول الاسبوع..
وانا كذا مره قربت منه وصدني..
يقول ما ابي اخذ دش والجو بارد.. نامي احسن..
مع انه زمان كان بعز البرد مايفرق معه..
طبعا انا نمت.. وثاني يوم جاء من الدوام وراضاني..
لكن الى الان يوميا يعطيني ظهره وينام..
احيانا احاول اضمه او ابوسه قبل ينام..
يتمنع او يلعب بالجوال او يطنش..
وقتها ينكسر خاطري واعطيه ظهري وانام..

انا بس بقول لكم حاجه يمكن تصدمكم..
من كم شهر بذكرى زواجنا طلبت منه
نحجز ليله بفندق بهالمناسبه.. قال اوكي..
تفاجأت انه طالب سرير طفل لبنتي..
واصر ناخذها معنا للفندق..
قلت له حبيبي هذي ليلتنا انا وانت
والبنت اخليها تنام عند امي..
هو رفض وقال لاتعانديني.. لاتمشي كلامك.،
وفعلا اخذناها وكانت من اسوأ الليالي..
البنت صغيره استنكرت المكان وظلت تبكي
ولانامت بدري..
وانا ضاع وقتي بين الحفايظ والحليب..
ولا لبست قميص النوم اللي كنت شاريته..

حتى لما اقول له نسافر برا..
يصر نأخذ البنت معنا.. وانا اللي ابتعب منها..
مع ان اهلي الحمدلله موجودين ويحبونهااااا
وامي دايما تقول هاتيها.. وتهتم فيها..
هو حجته ما يبغى يكلف على اهلي ويتعبهم
ويقول اشتاق لبنتي صعب اتركها اسبوعين..
ومره يقول ما ابغاها تنحرم من الدلع مثلي..
ياجماعه البنت عمرها سنه ونصف..
يعني لسى ماتستوعب ولا تتكلم..

احيانا أنوم بنتي بدري..
واطلع له اتدلع عليه شوي.. يقوم يتحجج..
يافلانه مشغول تعبان مالي خلق الخ
وهو جالس يناظر التلفزيون..
اروح بعدها امسح مكياجي وانام..
ثاني يوم يتصل فيني الصبح يسأل ويطمن..
طيب ليه من الاساس تعمل كذا !!


اسفه طولت عليكم..
ارجع للمشكلة الاساسيه..
انا قلت لكم له اسبوع مشغول جدا بعمله..
يجي البيت معه اوراق وملفات..
وانا ادفي له المكان واحضر له الاكل..
وشاهي وقهوه وحلا..
وامسك البنت عشان ماتزعجه الخ الخ
امس كان مرجعني من بيت اهلي..
على اساس ينزلني البيت ويروح يسهر مع اصحابه

انا قلت له روح حبيبي اسهر وغير جو معهم..
وبكرا نسهر سوا.. واحشني السهر معك..
بكرا اقصد فيه اليوم (الجمعه)..
فجأه تغير صوته.. قال انا طول الاسبوع معك!!
يقصد جلسته بالبيت على شغله واوراقه!!
بعدين قال الويك اند لي وانتي لك باقي الاسبوع!!
انا سكت ماعلقت على كلامه..
بس كان باين علي الزعل.. ندمت اني قلت له شي..

لمانزلني البيت قال قبل يطلع: فلانه تكفين ما ابي زعل..
قلت له مافي شي يزعل.. بدون ما اناظره..
بعدها بساعتين كتب لي وهو برا
عالواتس اب.. كيفها الزعلانه؟
انا هنا عاتبته وقلت له ماله داعي تحرجني..
وانا لو ما احبك واشتاق لك ماقلت بسهر معك..
قال لي انا مو رايق للزعل.. وعندي مشاكل ما ابي اشغلك فيها..
قلت له ان شاء الله.. وسكت..
وهو سكت..

اليوم الصبح ماصحى..
انا جهزت الفطور والقهوه والشاهي..
صارت 11 ونص.. ناديته وهو نايم..
قلت فلان فيك شي؟ تعبان؟
قال لا! تبين شي؟
قلت لا سلامتك.. قلقت عليك.. مارحت صلاة الجمعه ولاصحيت..
مارد علي..
والساعه وحده صحى وكنت لابسه ومتجهزه..
ورحنا تغدينا عند اهله..
واحنا ساكتين مانكلم بعض..
ولماطلعنا من عندهم مرينا محل حلويات احبه..
قال لي تبين الكيك اللي تحبينه.. بما انه قدامنا..
قلت اوكي..
نزل شراه ورجع جايب كميه كبيره..
اخذت الكيس وقلت ثانكيو..
بعدين قال ايش رايك نشوي اليوم.. قلت براحتك..
قال واحد بيجيني بعد العشاء.. ابشوف اذا بيتعشى..
واذا رفض، تعشينا سوا انا وانتي..
جملته الاخيره كانت مستفزه.. لكن مارديت..
وصلنا البيت ورحت انظف المجلس..
قال ارتاحي حبيبتي انا بنظفه.. قلت اوكي..
ورحت المطبخ اعمل لي عشاء..
جاني يقول ماتبين تاكلين الشوي معنا..
قلت عليكم بالعافيه.. ابعمل لي سندويشات..
وطبعا عملت له صينيه شاهي وقهوه له ولصديقه..

ادري تفاصيل كثيره.. بس لاني تعبانه ومحتاره..
ماني قادره افهم هالانسان اللي عايشه معه لي 3سنين..
يقلب مزاجه فجأه.. ويرمي كلام يظنه عادي..
ويتخيل ان احتياجاتي شي تافه..
واحيانا يحسسني ان الجلسه معي تأدية واجب..
فوق كذا يعتبر مجرد جلوسه بالبيت انه جلوس معي..
اشياء كثير غريبه ومتشابكه..
وانا كل هدفي ابري ذمتي عند ربي..
ابي اشبعه بالحلال حتى تخف دوشه الراس..
وحتى اطبق القاعده اللي تقول: الشبعان ما ياكل برا البيت..

لكن والله حالته غريبه وتسد النفس..
وفوق كذا يتهمني اني ادور النكد ولازم ازعل اسبوعيا..
وانا قسما بالله من 3 اسابيع سمن عالعسل معه..
هو كان يضايقني وانا اسكت..
لاني اتخذت سياسه الصمت بالفتره الاخيره..

ما ادري اطنشه واعيش معه مثل الاخوان..
والا اتجاهله تماما واتفرغ لنفسي واهلي وصديقاتي..
المشكله اذا اهتميت فيه.. او دلعته بشغله..
اشوف الفرح بعيونه.. بنفس الوقت احسه متورط..

تصرفاته معي تقول انه يحبني..
لكن جرحه لمشاعري وتجاهلي يقول العكس..
وهو مايعرف يقول لي كلمه احبك..
لكن دايم يقول يافلانه والله اني ما اكرهك!!!!
شايفين كيف.. شي متعب..
وانا ماعمري اتهمته بانه مايحبني..
بس هو يستبدل كلمه احبك.. بقوله ما اكرهك..



الان..
تركته يخبص بالمطبخ ويتبل اللحمه..
لانه يحب اترك له المطبخ بهالوقت..


ياليت تتخيلون نفسكم مكاني..
ايش ممكن تعملون بصراحه..

انا سبق وقلت لكم ان اتحاشى العلاقه معه بسبب جفافه..
هذا جانب بالضبط من اللي كنت اقصده..
كلامه معي امس جرحني..
كان ممكن يقول خليها وقت ثاني.. اجليها..
بدل مايحسسني اني نشبه في حياته.،

لما اشوف زوجات يعلموا ليالي حمراء وخضراء وزرقاء..
افكر بنفسي وبزوجي.. وينكسر خاطري..
اذا مجرد قلت له بسوي لك سهره عملت بخاطره كذا..
شي محبط ومتعب.. انا تعبانه..
حتى هو متضايق.. باين من وجهه..
بس مو فاهمه ايش برأسه..
ولا ابي اجادله لان النقاش مع زوجي يقلب مشكله..
وانا قلت لكم صرت اتبع سياسه الصمت وقت المشكله

اسمحوا لي افضفص اكثر..

ياليت زوجي طالع يسهر برا..
اناملقوفه انا ملقوفه انا ملقوفه..
جالس هو مع صاحبه بالمجلس وانا عندي كومه غسيل..
اغراض الشاهي والقهوه وصحون الاكل غير ترتيب المكان والتنظيف بكرا..

يا الله قهر.. انا متعودة على هالاشياء..
لكن اليوم بالذات مو طايقه نفسي..
والاشنع من كذا زوجي قبل شوي طلب مني شغله..
وانا متضايقه وقلت اوف..
تضايق وقال انتي ايش فيك
قلت مافيني شي خلاص لاتكلمني لوسمحت..
وهو كان معصب لكن مو قادر يرفع صوته عشان صاحبه..
وقال اعوذ بالله من الشيطان الرجيم.. وراح وتركني

السلام عليكم اختي

يا ريت تحطي رابط موضوعك السابق من شان نفهم أبعاد المشكلة أكثر

من ما قرات أﻻن استنتج اختي ان زوجك طيب و لفتت انه لسا فاكر ايش من حلويات تحبينها و يبادر هو بتذكيرك يعطيك فكره انه يحبك و يعزك . مو كثير ازواج يعملوها

اختي في كثير ازواج ما يقدرو يعبرو و ما يعرفو اشلون يتكلمو مع النساء و لكن معدنهم يبان مع المواقف و اﻻحداث
في ناس يكون كلامها دبش و غير سوئ لكن قلوبها طيبه

اما العلاقة الخاصه اختي بالنسبة لرجل هي =النفسية
و هي للاسف اختي ﻻ تتفهم الكثير من اﻻخوات
اذا الزواج مو مرتاح نفسيا مع زوجته تبقئ العلاقة اخر اهتمام الزوج

.............

و انتي قلتي اختي انك تري من عيونه الحزن و انه متضايق

تصرفاته و كلامة الجارج تعطيك شعور ان في تراكمات ممكن ان تزول لو احسنتي التصرفت

حياتك ممكن تعدليها اختي لو احسنتي التصرف . ممكن ان تظهري جوهر زوجك

كوني له كما يحب

كمان شغله حاولي تبيضي وجهه اذا ما عزم احد اصحابه اختي وﻻ تنكدي عليه . في تفاصيل صغيره اختي احيانا ما ركزو عليه تودي في نهاية اﻻمر الي تراكمات

وعليكم السلام..
والله انا من بعد المشكله صايره له حوريه وقمه بالدلال..
مريحته نفسيا وعاطفيا.. وهو صاير مبسوط الفتره الماضية..
صراحة مو حابه ارجع للمشكله لكني فعلا تغيرت
وتابعت مع الاعضاء هذا الشي بردود كثير سابقه..
وكنت بكل مره احس بالاحباط.. واتعوذ من ابليس..
وابذل جهد مضاعف اكثر واكثر..
لكن هو لا حياة لمن تنادي..
وكملها بكلامه السخيف امس.. وهذا اللي دمر نفسيتي..

انا مو طالبه منه يكون عاطفي ورومانسي..
واصلا هو اذا فاجأته بشي يقول والله ما اعرف اتصرف..
اقول له مباشره.. انت استسلم لي وانا اتكفل بالعواطف..

المطلوب منه بس يقوم بمهامه كرجل..
مو يتعامل معي مثل الجدار.. وينفجر فيني مع اي خلاف..
وكأني انا المقصره..

واذا على كلامك الرجال بيستمر منفس علي
بسبه امور سابقه ومشاكل قديمه
فهذا يعني ان طريقي معه مسدود..

السلام عليكم ورحمة الله وبركاته
طيب يااختي الحين هو سوا اللي تبينه وقاعد يجهز الشوي ليش ماتنبسطين ؟! الحين قاعد يدور رضاك هالليلة على الاقل طنشي مااشوف شي يستاهل الزعل
انا زوجي صاااااامت ومستحيل يراضيني يخلي اللي براسي يطيح مع مرور الليام واطنش وش اسوي ..

انسي ياحلوة وعيشي ليلتك اليوم

__________________
ربي فرج همي ويسَر امري

حبيبتي هو جالس يشوي ويتسامر مع صاحبه..
وانا اغلي بالغرفه لحالي بين 4 جدران..
فوق كذا ناقصني ارتب وانظف بعدهم..
كيف تبيني انبسط

ﻻ يا اختي الموضوع ياخذ وقت

مثل البناء . انتي بنيتي اﻻساس و باقي عليكي بناء الطابق اﻻول و الثاني و الثالث
ﻻ تكوني مثل الي بناء اﻻساس و قال خلاص سويت الي علي و بسكن و اذا لم يحميني من البرد و المطر راح انقل

صدقيني اختي اساس البيت يبنيه الزوجه ﻻ الزوج

ممكن تذكري اسباب مشاكلكم السابقه

زوجي كان يتهمني بالنديه واني ارادده..
وهذا كان يصعد اي خلاف بينا..
هذا كله بأول سنه زواج بس..
السنتين الثانيات تغيرت تدريجيا..
والان صرت ونعم الزوجه واللي لو يلف الدنيا مايلاقي مثلها..

هدوء وذوق واحترام وادب وانوثه
واناقه وجمال وسنع واهتمام فيه وبالبيت
وهو يثني ويشكر ويبوس راسي وبس
هذا اقصى شي عنده..
ويحس انه مسوي شي كبير بعد..

طريقتك جيدة معه عزيزتي كنافة لحد الآن
غير انه من رأيي ان تخففي من اخذ خاطره قليلا
يعني لما يرجع و يقولك لما قلتي اوف
قولي عفوا كنت تعبانة شوي و متمللة من جلوسي لوحدي..وفقط لاتزيدي
خليه يحس شوي بخجل من بديهيات مراعاة الخاطر
و ضروووري عزيزتي تغيري جو عن زوجك مع صاحباتك او اهلك
في الويكند يخرج.يغير جو....انت كمان بما انك قايمة بحقوقه كاملة ايام الاسبوع
جربي تتفقي مع صاحباتك تتجمعوا بشكل دوري
ليس عندا...انما يبدو انه مو شايفك...صحبة..عرفتي قصدي
يعني زوجة و دلال..لكن الامر يبدو ضغط عليه..فأنت اتركي مجالا له
ليشعر بالفراغ الذي تتركيه..ولو قليلا

__________________