السلام عليكم. . انا ما حبيت اكتب الموضوع اﻻ بعد ما تعبت والله
((خطيبي لديه عدة سلبيات فهل انفصل عنه ؟؟ ))
انا صار لي مخطوبة يعني مملكة سنة ونص تقريبا.. وتقدم لي بمعرفة اهله يعني زواج تقليدي
مشكلتي اني تعلقت فيه وحبيته ونسيت ان هذي فترة خطوبة والمفروض تكون للتعارف قبل الحب
راح اقولكم سلبيات وايجابيات زوجي لاني افكر بالانفصال
اول شي ايجابياته رجل مسؤول عن نفسه وشايل عمره. يهتم في عائلته وخصوصا امه . يصلي في المسجد غالبا . يحترمني . ما يرد لي طلب. كريم معي ومع الكل .
سلبياته يكذب بعض الاحيان. يغلط علي بالكﻻم ومرات ما يعتذر . انا ما عمري فتشت تلفونه لكن مرات لما نكون قاعدين ويفرجيني صور مثﻻ تطلع معاهم صور بنات. ما يقدر يرفع عينه عن اي بنت يشوفها وبعدين اكتشفت ان هالصفة في كل اخوانه يعني وراثة. ما يهتم فيني كثير مع ان وصلت عﻻقتنا جدا رائعة كنا مثل الاصدقاء ما نخبي شي عن بعض وكنت احس ان يحبني لكن للاسف تغير كثير لاني اكتشفت ان يكلم بنات على الانستقرام والانستاشات ويقولي ان يسولف وياهم عادي وﻻ عنده وياهم شي مثل غزل او غيره. وصاير بالفترة الاخيرة يخبي تلفونه عني
انا تعبت وكثير افكر ان هذا الشخص فيه ايجابيات كثير لكن سلبياته جدا متعبة بالنسبة لي
حاولت كل هالفترة اني اتقرب منه واقول يمكن يتغير بس ما تغير شي اﻻ بالعكس كان قريب مني والحين ابتعد وصار يبعد تلفونه وهمه التلفون
خبروني شسوي ؟؟

(( تم التعديل ليتناسب مع المضمون))

لا ابدا صفاته رائعه لا تنفصلين ولا شي
هو حس انك تغيرين ويمكن حيل متعبته بهالصفه وخلته يبعد
وبعدين فتره ملكتكم جدا طولت

شكرا لك اختي
اي طولت ملكتنا بسبب وفاة زوج اخته الله يرحمه وبعد لاسباب مادية

استخيري ....

__________________
## مهم ##
هل تتعرضين للابتزاز في الانترنت؟


هنا من ينقذك

ﻻ ترتبطي فيه و انتي بهل الوضعية . راح تتعبي كثير اختي مع بعد الزواج

صعب جدا الشك مع من تحب و شريك حياتك و راح تنغص عليكي حياتك

و مسالة اتسولف مع البنات عادي . هذي وقاحة و بشبع صورها

اقعدي معاه قعدة مصارحة اختي و قولي له 1. 2 . 3 و كل شي مضايقك منه

هو يقول ان عادي لان ما يغازلهم بس سوالف عادية بس انا كلما افكر اتعب والمشكلة ما اقدر اقول لاحد من اهلي ما ابغيهم ياخذون فكرة سيئة عنه

وعليكم السلام

عزيزتي..
ممكن توضحي شوي بالنسبة للصور..
أقصد البنات هو مصورهم؟ وإلا مثلا كذا صور جايبها من النت؟


بالنسبة لكلامه مع البنات..
سبق وشفتي له رد ع وحدة منهم؟

أقصد الردود ايش طبيعتها بالضبط؟
هل مثلا لما بنت تنزل صورة يصير يرد عليها بـ: مبدعة، أو تصويرك جميل، أو… الخ
كـ كلام عابر يعني؟

والا يتعمق؟

ﻻ اختي صور من النت اعرفه زين مستحيل عنده عﻻقات تتجاوز للزنا او ان يطلع معهم ابدا
بالنسبة لردوده اي شفت مرة كﻻمه مع بنت تبي تحل مشكلتها انها بتتزوج مسيحي وكان يسولف معاها عادي يمزحون مع بعض شوي بس مافيه اي غزل او تعمق وبعدين حذفها من عنده على اساس انحلت مشكلتها وحتى هي حولت حسابها لحساب خاص او مقفل
بس قلبي مو مطمن بسبب التلفون ليش يخبيه عني هذا الي يخليني افكر

وعليكم السلام ورحمة الله وبركاته ..
مرحباً بكِ عزيزتي ..
سؤالي نفس سؤال الأخت دانا كيف رده عالفتيات ؟!
ثانياً / بمثل ماقال الأستاذ سامي فلا بد من المصارحة بما يُضايقكِ ؟! وماذا تتوقعي ردة فعله ؟!
ثالثاً / كيف لايهتم بكِ ؟!
وماذا تقصدي أنتِ بإهتمامكِ له ؟!
أنتظر إجابتكِ
ووفقكِ الله

هﻻ بك اختي
شكرا لاهتمامك
صارحته من قبل ان الي يسويه يضايقني وانصدمت من جوابه قال لي ان الرجال يختلف عن المراة وان له الحق في التعدد وعادي جدا اذا كلم بنت وهو مزوج لان احتمال يكون فيه نقص في زوجته ويبحث عنه عند بنت غير
كﻻمه قهرني جدا وما عرفت شنو ارد عليه
بالنسبة للاهتمام يعني ما يسأل ع طول حتى سؤاله عني بمزاجه ويكذب يقول ما عنده وقت يتصل مع اني اشوفه ع الواتس او الانستقرام
اختي انا محتارة ما بين قلبي وما بين عقلي
قلبي يقولي تحبينه وﻻ تتنازلين عنه لبنات ما راح يفيدونه بشي وبالاخير ما اله اﻻ انتي
وعقلي يقولي انفصلي عنه لان مااستحى وبكل وقاحة يقولك ان عادي يسولف مع بنات ويبرر بهالشي ان الله احل للرجل التعدد واحس من كﻻمه كانه استعباد للمراة يعني ﻻزم الزوجة تصبر وتسكت بس لانها ملزمة برجل واحد؟!!!!