رد : كيف اصل لمرحلة التقبل ونسيان ما مضى/ فاكهة الشتاء/ الاخ النور والحنان
خلاصة القصة،،
كنا سهرانين عند أهله يوم الخميس لوقت متأخر، وصلنا البيت ونمنا ع الفجر وانا تسحرت ع اساس أصوم اليوم الثاني بعد عاشوراء ونمت وهو ما صام،، طبعا انا من النوع اللي اذا نمت متأخر صعب اصحى الا لأمر طارئ او دوام،، غير كذا اكسل، صحيت مفجوعة ع الساعة ثنتين وشوي و لقيت زوجي نايم، صَلَّيْتَ وسويت غدا خفيف،، طبعا كنت زعلانة منه البارح لمن رجعنا لانه زعل مني بسبب تافه وطلع من البيت، ومو اول مرة يسويها دايم اذا تزاعلنا يطلع ويخليني ويروح يدخن بدعوى يخفف الضغط،، المهم صحي من النوم ولقاني اسوي الغدا وحاول يتقرب ويراضيني وانا اطبخ وانا مسوية فيها زعلانة ،، المهم جاته مكالمة كلم ورجع لي،، وقال وش مسوية،، قلت كذا وكذا،، قال كليه بس انا رايح،، قلت وغداك قال ما ابغاه كليه انت ،
قلت له انا صايمة، قال مالي علاقة دبري نفسك انا بروح تأخرت ع الدوام،، علما بأن دوامه يبدأ بعد صلاة العصر ،، المهم طلع ولمن طلع من القهر سكرت الباب الداخلي بقوة،، ورحت المطبخ اكمل الا شوي جاني،، وفتح الباب ودخل البيت وجاني معصصصب، وقال: ليه تصكرين الباب بقوة ،، شوي ويعطيني هذاك الكف .....
شوي وأكمل
التعديل الأخير تم بواسطة معالي الوزيرة ; 17-11-2013 الساعة 05:28 AM