سلام عليكم
ابي اسولف لكم محتاره ساعدوني
فيه شخص تقدم لي مو رسمي كلم امه وكلمت امي وللحين مارد ت عليهم وسالت عليه هو موظف وظيفه قويه وعنده بيت وله مكانه اجتماعيه ومخلص دراسه برا لاكن عرفت انه راح البارات وراح البحرين وانه يشرب وينام هناك في البحرين
الي عنده خبره بها الامور يعطيني تفاصيل البارات وش يحصل فيها
وهل الي يشرب يقدر انه يواصل حياته وشغله وويعيش حياه كريمه بعد الزواج يعني الشراب نفس المخدرات
وشلون يقدر يقطع الشراب وهل الي يشرب كاسه نفس الي يشرب عشره
تكفووون ردو سريع مابقى شى عالمهله لازم نرد خبر للجماعه

اول شي تأكدي هل الكلام اللي وصل لك صحيح لان احتمال حساد يبون يحرمونك من هالعريس اللقطه والحساد قد يكونون من اقرب الناس لك ما تدرين

اذا مو متاكده وافقي مبدئيا خليهم يخطبونك رسمي وبعدين ابوك واخوانك يسألون عنه عدل وتبين الصوره اذا الكلام طلع صحيح قولوا ما في نصيب

البارات هي المراقص اللي فيها بنات ليل وخمر
والخمر ادمانه ارحم من المخدرات بس مو الكل يقدر يتخلص منه
يحتاج ايمان وصبر وقناعه ورغبه صادقه في التغيير

اما اذا اخذتيه على امل يتعدل تكونين غلطانه لانه غالبا راح يستمر على وضعه

والخمر ام الخبائث وساس المشاكل لا تقبلينه لو ايش ما كان لان قد يفقد عقله ويسوي بلاوي يدخل عليك رجال او يقتلك وغيره من البلاوي الله يصلحنا وياه

الف شكر اسعدني مرورك اخوي

استخيري الله واسألي ناس تانيين كمان غير الي سالتيهم باﻷول ..
وازا لهﻻ هوي هيك مابدك اياه حتى لو شو ماكان..
والقرار الك ..

__________________
الحمدلله على كل حال ..
الحمدلله دائما وأبدا ..
♥

يعني الي يشرب مامنه امل

لا اعرف كيف توافق الفتاة المسلمة بالزواج من شارب الخمر وهو ما زال على عصيانه لربه ولم يتوب
شرب الخمر يذهب العقل فتوقعي منه فعل أي شيء من زنا وغيرهو وقد يحمل امراض جنسية
انسيه و ابتعدي عنه

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

بصراحة يا أختي أسئلتكِ غريبة!!

وإذا كان يقدر يواصل حياته بشكل عادي؟!!!! .. وإذا كان يشرب كاس وحدة مب عشرة؟!!!

تفرق يعني؟!!!!!

شرب الخمر من كبائر الذنوب يا عزيزتي .. بغض النظر عن الكمية ومدى التأثير .. فإن تأكد لكِ أنه شارب خمر ولم يتب فلا مجال للتفكير.

__________________


اللهم طِيبَ الأثر .. وحُسْنَ الرحيل.

مااهي غريبه كثيررر من الشباب ايام العزوبه يشربون ويطيشون وبعد الزوج يلتزمون

كثير جدا من الشباب على هذه الشاكلة
هذي هي حقيقه
المهم صدقيني لا احمد يمكن ان يفيدك من هذا المنتدى
المسأله معقده ولكل قاعده شواذ
الشرب بحد ذاته ان كان عبث ومراهقه وتجربه لايعد طامة كبرى ومصيبه عظمى
الطامة والمصيبه ان كان مدمن

شوري عليك شاوري نفسك اسئلي عنه اكثر بذات الشباب في حارتهم عنه واسئلي عنه في عمله
ولاتهتمي ب محاولة التخفي وانه مايعرف انه انتم الي سألتو لا خليك عادي اسئلي عنه بكل ثقه لانه حقك
انتي تبين زوج ناجح ومرتاح ماديا
او زوج نظيف وعنده مشاكل ماديه
انتبهي واحرصي ووصي اخوانك او عيال عمك او اي رجال قريب منك يسئل عنه اكثر
بعد ماتتوفر عندك لمحه عامه عنه هنا انتي الحكم
مبدئيا ترا كلامي هذا ظنون وتخمينات ربما هو اطيب وانظف واحسن من ماقلت فيه ومني كذالك
وربما العكس
والموضوع بخاجه لدردشه اكثر واخذ ورد بيني وبينك
اذكر فيه ارقام استشاره اسريه وغيره من مركز بن باز وغيره
ربما تفيدك
لكن ربما تطيحي بواحد مطوع او مايسمع منك انه يشرب يقولك
يابنتي اتركيه ويعوضك الله
ونا ضد امثال هذه النصايح بمثل هذا الوقت
كلامي كثير
الله يوفقك ويعينيك ادعي لك ولجميع الطاهرين الطيبين

تسلم اخوي ردك جدا اسعدني والي اقصده هل الشخص لما يشرب مره يصير خلاص لازم يشرب دووم
عرفت انه يروح البحرين مره في الشهر وفي العيد راح مرتين
بسس شلون قدر يتوظف في هالوظيفه المرموقه وهو يشرب
صراحه ما ابي اخسره وعندي استعداد بعد الزواج اساعده يتخلص منه اذا فيه امل وخايفه ارفضه واعنس في بيت اهلي ويااااااربي فزعتك