السلام عليكم إخواني وأخواتي

انا في حيره من امري واتمنئ محد يطلع إلا تحلولي مشكلتي

اول شئ انا اعترف أني غلطت علئ زوجي ومشكلتي ثاني مره

ومن حبي له وحبي له صبر بس هالمرة رافض رفض شديد إني ارجع

المشكلة باختصار انا متزوجة من رجل 27 وأنا عمري 19 ولنا الآن 6 شهور من الزواج

بأيام الملكة كنت كثير اغلط علئ زوجي بسبب كلام الكذب اللي سمعته من الناس وياليتني ما سمعت طلع كذب وتاسفت له وقلت وعد اني معد اكررها وسامحني وسلمت علئ راسه بعد ما هددني بالطلاق انا انفجعت لانه بصراحه والله انه طيب وماشفت فيه عيب وكل مايجي عندي هدايات بالهبل

تزوجنا ولله الحمد حياتنا حلوه بس يا ناس فيني عيب والله كل ما نمزح مع بعض يطلع من لساني كلمًة غبي وكم مره يقولي عيب انا زوجك انتي تشوفيني غبي اقله إيه من باب المزح يزعل ويقوم واجي أقوله لا والله انت رجال وأنت عمري كله وقالي لأعاد تعوديها وبرضه اعودها والله مدري ليش انا أسوي كذا من ثالث شهر وأنا بملكة غبي بكل مزح نمزحه اللين مانفذ صبره وآخر كلمة أعطاني كف وصح أني استاهل وياليتني أعطاني كف وسكت للأسف قلت انت منت رجال وقالي يلا بيت آهلك وأنا الحين لي 3 أيام والله ودي ارجع أدق عليه ما يرد أدق ارسل رسائل مايرد سالت احد من أخواته قالولي سافر دبي وأنا حوفي انه نفسيته مره تعباانه ودي ارجع وأخاف أنه يطلقني لأني بصراحه مره زودتها بالله وش أسوي ساعدوني مالي اخسره لو أني اخيص بيت أهلي واعرف بس أني ارجعله ماعليه اصبر اهم شئ ارجع علموني وش أسوي علمت عمتي اللي هي امه وقالت يابنتي ما احب أتدخل انتي غلطتي وهو اللحين متأثر منك خليه اللحين يرجع بالسلامة وخير إنشاء الله .. وأنا والله خايفه وش أسوي علموني

بعدما يعود من السفر إرسلي له رسالة اعتذار واطلبي عودتك للبيت

ودي اعرف متئ يرجع والله أنا اللي استقبله

أرسليله بمشاعرك الجميلة اتجاهه وأسفك
وأهم شي إنك زوجة صالحة وعارفة حدودك
وهو كمان زوج بن حلال ويكفينا شهادتك عنه
وماعندكم إلا العافية وعندي ملاحظة بسيطة:
ياليت يا أختي تغيرين من نفسك بعد لأني أحسك تجزعين بسرعه وتدقين على هذا وذاك وعلمتي عمتك
والرجال ساكت على نفسه وفضحتيه... يعني الحركه ذي بعد حكايه... إذا صار شي خليه بينك وبين زوجك
ولا تطلعين من بيتك نهائي ...

في هذا صح المفروض أني ما أكلمها رغم أنها ماكانت تدري وأنا رحت كلمتها منجد أنا اللي غييه

تحتاجين لتثقيف نفسك بالقراءه والإطلاع وحضور الدورات الزوجيه ..

شكلك صغيره وقليلة خبره وعجـــــــول ....

إستغلي جلوسك ببيتك أهلك بحضور دورات زوجيه تفيدك وتطور ذاتك ...

زوجك مجروح ومتضـــايق منــكـ ويبي يأدبكـ إتركيـــه حــاليــاً ولاتلاحقيه بالرسايل والمكالمات

وحاولي تغيرين طبعك عشان نفسك وعشان ماتخسرين بيتك وزوجك ....

وفقك الله وأصلح شـــانكـ

إنشاء الله يرجع بالسلامة يارب

عجبي من تنرفز بعض الرجال بسبب كلمة تقال على وجه المزاح او في وقت الغضب ويعامل البنت الصغيره الفرفور

كما يعامل الرجل العاقل الكبير ..

لابد للرجل ان يعرف ان المرأه لها وضع خاص في (( فرحها .. حزنها .. غضبها ... غيرتها ))

فهي في الفرح تطير .. وفي الغضب تفور .. وفي الحزن تيئس .. وفي الغيره تختل

وأنت تغيرت في حالة الفرح فقلت له يا غبي

وتغيرت في حالة الغضب وقلت لست برجل

وربما تغيرت في حالة الفرح والغيره



وهذا ما يجعلني اقول ان لكل زوجه تعامل خاص بحسب عمرها وعقلها ونفسيتها وبيئتها الاجتماعيه

وهذا ما يرجح قولي ان تعامل الرسول عليه السلام مع عائشه تعامل خاص .. بحكم سنها وقرب ابيها منه وحبه لها

لاننا نقول وبالفم المليان

ان لكل امرأة مزاج خاص .. فالنساء مثل الجزر في البحر .. لكل جزيره شجرها ونباتها وماؤها وتضاريسها الخاص بها

اقتراحي عليك ان تتركيه فتره من الزمن حتى يثوب الى رشده .. ويراجع حساباته .. وربما حن اليك بسبب بعدك عنه

ونحن نقول دائما

ان الزمن يداوي الجروح .. وأن طول البعد يخلق في النفس الغاضبه هدؤ وبرودة اعصاب ..


لا أويد من يقول لك

خذي دوره .. لان الدوره لا تعلم الانسان ان يخرج عن طبيعته .. فالطبعه اقهر من العقل

ولا اؤيد من يقول

ارسلي له رساله

لان كثرة الاتصال به يحمله على رفع الخشم والانزواء والبعد والعرب تقول كل مبذول ملول

وكثرة القرب من الرجل والالتصاق به يحمله على الزهد والضجر ..

فمن الحكمه معرفة المرأه متى تقبل ومتى تدبر

الحل كما قلت

أتركيه فتره حتى يعود اليه رشده .. ويعود اليه حبه ..

لان فقدان الزوجه يحمل الرجل على اعادة نظرته فيها

حبيبتي لا تتصلين ولاترسلين
حلوه هذي يطردك من بيتك عشان كلمة غبي ولا ويضربك كف
وانتي تتصلي وتعتذري !!!!!!
انتي شايفه غلطتك تقارن بغلطته
ايش ترك الاخ للمشاكل الاعظم والاكبر
اذا على كلمه يطردك من البيت
على فكره انا ما احكي من فراغ انا اول زواجي كنت اقول لزوجي انت غبي وسخيف وكان يزعل
بس ماعمره ضربني او طردني
بس هجرني وبطل يكلمني
لكل مقام مقال
وزوجك يبغاله احد يتفاهم معاه ومسافر دبي كمان والله حاله