السلام عليكم
يا إخوان نفسي تشورو علي
أنا خطيبي حالته المادية على قده وأنا مقتدرة والحمدلله
إحنا منسجمين ومتفاهمين والشكر لله وحده
لكن حالته مصعبة علينا امور كثيرة
هل مساعدتي له فيها عيب ؟
ما أعرف كيف ممكن اساعده
احيانا احسه محتاج ولما افاتحه بالموضوع بشكل عام الاقيه يرفض مساعدة من أحد
وهذه اكثر صفة تحببني فيه
هو انسان اتعود يعطي وماياخذ وانا اشوفه دايما يضحي لأهله ومايخليهم يحتاجو شي
انا نفسي اساعده بس بطريقة مايحس فيها انتم اقترحوا علي الله يخليكم
ما ابغاه يعرف عن طريقي كيف ممكن اساعده ؟
على الاقل بالشيء البسيط
محتاجة منكم طرق الله يجزاكم خير

انتي ماقلتي وش نوع المشاكل المادية الي عنده

علشان نشوف كيف تساعدينه من دون يدري

هلا بك يا لولوة
مشاكله المادية ان شاء الله مو كبيرة بس زي مثلا تتعطل سيارته
وتعطل علينا امور ومشاوير
وما يبي احد يساعده الين مايجمع هو ويصلحها
زي كذا والمبالغ هذي دايما اللي تنقصه تكون معي
والله احيانا تاخذ منا وقت من غير لزوم شهر نتعطل او شهرين

فيه طريقة بسيطة بدون ما يعرف
حولي لحسابه مبالغ مستقطعة وما يلاحظها
مثلا حولي له الف ريال كل يومين على حسابه و لمدة اسبوع
او 500 ريال كل يوم ولمدة معينة
بكذا ما راح يلاحظ
اعطيتك الفكرة وانتي شوفي اللي يناسبك

اسأل الله ان يوفقك ويتمم لكم على خير

يسلمك ربي طريقتك حلوة بس ماتنفع له
اشوف انه راح يحس ويشك
لأنه يعرف احواله زين

آممممم ,,

هلآ خيه ربي يسعدش انا اللي اعرفه انه الرجال مايحبوا المراءه تعطيهم يرفضون وخاصة فترة الخطوبه الرجال دايما هو يبي يبين لخطيبته انه مو ناقصه شي وهو اللي يبي يعطيها كل شي حسب ماعرفتي وصدقيني لو عطتيه احس يمكن يحط بخاطره <> حسب تفكيرهم اشرح لك <> ف الحل الوحيد تدعين ربك يرزقه بس بيني له حبيبي لو محتاج اي شي ترا ها فلوسي هي فلوسك وشوفي ردت فعله قبل لاتستعجلين وتسوين اي شي ,, بعدها من ردة فعله حكمي وش تسوين! ولو بتعطينه وكذا الافضل بعد الزواج ,, اتمنى استفدتي مني =)

ربي يخليك لاحبابك
قلت له والله احنا واحد و يقولي ايه وان شاء الله واكيد
ويوم يحتاج مايطلبني ابد

دامها امور بسيطة وهو ماطلب مساعده لاتساعدينه ولا تعرضين عليه المساعده

لانك تجرحين رجولته

تخيلي يجي خطيبك يقولك ماتعرفين تلبسين او انتي دفشة مثل الاولاد

هالشي يزعلك

انتي بعد وقت تعرضين عليه مساعدتك كانك تقولين له ماتعرف تدبر نفسك
والرجال قدام زوجته تحديدا يحب يطلع البطل الي قادر على كل شي
فخليه يجمع لين يصلحها وانبسطي له ان قدر يجمع ويصلحها وعادي خل تتاخر مشاويركم

وحتى بعد الزواج اذا ماطلب منك مساعده فلا تعرضينها عليه

حلو تحسسينه انه البطل الي قادر يلبي كل شي ومايحتاج مساعدة احد هالشي يعطيه ثقة اكبر

تسلم اخي الكريم ماقصرت ، الله يوفقك و اناوالله مااحسسه باي شيء يزعجه او يضايقه وبالعكس مبسوطة من كل شي يقدمه لي حقيقي والله يرزقك كل خير
وأنتظر اراء الإخوان يهمني بعد نظرة الرجل لهالشيء