السلام عليكم ورحمة الله وبركاته

اخواني واخواتي اناا عندي مشكله وابا مشورتكم ونصايحكم في هذي المشكله
في وحده من جيرانا تكلمت مع امي قبل سنه قالت لها نبى نخطب عندكم لوحده من بناتكم ومن بعدها سكرت الموضوع لقبل رمضان هذا اختي اللي اكبر عني كانت ملجتها وهي حضرت بعدها بسبوع ردت واتصلت وقالت لامي نبى نخطب (بعد قالت لامي ولدي اسئلوا عنه في كل شي ومابتحصلون منه شي الا التدخين) ... امي كانت متفاجئه بانها ترد مره ثانيه بس هذا الكلام بين الحريم .. هاي الحرمه تمت تتصل على امي وتقول بنخطب بنخطب بس كل شوي تأجل وفي نص رمضان الرجال تقدم.
اهلي في البدايه قالوا ليش كل هذا الوقت وبعد ليش كل مافتحوا الموضوع يأجلونه بس فرحوا وقالوا اذا فلانه تسمع الكلام توافق عليه ...
المشكله ان من سؤالنا عن الولد اتضح ان في فتره انعزل عن الناس تقريبا لمدة سنه وكان مايخرج من البيت بالمره... وكل الي اهلي سئلوهم يقولون رجال ما شاء الله عليه بس هذا قبل عزلته( كانت تقريبا من ثلاث سنين) اما الحين مايحتك معانا بالمره ( من البيت للمسجد والعكس واحيانا في ملعب الحاره)
انا استخرت وايد ... اهلي ضغطوا علي ... "معارف وجيران واهله طيبين ومابتحصلين نفسه وعنده ملحق يعني بتنفصلين عن اهله وهذا الشي لصالحج "... بس انا مب مرتاحه لاشياء ثانيه بعد, الرجال ماشفته ابد كله من وصف اخواني وبعد مايوصفون عدل قالوا اسمر بس شكله عادي انا مارتحت لهذا الشي بس قلت محد كامل واهم شي الاخلاق ... وبعد انا مب مرتاحه من موضوع التدخين بس قلت بشرط انه مايدخن ... واخر شي هو بعده متدرب يعني ماوظفوه بدوام رسمي وعمره 28 سنه .

قلت لاهلي انا مابا اتزوج واحد يمكن يكون فيه حاله نفسيه محد يعرف ليش انعزل كل هذي الفتره .. امي وابوي قالوا الناس معارف مستحيل يخدعونا... قلت لهم اسئلوا عن الولد ليش انعزل ابوي قال "ارفضيه وروحي دوري لج على واحد وخليه يخطبج انا بوافق عليه" انا انصدمت كيف ابوي يقول هذا الكلام ونحن من عائله ملتزمه وبعد عرفت ان اهلي يبون الولد حتى لو شو كان فيه... بس بعدين ابوي قال خلاص بسئل اخو الولد لانه حافظ القران وملتزم واذا كذب علينا في هذا الشي برقبته ليوم الدين ... اليوم الرجال ايا بيتنا وسئله ابوي قال له اخوي مافيه اي شي " انزين وكلام الناس عن عزلته !! شو سببها ؟ " محد يعرف

اختي الحين تقول ابوي باجر بيكلمج ويباج تقولين قرارج ... انا مب مرتاحه للرجال من كل الي عرفته عنه عشان جي محتاره شو اقول لاهلي موافقه ولا لا ...
امي طبعا بتزعل وايد " قبل خطبي واحد ورفضته فامي قالت شوفي راي ابوج بعدين قرري سئلت ابوي قال ارفض لاني انا بعد مب مرتاح للرجال ... بس للاسف امي لحد يومكم هذا تعايرني الرجال زاده ولد وانتي بعدج مب معرسه " احس في قلبها هذا الموضوع
وهذي المره احس نفس الشي بيحنون فوق راسي خاصتا بعد ماعرفوا ان الرجال على قولت اخوه مافيه شي

انا الحين عندي خيارين الاول اني اقول لامي وابوي انا مب مرتاحه للرجال واذا تزوجته مابكون مستانسه وايد بس بخلي الراي لكم" رايي من رايكم" ( عشان احط قرار الرفض او الوافقه بايدهم واذا تم الرفض مايعايروني او اذا ماتزوجت مايقولون ها يافلانه فوتي الريال )
والخيار الثاني اني ارفضه بدون نقاش واخليهم يزعلون شوي وبعدين يرضون
فانتم شو رايكم ؟ واذا رايكم يختلف تماما ان الي قلته انصحوني لاني مب عارفه شو اسوي

نصيحة، صلي ركعتين واستخيري ربك،والله لن يضيعك..

__________________

كيان!

- قولي لااهلك انتظروا هذا زواج بصلي استخاره وافكر ولما اتخذ قراري اخبركم لانه زواج مو لعبه .

بالنسبة لعزلة الرجل , مو شرط يكون هو مريض نفسي , بالعكس انا لي 3 سنوات طلعاتي من البيت قليله من الدوام للبيت وبالبيت اجلس في مكتبتي اغلب الوقت واطلع المسجد قدامنا و على هالحال , ومرتاح ولله الحمد من الازعاج ومشاكل الناس والقروشة .
لكن لو كانت عزلته عزله بحته هنا يختلف الموضوع , بس ع كلامك هو يطلع بعض الاوقات للمسجد ولملعب الحاره , يعني مو مريض نفسي .
عموما القرار لك وفكري بتمعن و برويه ولاتنسي الاستخاره.
- أسأل الله لي و لك التوفيق الدائئم والصحة والعافية والزوج الصالح,,,

الرجال الي كذا يخليلك تحتارين .. مريض ولا كافي خيره و شره

.. شوفو موضوع غير هذا يعني علاقته و تعاملاته مع الناس
مع اهله .. يمكن يكون بيتوتي ما يحب يطلع

مو انه فيه شيء .. الله يكتبلك الخير
لا تنسين الاستخاره

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

استخيري يالغلا وخلي اهلك يسالون عنه في المكان اللي يتدرب فيه طبيعي هناك بيحتك بالموظفين ويبان جزء من شخصيته
ولاتحكمي عليه من العزلة يمكن طبيعة شخصيته بيتوتي
الله يدبرك بتدبيره ويكتب لك اللي فيه الخير

يسلمو كيان! .. استخرت وبعد مستمره في الاستخاره

جزاك الله خير اخوي الحصان وحيدا على الرد ... اهلي بينتظرون ردي بس على اي اساس اعطي رد وانا مااعرف سبب عزلته ( كان عازل نفسه عن الناس بالمره بس في الوقت الحالي بدا يخرج للمسجد والملعب) ... مااريد ارفضه يمكن يطلع رجال زين ...عزلته خايفه منها ابا اعرف السبب يعني مب شرط يكون مريض بس محد يعزل عمره عن الناس الا بسبب كبير

شكرا اختي آنكسآر حلم .... اي علاقات وهو ماعنده علاقات بالناس اللي حوله حتى يوم سئلنا خالته زوجة عمه قالت انا ماعرفه بالمره اسير بيتهم بس ماشوفه ... اختى عندها رقم اخته بس قالت لي قنعي عمرج مستحيل اسئلها اذا اخوج مريض نفسي ولا
يسلمو اختي نيوتيلا ... اهلي قالوا سئلنا وبما فيه الكفايه والحين نتريا قرارج ...

امي اليوم تكلمني تقول ابوج كلمج بموضوع الخاطب قلت لها لا تقول اخوه امس يا عندنا بس مالحقت اسئل ابوج شو كان انبينهم... بس الصدق انا سمعت امي تكلم ابوي وتقول له الولد مايتفوت واقنع بنتك (امي تبين لي ان مالها دخل بالموضوع لان قبل قالت لي اذا سار شي انبينج وانبين ريلج لا تقولين امي انتي زوجتيني هذا الريال انا مالي خص ).... امي تباني اتزوج لانها تشوفني كبيره (توني دخلت 23) ومب همها اذا مريض ولا قبل قالت لي في ناس كثير مرضى ويتعالجون ومرض هذا الريال مايعيبه ...... عشان جي انا مااثق باهلي احس يبون يزوجوني وخلاص

جزاك الله خير اخوي الحصان وحيدا على الرد ... اهلي بينتظرون ردي بس على اي اساس اعطي رد وانا مااعرف سبب عزلته ( كان عازل نفسه عن الناس بالمره بس في الوقت الحالي بدا يخرج للمسجد والملعب) ... مااريد ارفضه يمكن يطلع رجال زين ...عزلته خايفه منها ابا اعرف السبب يعني مب شرط يكون مريض بس محد يعزل عمره عن الناس الا بسبب كبير


مو شرط يكون فيه سبب كبير , احيانا الانسان يحتاج لعزله يختلي فيها لنفسه , و يراجع حساباته , او ربما مر بحالة رفض للمجتمع بما فيه , او ربما اختلا بنفسه كي يراجع نفسه بينه وبين ربه , اسباب العزله كثيره , من بينها وجع الحياه , لا يروح فيك تفكيرك شررق و غرب .
مثلا عزلتي كانت لسبب هو زواج اقرب واعز واغلا اخت عندي , كنت محتاج اهرب من غيابها بحثت في كل الطرق للسبيل عن نسيان غياب اختي اللي بمثابة ام و اخت وصديقة وكل شيء , ولاني من عشاق القراءه قررت اسوي لي مكتبه خاصه لي في البيت ووقتي كله ضايع بين شغلي والكتب و اهلي , واغلب زملائي بالعمل و اصدقائي يعتقدون اني مااحب اطلع من البيت لاني اعاني من شيء بينما الجريء منهم يواجهني ويقولي تعاملك كويس واسلوبك كويس ليش قليل تطلع طلعات مع شباب وهيك الجواب بسيط مو جوي الطلعات الكثيره والشغلات هذي , الشاهد انه لا يروح فكرك بعيد ربما يكون رجل صالح , ولا يعاني من شيء على الاطلاق .
عموما خلي احد اخوانك يسأل هذا السؤال لـ اصدقاء الخاطب واولاد حارتهم ووو الخ , وقرري بعدها .
- لا تكثري من الاسئله حول الموضوع .

“ انت المسافر في كل قطار صوب الاسئلة، من قال انك وصلت؟ من قال انك تدري اين هي ذاهبة بك الاجوبة ؟ فـ الاجوبة عمياء .. وحدها الاسئلة ترى”

دآمك استخرتي لا تخآفين .. اذا خير بتتسهل واذا شر الله بيصرفه عنك

اذا ما يعجبك الرجال الهادي و الي على قولتهم صنم
لا تستعجلين .. بآين فيه شيء

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

السلام عليكم ورحمة الله وبركاته
جزاكم الله كل خير اختي آنكسآر حلم واخوي الحصان وحيدا

في تطورات للموضوع .. ابوي اليوم كلمني على انفراد وقال لي يابنتي اخ الولد ماكذب بسالفة اخوه انه مافيه شي بس انا ماتطمنت فرديت سئلت الريال عن الفتره الي كان منعزل فيها .. رد علي وقال انا اشوفك شرات ابوي وبنتك شرات اختي او بنتي ... اخوي كان موظف براتب قليل ويا عندي يقول انا بنزل من الشغل قلت له على راحتك بس اول دور على شغل ثاني عقب فنش قال عقبها بفتره اشوفه في البيت اقول له يافلان بلاك في البيت يقول فنشت ومن بعدها حبس عمره من حجرته للمطبخ والعكس .. عقب قال انا واخوي الاصغر طلبنا منه انا نسير لشيخ يقرأ عليه رفض قال مافيني شي وبعد طلبنا منه نسير مستشفى خاص بالامراض النفسيه رفض ...عقب اخوي اللي اصغر مني سار للمستشفى بدون اخوي (الخاطب) قال لهم السالفه رفضوا يعطونه حبوب فرد لهم مره ثانيه ومع الحاح عطاه الدكتور حبوب حق انفصام الشخصيه وقال هذا من النوع الخفيف فستخدمها ومن بعدها رد يخرج برع البيت

الملخص ان الريال كان فيه حاله وخرج من هاي الحاله بفضل الله ثم الحبوب والمشكله ان امي بعدها مصره على الريال قالت لو بعده يستخدم الحبوب ارفضيه واذا لا انا انصحج واشوف الافضل توافقين ... ابوي طبعا خيرني وقال ياترفضين تماما من الحين او تنتظرين اسئل اخوه اذا يشرب الحبوب ولا خلاص ؟

الحين هل تنصحوني اني ارفضه بدون لاتعب ابوي واخلي امي شوي تزعل عقب ترضى ... او انتظر ابوي يسئل ؟
وبعد اذا انتوا كنتم في مكاني (تقدم لج /تقدم لحد من خواتك او بناتك) ريال كان مريض نفسي واستخدم حبوب لمدة سنتين عقب رد طبيعي بترفضون او بتوافقون ؟

تبين نصيحتي أرفضيه خآصة إنك باقي صغيرة والحياة قدامك ..
يا أختي صعب الواحد يتشافى من أي مرض نفسي خآصة إذا كان يستخدم أدوية .. أنا أعرف واحدة من بنات جيراننا تستخدم حبوب نفسية صرفها لها المستشفى لما تجلسي معها الحمدلله تقولي مافيها شيء بس خليها تبطل الدواء أو حتى ماتستخدمه زي ماوصفها الطبيب وربي ترجع تنتكس زي حالتها وأردى بعد ..

عشان كذا اسألو زين عن الرجال واستخيري .. وإذا تبين رأي أختك أنا أقول أرفضي وربي راح يرزقك إللي أفضل منه ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..