لي فترة طويلة يمكن اكثر من اربع شهور من الم سني وهو ضرس العقل وسبب لي مشاكل كثيرة في الاذن وصداع والم برقبتي ..
مشكلتي الخوف من الخلع لان كل ماأقرا او اسمع انه مؤلم وأنا لي تجارب كثيرة مع اطباء أسنان هم سبب خوفي لأن كل شغلهم مؤلم بالنسبة لي ..
فـ موعارفة كيف اتخلص من الألم والخوف ساعدوني !

__________________

الالم سببه تسوس؟
اذا كانت اجابتك نعم
عليكي بالعسل فهو كالبنج الموضعي
كذلك زيت القرنفل
واالمضمضه بالماء والملح

وما ادراكي قد لا يتم الخلع فقط تنظيفها وحشوها

والافضل الذهاب الان للطبيب
حتى لا تتأزم الامور

ابتعدي عن السكريات
اتمنى لكي الشفاء العاجل

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

تسلمي والله ..
لكن السن مو ظاهر [ يطلع حبة حبة ولسى مابين ]

__________________

اها يعني الم من نمو السن وليس تسوس
انصحك بالعسل
ووضع قطعة شاش بين الفكين
وعندمكان الالم تحديدا ليساعد في خروج السن

صراحه الام سن العقل منتعبه جدا
معليش كفاره ^_^

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

حبيبتي لا تخافي انا أخواتي طلعلهم ضروس العقل وخلعها مثل البلسم من قبل الدكاترة والألم فقط عند فك البنج ويؤمن ويروح ومو ذاك الألم لأنك حترتاحي كثير بعد خلعه
عزيزتي أونا ضرس العقل عاجلا ام آجلا لازم خلع هذا الحل الوحيد له مهما استخدمت وصفات لمنع الألم
تحياااااتي

__________________

لدي رب يعرف مابداخلي وهذا يكفيني

[img]http://im33.***********/edShu.gif[/img]

اتمنى انه يطلع بدون مااروح الطبيب،،
و اطباء الاسنان الآن في النادر تجد طبيب ترتاح لشغله ..

__________________

شفت موضوعك وماقدرت اعديه مااحد عانا مع ضرس العقل كثري
مو ضرس الا ضروس من زود العقل عندي 4 ضروس

اجيك بالسالفه طال عمرك محدثتك جاني الم خلاني لاحيه ولاميته وانا حامل ورحت قالو هذا ضرس العقل ونابت ع جنب تحت اللثه لازم جراحه بعد الولاده نسويه
ولدت ورحت قالو لازم تكملين 30 يوم والله كملتها وانا زي المجنونه ابي اشيله لو بعمليه لو قالو لي تخدير كامل وافقت بس ارتاح من الالم المهم قريت بالنت وانهبلت من الكلام سبحان الله رحت دكاتره كثير اللي يقول خلع عادي واللي يقول جراحه طبعا قلت جراحه لازم ادور جراح يده خفيفه واصريت انه يكون دكتور لان الرجال يدهم دفشه نتفه وحده والا الضرس بيده

عاد رحت للدكتور وانا وربي بيغمى علي من الخوف ماخفت من الولاده كثر كذا كنت انتفض ع الكرسي قلت شوف حط بنج موضعي وبعدين عطني اقوى تخدير ممكن قلت تراي مجنونه ممكن انط من الكرسي لو حسيت بااي شي
وتوصى فيني وحط لي بنج العياده كله والله ماخذت عنده ربع ساعه خلع وخياطه ولاحسيت بشي بس لما راح البنج فقدت عقلي كم ساعه وبغيت اطير من الوجع لاني شميت عطر وطبعا الجرح طري وتعبت شوي

وبعدها باسبوعين اوجعني الثاني وخلعته وخياطه بعد وباقي اثنين وبخلعهم هالحين قبل مااحس باي الم اصلا الخلع نعمه

انصحك لاتصبرين تراه لاصكك ذيك الصكه ماعاد تعرفين وينك فيه شيليه وارتاحي

وطمنينا عليك ولاتخافين مافيه اي الم

اذا بغيتي اسم العياده بقولك

بالتوفيق واعذريني عالخربطه بس مابيك تعانين زيي

ضروووري خلعوبدون نقاااش

__________________
اللهم احفظ لي زوجي وسخره لي واحفظ لي اولادي

وحدانيه تكفين عطيني اسم العياده وموقعها

اختي توكلي على الله وروحي خلعيييييييه
صدقيني عن تجربه ما راح ترتاحين الا لما تشيلينه
انا شلت 2 من قبل لانهم مثلك ما كانوا يطلعون بس كنت اعاني من الم فظيييييع وصداع وو انتي عارفه

ترى حتى لو قال لك جراحه الموضوع بسيط ان شاء الله
ولا تخافين راح يعطونك بنج وما راح تحسين وقت اللي يشيلوه لك
صحيح راح تحسين بألم بعد ما يروح البنج ويستمر معك فترة يوم او يومين
بس انتي لا تغلطين غلطتي في الضرس الاول .. ما اخذت شي يخفف الالم
لكن في الثاني تعلمت الدرس واخذت لي اقوى مخفف الم بالضبط اول ماحسيت ان البنج خلاص بيروح
والحمدلله الألم خف كثيييييير .. يومين وارتحت من ألم الاسنان

نصيحه اختي لا تتركينه
والله ييسر لك وتصير عملية الخلع من ابسط الامور اللي ما تحسين فيها

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين