السلام عليكم

اخواني واخواتي محتاج مشورتكم وتشجيعي
اللهم لك الحمد ولك الشكر على نعمك التي لا احصيها اللهم لك الحمد حمدا طيبا مباركا فيه ,,,

ياخوان انا اعاني من هاجس الخطوبه كل مافكرت اخطب يوقف تفكيري بدون سبب

في احد من المملكين والمتزوجين جا هالشعوره ببداية الخطبه...؟

وكل يوم عالفراش قبل مانام اواسي نفسي واهديها احاول اكتشف السبب احاول احط نفسي على ارض الواقع بتخيلاتي اني خطبت وملكت (قلك الحين عشان اعرف سبب هاجسي) الا فجئه الاقي نفسي استرسلت بالحلم ودخلت جو بالحلم لحد ماوصل للتشفير واوقف

والوالده الله يحفظها كلمت عائله بثاني يوم من ايام العيد المبارك انها تبي تخطبلي بنتهم ,,,
ومن يوم ماقلتلي الوالده وانا احس برجفه داخليه مدري كيف احس اني تايه ,,,
لاسكن مئرقني ولا ماديا بفضل الله موظف حكومي وشقه ملك مخصومه من راتبي 300 فقط وبشهر 9 من كل سنه استلم 20 الف ريال قال تعالى: ((وَأَمَّا بِنِعْمَةِ رَبِّكَ فَحَدِّثْ))

الي يئرقني تفاصيل الخطوبه ببدايتها زيارات وتعارف وما الى ذلك ,,, كاني ابغى انام واصحى ويقلولي روح زور خطيبتك

المملكين والمتزوجين كيف كان شعورك بداية الخطبه لو ريحتوني الاسبوع الجاي تسمعو خبر خطوبتي باذن الله
وفي شي اخر ممكن الاخوات يفيدوني فيه اكثر ,,,
هل يكون شعورك طبيعي لانخطبتي وقالولك الشقه جاهزه,,,؟
لاني ناوي اجهز الشقه من الان بكل شهر ابدء بشي معين بتصاميمي وذوقي ,, ياثر عالبنت هالشي..؟
لان بصراحه حلمي ادلع خطيبتي وبغرقها دلع وحب من اولها وبشاركها ذوقها بالشقه بحيث تحس انه هي مصصممته بس استغل الوقت بما اني فاضي اجهز الشقه وارتاح منها ,,,

وتفضلو نستنير بارائكم

وعليكـم السلآم ورحمة الله
ذكرتني بخطيبي ههههههـ
بس انتآ اهوون بكثييير منه
من أجمل الحظآت اللي مآتنسي تفاصيل الخطوبة
وكم يصير فيها من مواقف واحيانا تمر بسلآم انبسط بكل لحظة فيهآ وراح تلقى نفسك لآشعوريا
تاخذ وتعطي معآهآ (=
لآ مو طبيعي إلآ بطير من الفرحـة ^^
مآشآء الله تبارك الله اصلا حكـآية انه يكون عندك بيت ملك لحـآلها نعمـــه كبييرة
في بعض البنـآت يحبو يصممو بيتهم بأنفسهم لأنهـآ هي أكثر وحدة حتجلس فيه فتحبو على ذوقها
مثلا الوان البويات والأثاث.. اخطب بالأول ثم اتفق معاها (=
إذا كان تنوي يكون زواجك قريب فجهز ترتيبات السفر من بدري
والله يوفقك ويتمم امورك على خير

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

احس بأنني اتابع فيلم رومنسي هوليوودي
الله يوفقك

هو صار شي حتى تشوفيه فلم...!!!

عنفوان الشباب ومشاعر مدفونه لا اقل ولا اكثر

تسلمي عالدعوه ,,, ويوفقنا اجمعين يارب

هذا ماكنت اقصده أن احلام الشباب والفتيات
تصدم بعد الخطوبه بالواقع
لكن لم أحبب أن اقول هذا كي لا احرمك من ان تحلم ههههههه

سلمت يمينك اخت سما عالطرح
ويسخرلك خطيبك ويسعدك دنيا واخره اللهم امين

ممكن خطيبتك من النوع اللي تحب تصمم شقتها بنفسها وممكن لا

انا عن نفسي خطيبي كان يسالني عن تصوراتي للشقه
فكنت اعطيه ماريده بشكل عام

وهو صممها تماشيا مع امكانياته الماديا
وبصراحه اول ماشفتها جاهزة من جميع الاشياء الضرورية والغير ضرورية
وكيف كانت ذوق ومرتبه حسيت بالمفاجاة والسعادة بنفس الوقت

بصراحه كنت متخوفه ماتكون مثل ماابي ومن بعدها صرت اثق بذوقه

اذا انت ذويق فابتدي فيها علشان الوقت
ولكن خل لها لمساتها
او ممكن تسوي مثل خطيبي

وانا من راي اصرف على الشقه وشهر العسل اكثر مما تصرفه على حفلة الزواج
فهي الابقى

أخوي لا تندفع في احلامك علشان ما تنصدم بالواقع... خلك وسط علشان ما تتعب بعدين...

الخوف شي طبيعي لأنك بتكون مقبل على حياة جديده و بالنسبه لي الزواج هو اهم عقد في الحياه... لأنه عقد يوم توقع عليه يعني انت بتكون ملزوم فيه ان شاء الله طوووووووووووووووووووول حياتك... لهالسبب حسن اختيار الزوج و الزوجه مهم جدا لأنك تختار اب او ام ابنائك...

بالنسبه للشقه يعتمد... في بنات يحبون الجاهز و في بنات يحبون انهم هم يأثثون...

أنا عني كانت البيت جاهز بس كنت راح اغير غرفة النوم فقط...

الصبغ خله مب مشكله... بس الأثاث انصحك تتريث فيه و تتفق مع العروس على اثاث بحدود سعر معين علشان ما تنطلق الأخت و تخلص الميزانيه كلها و تتوهق انت بعدين...

اقرى موضوعي "لكل خاطب"

مشاء الله تبارك الله ..
الله يوفقكم ويتمم لكم على خير ان شاء الله ..

يا ابن الحلال عادي ترا

يعني صح هو في رهبه لمن يقولوا لك روح قابل ابوها هههههههههه

و يجلس يسائل فيك و انت تجاوب و مسوي انك مؤدب وراح ترجف كم رجفه عادية وانت تشرب القهوه و زي كذا خخخخ

يوم الشوفة ان شاء الله حيكون احلي يوم في حياتك و احلي زكري بينكم حتكون فحاول تسوي فيها شي تتكلمو فيه العمر كلو

و بعدها كل شي حيمشي طبيعي ترا

و بالعكس حتسير تدور تقابلها ولا تسمع صوتها ولا حتي تاخذ خبر من اخبارها

و اصحابك استلام ما حيخلوك في حالك هههههههههه

ترا الخطوبه مره حلوة و تحس ان في احد يهتم فيك سار بدل ما انت مصرفد محد سائل عنك

و بالتوفيق يا غالي