هلا وغلا فيكم حبايبي
انا عندي مشكله مع خطيبتي وابتدت قبل 6شهور
كنا زي العسل مع بعض وسوالف وضحك ووناسه واهتمام الخ....
المهم بيوم تغيرت علي كنا نسولف وبعدها قالت لي فجاه
احسن لي واحسن لك انو مانكلم بعض وبدون سبب حاولت فيها ليه كذا وبدون مقدمات
وش اللي تغير زعلتها بشي المهم قالت لي لا لا لا بس كذا احسن لي ولك
مع العلم انه لنا سنتين خاطبين وبدون ملكه شوفه بس ومكالماتنا كانت عن طريق الرسايل
واهلي واهلها عندهم علم بذا الشي

مدري وشو السبب تتوقعون انه من زود الاهتمام والكلام الحلو والهدايا وزي كذا واني مغرقها بذي الاشياء
البنت ضامنه حبي لها وانه مستحيل اتركها منشان كذا تتدلع
وولا وش بصراحه فكرت كثير وكثير مالقيت سبب وانا تعبت مو طايق بعادها عنيي

سعادتي مرتبطه بها
ولا هي ماعاد تبغاني ولا وشو تكفون ساعدوني وربي مهموم والتفكير ذابحني ومو راضيه تعطيني سبب

احيان اقول ابفسخ الخطوبه يكون احسن وابي رايكم ومن قد سار له زي كذا قبل لاسوي شي واندم عليه

تكفوووووووون تكفووووون ساعدونييييييي يجزاكم الجنه

تريث وأصبر.
السؤال هو هل هي شافت عليك شيء مثلاً تعصب أسلوبك بدى يتغير بديت تتمادى صرت تمون بزيادة إلخ ...، ممكن تكون شافت منك شي وقالت أننا نبتعد أفضل، ممكن هي تبي تتزوج، ممكن تبي ترسل لك رسالة معينة من خلال طلبها.

نقطة مهمة مافيه سلوك وحدث إلا وله سبب، فكرة أنه أحسن لي وأحسن لك مو مقنعة، أسألها ما السبب ثم ناقشها حول الموضوع، وإن كان فيك صفة سلبية أوعدها أنك تغيرها، وفقكَ الله وزوجكما.

__________________
ياصبحِ لاتِقبل !!
عط الليل من وقتك..

هلا بك اخوي ابد انا مو متعصب لراي ولاشي كل شي متفاهمين عليه صح وابد انا احترمها وامون بس مو زي الميانه اللي انت تقصدها
كلامك صح بس هي مو راضيه تتكلم ابد تقول احسن لي واحسن لك وكم مره حاولت لكن لاحياه لمن تنادي
اما فكره اصبر اناماعاد عندي صبر بهالموضوع مدري والله اذا شافت شي علي ومضايقها كان تصارحني
احنامو متعودين نخبي على بعض
ومشكور اخوي

مـآ قالت احسن لي واحسن إلا انك مسوي شيء ازعجها وشكلك مانتبهت لك
جرب معاها هالحل:
ارسلهـآ مسج وأكتب فيه
(السـلآم عليكم حبيبتي
لو سمحتي أول مآتكوني فاضية اديني رنة عشان اكلمك في شيء مرة ضروري لآزم تعرفيه.! )
وارسلها بوقت تكون متأكد إنهآ فاضيه فيه

ولمــآ تكلمهــآ أسألها عن أخبارهآ وكذآ
وقولهـآ أسألك بالله ليش ماتبينـآ نتواصل؟ إذا فيه غلط شفتيه مني علميني و ربي مـآ راح ازعل
ولآآ تقفل لين تعلمك .. و أكد عليها إنك ماراح تزعل إذا علمتك ليش
وإذا مرة رفضت قول بنبرة حزن ( حبيبتي..
قلبك يطآوعك أنـآم وانا زعلآن .. اسكت
وشوف وش حترد عليك ^_*
^
فآئدة : حتى تكسب الحوآر مع خطيبتك تكلم بلغة المشاعر أما المنطق والفلسفة خليه مع اصحابك >_<

أفآآآ بالسسهولة دي تفرط في خطيبتك o_O
لا تسمح لشيطان ينتصر على حبكم

بالمنـآسبة لاتحسبهآ مرتاحة بوضعها كذا أكيد إنهآ مشتاقة لك ممممرررة واسألني أنا

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

حياك اختي ونورت الموضوع
انا والله تعبت معاها بكل الطرق كلمتها ترجيتها وسويت كل شي اقدر عليه وانا مو مقصر عليها ابد اكلمها لمى تصحى وقبل ماتنام ومغرقها بالهدايا حتى الحين راح اجيب لها هديه بس مافهمت اذا هي ماتبيني تقول كذا وخلاص كلن يروح بطريقه لكن راح اجرب

وبالعكس مايهون علي بالعكس انا تعبت لين خطبتها لكن احيان الحل الوحيد هو الفراق
ومشكوره ع النصيحه والله يرزقك بالي في بالك ويحققه لك

امممم انا اقول لاتقولها شي ابد وخلها على كيفها وكانه ماصار شي
ومن طريقة نقلك لكلامها احس انها موقصدها اي شي مجرد تسمع ان التواصل يسبب مشاكل وهي ماتبي تخسرك

تفاأل وقلل تواصل لان شكلك نشبه وبتجيب لها سبحه ساحره حسيت

هع هع هع امزح ترا اوعى تزعل

السلام عليكم...~

اخوي. حاول بانك تصبر و?تفتح باب للشينطان ان و سوسلك بانها ضمنت حبك من أجل ذلك تخلت عنك...~

أنا. سجلت بالمنتدى من أجل موضوعك. واريدك بان تفكر قبل ان تفعل شيئا تندم عليه طوال عمرك وتخسر خطيبتك وقد يكون عندها سبب مقنع...~

قبل ان تفعل شيء التمس لها 70 عذرا ليس واحد او اثنان. قد يكون لها ظرف. اجبرها. انها تقول كذا ...~

فلعذر الاول والي اعتقدوا وانا شبه متاكده بانها. ماتفعله. من محادثتك حرام شرعا لانه لايوجد. عقد بينكم. فهي ليست زوجتك. حتى تستطيع محادثتها ربما تريد. محادثتك بالحلال لتحس بلذه ماتفعله لان الحلال اجمل. بكثير من محادثتك بالحرام لانه ضميرها يبدء يؤنبها بان ماتفعله يغضب ربها قدم الملكه وباذن الله ان كان تفكيرها كددا راح ترجع مثل اول واحسن. باذن الله .واتوقع بانها قالت احسن لك واحسن لي بانها لاتريدك و? تريد لها الذنوب وان يكون بداية حياتكم حرام ...~

ضع عذرا اخر لنفرض بانها. منشغله. كثيرا. اقد يكون. لدراسه او عمل او حتى مساعده والدتها. ربما قالتها بحسن نيه ولم تقصد شيءمن قولها...~

واعذار واعذار. ..~

لاتجعل الشيطان يدخل إلى حياتك بسهوله فانت تعبت وصبرت من اجلها فلا تخسرها من أجل شيء تافه. بنظري بانها. تغيرت. حتى ولو طالت المده. فربما كما اخبرتك تريدها بالحلال وليس بالحرام واغضاب ربها ...~
ا
ارجو بانني افدتك ولو بشي بسيط ..~

هلا وغلا منور الموضوع اخوي
ومشكور ع النصايح القيمه وانا فكرت في كلامك ولقيت امكن انه كلامك صح
وكلام الاخوان والاخوات بعد لكني مازلت متردد في فسخ الخطوبه ههههه امزح مستحيل افرط فيها
ومشكور كثير وربي يسعدك وييسر امورك يالغالي

وربما علمت أنه لا يجوز التواصل قبل عقد الزواج "ما تسمونه بالملكة".. وأرادت أن توقف الاتصالات غير الشرعية لحين ييسر الله لكما وتتزوجا. علم وليها بالتواصل معك لا يحل لك التواصل معها.

إن كانت هي من تريد مشاركتها حياتك، فعجِّل بعقد الزواح وتذوقا الحلال خير لكما.
مودتي

__________________

في ليْلة موْلد الذئب خرجتً إلى الدنيا؛ أنْتظر، وأصْطبر، ولن أبدِّل تبديلًا -إن شاء الله-

منوره اختي واتوقع كلامك صح وهالشي التمسته من ردود الاعضاء
لكني خايف انه يكون هالشيى تمهيد للفراق انه تبعد عني وتحاول تنساني وزي كذا بس يارب يكون توقعي في غير محله
وشاكر لك مرورك