[مميز] من أسباب سعادتي مع زوجي (( 4 )) - منتدى عالم الأسرة والمجتمع

05-06-2012, 12:59 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

[مميز] من أسباب سعادتي مع زوجي (( 4 ))

اخواني واخواتي الاعزاء .. اتمنى ان تكونوا في صحة وسعادة وخير

كالعادة حبيت اليوم اعرض تجربتي الشخصية في عمل من اعمال الخير والتي كان لها اثر ايجابي كبير
على حياتي وحياة من حولي .. وطبعا احب اشجع فيها زوجي وعيالي واخواني واخواتي للمشاركة

الفكرة هذي اطبقها مرة كل سنة او سنتين .. وبما ان انشغالي وزوجي طال وتأخرنا في تطبيق هذه
الفكرة .. اول ما لقيت فرصة .. وهي ان اجازة زوجي .. صادفت اجازتي واجازة اخواني
قررت انفذ الفكرة ..

الفكرة :

المفاجأة كانت يوم الجمعه .. ويوم الخميس فكرت بطريقه حلوه اخبر فيها زوجي عن المفاجأة
زوجي رجع الصبح من الدوام حضرت له الـ

فطـور قبل الخروج للدوام .. وحطيت بطاقة صغيرة مع ورد اوركيد ( لاني اموت في الاوركيد )
محتواها :

وارسلت بطاقة بنفس المحتوى لاخوي الصغير .. حبيت انه يشاركنا المفاجأة مع عيالي الاولاد
واخذت معانا ولد اختي 3 سنوات وهذي اول مرة يشاركنا فديته ..

رجع زوجي من دوامه .. وهو يفطر قرأ الرسالة طبعا وكالعادة ذبحه الفضول ..
اتصل يسألني ويحاول معاي بس زين انه
استسلم بسرعه لانه متأكد اني ما بقول له شو هي المفاجأة ..

وكانت المفاجأة هـــي :

زيارة لمركز علاج مرضى الثلاسيميا

الهدف من الفكرة :

بنية الصدقة وكسب الاجر وادخال السرور الى قلوب المرضى هناك والتخفيف عنهم ..
تعليم العيال اللي معانا اهمية المشاركة والتعاون والصدقة والرحمة وعمل الخير ..
اسعاد زوجي ونفسي لما نجد من نتائج ايجابية رااائعه من اعمال الخير هذي .. ونحس ان بأعمال
الخير والصدقة تزيد السعادة ويزيد الخير والرزق وتزيد راحة النفس والبال ويزيد الترابط بيننا ..

بدأت قبل اسبوعين من الزيارة بالاتصال والتواصل مع المركز علشان اعرف اعمار المرضى
وعددهم .. واهتمامات بعضهم واخذ النصائح منهم

يوم المفاجـأة :

تجهزنا كلنا وتحركنا على بركة الله وزوجي مع العيال كلهم بسيارة ثانية وانا بسيارة بروحي لاني
كنت شايله اغراض معاي ويوم وصلنا شفت ابتسامة زوجي الله يديمها يارب
شوي صراخ العيال غطى المكان قبل لا ندخل من الفرحه .. تتوقعون ليش صرخوا من الفرحه ؟؟

لاني نسيت اخبركم اني كنت عازمه ثلاث ضيوف معانا وهم :

شخصيات بارني وتوم وجيري كنت متفقة معاهم على الزيارة .. سكتنا العيال وطلبنا منهم الهدوء
وعطيناهم نصائح قبل يدخلون المركز اما بو الـ 3 سنوات كان معاي طول الوقت لانه صغير
وكان متحمس بزيادة هناك ..

دخلنا مع بعض ومعانا

البالونات بأشكال مختلفة .. وفرحة الاطفال المرضى كانت كبيييييييرة يوم شافونا خاصة يوم
شافوا الشخصيات الكرتونية اللي معانا ..

نزلنا الهدايا وبدأنا كلنا نوزعها على الاطفال حسب اعمارهم يعني مثلا الاطفال الصغار تحت
الـ 6 سنوات وزعنا عليهم الالعاب اللي مثل هذي :

ارجو عدم الرد .. ليكون الموضوع مرتب .. وشكــرا

تـــــابع ....

__________________

للاطلاع والاستفاده : 1 ، 2

التعديل الأخير تم بواسطة om abdlah ; 11-06-2012 الساعة 11:25 PM السبب: أضافة شعار التميز

05-06-2012, 01:24 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : من أسباب سعادتي مع زوجي (( 4 ))

وكانوا الاطفال الصغار متحمسين ويوم شفنا ضحكاتهم وفرحتهم انا وزوجي والله حسينا ان ملكنا
الدنيا شعور لا يوووووووووووووووووصف

بعدها بدأنا بالبنات من عمر 7 وما فوق .. هداياهم كانت هذي :

بعض الاكسسوارات حبوها البنات واااااايد وجلست معاهم ألبسهم الاكسسوارات

مناكير طبي .. اخذته من الصيدلية .. واستمتعت بصراحه وانا احط لهن المناكير والله لحظات
غاليه على قلبي وانا اشوف ابتسامتهم وحماسهم ..

وكانت هدايا البنات ايضا :

وكانت احدى البنات تهتم بالمكياج وتحب وضع المكياج للغير .. اشتريت لها شنطة المكياج هذي
علشان تدرب وتتسلى :

والله فرحت فديتها وتبرعت وحدة من الممرضات وطلبت منها وضع مكياج لها وكان المكياج
مرتب بالنسبة لسنها الصغير ربي يشفيها ويحفظها يارب .. وقالت الممرضات كل يوم الصبح
انتي حطيلنا المكياج جزاهم الله خير

وبعدها بدأ دور الاولاد فدييييييييييتهم لو تشوفونهم مستحيين والابتسامة البريئة على وجيههم
الله يحفظهم ياربي .. بدأ زوجي يوزع عليهم الهدايا مع العيال .. وكانت هداياهم هذي :

والكبار شوي خذينها لهم مثل هذي الالعاب :

تذكرون يوم قلت لكم سألت الموظفين عن اهتمامات الاطفال المرضى قبل اسبوعين من الزيارة
خبروني عن البنت وخذيت لها شنطة مكياج .. وعندهم ولد يحب التصوير واااااااايد ..
فخذيت له :

علشان يصور وينزل الصور ويحفظها بللابتوب .. الله يحفظه ..

ايضا كانت هناك هدايا للكل بدون استثناء مثل :

مخدات ناعمه بأشكال حلوووه والوان مختلفة

ارجو عدم الرد .. ليكون الموضوع مرتب .. وشكــرا

تـــــابع ....

__________________

للاطلاع والاستفاده : 1 ، 2

05-06-2012, 02:01 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : من أسباب سعادتي مع زوجي (( 4 ))

وانصحكم اذا حبيتوا توزعون الهدايا لا توزعونها وتروحون خلوهم يحسون انها من قلبكم تكلموا معاهم
انا وزوجي والعيال كنا نسأل عن أسماءهم ونسولف معاهم وحتى وزعنا عليهم قصص مصورة وكنا
نحكيها لهم .. والكبار خذنا لهم اجهزة لتعليم القرآن والاذكار ..

واكيد ما نسينا طاقم العمل والاداريين في المركز .. وزعنا عليهم :

مع بطاقة شكــر بسيطة لكل منهم :

ولم ننسى التبرع لصندوق المركز كصدقة منا :

وكنت قبل الزيارة بأيام جمعت اموال الصدقة من اخواني واخواتي ومني وزوجي تبرع بنفس الوقت
واحب اكرر فضل وتاثير الصدقة

تزيد الرزق والمال

تطهر القلوب والنفوس وتلين القلوب

تقوي الروابط بين الزوجين وتبعد المشاكل

تدفع البلاء والامراض والمصائب بإذن الله

تؤدي الى راحة البال

تعود الابناء على الاحساس بالفقراء والمحتاجين وضرورة مساعدتهم

وتغرس فيهم اخلاق كريمة وتقوي ايمانهم

هذا غير الاجر المضاعف في الدنيا والاخره ..

وهنــاك عمل لا يجب ان تنسوه وهو الاهم في هذه الفكرة :

لا تنسوها فهي اهم بكثير من الهدايا والزيارة .. فضاعفوا صدقتكم بالابتسامه النقية والصادقه

لحظة الوداع دائما صعبة وما تخلوا من الدموع .. انا وزوجي لازم الفلم الهندي هذا عند اي زيارة
قضينا اجمل 3 ساعات مرحنا وضحكنا وتسلينا وتعلمنا ايضا .. فرحتهم وسعادتهم كانت اكبر هديه
ناخذها معانا ..

سعادة زوجي كانت لا توصف .. وصلنا العيال للبيت وتجهزنا للمفاجأة الثانية .. وهي :

عشـــاء رومانسي في باخــره أيطالية كانت في زيارة لدبي
وتوقفت لمدة 10 ايام .. واستغليت الفرصة .. كانت الاجواء راااائعه

والحمد لله عدى اليوم على خير وفرحة .. شكرني زوجي واحلى شي الدعوات الحلوووه اللي حصلتها
منه وقال هديتج عندي ..

والهديه كانت :

خمنوا

اتمنى الفكرة تعجبكم وتتشجعون لتطبيقها .. ترا تأثيرها على النفس ما اعرف كيف اشرحلكم بس
تخلي الواحدج يمشي ويبتسم من غير سبب .. ويرفع عيونه للسماء كل لجظة ويقول الحمد لله

وكل واحد يطبق الفكرة حسب ميزانيته .. فانتم غير مكلفين بعمل الفكرة بنفس طريقتي ..

تعالوا كأنكم نسيتوا بو الـ 3 سنوات .. الله يسلمكم جلس على حضن بارني وما رضى يتحرك
وبارني توهق فيه بس جاملنا مسكين حتى الالعاب كان يلعب بها وهو في حضنه .. كأنه يقول
(( اللي يبي بارني يجيه هو ما بيروحش لحد ))

الله يوفقكم ولا تنسوني من دعواتكم الطيبه

__________________

للاطلاع والاستفاده : 1 ، 2

05-06-2012, 02:50 PM

أوراق ملونة

كبار شخصيات المنتدى

تاريخ التسجيل: Aug 2011

المشاركات: 1,471

رد : من أسباب سعادتي مع زوجي (( 4 ))

₪₪₪₪₪

بارك الله بكم وبرزقكم يا غاليـــــــــــــــــــــــةة ..

فعلا جميلة مثل هذه المبادرات الطيبة ..

تعود بالبسمة والراحة لجميع من شارك بها ..

كلمات الثناء قليلة بحقكِ .. وفقكم والله وحفظكـــــــــــــــــــمـ

₪₪₪₪

__________________

08-06-2012, 12:45 AM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : من أسباب سعادتي مع زوجي (( 4 ))

اقتباس:

المشاركة الأصلية كتبت بواسطة أوراق ملونة

اللهم آمين .. جزاك الله خير يالغاليه على دعائك الطيب والاضافة الجميله .. فعلا هو شعور
ما اقدر اوصفه ابدا .. ادعو الله من كل قلبي ان يرزق الجميع هذا الشعور ويعين الجميع على
فعل الخير .. مشاركتك اسعدتني حبوبه .. وربي يرزقك ويسعدك ويهنيك

__________________

للاطلاع والاستفاده : 1 ، 2

05-06-2012, 02:55 PM

الدانه26

عضو مميز

تاريخ التسجيل: May 2012

المشاركات: 1,268

رد : من أسباب سعادتي مع زوجي (( 4 ))

ما شاء الله
تبارك الرحمن

كثر الله من امثالك

اسال الله ان يجعله في ميزان حسناتك

08-06-2012, 12:47 AM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : من أسباب سعادتي مع زوجي (( 4 ))

اقتباس:

المشاركة الأصلية كتبت بواسطة الدانه26

ما شاء الله
تبارك الرحمن

كثر الله من امثالك

اسال الله ان يجعله في ميزان حسناتك

اللهم آمين .. جزاك الله خير حبيبتي .. ومشكوووره على المشاركه .. وربي يعينك على فعل
الخير .. ويسعدك ويوفقك .. نورتي يا عسل

__________________

للاطلاع والاستفاده : 1 ، 2

05-06-2012, 03:05 PM

صباح العود

عضو مميز

تاريخ التسجيل: Dec 2011

المشاركات: 859

رد : من أسباب سعادتي مع زوجي (( 4 ))

ماشاءالله تبارك الله
الله يجزاك كل خير اختي ويكثر من امثالك

08-06-2012, 12:49 AM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : من أسباب سعادتي مع زوجي (( 4 ))

اقتباس:

المشاركة الأصلية كتبت بواسطة صباح العود

ماشاءالله تبارك الله
الله يجزاك كل خير اختي ويكثر من امثالك

جزاك الله خير يا غاليه .. والله يعين الجميع على فعل الخير .. مشكوووره على المشاركة الطيبه
وربي يسعدك ويحفظك ويهنيك

__________________

للاطلاع والاستفاده : 1 ، 2

05-06-2012, 05:43 PM

#10

سما~

عضو مميز

تاريخ التسجيل: Dec 2011

المشاركات: 1,061

رد : من أسباب سعادتي مع زوجي (( 4 ))

مــــآآآشاء الله لآقوة إلا بالله
مبدعييييييييين

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه