احبه ويحبني ..وفي النهايه اكتشفت انه مايستاهل ..
تكفون شوروا علي الله يفرج همكم واقروا قصتي من اولها لأخرها ..ومالكم الا دعوه بظهر الغيب ..
اولا: زوجي يصير ولد عمتي وكنت احبه وكان يحبني من كلام اهله طبعا وعشنا ايام الملكه ايام كثير حلوه كان يزورني ونطلع نشتري اغراض بيتنا سوا وتزوجنا وكانت حياتنا بدايتها حلوه
..بدايه زواجي حملت وماربي كتب يكمل حملي ولدت ولاده مبكره بالسابع ومات ..وكان جدا حزين على البيبي وانا اكثر منه ..ولما كنت بالنفاس سافر وتركني وانا كنت بأمس الحاجه له واخر نفاسي سافر مع اهله وتركني
..بعد نفاسي تعدلت معاملته معي نوعا ما بس انصدمت منه مره راح يسهر مع اصحابه مارجع الا الظهر رجع لي سكرااااااااااااااااااان (يارب سترك ) وقعد يتأسف وقال لي انا اشرب قبل مااتزوج بس بفترات متباعده
وسكت على هالسالفه وعديتها
..اغلب وقت زوجي معاي في البيت وماكأنه معاي 24 ساعه جالس على النت والسماعات بأذانه لين ينام واحيانا اذا شافني نايمه يقفل علي الجناح تبعي عشان ياخذ راحته على النت
..اكتشفت قبل كم شهر انه يستخدم ((حشييييييش)) وربي ضاقت فيني الدنيا واتوقع هو سبب عزلته وسبب تقلب مزاجه علي يعني نجلس وهو مروق فجأه يعصب ويقلب الدنيا
..ودوم يقول لي روحي بيت اهلك واجلسي عندهم كم يوم انا باخذ راحتي ..وانا ارفض لأني ماطلعت من بيت اهلي عشان كل يوم والثاني ناطه لهم وانام عندهم وانا عندي بيت ..
..واللحين حامل والدكتوره طالبه مني راحة تامه وهو ولا معبر متعب نفسيتي مره ..واخرتها وداني لأهلي وقال لي اجلسي كم يوم انا ابي اخذ راحتي يالله تحملتك ودخلت بيت اهلي منهاره ابكي ان ماعندي واحد يقدر وقالو اهلي والله ماترجعين لين يكلم اخوك يعتذر منه واخوي حلفني اني ماارد عليه برساله ولا مكالمه وهو بعد هالسالفه قام يرسل ويعتذر وانا مطنشه ولا رديت مابي اكسر حلفي لأخوي واللحين انا عند اهلي بكمل شهرين ولاهو معبر جا مره عند اهلي قابل امي قالت مو موجوده وانا جد مو موجوده ماصدقها وطلع ومن بعدها لا حس ولا خبر وماله وجه يكلم اخوي ..وانا معلقه على هالوضع لي شهرين ولا هو حاس ..وانا مليت من معاملته لي ابي اتطلق لأني احس انه مو الرجل اللي كنت اتمناه ويعتمد عليه ..بالعكس الا انسان كان راعي بنات قبل الزواج ..وراعي حشيش وشرب وافلام اباحيه ..والدنيا ضايقه فيني ..وابغى الحل المناسب مع هالانسان هل اكمل تطنيش واخلي اخوي يتفاهم معاه ..وش رايكم بليييييييييييييييييييييييييييييز