السلام عليكم .... طبعا انا وضعت موضوع قبل كذا اتكلم عن برود زوجتي (مملك عليها ) يعني أحر ماعندي أبرد ماعندها والحين انا افكر ابطل منها بسبب هذا البرود لامشاعر ولاتهتم لي زي مااهتم فيها حتى تقول مو لازم نتواصل يوميا مافي شئ نقوله !!! بالله فيه وحدة عندها شوية عقل تقول ذا الكلام ؟؟ اقسم بالله انا خلاص بطق منها ومن برودها شكلي بقولها في وجهها بتتغيرين او ننفصل عشان تتربى وتعرف ان الله حق انا عارف انها هيا تسوي الحركات ذي بدون قصد لكن انا تقهرني حركاتها وبرودها واكثر شئ عدم اهتمامها ايش اسوي ياناس .

..

عليكــــــــــــــــــــم السلام .. أهلا بك أخي الكريـــــــــــــــــــم من جديد ..

أتذكـــــــــــــــــر موضوعك .. ونصحناك بالتنويع في المواضيع التي تتحدث عنها ؟!!

هل جربت ما نصحك به الأعضــــــــــــــــاء ؟؟

أنتم الآن بالشهر الثالث من الخطبة تقريبــــــــــــا .. بين لها أنك محتاج لمثل هذه المشاعر

وإن لم تكوني أنتِ بحاجة لها !!

ربما هي تمثل "الثقــــــــــــــل عليك " .. لكن لابد من مواجهتها حتى تعرف الأسباب فلا تظلمها وتبخس حقها ..

واجهها وناقشها بأسلوب لطيف ولـــــــبق ..

أسعدكم البـــــــــــــــاري وسهل أمركمـــــــــــا ..

..

__________________

اشكر تجاوبك ياعزيزتي ... بالنسبة لتنويع المواضيع نعم سويت اللي قلتم عليه ولكن احس فيه برود في المشاعر واحس بدأ حبي يقل ورسائلي تقل يعني هيا قتلت كل الاهتمام والحب اللي فيني بتصرفاتها اذا وضعنا في الملكة كذا اجل بعد الزواج ايش بنسوي ؟؟

....

إذن الحل الثانـــــــــــي هو المواجهة .. !!

إن لم ينفع ..

بعدها إلجأ لأسلـــــــــــــــوب "التطنيش" ..!!

فتكــــون بهذه الحـــالة أعطيتها عدة إنـــــــــــــــذارات حتـــى تعي أنك غير راض عن الوضـــــــع الذي بينكمـــا .. !!

__________________

يارجال صل على النبي ، البنت مهما كان بتكون خجولة
وان شاء الله وقت زواجكم ان شاء الله يتغير الحال ، لاتستعجل واستغفر ربك ولاتخلي الشيطان يلعب بك
مهنا الا الخير ان شاء الله ، كلنا مرينا بالشى هذا والحمد الله تسهلت
وعسى الله يوفقك ويسهل آمرك

هلا فيك

اخوي كل واحد فيكم له اطباع مختلفه لازم تتنازلوا عنها لأجل تقدروا تتعايشوا ,, الشي الثاني اقنعها وخلي اسلوب راقي وبالك وسيع ما احد طلع متعلم ,, اكيد هالبرود من شي حاول انك تعرف ايش اسباب البرود وتحل هالمشكله ,, صدقني راح تتغير

نكرر دائماً ان الفتاة غالباً تختلف عن الشاب في التحكم في عاطفتها
وتكون مشاعرها بارده نوعاً ما في هذه الفتره ..

اما الغالبيه من الشباب فيكون مندفع بزياده !

فالأفضل يكون هناك توازن ( وليس كما اسميته تطنيش )
لنمسك العصا من الوسط ،، ولكي هي لا تمل من اندفاعك العاطفي
وايضاً من جانبك لا تطفش ولا تنقهر من ردات فعلها الطبيعيه و تأثر عليك ..

لذلك حاول تكون مكالمتك لها كل ثلاثة ايام مثلاً ..
ولا مانع زيارتها كل اسبوعين ..

ولا بأس بالتواصل بالواتس اب او البلاك بيري يومي
كقفشات .. صباح الخير .. مقطع حلو .. نكته ،، خبر

وبالأخير ،، وسع صدرك .. وكن طويييل بالك في هذي الفتره ..
و هناك اهم من التواصل اليومي وهو احترامها لك .. تجاوبها معك ..
والعمل على خلق توافق بينكم مرضي لك ولها .. كشخصيات مختلفه..
ولها مطالبها واهتماماتها واحتياجاتها

لإنه بعد الزواج ستنعكس الايه .. وتكون هي المندفعه وتبحث عن التواصل
وانت ستبتعد بعد الإشباع العاطفي ..

الله يوفقكم ويسخركم لبعض

__________________

انا اشوف التواصل ال((((يومي))) يبعث على الملل حقا
حتى انه لا تمر 24 ساعة و يكون يوما روتينيا ثابتا , لا جديد للتحدث

لا تطنش بالكامل
و أيضا مو كل يوم
كل 3 ايام او 4

__________________

الله يعينك اخوي مشكلتك كثييير يعانون منها يالغلا

والله شوف ياخوي
انت شد وارخي
شلون اشد وارخي ؟؟
بقولك انا
انت لا تبرز مشاعر حبك من اول مره .
لا ترسل لها رسائل حب وقف الرسائل
ان كنت تشحن لها جوالها لا تشحن لها الين تحس فيك
اسلوب التطنيش يجيب نتيجه بس مو تطنيش على طول
اتركها اسبوع لا تدق عليها او شهر كامل لا تكلمها ولا رساله ولا شي
مقدر وضعك انك تحبها بس برضو قوي قلبك شوي ياخوي الدنيا ما بتطير
خلك رسمي شوي معها في مكالماتكـ لا تكلمها كلام حب
لو دقت عليك هي بس سلم عليها والمكالمه لا تتعدى الـدقيقتين
سلام كيفك كيف ابوك وامك وا وا وانهي المكالمه بـ يالله حبينا نسلم عليكم بس وسكر وخلك على كذا
وشوف النتيجه كيف تتغير
مهما كان البنت تبقى محتاجه حنان
راح تشتاق لحنانك ودلعك واذكرك

والله يوفقك

اخوي اولا ابعد فكرة الانفصال وهالحكي
أنت كلمها او لمح لها او ارسلها برودكاسات تخص العلاقات بين المخطوبين
اطلب منها تصحيك للدوام مافيها شي اذاواجهتها ثم اذا مانفع طنشها وخلها تحس باللي تحس فيه وبتتغير
الله يسخرها لك يارب