السلآم عليكم ورحمة الله وبركاته..

بينما كنت أمس اتصفح المنتدى,.طرت علي هالفكره,,
واليوم قررت تكون رهن التنفيذ..

كثير نمر أحنا يالبنات بمواقف مع الخطاب او الخطاطيب..

منها الي محرجه,,ومنها الي تفشل
ومنها المضحكه الي تعلق بأذهانا
وتضل ذكرى ,,لأن الخطبه من المحطات
المهه والي لها وقعها بحياة البنت..

راح ابدى بمواقفي:

الأول)وصارت بأخر سنه بالكليه قبل عام..
نمت بعد الدوام وماتغديت..
فلما صحيت العصر على طول درعمت
المطبخ بحثآ عن شئ أسد به جوعي..

المهم لايفوتكم شكلي وأنا صاحيه من النوم
الكشه الطايره,,والشكل ابد مو مرتب..

طاحت عيني على حبيبي قدر الغدا,,عاد أنا من الزواله من الكسل يعني تكيسلت اخذه بصينيه وش قمت سويت
أخذت القدر مع أذنه=يعني حلقاته,,وانا ماره طاحت عيني على كاس الخلاطه فيه سلطه حاره وأخذها هم بيدها..
‏(ادري بتقولون معقول ذي بنت^_^)
بأختصار شكلي عربجيه..

المهم حنا باب المدخل قريب من باب المطبخ مره يعني الي يدخل يشوف ..

وأنا طالعه التفت الا فيه مره واقفه عند الباب
عاد انا تذكرت هيئتي أنا وقدري قمت تداركت الموقف وارجع بحركه بهلوانيه ورى,,,
بس هيهات هيهات شافتني..

طبعا لازم ارجع اطلع لها واقلطها,,حاولت اهجد كشتي وارتب شكلي,,واحفظ شي من ماء وجهي الي راح..
رحت لها وسلمت عليها ورحبت ودخلتها المجلس ,,بس لاحظت فيها شي,,تقزني
‏=تنطر لي بعمق وتمعن..

عاد هنا جا دور فراستي وحدسي,,دريت انها
جايه تخطب..)ارحمينا تكفين^_^

المهم أنا قلت بعد المنظر الي شافته ,,اكيد بيهونون,,لكن الغريب بالأمر انهم استمرو
بس ماكتب الله نصيب تم الرفض ..

الموقف الثاني) اتصلو علينا ناس من الرياض وقالو بنخطب,,وحددنا موعد
حنا بقريه مره نائيه وبعيده,,فقالو ترى بنجيكم بعد الفجر لايفوتكم خطبه صباحيه..
‏(بتستغربون ادري^!^)
المهم طبعآ من الصباح الباكر,,وحنا على أوج الأستعداد,,والبيت كله صاحي..
وأخواني مشخصين,,وريحة العود تعج بالبيت
لاأخفيكم لاأخفيكم حسيت اننا بعيد^_^

المهم انا ذاك اليوم مدري وش طرى علي وحلة علي رومانسيه وأقعد أتمشى بالحوش بقسم الحريم طبعآ,,
ابوي بالصدفه شافني وربي بقق عيونه فيني ورمقني بنظره فهمت مغزاها يعني كل ذا فرحه بالخطبه..
وانا ماكان قصدي شي وربي تهي تهي...

المهم أمي نادتني وقالت استحي يابنت وروحي اندعسي بغرفتك,,وأروح اندعس..
حتى ماخلتني أجهز الفطور معها,,لأنهم بيفطورن عندنا..

بالأخير احتاجتني بشغله ونادتني,,أخوي كان بالمطبخ انا اسوي الشغله بسرعه وبضمير على قولتهم قال أخوي:كل ذي فرحتن بالعرس شافني متحمسه

وربي كأن احد كاب علي مويه باااارده,,وحسيت بالأحراج الي يقولونه ,وأروح ركض لغرفتي..

المهم رفضنا الخاطب بعد السؤال,,يعني ماتسوى علي ركضتي بس^_^

يالله يابنات شمرو عن يدينكم واستلمو الكيبورد وقولو لنا مواقفكم...

والشباب الي يمر ويقرى ويبي يضيف
شي حلفت اني ما أرده

معليش أدري العنوان لكم عليه,,حاولت أعدله ماعرفت..

أولا ً: ما فهمت نص الكلام
ثانياً : تأكدي من أنك بنت وافحصي هرموناتك ومعدل الأيض والإنقباض والارتداد العضلي وسوي تخطيط للقلب والدماغ للتأكد من النبضات العصبية والعصبونات الدماغية لأني أشك في ذلك
ثالثاً : ما عندي ولا موقف

__________________

ما هكـــــذا تورد المواضيـــــــــــــــع يا أخـ / ــت ..

:::

:::


ما عليك حبيبتي العذال وايد بالدنيا ^.^

حبيت سردك يا بنت ..

ذكرتيني بتعليقات أخوي عليه أيام الخطبــة ما كان يخليني بدون تعليق .. ربي يحفظه ويرجعه لنا سالـــم

مواقـــف وايد .. بس من اللي أتذكره يوم النظرة الشرعية ..

ما رفعت راسي أشوفه << من الخجل يمكن ..

كنت أشوف على أمه "ما شاء الله تبارك الله "

حلوة وما مبين عليها الكبــــر أبدا .. حتى بنفسي كنت أقول هذي معقولة عندها بنات

متزوجات وهي جدة ..!!

ومن طلعوا أدركت إنــــــــي ما ميزت ملامحه هالرجـــــــــال <<< يعني لو شفتـــه بمكان ما بعرفه

بس مشت الأمور والحمدلله

__________________

الله يسامحك

أوراق ملونه
لبى الذوق فديتك..


ههههههههههههههههههههههههههههههه
أجل نسيتي الرجال ,,وقعدتي تمقلين في
أمه ,,والله أنك فله هههههههههه

والله يرجع لكم أخوكم سالم يارب

مشكوره خيتو بجد على ذوقك الراقي ,,وردك اللطيف

تسلمـــــــــي عزيــــــــــــــــــزتي ..

إيـــــــــــــــه يختــــــــي .. واستحيت أقول لأهلي إني ما شفتـــــــــــــــــــــه >.<

ربي يرزقــــــــــــــــــك الزوج الطيب الصالح اللي يسعدك ..

__________________

هههههههههههههههههه

أكيد استحيتي أجل بتقولين خليته وقعدت
أطالع بأمه

ادري الحيا يمكن يسوي أكثر


أمييييييين يارب
والله يسعدك بعد انتي,,على أخلاقك العاليه..

اههههههههههههههه يابعد حيي والله اثاريك فرحانه تبين العرس ولا كتب الله
الله يرزقك ان شاء الله ، اما سالفتك اول وحده اهههههه ودي اشوف شكلك بالكدش وانتي صاحيه بسمناه الرحمن الرحيم
وزين منك انك ماشربتي الشطة تحسبينه فراوله اهههههههه

الموقف الثاني مابقى الا تلعبين فتاحي ياورده بالحوش اهههههه وش مطلعك خليك بغرفتك لين ماتسمعي هاتو الشربات يالله مع الزغاريت غلولولوش
اضحك الله سنك مواقف طريفه وعسى الله يوفقك ويسهل آمرك ، ولا عليك من غني بربي وعيشي حياتك
الحشيمه والله لهالمنتدي والاعضاء والا نعرف نرد عليك

هلابك أخوي
ههههههههههههههههههههههههههههه

¤وش أثاريك تبين العرس أنت الثاني تبي تحرجني مثل أخوي أنت هههههههههه

¤أي والله كان شكلي أنا وكدشي توحفه,,والتفهيه في أقصى درجاتها مهيب بعيده اشرب الدقوس..

¤مدري وش طرى علي بعد ادوج بالحوش
يعني جتني حركات ذاك اليوم وربي مو مقصوده بس هم الله يهداهم مدري كيف فسروها ماينلامون ههههههههه

أمييين وأياك أخوي بجد تسلم على ذا الدعوات
وعلى ردك خفيف الدم ..