الله الرحمن الرحيم*

السلام عليكم وارحمه الله وبركاته*



صراحه مادري من وين أبدا تعبانه فكريا ومقهووره انا متزوجه عمري 21 ولدي طفل وحامل الان لي 3 شهور*

سبق وطرحت مشكلتي مع زوجي واني خلاص ابي الطلاق بسبب سؤ معاملته لي وعدم الاحترام والضرب*

وسسويت بنصيحتكم وكنت خلاص ابي الطلاق لأكن جاء واعتذر *بعد سبوع من ذهابي الى اهلي سبحااان الخالق تغير 180 درجه*


وبعد ماسامحته سافرنا لمكه وبعدها بشهرين سفرني لاندنونيسا سفرتي الثانيه لأكن إحلاى سفره لان السفره الاولى ايام مكان يعاملني ولا يحترمني زين*


صرت موو مصدقه ان هذا زوجي سبحان الله والحمد الله المشكله ذي من 9 شهور تقريبا
زوجي الي تغيرت اخلاقه ومعاملته لي الأحسن صرت اشوفه احسن واحد بكل شيء في تصرفاته

وثقت فيه ثقه قوويه وأقول مستحيل يسوي خطاء*

المهم من بعد مجينا من سفرتنا لحو عليه أصدقاءه انهم يرحون لاندنونيسا بحكم انه يعرف كل شيء فيها لانها 2 زياره وقالي انه يبي يروح بس مو مشتهي لأكن لاحين عليه أصدقاءه وكان يبي سيرلانكا لأكن رفضو بحكم انهم مايعرفون *فيها شيء( بس إيه هين )


انا قلت يوه تونا جاين ع الاقل روح سيرلانكا كان وده فيها بس الله اعلم*

انا كان عندي عادي قلت روح وانبسط وأكيد الحين امطار ونااسه بس مكان متحمس ابد ع انا رحنا السوق وشرا ملابس فوق الي عنده ومشاء الله ملا الشنطه من الملابس شتوي وصيفي ع انه بيجلس فقط 11 يوم


ورحت وسويت له جدول وأرقام سواقين لان انا اعرف اكثر منه من دخولي للمنتديات لانه مو راعي منتديات*

جاء يوم السفر الي هو الخميس الي راح وسافر كلمته الجمعه واخذت أخباره والوضع تمام كان توه واصل وفي الطريق للجبل الاخضر ويدورن فله وكذا*

السبت العصر رحت لسوق تركت الجوال في البيت لان مكان في شحن المهم رجعت من السوق الساعه 9 اليل*

لقيت مكالامات من زوجي واتصل علي قالي *

انتي وينك ليش جوالك مقفل انا من اليوم اتصل وقلت له أني رحت السوق وتركت الجوال لان مافيه شحن*

المهم قال دقي علي عشان الجوال مايصرف ( زوجي قالي قبل لايروح انه يدق علي وصك وأدق عليه انا )*


قلت اووكي ابشحن وادق عليك قال يوه بسرعه بناام قلت *الساعه كم عندكم قال 2 الفجر قلت أوكي دقايق*

رحت وشحنت رصيد وكلمته وكنت مبسووطه ماسرعه يشتاق لي ):

اتصلت عليه قام يقولي ليش ماتتصلين علي إخواني اتصلو علي الا انتي انتي اهم منهم المفروض تتصلين علي كل شوي ( طبعا صوته مو زوجي الي اعرفه عالي مره ومادري كيف جاي )*
وارجع اقوله ان تونا السبت ورحت السوق وخليت الجوال في البيت .........)*

ويرجع يردد علي ليش ماتتصلين وقوله ماكان عندي رصيد ورحت لسووق قال اشحني عادي من فلوسي*
عادي ( هو عطاني مبلغ وقدره وبعدين عطاني بوكه فيه فلوس قال لاتضيعين الفلوس انا ابجي مامعي الا الي في البوك قلت خلاص )

لاحضوو مصار له يومين عشان يقولي اصرفي من فلوس البووك

المهم قام يقول اخوي فلان دق علي 70 مره وانتي لا واخوياي بعد حريمهم يتصلون عليهم وانا لا ومادري ايش يلخبط علي وانا أسأله اقوله كيف الجو وكذا*
كل ما اسولف معه يرجع لنفس الموال
قام يرجع ليش ماتصلتي خلاص اتركي الجوال مادام مقفل ولا تردين

خلاص معاد فيني اقوله رحت السوق وووو

قلت انت وش فيك تراك خوفتني قال وش فيني قلت مادري عنك*

قلت انت (شارب مادري كيف طلعت مني )

قال انا اتصل عليك وانتي تقولين شارب يالله مع السلامه قلت مع السلامه وسكرت*

سكرت من المكالمهه جلست ساعه مصدومه معقووله هذا زوجي معقوله شارب ليه صوته كذا ليه زوجي يكرر علي مع انه ممستحيل يكرر السالفه الصوت متغير كلامه ملخبط ابد مو زوجي الثقيل كيف يكرر علي *

يعني شارب ؟ وبدت الشكوك والتعب وحالتي حاله *مقهوره راح مع اثنين من اصدقاء واثقه فيهم بالمره*
متزوجين اكبر من زوجي وعارفه أخلاقهم من كلام زوجي*

المهم بدت الشكوك معي ولا صرت أنام وصرت احسب فرق الوقت عندنا وفي دولته*

ونمت ذاك اليوم بعد تعب*

المهم من بكرا الأحد الساعه 8 اتصل علي الساعه عندهم 1 الضهر*

بعد صوته نفس امس قالي ان اخوه يبي صوره من بطاقه الأحوال لازم اروح البيت واجيبها قلت طيب انت مو تارك البوك عندي فيه البطااقه أصورها بس قال أيبيه صح البطاقه عندك ميحتاج تروحين البيت*


شوفو متى استوعب المفروض من الأساس قال صوريها وعطيه*

المهم قلت وين طلعتوو قال رحنا الحديقه وكذ وانا فيها ننتضر المسرحيه قلت طيب انا بنام*
وسكرت*

واتصلت عليه بعدها ماني ذاكره اي وقت قالي خلاص ان اخوه مايبيها

قلت أوكي واساله وين رحتو والأجواء ويخبرني قلت صوتك متحسن مو زي امس خوفتني قال ليش وش فينني انا بس كنت استهبل ومادري ايش وغير الموضوع وقال انه بينام لأكن بدري عندهم الساعه 9 حسيت انه بوروك محل بس قلت أوكي تصبح ع خير وانا ابتصل عليك بكرا وسكرنا هذا ممكن العصر عندنا *

قلت في نفسي راح اتصل عليه العشاء بس يكون الوقت متأخر عندهم اتصلت ولا رد ممكن نايم مادري عنه*

رحت ارسلت رساله ع ألبي بي انا من اليوم اتصل عليك ماترد بس شكلك تسهر في اليل وتنام في النهار

اذا صحيت اتصل علي*


اندنوسيا معروفه التمشيه من الصباح الى المغرب اليل مايكونو صاحين الا الناس الخربانه الا تشتغل عندهم المراقص في الففل

المهم اتصل علي تقريبا الساعه 8 عندهم الساعه 12*

قالي ايش الرساله هاذي قلت ايش قال الي ارسلتيها سهر في اليل ومادري قلت وش فيك سلامات مايسهر الا انت حتى انا أسهر بعد وجدال مادري ناسيه بس كان زعلان ع كذا بعدين قلت له يو توك صحيت قال إيه قلت مشاء الله نايم من الساعه 9 وصاحي الحين الساعه 12 قال الساعه مو 12 الساعه 9 قلت هههههههه حبيبي مو لازم تضحك علي زي أصدقاءك يضحكون ع حريمهم بالساعه انا عارفه فرق الوقت*

قال لا 9 قلت اهاا مشاء الله حتى صوتك متغير بالمره هذا زوجي الي اعرفه قام وعصب يالله خلااص العيال ينضروني قلت ع وين قال الحدائق قلت اهاا مع السلاامه*


هذا كان الصباح*

ارسلت له ع ألبي بي كيفك ومسوي قال انه يتقهوى وغيرو الفله وكذا قلت ارسلي صور ارسلي صور قهوتهم*
بعدهااتصلت عليه بنفس الوقت الي ارسله كان عندنا العصر ممكن عندهم الساعه 8 كثرت عليه اسئله وين رحت وش تسوي وين رحت قالي انا داخل مركز شرطه قلت ليش وش فيها مو انت قايلي لازم تتصلين علي كل شوي وتراقبيني ( يوم كلمني وهو مادري وش فيه يوم السبت قالي كذا اتصل كل شوي واراقبه )*


قال انتي بس تحققين معي والعيال بس يقلون اتصلت مركز الشرطه قلت اخوياك يضحكون ع حريمهم بس انا عارفه كل شي اقصد من ناحيه الوقت وانت خوفتني من مكالمتك ذاك اليووم*

قال انتي وش فيك كل شوي تعدين سالفه ذاك اليوم قلت لو عارف وش تلخبط علي كان مالمتني*

قال خلاص لا عاد تتصلين انا اتصل يلا مع السلامه قلت لحضه ابسولف معك قال *العيال ينتضروني وش تبين خلاص*
قلت الشرهه ع الي يتصل عليك بس وسكرت بوججهه*



( انا مكان لي اتصل عليه وادوره واراقبه كل شوي إبد كنت ريلاكس لأكن من بعد مكالمته لي السبت انهبلت ماني قادره اتصرف ابد ولا شيء )*

هذا كان الثلاثاء*

بعدها تبت اتصل خلاص لأكن اضطريت اتصل أسأله عن حاجه مهمه جداً اتصلت الساعه 9 عندهم 1 اليل مارد*
واتصلت يوم جاء الفجر مارد ارسلت له ألبي بي بالحاجه الي اساله عنها ؟؟*

مشاف الرساله جلست سهرانه الى الساعه 6 وشاف الرساله ولا رد اتصلت عليه مره وحده كان صاحي *كنت متوقعه يرد لأكن مارد

هينا خلاص انا اهنت نفسي له وهو ولا هاااامه هذا الأربعاء الصباح*

حلفت يمين مع نفسي اني ماتصل مر الأربعاء كامل لا اتصال منه ولا مني*

وقمت احلل أكيد يبي يهيص ع كيفه خله والله ماتصل قسسسسم مقهووره

نمت جاء الأربعاء العصر والوسوسه وكل شوي اتعوذ من الشيطان واستغفر اتصلت خالتي اخت أمي تعزمني


ورحت عندها وروووقت ع الاخر ونسيته والتفكير فيه*

المهم رجعت البيت وصار الخميس حطيت صور ولدي ع ألبي بي وهو راكب الدباب يوم كنت عند خالي بعد ثانيه اتصل زوجي*

وسكر قمت اقول اتصل ولا اسففه ياربي وش اسوي قلت خل اتصل أصير احسن منه وأشوف وش يبي*

قال هلا مرحباً أخبارك وش مسويه وين رحتو وكذا قلت بخير ماطلعنا جالسين في البيت قال وين (ولدنا )

وانتي كويسه قلت اي الحمد الله بخير ( مسألته عن حاله ابد) وصوتي رسمي )*
قلت هذا هو عندي يلعب بالاي باد قال انا شفته الزاحف راكب الدباب قال وين كنتو قلت إي امس كنا في بيت خالتي قال اها انا مادري وش أجيب له هديه أجيب له اي بود قلت هو يحب الاي باد قال شكلي ابجيب له اذ سعره مناسب قلت أووك قال خلاص انا اتصل عليك وسكرت هذا الخميس عندهم ممكن 6 المغرب وعندنا 2 الضهر*


اليوم الجمعه ماتصل ولا اتصلت



وخلصت الحتوته*


وش رايكم كيف أتعامل معه هو بيجي الثنين الفجر كنت ناويه اروح استقبله وكذا بس الحين ماابي أحط عيني في عينه تتوقعون خاين *ومسوي شيء محرم ): انا ما؟؟*


اكلمه عن الموضوع ولا اسكت ولا كن صار شيء ؟؟*
يعني استقبله وانا مبسوطه بس احس ميستاهل ابد

يالله بس دعواتكم لي .،

والله شوفـي بس ملاحظـه .. عمر الزوجـه ماراح تعرف اخلاق اصحاب الزوج .. لأن العالم فيهـا رب العباد ثم الي ملازم لهم ..
لآكن ممكن صارت قدامك اشياء عرفتك اخلاقهم ..

على العموم بصراحـه يعني انآ كل ما اشوف بنت وضعهـأ مو تمآم مع زوجهـا . والله ان قلبي يتحسر واحس بغبنــه
مع ان مالي دخل بالموضوع
بـس لأن كلي يقين ان البــنت تحافظ على زوجهـا وبيتهـا وتسهر ايام عشان تراعي اسرتهـا
وبعض الرجآل الله يهديهم عندهم حرق دم الزوجـه ( من باب التسليه الظاهر )

باين من كلامك حرصك واخلاقك العاليه .. الله يوفقك يارب ويهدي لك زوجك
وترآ انآ طبيعتي ما ارد على اي موضوع هنآ الا تكون عندي تجربه او قصه ابغى اقولهـا
يمكن تفيد صاحب الموضوع . لاني مو متخصص حل مشاكل اسريه

قصتي هي عن اختي مع ان لي تحفظ عليهـا .. ( اختي زوجهـا وربي مسوي فيهـا اضعاف الي مسويه زوجك اقسملك بالله )
لآ وعيني عينك كمآ’ن ...

بس هي متحملـه وصابرهـ عشان بيتهـا واولادهـا .. وانسانه قريبه من ربنآ وصبورهـ واختي اعرفهـا زين قويه وماتستسلم
والله سنين طويله على هـ الحال لين قالت خلاص ( انآ معايا اكتئاب )

وسبحان الله زآنت الأمور وزوجهـأ بدأ يخف شوي شوي .. ويصير انسان عاقل مستقيم
كثيـــــــــر رجال والله زي زوجك .. اصبري .. والطلاق لو بيفيدك كان رضيتــه لأختي وقلت لزوجهـا طلقهـأ

بس الطلاق دمار للبنت والاسرهـ .. الا في الحالات الميؤوسه تمآمآ تمآمآ ..

نصيحـه مني ترآ وربي اشوفك زي اختي الي تعاني من زوجهـأ ... والآن ماشاء الله عليهم امورهم زانت مرهـ

بالتوفيق يارب .. والله يبعد عنك القهر < وسبحان الله كلمة مقهوره اختي دايما تقولهـأ
تقولي ياربي انا مقهوره مقهوره <

اهـ بس الله يهدي كل رجآل بهالدنيآ ...

مشكور عاشق الاروى ع مرورك بس زوجي بحياته ماسوى شيء حرام او لاحظت عليه الا من سفرته ذي واول مره يسافر لحاله مع اصحابه

فما ادري وش اسوي احاسبه ولت اخليه ؟

ع انه في احد مكالمته لي قال خلاص ماراح أسافر لحالي قلت شرهتك ع الي بيسمح لك وضحك

فما ادري وش اسوي أخاف يقولي بعد فتره يبي يسافر وكذا

ع ان واحد من إخوانه يهاوشه اذا جاء يسافر في سفرتنا الثانيه عارض وقال وشواهد الخسائر المره ذي زوجي مقاله

الا يوم سافر قاله




وينك ي سيده الموقف ورجل الرجال ولا يهنون الاعضاء

كيف تصدرين حكم وماعندك دليل؟
الصوت ، والتأخر في الرد على الهاتف غير كافية.

صحيح أنها خلقت عندك شك لكن ليست كافية

أرى عندما يعود زوجك استقبليه بشكل طيب
وبعد كم يوم ناقشيه عن بعض الأمور وضحي له أنك تحتاجين تفسير منطقي.

ماعندي مشكله احلف بالقراءن انه شارب هذا الدليل

يعني كل وحده تعرف زوجها وطبعه وترتيب كلامه وكل شيء

ذاك اليوم مو زوجي كلام ملخبط يعيد ويكرر انا ماستوعبت الا في الاخير

ماحس ان المناقشه بتنفع لانه لينكر ومابي انصدم فيه

زوجك وانتي اعلم فيه وأخبر فيه وتعلمين متى يكون صاحي ومتى يكون عكس ذلك

اذا كان صاحي ومافيه شئ فأنتي طفشتيه بالطلعه وكرهتيه بحياته بصراحة

حتى تلميحاتك حتى لو هو مسوي شئ تضايق وتنرفز انا ما ادافع عنه لكن هذا الواقع

يعني ماحطيتي اي احتمال ان يكون فيه شئ مشغل باله او يقرأ شئ او اي شئ آخر

زوجتي وانا في العمل تتصل علي واكون اقرأ او احلل ارقام او ماشابه تتكلم ولا ادري وش تقول

مره تسولف وتقول بروح لمكان كذا واهلي بيجون ياخذوني وبعدين بنروح كذا معليش

وانا اقول هاه ايه اوكي معليش طيب

اخر شئ قالت بروح الإستاد اشوف مباراة معليش قلت ايه معليش تقول مانت معي وانا اقول الا معك خلاص معليش

فأنا في وادي وهي بوادي فمو شرط يكون الواحد ذاهب العقل بشراب او منكر ممكن يذهب العقل في أمور أخرى

في النهاية زوجك وانتي اعرف فيه لكن ان كان تواصلك معاه مكثف بهالطريقة والتحقيق معليش بيعاند اكثر ويطفش من هالأسلوب

إذا هو بيسمع منك لما تقولين له مافيه سفرات لوحدك وخاصة لمثل الديرة اللي رايح لها ارفضي رفض تاااام وهو بيحسب لرضاك حساب
وإذا ماهمه استودعيه الله والشكوى لله ولا تخلينه يقرب لك آلا لما تتأكدي إنه ماخبّط هناك

الله يعينك

ياقلبي ان شاءلله مايكون يسوي شي محرم او غلط .,~

والله يهوونها عليكي يارب : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

شوفي اختي انا مابي ازيد شك عليك ولا شي
بس ابي اقولك اكثر شعب يروح يشرب وبعدين شراب مو مصيبه تر عاتي صح انه حرام بس مايوصل للمشاكل ولا شي
يعني اول مايجي زوجك تستقبلينه احلى استقبال وتخلينه يعرف انك مشتاقه له
وتغنجي عليك وشوي شوي اسئليه عن شراب بس يكون بطريقه غير مباشره
والله يسعدلكم
تحياتي

مافهمت كلامك اللي باللون الاحمر؟؟
صاحبة الموضوع
ماعندي شئ اقوله الا الله يسعدكم وان شاءالله اللي في بالك كلها شكوك غلط
دمتي طيبه ان شاءالله

__________________
صــــــــــــــــلــوا علـــــــــــــــى من بكــى شــــــــــوقـــــــا لرؤيـــــــتــــــــــــــــنـــا