السلام عليكم .... ياجماعة انا ملكت من شهر يمكن ومن يوم ملكت وانا اهتم وارسل رسائل في الصباح والليل واغلب الايام ماترد على الرسائل فصرت اذا ابيها ترد اكتب شئ يحتاج رد في الاخير وترد حتى ماتقول صباح النور او شئ لا بس تجاوب اللي سئلتها عنه ودايم انا اسئل عنها واهتم وارسل رسائل حب وغزل وهيا بارررررررردة ولاكأني ارسل ويوم اوقف كم يوم ماارسل تقول وينك فقدتك وفقدت رسائلك !!!! مرة بايييييييين من يوم التجاهل حتى نفسي يوم اصحى وانا رايح الدوام الاقي رسالة منها لا الاخت نايمة ماهي فاضية ليا ..... اش رايكم الاشكال هذه كيف تعلمها الاهتمام وانها تهتم بزوجها وتصير تبادله نفس الشعور ؟؟ انا الحين لي اكثر من يوم ولاارسل ولارسالة واشوف وش اخرتها هل بترسل والا لا ..... ومرة اتصلت وقالت بعدين اكلمك ومارجعت دقت تقول انها خلصت وصارحتها قلتلها ليه انتي تتجاهلين مكالماتي ورسائلي هل تكرهيني ماتحبيني استغربت مرة من كلامي وقالت اللي بيننا برضانا ماحد مغصوب على احد المهم يابنات وش الحل الحين اشيروا عليا باللي المفروض اسويه لاني طفشت ومليت .

مـا اتى الرفق في شـيء ألا زانـه ..وما أتي التشدد في شيء ألا شانه ..

أولا .. أطلب منها برساله أنك تبغى تتكلـم معاها عن امور تهمكم ..

وفي هالمكالمـه فرغ كل اللي بداخلك من الأشياء اللي مضايقتك من أسلوبها ..

قل يازوجتي العزيزه .. أرغب بكذا وبكذا وبكذا ..

وأنا ماطلبت شيء يغضب الله وانتي حلالي ..

وكل اللي أبيه منك مجرد أهتمـام وتبادل مشاعر ..

مجرد كلمـه اشوفها منك في الصباح تزين يومي كلـه ..
ماودك تكونيـن سبب سعادتي ..؟؟
ولا تبغيـن أكون متضايق ولا حـاس بأهتمام زوجتـي ..؟؟
قل الزوجه الصالحه هي اللي تدور رضا زوجها وراحته
وهـذا عشمـي فيك يازوجتي ..
ومن هالكـلام ألين هي تفهمـك وأنت تفهمـها ..


ثانيـا ..

أرجوا منك أن تلتمـس لها العذر في الأيام السابقه ..
البنت لما تتملك يكون هالرجل أول رجل في حياتها تشوفه ويكون شريك حياتها ..
تعـودت على أبوها وأخوانها ..طول السنـوات اللي راحت ..
طبيعــي جـــــدا ..
أنها تحس بالتوتر بالخجـل وزيادة الحيـاء ..
فـلا لاتتـوقع أبـدا منها أنها تبادلك الشعور من أول أسبوع بينكم ..

بس بمـا أنه مر شهر كامل المفروض يخف شوي التوتر وتبدأ تتقبل وتاخذ وتعطي معك ..
ضروري تطلب منها أنك تكلمها على شكل فترات ..
في هالمكالمات تفهمـون بعض وتتخططون لحياتكم ومستقبلكم..

أهم حاجه لاتتسـرع وتحكم على البنت أنتظــر شوي ..
البنت اللي متربيه ماتتجـاوز حدوها من بدري مع زوجهـا ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

الله يعطيك العافية على هالكلام الحلو ان شاء الله اطبق اللي فيه بإذن الله .

حل عيوني تحكيني ممتاز بس كلمها وانت رايق وبالهدآوة عليهـآ

ماشاء الله عليك يآعيوني
الكــلآم يهز بالحيل واتوقع لو يطبقه بيجيب نتيجة

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

يا اخي ..
الحب لا يأتي من فراغ ..
هل تريدها ان تكذب عليك و ترسل لك كلام حب لا تشعر به ؟؟
حاول فهما جيدا و حاول ان تجعلها تفهمك اولا .. و اعرف عنها كل شيء و اجعلها تعرف عنك انت ايضا كل شيء ..
ثم ستجد الحب جاء بشكل طبيعي ..

كلامك صحيح طيب لاتقولي كلام عن الحب على الاقل ترد على الرسائل اللي ارسلها !!! تحسسني اني ماني قاعد ارسل للهواء مثلا ...... انا احاول اتكلم تلفون معاها لكن ماعندي شئ اقوله احس ينعقد لساني يوم اتصل عليها هل عندكم افكار ممكن اقولها او شئ يخلي المكالمة لطيفة وحلوة ومافيها سكوت ؟

يا اخي فالتكن حنونا و حازما في نفس الوقت ..
كونها لا ترد علي رسائلك اصلا هو سوء تعامل يجب ان تتعامل معه بحزم و لكن بحنان ..
اما عن الموضوعات التي تتكلم معها فيها فهي كالاتي ..
- ماذا فعلت في يومها
- ان تتكلم عن ذكرياتها و سنينها الماضية
- ان تتكلم عن المستقبل و الاحلام
- ان تتكلم عن ذكرياتك انت و احلامك
- ان تتكلم عن ما يحدث معك في العمل
- ان تعرفها ما تحب و ما لا تحب
- و لو كنت عاقد ممكن تتكلم في الجنس

طيب مامفهوم تعامل معاها بحزم ولكن بحنان ممكن توضح اكثر اذا تكرمت يعني اش اسوي في هذه النقطة ؟

يا اخي يجب ان تعلم زوجتك جيدا ان مسألة احترامك و تقديرك خط احمر لا يجوز تعديه بحال ..
و هي لن تعطيك هذا بإرادتها للاسف .. لذلك يجب عليك انت ان تفهمها ذلك و ان هذا حقا اصيلا لك فرضه لك الشرع و الدين و العرف ..
كيف تكون القسوة و الحزم مع الحنان ؟؟؟؟؟

قبل ان تستخدم الحزم و القسوة لابد ان تغرقها في الحنان و الحب اولا ..
فان اردت ان تقسو عليها فالتحرمها من الحنان و الحب بالقدر الذي يتناسب مع خطأها حتي ترجع و تعتذر عن ما فعلت ..
فان لم تكن انت اصلا تعطيها الحنان و الحب فعند الرغبة في معاقبتها فمن ماذا ستحرمها ؟؟؟

يجب ان تغرس داخلها ثقافة الاعتذار .. فمن يخطيء يجب ان يعتذر .. و ابدأ بنفسك لتكون نموذج في ذلك .. اخطأ في حقها ثم اعتذر لها حتي تقتضي بك ..

والله انا الوضع ذا مو عاجبني الحين لنا يومين مانتكلم بس انا ابي اشوف حتبادر هيا او لا والا كالعادة انا اللي اكلمها