سلام على الجميع وتحية طيبة لكم اعزائي
الحقيقة مادري وش اقولكم وكلي ارتعد وانا اكتب لكم بس تحملوني وانا جاية وكلي ثقة فيكم بعد الله انكم بتلقون لي حل وباقرب وقت لاني وصلت مالايحمد عقباه واقسم بالله اكتب ودموعي تفيض تعب ياعالم والله تعبت
مشكلتي مع زوجي هي الشك انا اشك فيه بكل شى وشكي ما جا من فراغ كانت له اغلاط وكشفتها وطوينا الصفحة عشان المركب تمشي بس لسه اذكر خيانته لي ومو قادرة انسى انه كان يكلم غيري وكل شوية احلفه على كتاب الله ويحلف لي وارتاح وقتها ويرجعلي الشك حياتي ايلة للسقوط واهم شى صحتي والله اني اتعذب وربي عالم فيني ماحس معه باالامان على كل كبيرة وصغيرة يهددني بالطلاق وانا تعبت نفسيتي وكل ماجاب سيرة الطلاق اشك اكثر ان في حياته علاقات يتجاهلني بشكل مو طبيعي ويسكت بالساعات اكبر متعبته التلفزيون لو يجلس يتفرج طول الليل ماعنده مشكلة احيانا اقوله اعطيني وجه واحيانا استسلم للامر الواقع واصير اتفرج معه وذا ضحك على شى ضحكت معه وانا بداخلي جبل قهر ودموع
انا اعترف اني غثيته بشكي واني ودي اتركله المجال عشان اذا في نيته يبطل شى مو زين يبطله لكن ياناس والله ماقدرت اتحكم بنفسي كل ماجاني الشك واذكر محادثاته عالنت اتعب واقول معقولة زوجي قال كلمة فديتك لغيري معقولة شاف شى ماهو لزوجته ااااااااه بموووت انا احبه رغم كل هذا وودي اعيش معه بس بنفس الوقت ماني قادرة انسى في ناس تعرضوا لخيانات اشكال وانواع وتحلموا ونسوا بس انا كثير حساسة
واكره شى عندي اسمع فلان خان زوجته ولا فلانة خانت اتعب حتى لو ماكنت معنية بالامر راجعت عند طب نفسي كثير اهدئ فترة ويرجعلي الشك على حسب المواقف وكل ماتجاهلني زوجي اكثر وهددني بالطلاق اكثر يزيد شكي فيه اكثر سعيت بشتى الطرق اني احمل وماكتب ربي لانه شى ماهو بيدي قلت ممكن لو عندي منه عيال تزين الامور ويتمسك فيني اكثر ولكن هذا امر بيد الله تطلقنا مرة ورجعنا وهو كان يقول ماقدرت اعيش بدونك وانا نفس الشى وفتحنا صفحة جديدة مفعمة باالامل بس بيوم ادخل من جهازه واكشتف محادثة له مع وحدة بحجة انه كان يقول يبي يتزوجها بفترة طلاقنا !!! معقولة ياناس اول مايطلقني وانا باول اسبوع عدة يدور غيري وحتى وان كانت السالفة صحيحة معقولة يتكلمون بمستوى بديئ والمشكلة انه كان معطيها اسمه بالكامل وموريها صوره يعني فرضا انه كان يعدي وقت ليه يعطي معلوماته الصحيحة
ومعطيها رقم جواله ويقولها صحيني بكرة الساعة الفلانية على طول بنت هوى اخذت مكاني وصارت هي الي تصحيه حريقة بقلبي والله ياجماعة ولاني عارفة كيف اطفيها فكرت بحل الطلاق بس ماعندي القوة الكاملة حتى اعيش بدونه بالوقت الحالي لاني لسه احبه ومتعلقة فيه!! تناقشنا كثير بهالامور وقلت له حاول تساعدني عشان اتخلص من هالشك وتراك انت سببه اهتم فيني اغدقني بحنانك يمكن هالاشياء تساعد كل ماجاني شك القى له مخرج بس لاحياة لمن تنادي عنده ياطلاق ياتطنيش اخر شى لقيت رقم لي قديم ضاع مني وكانت تجيني عليه ازعاجات مرسل له رسالة والرقم ضاع مني من سنة ونص قلت له كيف رقمي مرسل لك رسالة وطبعا الرسالة فاضية قال ليش هذا رقمي توقعته حق صاحبي انا جلس فيني شك بس من كثر ماصرت اشك حتى بعقلي صاحي ولا لا قلت يمكن اشه على الرقم بس هيهات مامرت علي السالفة وانا نايمة الفجر اذكره وقمت فعلا تاكدت من العمليات البنكية الي قمت بها وكان نفس الرقم بس ايش جابه على زوجي فكرت وقلت يمكن عشان الرقم مميز زوجي سحبه وخلاه معه بدون علمي تاكدت ان الرقم صار باسم هندي وزاد استغارابي قلت معقولة زوجي بيحطه باسم هندي عشان لا اكشفه قلت له صارحني بالحقيقة
قام عصب وكان بيسوي فيني حادث ووقف السيارة وقال اذا اعرفه او لي علاقة فيه فانتي طالق والله يحرم علي الجنة قلت اووووووووف ليش كل هذا ترى انا بس سالتك ورحنا الاتصالات وكان معي الشريحة الكبيرة الي عليها البين وعطيتهم اخر رقم دقيت عليه من سنة وقامو رجعلولي الرقم وحطيناه باسم وصار معي الان بس لسه عندي مليون علامة استفهام كيف رقمي يرسل رسالة لزوجي وزوجي يقول انا معرف من ارسلي !!
عموما مو هنا المشكلة المشكلة انا الحين كيف اتخلص من المصيبة لي انا فيها وكيف اريح نفسي من هالشك القاتل وكيف اعيش بامان معه وانا اخاف منه ومن تصرفاته وكيف انسى الماضي بالله عليكم قولولي كيف انا تعبت وكرهت حياتي ولا صرت اشوف بصيص امل في كثافة ظلام كالح غطى نور حياتي ارجوكم ساعودني وخاصا الرجال ولكم الاجر واسفة كثير طولت عليك بس والله اني حاسة بالموت البطيئ

__________________

رجا الله رغم ان كلامك قاسي بس احسه منطقي وعلى راسي واشكرك كثير على اهتمامك فيني رجا الله اختي صدقيني انا ما ادور لنفسي عذر والله ادافع عن نفسي فاذا غلطت اعترف بغلطي مو عيب ابقى انا بشر ولحم ودم وماني معصومة بس صدقيني اختي والله انه غصب عني كل لي احسه اتجاهه تخيلي يفرح لسبب مجهول ويزعل لسبب مجهول فبالتالي احس انه في احد له دور بتغير نفسيته غيري يعني مثلا الحين طلع زعلان ثم راح مشوار ورجع مبسوط انا الحقيقة احس انه في مصادر اخرى قاعدة تلعب بمزاجه وانا مااقولك احساسي صادق مليون بالمية بس يعني هذا زوجي وتغيراته اعرفها
اختي رجا التغير يكون مني فقط او منا احنا الاثنين ؟ طيب انا بكل مرة اتكلم معه اقوله ايش هي احتياجياتي وايش الي يسعدني معه ولا تتوقعين ياختي اني ودي اعيش بهم لاني اموت اللف مرة قبل لا انكد عليه نار تحرقني قبل لا تحرقه
اختي رجا انا مابيك ترفعي من معنوياتي بس هل تشوفي اني غلطانة بكل شى ؟ ارجوكي ردي علي

__________________

عزيزتي الزمي الاستغفار واقري سورة البقرة وشغليها بالمنزل دائما
ادعي الله عزوجل ان يعف زوجك ويسخره لك
لاتجعلي زوجك محور اهتمامك جدي لنفسك اهتمامات اخرى ومارسي هواياتك وتجاهلي تصرفات زوجك السلبية
وعززي تصرفاته الايجابية
حاولي تصلي معاه وتدعي معاه في اوقات الاستجابة وتذكرو الله سوا بكذا انتي تعززي الجانب الديني لديه
وبنفس الوقت تقوي صلتك فيه عن طريق ممارسة امور مشتركة

زيدي من ثقتك بنفسك عبر حضور دورات تطوير الذات وقوي صلتك بالله عزوجل واشغلي وقتك بامور مفيدة وايجابية
تزيني لنفسك والبسي احلى مالديك ونوعي في شكلك لك انتي فقط وليس لزوجك

زوجك مثل ماقالت اخت رجا الله يحب الزوجة القوية الواثقة من نفسها

ابني شخصيتك عشانك انتي عشان ترتاحي وتستقر نفسيتك مش عشان زوجك ياغاليتي

وربي يسخركم لبعض ويهدي سركم

اشكرك اختي الغالية على حسن تتبعك اقرا كلامك واحسك فهمتي فيني كل شى
حبيه وأحسني معاملته وفي نفس الوقت لاتظهرين إهتماام زاايد به
هذه مشكلتي اهتمامي فيه الزايد وحاولت مااهتم بس اضعف بسرعه وهو بعد احيانا يلعب عالوتر الحساس
أتوقع زوجك حبك لكن مااحب شخصيتك
صحيح وبدليل مرة كنا نتفرج وشاف وحدة ممثلة عجوز قال شخصيتها قوية وانا استغربت لكلامه وانتي عارفة ياختي رجا في الله الحب يضعف صاحبه
أهتمي بنفسك دلعيها أقري في كل شي يخص المرأة , وروحي أكشفي عن سبب تأخر الحمل , ممكن ماتحتاجين علااج والمشكلة هي نفسية .
بالضبط كلامك وهذا كلام اغلب الدكاترة ان السالفة نفسية
طيب ماجاوبتي على سؤالي متى يهددك زوجك بالطلااق ؟؟
يهددني بالطلاق اذا شكيت مع العلم انه السبب واكون وقتها ابغاه بس يريحني ويهدي من روعي بس توصل المشكلة لحل الطلاق وبعد سالفة خوفي من الطلاق بعطيك مثال اختي عندك قنبلة في البيت وعايشة معك وماتفارقك وبكل لحظة تخافين تنفجر فيك اسم الله عليك يا انك تحطي حاجز بينك وبينها وتحسبي لها حساب وعدم الاقتراب منها بس رغم الحذر بيضل فيك خوف يا انك تملين وتقولي خلاص بخليها تنفجر فيني والي يصير يصير هذا الي احسه بالضبط
وكيف علاقتك زوجك بربه هل هو يحاافظ على الصلااة , وكيف تعامله معااك هل هو كريييم وطيب وحنون , له مواقف معااك تدل على رجولته ؟

الحمد لله يصلي بس مو حريص دايما على الصلاة بالمسجد وهذا شى يزعجني كثير ويزود شكي اكثر بالنسبة لتعامله معي هو طيب ويراعيني بكثير امور الحقيقة وله مواقف تدل ع رجولته


وش سبب طلااقكم الأول ؟؟ ومن اللي بدا بالصلح أنتي أو هو ؟؟ وكم لكم سنة متزوجيين ؟؟
سبب طلاقنا زي ماعلمتك اختي اغلب المشاكل الشك وكنت اشك باسباب بس من اشوف تغيراته واحيانا يتجاهلمني ولا يهتم في اربط شى بشى وتتكون عندي سلسلة شك
فترة عدتي انا الي دقيت عليه لاني كنت مرى مشتاقة اسمع صوته وهو بعد كان يبي يرجعني بس مشكلتي اني اسبقه بكل شى وانا الي ابادر دائما صار لنا متزوجين اربع سنوات

[align=center]
مرااحب حبيبتي , شوفي مشكلتك صدقيني سهلة لو نظرتي لها إنها سهلة وأنك قاادرة تحلينها لأنك قووية وواثقة من نفسك , لازم تقنعين عقلك الباطن أنك قووووية .
غيري من كل السلبيات في شخصيتك والي هي من أسباب مشاكلكم وأول شي التغيير عشانك أنتي وبعديين هو , لأنك لو تغيرتي مو بإقتناع راح تمليين وترجعيين لسابق عهدك .
لاتحاوليين تلفتيين إنتباهه لك بشكل مبااشر , لا حبيبتي خليه يلاحظ بنفسه .
ولاتكثرين عليه الإسئلة الي أنتي عارفة أنها تضايقه منك , ولاتظهرين غيرتك عليه .
ولاتفتشين وراه نصيحة لوجه الله راح تتعبين أكثر ولاراح تظهرين بنتيجة بس إثم وهم .
حسسيه بثقتك فيه وأهم شي ماتذكرينه بااي شي من الماضي يثير غضبه .
بعديين تذكري مواقف زوجك معاك وتعامله معاك وكل صفة حلوة فيه وسجليها في ورقة داخل عقلك
وتذكريها كل وقت , وتذكري أن غيرك تعاني من الخيانة والبخل واللؤم وسوء المعاملة .
أشغلي نفسك عن زوجك لاتخلين تفكيرك محصور فيه فقط , لا فكري في جوانب الحياة الآخرى وفي
الإنجاب مثل ماقلت لك , أقري عن الطبخ البيت وعن العناية الشخصية , قصص الآخرين الي فيه موااعظ , عن الإستغفار , قيام الليل والصدقة وسورة البقرة.
أكتبي عن مشكلة تعانين منها بعيد عن زوجك وأبحثي عنها في قوقل , راح تنشغليين كثير , لأن المواضيع تجر بعضها .
حبيبتي مو عيب أنك تكلمينه وقت العدة لأنك مازلتي زوجته , ولك أجر إن شاء الله , لكن المرات القادمة إن شاء الله مايكون في طلااق أبدا .
بس لو غلط عليك زوجك والحياة ماتخلى من المشاكل , لاتدخليين معاه في جداال ونقااش في وقتها , لأن هذا يصعد المشكلة أكثر , لكن لاتعتذريين إلا لما تكونين غلطاانة , خلي زوجك يعتذر لما يغلط.

لو طبقتي كلاامي بإذن الله راح تكتشفيين أن البيت مافيه قنبلة موقوتة , وإنها مجرد وهم ولو كانت موجودة فعلا فاانتي أبطلتي مفعولها بإذن الله .

ولاتنسين قوله تعالى (ياأيها الذين آمنوا أستعينوا بالصبر والصلاة )
والدعاء الدعاء الدعاء , وعلى فكرة أنا وانتي والجميع في رجاء الله .
وسامحيني على الإطالة .
[/align]

__________________

اشكرك اختي نوتيلا وفعلا انا لما اتزين لنفسي احس بقوة بس زوجي ينزعج لا صرت مثلا مسافرة لاهلي يقولي ليه بتاخذين مكياجك معك وملابسك كثير وانا احب كذا واحب غيرته واترك مكياجي وعطوري كلها في بيتي عشان مازعله وفعلا من اهتم بنفسي عشان نفسي احس بسعادة بس والله اني عايشة عشانه واستخصر بنفسي شى زين وخاصا لو مسافر او بعيد عني اقول ماله داعي اتمكيج لحالي وزوجي مو عندي

عليج بالدعاء
اللهم قرب بيني وبين زوجتي واجعل حبي في قلبها وحبها في قلبي واصلح ذات بيننا وأبعد شر الجن والإنس عنا

الله يوفقك بينكم اخوي حمود وسهل اموركم ويبعد عنكم الشر ويخليكم لبعض تمسك في زوجتك ياخي اذا كنت تحبها ولا تنسوا الفضل بينكم بدعيلك يا اخي وان شاء الله تبشرنا انكم رجعتوا لبعض طلع لها كل الي بقلبك وقولها انك شاري العشرة مو بايع
ترى الشيطان اكبر متعة عنده يفرق بين الزوجين لا تطاوعه وتحداه
وانا بعد الله يصلح زوجي ومايصير كل مرة بايعني ومحسسني انه متخلي عني الله يجعلني نقطة عسل بقلبه ويعمي عيونه عن الحرام