هلا فيكم
زميلة جديدة حابة تشاركم يومياتها للوصول للوزن المثالي بإذن الله

أنا مشكلتي أن لي 3 سنوات اقحص عشان أنزل كيلوين وأرجع فيهم وعليهم حبة مسك .
البعض يقول أنت نحيفة وأنا أقول لا لإني الوحيدة اللي أعرفني
النّاس يا تجامل يا تطبل يا تغار والصريح يزعلك خخ ماندري وش نبي
المهم لي فترة اطمر بالخمسينات مع أني محتاجة أنزل تقريبا مدري لاني ماوزنت للحين بس على الغالب اتمرجح بين 56 و 57 وانا طولي 155 شكلي غلط مع عمتي الكرشة والزوايد المتوزعة .. واللي يغث أن حتى بزورتنا يقولون لي يا دبة جعلهم المنيب قايلة

ماعندي دايت معين أبي أسويه لإن بنظري أن الجسم يحتاج توازن وعدم حرمان ولكن بالتأكيد يضبط مواعيد اكله ويرتبها ومايتجاوز باليوم الواحد سعرات حرارية عالية مع ممارسة الرياضة أكيد عشان الجسم مايترهل وبنفس الوقت يقدر يحرق من السعرات القديمة والجديدة على جسمه وبكذا ينزل وزنه<< يازيني وأنا اتفلسفالمشكلة عارفة هالكلام بس ماش ما اكمل دربي يجيني احباط


ما أجيكم بالطويلة من بكرة بإذن الله بنزل يومياتي وبتكون معتمدة على التخفيف والرياضة وقد ما اقدر بخليها مصورة
حاطة لي هدف أن نهاية الشهر الاول من السنة الجديد يكون على أقل تقدير منزله 5 كيلو
ادعوا لي بالثبات لإني إنسانة قلابي

نلتقي غد

احب اتابع اليوميات و خصوصا مع الصور
منتظرتك
بس برضو منتي بسمينة
و أنا حسبت معدل كتلتك ,,,أحب أحسب
وزنك عشان يكون مثالي مفروض كتلة جسمك بعد الحساب (الوزن/مربع الطول)
تتراوح بين 20 -25 و في من يقول من 18.5 إلى 24.5
مربع طولك 1,55*1,55=2.4025
لو افترضنا وزنك57ناخذ الأسوأ للتفائل إذا طلع الأحسن
56/2.4025=23,7

يعني ما شاء الله في المثالي
ياريت وزني مثل وزنك بس , لكن أعتقد لو تنقصي خمسة يطلع جسمك أحلى فعلا
أشجعك صراحة ,,,تنقصي أن شاء الله بصحة و عافية

,,,

__________________

هلا حبيبتي المسداني
شجعيني تكفين
على الأقل أوصل للخمسين وبعدين أفكر بالخمسة الثانية << طماعة
لإن وزني المثالي 45 بس أنا عادي مبدئياً خمسين وعقبها يحلها ربك .
وصحيح عليك أنا الدهون عندي 23 تقريبا

الله يثبتنا وتسلمي يا عسولة .

__________________
قرقعة صحون ولا قرقعة بطن

موفقه

يوفق الجميع

__________________
قرقعة صحون ولا قرقعة بطن

بديت يومي الأول << احلفي

صحيت الصبح خايفة أوقف على الميزان والقى وزني 58 لإن أحسني مليانة
مع أن لي أسبوع أخفف أكل وانشغلت اليومين اللي طافوا مع أخوي الصغير كان مسخن وكذا
فكان أكلي مش ولابد .. لكن ربة ضارة نافعة لاني وزنت الصبح ولقيت وزني باسم الله ماشاء الله



وهذا يعني أن باقي لي خمسة كيلوعلى الهدف الأول
الله ييسر يارب
لما شفت وزني جاءني دافع اني التزم فعلا
بس ماعرف والله يمكن يطرأ شي يخرب أم أم المود ويفتح الشهية << مزاجية الاخت


المهم بديت يومي بشرب كأستين موية دافية مرة كويس عشان الهضم والمعدة والبطن وكل ابو شي

وجهزت فطوري



7 ملاعق فول مع رغيف ونص صحي
هالنوعية من الرغيف مرة خفيفة وبدون سكر وملح وسعراتها اقل من التوست العادي
ومعاها 3 حبات مخلل و كاس كابتشينو بالحليب

الغداء



مرق لحم نزلت طريقتها هنا
مع اربع شرائح بطاطا صغيرة و 4 ملاعق رز وسلطة وعصير كي دي دي سعراته اقل من 50 كالوري


وهذه لقمة تذوقية للي يبي



بعد تلحيس الصحون هههههههههههههه

إن شاء الله بعد شوي بسوي رياضة
وبكمل لكم يومي بالليل
الله يسهل ويقويني

__________________
قرقعة صحون ولا قرقعة بطن

والله انك خطيرة
الله يسهل لك
وتوصلي للي تبغيه

أنت أخطر تؤبريني
آمين يارب آمين

اقتباس:

المشاركة الأصلية كتبت بواسطة المسداني حركاااات التصوير يجوّع,, بس ما قلتي هو تخفيف بحساب السعرات او لا ؟

حياك على قل الكلافة يا بعدي وخسى الجوع

تصدقين ماعرف وش اتبع
بس فكرتي أني ابتعد شوي عن الأكل الثقيل والمليان دهون هذه شغلة
والشغلة الثانية أكل أكل سعراته مهيب عالية أو ممكن تكون سعراته وسط , أو لو سعراته عالية أحاول أخليها وجبة وحدة وبقية يومي يكون خفيف .
شوري علي كذا تمام ولا ؟

__________________
قرقعة صحون ولا قرقعة بطن

حركاااات
التصوير يجوّع,,
بس ما قلتي هو تخفيف بحساب السعرات او لا ؟

__________________

تكملة يومي الطريف





بعد الغداء بثلاث ساعات سويت لي مساج بطن ومعدة وأرداف لمدة ساعة .



رياضة متنوعة لمدة 15 دقيقة بالحاجات الجميلة هذه
+
مشي في الهواء الطلق لمدة ساعة ونص



بعدها أخذت دش جميل ونزلت أخذ سناكي
شفت أهلي مدنقين على القهوة عاد أنا مو ذاك الزود معها فسويت لي كابتشينو بسكر حمية .
وأخذت من أكل البزران .
كابتشينو و كم حبة بفك و كليجا بر ومعمول توفي



وما أكلته كله .. شاطرة أنا



وهذا كان عشاي سلطة فواكة .



والباقي من


جالسة أعود نفسي أني ما أكل صحني كله
تراي ما ارمي الأكل , ألحق أخواني وأغصبهم عليه نحفظ النعمة عشان ربي يحفظنا

وبكذا انتهى يومي على خير

- العنوان غبي ولا يتهيأ لي ؟

__________________
قرقعة صحون ولا قرقعة بطن