eal"][]السلام عليكم
حابه أسمع أراء مختلفه عن موضوعي ,ان شاء الله القى حلول او نصائح ممكن تفيدني واذا مافائدتني ممكن تفيد غيري.........ندخل للموضوع.
في شاب من مدة يبي يتقدم لي بس المشكلة أهلي ,هو تردده بها الموضوع يبي يعرف ردة فعل أهلي ,وقد إيش نسبة رفضهم له؟. هو من قبيله وأنا من قبيلة ثانيه ,المشكلة هو بنظره إحنا المقصود قبيلتنا ما نزوج لبره,والموضوع عندنا عادي بس يعتمد على من هم الي نزوجهم, عندنا أشخاص ماخذين من الحضر ومن عوائل مو من قبائيل .هو من قبيله بعض الناس مايزوجوهم .وهذا أسوء شي في مجتمعنا الملي بالتناقضات.أنا بعمري مافكرت بموضوع الزواج ولا تخيلت نفسي أكون مع شخص و وحتى فكرة الزواج ماقتنعت فيها الا بعد ماعرفته.أدري موضوع الزواج لو انفتح عند الوالد بيرفضه.أبي طريقه أقنع الوالد فيها أنه هو الشخص المناسب لي .أستخرت أكثر من مره على هذا الموضوع واحس اني مرتاحه من ناحيته ومتعلقه فيه برغم بالبداية كنت رافضه الفكره تماما وهذا الشاب رفضته كذا مره وهو وصل لي بكل الطرق أنه يبيني ويبي يعرف رائي لو تقدم لي بوافق أو لا . هو بالثلاثينات ومافي شي تقريبا يعيبه .من ناحية الشخصية والاخلاق والوظيفه الوالد بيوافق, بس لما راح نجي على موضوع القبيلة راح يرفض.
أنا مو عارفه إيش أسوي .ولوافترضنا أنه تقدم رسميا أخاف الوالد يقول بصراحه سبب الرفض أنه بسبب انة من القبيلة الفلانيه وأنه يكنسل الموضوع تماما.أحس بحيره تماما.والله أحس بتعب لما افكر بهالموضوع.لاتخلوني أفقد الأمل لانه أنا مقتنعه فيه ومراح اخذ احد اذا مكان هو.
ملحوظة:
لاحد يسي الظن ,من خلال العمل معرفتي فيه ,ومن ناحية معرفتي أنه يبيني ويبي يتقدم لي من خلال وسيط .مافي اتصال بينا