مراحب يااهل الداااااااااااااااااااار ......
بقول السالفه على طوووول ......
بعض الأهالي .... بعض بعض بعض بعض .....
تفكيرهم مدري شلون !!!!! .... ياانا اللي غلط ولاافهم ياهم تفكيرهم مااااااااااااااااش!!!!!!
بقولكم عدة مواقف شفتها بحياتي وصارت لي وصارت لصديقاتي ومعارفي !! وبليز أبي تعليقكم هل رأيهم وطريقة تفكيرهم صح ؟؟؟؟؟؟؟؟؟؟؟
1/ شاب تخرج من الثانوية وعمره 19 درس معهد وبعدها قعد يتسدح مالقى شغل ولامشغله !!!! طبعا كثير شباب زي حالته !!! ولما صار عمره 25 صار ناضج واشتغل باعمال حرة وتجارة وكون نفسه ولما صار عمره 27 خطب ....قالوا أهل البنت وش قاعد يسوي طول ذيك السنوات ؟؟؟؟؟؟ هذا مو مضبوط !!! برا اوت مرفوض ....
2/ شاب كسلان بدراسته وتخرج من الجامعة وعمره 26 .... توظف وظيفة حكومية حلووووة ولما صار عمره 33 خطب !!! قالوا أهل البنت ليش متخرج متأخر كسلان غبي وش يشكي منه !!!!!!!!!!
وليش ماتزوج إلا متأخر وش قاعد يسوي طول ذيك السنوات وش قضاها فيه بدون مره !!!!!!!!!!!!!
3/ شاب عاقل وظيفته حلوة لكنه مدخن .... دقت اخته على أهل البنت وقالت شوفووووا من الأول يااهل البنت ترى اخوي يتتن (( يدخن )) ,,,, قالوا أهل البنت اخته اعترفت بالتدخين وتعتبره عادي معناتها مخبين بلاوي اكبر !!!!!!!!!!! اوت برا ....
4/ صديقتي جريئة ماشاء الله عليها وتقدر تواجه أهلها صاحت على اهلها قالت حرام ليش ترفضون فلان ابيه ....يمكن هو نصيبي وانتم رفضتووووه ..... قالت امها لو هو نصيبك كان مارفضنا كان ربي الهمنا الموافقة ... !!! ... طيب ربي أمرنا ببذل الأسباب ...
5/ شاب طاير بالبنت ويبيها ويبي يتزوجها لو يمووووت واهلها رفضوووه لانه يحبها !!!!
6 / شاب يبي بنت وعاجبته وشافها وجازت له ورفضها بالأخير ,,,, لأن اخوها يدخن !!!!
7/ أم راحت تخطب وشافت البنت وجازت لها حيييييييل لكن قالت مابيها بيتهم مو حلو !!!
8/ أم لما تنعزم على عرس تجي بدرررري عشان تحجز كرسي قدام المنصة تشوف الرقص عشان تخطب لولدها !!!!!! منصة العرس صارت مكان مناسب للخطبة ؟؟؟؟؟؟؟؟
بالأخير أبي أقول هالقصة وهي ليست للتعميم (( لااحد يزعل ))
لي صديقة حبيبة وغالية من إحدى الدول الشقيقة ... فأخبرتني أنها خطبت لأخيها حسب مواصفاته انه يريد فتاة شقراء بيضاء جميلة طويلة رشيييييقة .... قلت لها الجمال سيفنى ياعزيزتي من الأفضل البحث عن الدين والجمال لاسيما أنكم عائلة متدينة ولاتبحثون عن الجمال فقط !!!! قالت حاولت معه لكنه يقول دائما النساء زي بعضضض بأخلاقهن وطبائعهن وتصرفاتهن والإختلاف فقط بأشكالهن ... وان جميع النساء يجلبن النكد لأزواجهن فزوجة حسناء تجلب لي النكد ولازوجة قبيحة !!!! ضحكت على كلامه من كل قلبي ...
وقلت هالسالفه لصديقتي البدوية مثلي قالت حتى أخوي يقول زي هالكلام وليس صاحب القصة فقط !!
مرت الأيااام فأتت صديقتي وقالت لي أبيك تتعرفين على فلانة خطيبة أخي وتكونين صديقتها أريدك أن تكتبي لي بحثا مفصلا عن شخصيتها فأخي لم يفهمها ولا أنا !!!! لقد تعبنا ولم أجد فتاة أثق فيها من بين صديقاتي غيرك << كبر راسي ....
واخي ميت بجمالها ..ولايريد أن يخسرها .... فهي ساعات تكون قمة واحيانا تكون حاقدة طويلة اللسان ...
وقامت صديقتي بدعوة خطيبة أخيها للدراسة معنا بالتحفيظ دعوة عفويية ومنها نعرف شخصيتها حج وقضيان حاجة ....ودرسنا سويا وكنا أجمل ثلاثي نقضي نصف النهار سوى .....
كانت فتاة قمة بالأخلاق رغم قلة دينها لكن تحب القرآن ...
جدا بشوشة ورائعه لسانها طويل لكنها مؤدبة ....وهذا ماكان واضحا طيلة السنة (( خطبتهم استمرت سنة )) ولم تكن الخطيبة على علم اني بدرس شخصيتها ,,,, خليت اخواتي يتعرفون عليها والكل احبها ... اخبرت صديقتي بكل شئ وانها فتاة لم أرى منها القبيح قط !!!! إلا شئ واحد لكني لم أخبر صديقتي لانه شئ عادي ولايسوى ...وقلت لصديقتي اللي شفته انها قمة لكن علاقتي معها ماراح تبين جميع جوانب شخصيتها وطريقة حياتها فتعامل البنت مع بنت يختلف عن تعاملها مع زوج !!!!!! ....... وصديقتي ألقت علي مسؤولية صعبة .... لكن عشان مااحط بذمتي البنت بنظري ونظر اخواتي توب وانا مالي الا الظاهر .. وقلت لصديقتي لاتجعلين رأيي ورأي أخواتي يرجح كفة موافقة أخيك !!!!!! فوجهة نظري تختلف عن وجهة نظركم !!!!!! مرت الأيام ووصلني كرت فرحهم وحضرنا فرحهم ... وقدمنا الهدايا والتهاني ...... بعد عدة أشهر حصل الطلاق ....فالفتاة الكل انصدم منها انقلبت رأس على عقب ... وظهرت الأخلاق التجارية !!!!!
يعني كانت تمثل علينا لكني بالسابق صعب اقدح بنية البنت واقول احتمال تمثل إن بعض الظن إثم ...
أتت صديقتي وقالت أخي يشعر بالندم الشديد على أنه بحث عن الجمال ولم يهتم بقلة دينها ......
وقال ليتني سمعت نصايحكم يااخواتي ... لكن أنا محاكيتكم مازلت أشعر إن رأيه أن الحريم زي بعض هو رأي طبعا خاطئ لكنه معشعش بعقول بعض الرجال هل شعوري صحيح ؟؟؟
لكم المايك ولكم ودي .. الذوق

__________________
الدراسة مقبلة دعواتكم

أهلا بك ..
اسمتعت بالقراءة جدا ..
ومع الأسف هذا الحاصل عندنا ..

ليش اعتبرتيها جريئة ؟!
من أبسط حقوقها !!

__________________

مرحبا أخوي ... من أبسط حقوقها أنا معك كلامك صحيح ....
أنت واعي وغيرك واعين .... لكن فيه ناس مو واعين !!!!
بعض الناس عندهم عيب البنت تقول ابي اتزوج !!
أنا بمحيطي اللي تقول زي صديقتي جريئة ...
وبعض الأهل يقولون وش هالبنت ماتستحي !!! للأسف هذا الواقع .. مامنه مناص !!!
...
فيه عوائل عادي يتقبلون كلام بنتهم ورأيها وفيه ناس لا ..... دمت بخير

__________________
الدراسة مقبلة دعواتكم

الذوق نجدي
أنت واعي وغيرك واعين .... لكن فيه ناس مو واعين !!!!
بعض الناس عندهم عيب البنت تقول ابي اتزوج !!
أنا بمحيطي اللي تقول زي صديقتي جريئة ...

انا قد حصلي موقف في زواج ام وحدة اعرفها واحنا جالسين قالت عقبال الجالسين
انا رحت قلت آمين كذا خرجت مني بعفوية
قالت لي عندنا البنت عيب تقول زي كذا قوليها في نفسك
حسستني اني سويت شي كبير صراحة وحتى صحبتي قالت لي فشلة
مادري ليه بعض الناس يعتبرونه قلت أدب وهو من جد من من ابسط الحقوق .

تقبلي مشاركتي ومروري

__________________

ففروا إلى الله

يا ستي وأنا أقول الآن من هنا " آميـــــــــــــــــــــــــن يارب "

تسلمي

السلام عليكم ورحمة الله وبركاته
في البدايه اهنيكي على هذا الموضوع
ثانيا اضم يدي الى ايديكم فللاسف اهلي من هذا النوع
اترككم مع مشكلتي وانا مازلت في المشكله واريد نصحكم ورائيكم

انا الان دخلت في عمر الثلاثينات ومريضة سكر متعلمه جامعيه ولله الحمد تقدم للخطبتي شاب اصغر مني بثلاث سنوات اي في نهاية العشرينات على دين وخلق لم يكمل دراسته الثانويه للظروف لا نعلمها الى الان لكنه مجتهد ويريد الان اكمال دراسته يبحث عن شغل مستمر لانه الان يعمل دوام جزئي وعلى حسب الموسم للأسف امي واخواني رفضوه لكن ابي شاف فيه ملامح الصلاح وانا استخرت اخواني رافضينه بسبب انه لم يكمل دراسته وانه متطوع والنظره عند الشباب للاسف ان المتطوعين يكونون لهم سوابق او متعصبين للدين امي رافضته لانهم ليسو من مستوانا الاجتماعي ونحن ناس متعلمين وهم بدون علم وشهاده أنا استخرت ومازلت استخير لكن اخواني رافضين حتى السؤال عنه وانا وابوي ضايعين في الطوشه وابوي كبير ومع قول الرسول صلى الله عليه وسلم "اذا اتاكم من ترضون دينه وخولقه فزوجوه "


ابغى مشورتكم

اولا" بالنسبه للعمر وانه هو الاصغر (ابغى راي الشباب بالذات في هذا السؤال ) وبالنسبه للمرضي
ثانيا" العليق على الموضوع كاكل وهل اوافق عليه او لا لانه مبدأيا" في نظري ونظر ابوي جيد

شاكره لكم مقدما"

عندنا و عندتس خير >> فيس متشقق من الوناسة و لا هوب جايبن خبر

__________________
## مهم ##
هل تتعرضين للابتزاز في الانترنت؟


هنا من ينقذك

ههههههههههه انتي مهوية هاليومين !!!!!
طيب وش الحل ؟؟؟ نقعد نتفرج وهم يطردون فلان ويرفضون فلتان !!!

__________________
الدراسة مقبلة دعواتكم

لا ما تتفرجون !
أنا بصراحة ألوم البنات في هذي الأمور ، مرت علي قصص كثيرة كذا ، والسبب سكوت البنت ..
وأسباب تافهة كثيرة يلغون الأهل بسببها الخطوبة والبنت قاعدة تتفرج !

في وحدة في آخر الثلاثينات وما سبق لها الزواج ، قبل سنتين خطبها رجل الكل يتمناه ، وكان مندفع مرة ومتحمس ، ووافقوا عليه وعقدوا وكل أمورهم زينة ، بس واحد من أخوانها سفرياته كثيرة بسبب العمل وقال مستحيل تتزوج بدون ما أحضر فقال نؤجل الزواج إلين نشوف ، والبنت تبيه ومتحمسة بس ساكتة ، الرجال بعد فترة قال خلاص لازم نعجل بالموضوع _ ومن حقه _ لأنهم أخروه ، يوم حددوا وتكلف الرجال وجهز كل شيء وبقى على الزواج أسبوع قال أخوها عندي سفر ونؤجله مرة رابعة ! الرجال رفض ، قال له أخوها بكل بساطة الله يستر عليك !
والبنت ساكتة ولا قالت شيء ، قال أكيد ما تبيني وتركها !

وأخوها هذا محد وقف في طريقه يوم تزوج ، لا وناوي يتزوج ثانية ..
وأخته المسكينة الحين جالسة ..


آسف على التطفل ، بس جايني حماس هاليومين أكتب ، وبصراحة شيء يقهر أنكم تضيعون مستقبلكم بسبب الحياء !

__________________