قبل سنتين صادفت امرأة .. دار حديث بيني وبينها
لمحت لي أن لديها أخ بمواصفات كذا وو
لا أخفيك عندما عدت للمنزل استعنت بجوجل وبحثت عنه
وتوصلت إلى أنه مناسب جدا

دعوت الله كثيرا أن يكتب مافيه الخير .. بعدها أنتهى الموضوع !
ونسيته

/
\

قبل فترة تم تعيين موظفة جديدة لدينا .. ويبدو أنها هي الأخرى انهبلت علي (بدينا بالتميلح )
قالت أنني رشحتك لفلان أنه قريب زوجي وإنسان ممتاز ويناسبك .. وقالت لي أتوقع أنك ستسمعين أخبار حلوة من طرفهم لكن لا أعدك.
هذا الحوار حدث قبل كم يوم

سؤالي
لا أخفيكم نفسي أقولها "تكفين دبرينا" .. لكن مشكلتي استحي شوي
والنقطة الثانية .. أنه لم يعد هناك وقت .. ظروفي تجبرني على السفر خارج البلاد بعد كم شهر "أشغلتنا من العام ".

كل ما أريده أن نعمل عصف ذهني .. ونفكرا معا عن كل الطرق والحيل الممكن عملها لتحريك الموضوع
يعني مثلا وش ممكن أقول لزميلتي .. أو مثلا لأخته .. يصلح أهديها طقم ذهب هههه طبعا مزحة .. لكن صدق والله احتاج أرائكم. وأبغى تكون الطرق غير مباشرة .. بحيث لو ما حصل شيء في المستقبل .. يعرفون إني ماني ميتة عليهم

لا تنسونا من دعواتكم بأن يكتب الله لنا ولكم خير الدنيا والأخرة.

وضعت الموضوع في هذا القسم تفائلا .. أرجو أن لا يتم نقله وشكرا

والله حالتكم حاله يابنات
من جد مجتمعنا مايرحم سبحان الله لمن الولد يبغا يتزوج او يعجب بواحده يصيح باعلى صوته
ابغاااااااااااااااااااااا الزوااااااااااااااااااااااج

لكن البنت ماتقدر تنطق بكلمه اس اسسسسسسسسسسسسس عيب لا احد يسمعك

والله حاولي تزوري اهل الولد مع صحبتك بحجه انك تبي تتعرفي على هذولا الناس
يعني حجه تكوين صداقات واذا حصل فرصه حاولي تبرزي نفسك قدام اخته وانك انسه بطريقتك عااااااااد
او
انك تصارحيها وتقولي لها بدون ماتبيني انك راميه عليهم ( اذا انه الولد تمام وبن حلال مافي مانع يتقدم تعطيها موافقه مبدائيه بحيث هي توصل الخبر لاخت الرجل المنشود

وهذا جزء من قصة السيده خديجه رضي الله عنها حينما اعجبت بصفات الرسول صلى الله عليه وسلم انقل جزء منه
(أحبت خديجة الاقتران بالرسول الكريم لما رأته من مكارم الأخلاق. وأحسّت بأنه نبي هذا الزمان لما سمعته من ورقة ابن نوفل عن صفاته، ولما سمعته أيضاً من ميسرة.
وكشفت سرها لصديقتها نفيسة بنت منبّه، التي ما إن خرجت من عندها حتي انطلقت إلى الصادق الأمين وأخبرته برغبة السيدة خديجة في الزواج منه، وذهب محمد وفي صحبته عماه أبو طالب وحمزة، لخطبتها من عمها عمرو بن أسد، وتم الزواج ..... )

والله يوفقك ويتمم لك على خير

والله حالتكم حاله يابنات
والله من جد عندنا البنت الللللللللللللللللللللللللللللللللللله يعينا بس
إحنا نشتكي للوساده من الدنيا والله أني صايره ما أنوم إلا أصيح مافيه أغلا من الوسايد في حياه البنات
الله يعوضنا خير
لاتتكلمين لاتسوين لاتروحين لاتجين إستحي والحياه كلها للرجال بس الله يعين
وأجلسي حطي يد علي يد لما يجيك فارس أحلامك ولا بعد يطلقك

أختي مدري وش أقول لك >> مادبرت عمرها ههههههههههه
بس ماا أنصحك تلمحين ولا شي إكشخي وخلك فله والبسمه خليها عنوانك
الله يكتب لك إلي فيه خير ويسخر لك ويفرحنا فيك قريب
يالله خلنا نسمع أخبار حلوه صاير كل شي يجيب الهم

__________________

صدقتي الوسايد غالية عند البنات .. أقول ما تبين نفتح مشروع وسايد

من ناحية الكشخة .. كل يوم لوك لأني أخاف تطب أخته علينا وبعدها يتفركش الموضوع

أمس كنت غايبة .. سألت اليوم وحدة من الزميلات ما جاء أحد أمس أو سأل عني أحد .. قالت مين ؟ قلت من عاملات النظافة لأني مضيعة سلك جهاز الكمبيوتر ويمكن حصلته
كأنها صدقت.
لكن لا للغياب مرحبا بالكشخة والرزة

ياقلبي انتي الله يجعله من نصيبك اذا فيه خير لك
ماادري مااحس حلوة بحقك تقولين لها الا اذا علاقتك قوية وظامنة انها مارح تزل وتقول انك لمحتي
انتي خلك على سنقة 10ولاتغيبين ابد وادعي ربك
كانه من نصيبك وانتي من نصيبة تطمني مردهم لك بدون تلميح وطيحة وجة
الله يوفقك ويسعدك
تعقيباً على رد طبعي حنون صدقت احيانا ودي اصير ولد علشان الحرية+البحث واختيار الزوجة مو البنت حاطة يدها على خدها وتنتظر الله المستعان

بنت اطيب انسان .. حلو أسمك مرة

زميلتي إنسانة طيبة وعاقلة لكن أخشى أن يجري موضوعي على لسانها من غير قصد منها، لأكون بعدها وجبة دسمة على مائدة الغير.

وفعلا كما قلتي إن كان من نصيبي سيتم الأمر دون أدن جهد مني. لكن من كثر المواقف التي قابلتها في الحياة بت على قناعة تامة أن أموري لا تسير إن لم أبذل جهد كبير في دفعها للأمام.

شكرا لك على الدعوات الطيبة … ولك مثلها وأكثر

آآآآآآآآآآآآآه يالخلوقة ... كلنا في الهوى سوى ...
تدرين ... وحدة من زميلاتي .. أخو زوجها يدورون له ... ومرررررررررررررة مناسب لي .... المهم لمحت لي تخيلي توني أبرد إلا جت رئيستي تناديني بشكل مفزع ... كأن فيه حريقة .. وإلى ساعتك ما جابت طاري مرة ثانية .. طبعا هالحكي قبل سنتين وإلى الان ما تزوج ....
طبعا ... أنا بالعمل ماعمري تكلمت عن هالموضوع .. ويعتقدون اني وصلت لهالعمر بدون زواج ... اني متشرطة في عريس الغفلة ومافيه شي يعجبني ....
هم يشوفوني ما أرضى بأي شي في العمل ،، وأي شي أقدمه لازم يكون عشرة ع عشرة .. فاعكسوا هالشي على القواز .. عشان كذا ... اذا انفتح الموضوع .. الكل يجمع ..أنا ما أرضى بأي كان ... آه بس لو يدرون عن الخافي .. والحمدلله على كل حال ، " صديقتي المقربة جدا قد قالت لي هالكلام ،،، نقلا عن باقي الزميلات "


من ناحية التلميح ... والله ما أنصح فيه ... " حفظا لماء الوجه ... "
بس دايم ترززي وخليك مرتبة .. وأنواع الذوق بالحكي ....
وبإذن الله بإذن الله .... ربي بيرزقك الزوج الصالح قبل لا تسافرين ...
ويكون معاك يارب ....
وبالأول والأخير ... الله يكتب لك الخير
دعواتي لك ولأخواتي بنات المنتدى والمسلمين ... بالزوج الصالح الفالح ..

أحسن شي بموضوعك ... انك حطيتيه بقسم المقبلين .... وبإذن الله بينتقل لأخبار الأعضاء وبعدين نشوف مواضيعك تدهر بقسم المتزوجين ... بس لحظة ... مواضيع سعيدة ... مو مشاكل ... بإذن الله
* شكلي .. أبقلدك .. اذا شميت ريحة خطبة ... على طول أبنط أكتب بقسم المتزوجين مو المقبلين ... يعني غصب عصب يتم الموضوع .....

غدا أفضل .. حياك الله

ردك ذكرني بالمثل القائل "لا تشكي لي أبكي لك" .. لكن صدقيني أختي الفاضلة طالما أنها لم تفاتحك مرة أخرى هو خيرا لك.


ترين أنه من غير المناسب أن يكون هناك تلميح .. داخليا أجد نفسي أميل لهذا الشيء .. لكن لي زميلة أجنبية .. تحدثت معها اليوم عن موضوعي .. وتعرفين الأجانب غالبا نفضفض لهم لأنهم مايعرفونا .. المهم قال لي (إن ما فعلتي شيء لنفسك لا تلومين إلا نفسك .. إن لم يحدث شيء في المستقبل أسأليها مباشرة بخصوص الموضوع وأخبريها إنك جادة) قلت لها ثقافتنا تختلف عنكم .. قالت ببتسامة (في المستقبل سنعرف أين تقودك ثقافتك) .
لذلك قررت أن أطرح الموضوع هنا للاستفادة من الآراء.

بالنسبة لقسم المقبلين .. قلت اختصر عليهم .. بدل ما أقولهم بعد كم يوم أنقلوا موضوعي للمقبلين من الآن أنقله "محطمة الرقم القياسي بالتفاؤل بالرغم من إن الجماعة يبدو لي نسوا الموضوع "

وشكرا

نصيحتي لكي لاتحطي براسك مرره لاتتعلقي فيه وتنجرحي انتي سوي الي عليك ورزقك على الله ولاتخسرين صحبتك يمكن بكره تصير بينكم حزازيه