السلام عليكم ورحمة الله وبركاته

يعلم الله اني كنت انتظر تفعيل العضوية على أحر من الجمر وحاب استشير ذوي الخبرة والرأي السديد

بداية اعرفكم بنفسي انا متزوج من 9 سنوات رزقني الله بولدين وبنت

زوجتي الحمد الله راضي فيها بعيوبها ومحاسنها لكن حصل شئ منها خلاني اغلي بداخلي وأشك

لما تزوجتها عطيتها ذهب بقيمة 20 ألف + أبوي عطاها طقم هديه قيمته 11 ألف ريال + خلال زواجنا هالسنوات الـ 9 شريت لها طقمين ذهب بقيمة 14 ألف ريال = المجموع 45 ألف ريال

أنا من قبل الزواج اجمع حق شراء بيت ملك والحمد الله حصلت بيت العمر ودبرت المبلغ قد ما أقدر وبقى حوالي 120 ألف ريال

قلت مالي الا زوجتي الغاليه أم عيالي توقف معاي في زنقتي كلمتها وقلت لها شرايك نبيع الذهب احسن من اننا ناخذ قرض وسعر الذهب غالي الحين يعني بيطلع لنا خير قالت لا ذهبي ما أبيعه

حاولت اقنعها بردها لك قالت لا مابيعه ( قلت حقها وحلالها وماتبي براحتها )

اخذت قرض من البنك وكملت الناقص وباقي مبلغ بسيط جداً بس انا ماودي انتظر اخاف يروح البيت

رجعت كلمتها ما وافقت وترفع صوتها وتقول حلالي وتبي تستولي عليه وتستغله

سبحان الله اقولها بشتري بيت وتقول تستغلني لاحول ولا قوة الا بالله

كلمت احد اخواني وسلفني المبلغ واكتملت الفلوس والحمد لله

يوم رجعت البيت تعبان وهي عند اهلها بدلت ملابسي فتحت الدولاب واحصل صندوق الذهب قلت بفتحه

فتحته مافيه ولا شئ زيرووووووووووووووووووو

فاااااااااااااااااضي وين الذهب انسرق ؟؟؟

اتصلت على المدام واسألها تقول اخذته بيت اهلي خفت انك تبيعه

قلت وانتي راجعه جيبيه معاك لا تتركينه عند اهلك انا دبرت المبلغ كامل

قالت طيب جات وسألتها عنه وقالت عند اهلي وزارت اهلها مره ثانيه واقولها جيبي الذهب وتقول طيب ونسيت

ثالث مره تقول ابوي قافل عليه رابع مره تقول امي تقول احسن تخلونه عندنا أأمن

كل فواتيرنا الجوالات وكشوفات الحساب توصلني في البريد آخر مره شيكت الا المدام اودعت 140 ألف ريال بحسابها وهي مو موظفه ولا فيه اي مصدر لهالفلوس غير الذهب

والمشكله انها اودعتها شهر وبعدين سحبتها ما ادري وين صرفتها

وسألتها وتهاوشنا وارتفع الصوت وقلت لها والله ما يهمني الفلوس بس ابي اعرف وين صرفتيها ؟؟؟

وهي راكبه راسها ومعانده وتقول فلوسي مالك دخل فيها والذهب ذهبي وفلوسه حلالي مو حلالك

طز بالفلوس بعرف انتي وين وديتيها شريتي ارض استثمرتيها لو توزعينها على اهلك عااادي عندي بس بعرف وينها

قالت عطيتها امي

سألت ابوها قال ليه امها تاخذ فلوس منها ؟؟؟ وفتح تحقيق مع امها وامها تقول ماعطتني شئ

وهي عند اهلها لها 3 شهور من اكتشفت كشف الحساب انها اودعت 140 الف وسحبتها خلال 25 يوم فقط وماحد يدري وين صرفتها وامها تقول ما ادري

امس ارسلت لي رسالة تقول تبيني ارجع لك انسى سالفة الذهب والفلوس

واذا بتدقق في هالموضوع ورقتي توصلني

هذي وش اسوي فيها اطلقها وارتاح ولا وش أسوي شوروا علي الله يرضى عليكم

140 الف مبلغ مو بسيط مو 5 او 10 آلاف

استغفر الله واتوب اليه

بإنتظار ردودكم

روح رجعها الله يرضى عليك وسالفة الذهب انساهاااا
مالك شغل فيه ان شاء الله تبيعه او تحرقه..الذهب مهرها اللي ربي وضعه كشرط اساسي لعقد الزواج
لاتتدخل بمالها..الذهب اتوقع عند امها ماباعته ابدا وما اعتقد انها راح تقولك وين ودته

الله يهديك بس

الله يرضى عليك يا اخت امل

اقولك كلمت ابوها وقلت له بنتك تقول باعت الذهب والفلوس مع امها وقال ارد لك خبر كلم امها وضغطها وقالت ماعطتني شئ لو الذهب باقي عند اهلها كان قالي الذهب ماباعته موجود عندنا بالحفظ والصون

حتى لو ماباعته من وين جات ال 140 الف ريال لو فرضاً ماباعته من بيودع لها 140 ألف ريال وهي مو موظفه ؟؟؟؟ ثم تسحبها وتختفي الفلوس ؟؟؟

وانا ماطالبت من حر مالها بشئ انا طالب اعرف وين ذهب المبلغ وبس ابي الصراحة مابي زحلقه عطيته امي سلفت اختي او صديقتي بورطه وسلفتها نتكلم عن عشرات الألوف مو ألفين او 3 آلاف

لماذا يا أخ مصرا على معرفة أين صرفت المبلغ؟
هل من حقك أن تعرف ذلك؟
لربما لديه سببا لا تريد أن تطلعك عليه، وهو شيء يخصها.
ما هي أطباعها: كريمة أم لا؟
كيف هي علاقاتها مع أهلها وصديقاتها؟
هل لديها أنشطة اجتماعية مثلا؟
كيف هو تدينها، وعلاقتها بربها؟
لربما فتحت حساب جديد بدل القديم وأودعت فيه المبلغ دون علمك.
لا أجد أن الموضوع يستحق الانفصال وتدمير بيتكما.
أجد أن من الغريب أن تبقى في بيت والدها طيلة هذه المدة لسبب كهذا.
هل هناك مشاكل أخرى بينكما؟

اعتذر لك لم اشاهد ردك الا هذه اللحظة واجابة لأسئلتك :

لماذا يا أخ مصرا على معرفة أين صرفت المبلغ؟
جل اهتمامي في أمرين الأول : هل صرفته في حلال ام حرام الثاني : ليطمئن قلبي
هل من حقك أن تعرف ذلك؟
اعتقد نعم من حقي ان اعرف
لربما لديه سببا لا تريد أن تطلعك عليه، وهو شيء يخصها.
ربما لكن لا اعتقد ان بين الزوجين خصوصيات
ما هي أطباعها: كريمة أم لا؟
اذا تقصد كريمة معطاءه بالصدقات والتبرعات فالإجابة لا / مبذره في شراء الحقائب الفخمة وذات الماركات العالمية نعم /
كيف هي علاقاتها مع أهلها وصديقاتها؟
جيدة جداً تزور اهلها بإستمرار وصديقاتها يجتمعون مره بالشهر
هل لديها أنشطة اجتماعية مثلا؟
لا
كيف هو تدينها، وعلاقتها بربها؟
تاخر الصلاة احياننا على حساب طلعتها لصديقاتها او اهلها
لربما فتحت حساب جديد بدل القديم وأودعت فيه المبلغ دون علمك.
هذا اللي اتمناه بس ابي اعرف
لا أجد أن الموضوع يستحق الانفصال وتدمير بيتكما.
حقيقة ما ادري وش اقول لك انا قلت تجلس عند اهلها وتصارحني لكنها عاندت ومصرة تخفي الموضوعأجد أن من الغريب أن تبقى في بيت والدها طيلة هذه المدة لسبب كهذا.
هل هناك مشاكل أخرى بينكما؟
مشاكل بسيطة لاتذكر يعني مخططين لسفر وارتبط بالعمل ونأجلها وتزعل وتسوي مشكله امور بسيطه جداً ما ألقي لها بال

بس هالموضوع مأرقني

تحية طيبة

هو مو مالها وش حارق اعصابك إن شاء الله تحرقه ماعليك فيه
قلها الله لايحدني عليك وروح جيب زوجتك من عند اهلها الموضوع مايستاهل تجلس عند اهلها وانهي الموضوع
يعني ماعندها المسكينه الا ذا الذهب لاوظيفه ولايحزنون ينفعها في اليوم الاسود مو من حقك تاخذه او حتى تزعل
هي مابتعلمك بمكانه عشان لاتاخذه اكيد فتحت حساب باسمها وحطته فيه ولاتبغاك تدري عنه عشان تتطمن على فلوسها لاتاخذها منها هذي كل الحكايه

الله يوفقك هدي شوي ولاتخاف على الفلوس هي احرص منك عليه بس ماتبغاك انت بالذات تعرف بمكانه لانها ماهي مامنتك عليه وخايفه منك تاخذه عشان كذا مابتعلم ولاراح تعلم بمكانه

رجع زوجتك حبيبتك وخل فلوسها اللي ربي شرعها لها حرام تاخذه منها بدون رضاها

__________________
الحجاب عبــاده وليس عاده

ياجماعه الخير اذكروا الله انا اعطي زوجتي مصروف ممتاز للصرفيه الشهريه خاص فيها

ومقارنه مع زميلاتها هي الأعلى وماتحتاج وظيفه ولو هي تبي وظيفه مافيه اسهل منها لكن هي ماتبي

واضافه الى ذلك ياجماعة الخير اقسم لكم بالله العلي العظيم زوجتي تعرفني زيييييين مستحيل اخذ منها ريال واحد الا بتقديم منها وبطيبة خاطر هي عندها بحسابها خير وفيه مره اخذت منها مبلغ ورجعته لها وزدتها فوقه تقدير مني لوقفتها

اني طمعان هذا شئ مستحيييييل تفكر فيه لموقف حصل بيننا

وبعدين انا قبل انزل الموضوع هنا سألتها وصار بيننا كلام طويل لأيام متقطعه

وقلت لها خايفه مني اخذ فلوسك بالحرف الواحد قالت لا انت ماقصرت بالأول ولا خفت اخاف منك الحين

وبس ويعطيك العافية على ردك

يا أخي مالها و هي حرة فيه
صح إنه المفروض يكون فيه تعاون بين الزوجين
بس الله العالم وش خلفياتها عن الموضوع
و دامها ما باعت الذهب و تصرفت فيه إلا عقب ما كلمتها عنه فهي خايفة منك تتصرف فيه
يمكن أودعته عند أحد أخوانها أو أخواتها
من رأيي لا تكبر الموضوع
دامك شريت البيت فلا تهدم حياتك عشان مبلغ كثر أو قل
و الله يوفقك

__________________
## مهم ##
هل تتعرضين للابتزاز في الانترنت؟


هنا من ينقذك

ياجماعه وش فيكم مانتوا مجمعين الموضوع مع بعض انا مستعد اعطيها زود عليه مو آخذ منه بس بعرف وينه

وانا الحمد الله مقتدر ووظيفتي زينه وماني بحاجة ذهبها وهي عارفه هالشئ وانا ماشريت البيت وانا على الحديده بايع اللي ووراي واللي قدامي باقي عندي مبلغ مصمده للطوارئ القصوى

لكن المبدأ مبدأ ليه ماعلمتيني انك بتتصرفين طرطور انا حتى البيت ماشريته الا لما شافته وعجبها ماقلت والله فلوسي وحلالي تبي ماتبي مالي شغل فيها وانا ما طلبت منها ولا ريال انا ابي اعرف وش صرفته فيه ؟

صرفته بالحلال او صرفته بالحرام ؟؟؟

هل سحبت المبلغ واودعته بأحد البنوك الربوية اللي كل سنة تزيد فوائدك او أيش بالضبط ؟؟؟

وبس

اذا الرجال يشوفون ان الرجال زوجته تبيع الذهب وتتصرف بالفلوس بدون ما يدري تصرف صحيح معناها المبادئ اللي انا كبرت عليها غلط

والله ياخوي انا رجل زيك وبيصير لي نفس اللي صار لك اذا صارت هالحركه
اذا فيه احد غير يقلنا
وبعدين اللي يقولون ليه تسال كثير
سلمات يعني هو غريب و لا ايش
اختي او اخوي لو سالت عن مبلغ زي كذا لازم يجاوب بالصراحه فما بالك بزوجه
والقصه فيها لغز
وش اللي تودع مبلغ 140 الف وبعدين ينسحب وما تبغاه يسالها
انا اشوف انه من حقك تسال ماهو مصدر المبلغ وفي ايش انصرف وهذا من اتفه حقوقك

اللي يعجبه ردي يعجبه واللي مايعجبه ردي هذا المنتدى ولا اوصيكم من التعليق
تحياتي