الاخوة والاخوات في هذا المنتدى المبارك

السلام عليكم ورحمة الله وبركاته

اردت استشارتكم في موضوع وهو :

أن زوجي كثير الأسفار في داخل البلد وخارجها من أجل عمله

ويخلط هذه الأسفار بأيام للتنزهة والاستجمام

طلبت منه اصطحابي ولكنه يرفض

وأنا أعلم سبب رفضه وهو أنه يذهب إلى كل مكان وأي مكان ولا يتورع عن الأماكن التي فيها المحرمات

ولو علم أني سأرضى بالذهاب إلى تلك الأماكن ما أظن أنه سيرفض

ولكني أخاف أن تقع عيني على ما يغضب الله أو أسمع ما حرم الله فأتعرض لغضب الله

وفي نفس الوقت لا أريد أن يستمر زوجي في سفره بمفرده

وكذلك لا أريد أن أقضي حياتي لوحدي

فأنا أيضا أحب التنزه والاستجمام وأحتاج الترفيه عن نفسي

طلبت منه أن نذهب إلى مكة والمدينة ولكن كل مرة يماطل ويتذرع بأعذار

فهو يحب السفر إلى الأماكن الغريبة والبعيدة

فهل أتنازل عن ديني وأذهب معه للترويح عن نفسي وأنا أعلم مسبقا أني سأتضايق من الأماكن التي يذهب اليها ؟

أو أتركه في حاله وأبقى لوحدي أصارع الحزن و لا أعرف ماذا وكيف ستكون العواقب ؟

اختي الكريمة
من ترك شيئا لله عوضه الله خيرا منه


عليك بنصح زوجك وتذكيره بالله وانه لا يدري متى تقبض روحه

و حاولي ان تبعثي له برسايل خلال سفره تذكرينه بالله بالتلميح


وفقك الله

__________________
لا اله الا انت سبحانك اني كنت من الظالمين

جزاك الله خيرا أخي الفاضل على هذا التذكير المهم فأنا في غمرة الحزن أنسى هذا الوعد الإلهي .. بارك الله بك .

ولكن كيف أنصحه ؟ فهو لا يتقبل من أحد شيء .. وطوال يومه جالس مقابل شاشة اللاب توب ولكي نكلمه يشق علينا ذلك فكيف بنصيحة و تذكير؟ إلى الله المشتكى ..

أختي طيب خفتي علي نفسك من الحرام ولم تفكري
أنك تعفي زوجك عن الحرام وفكرتي في تقع عينك علي الحرام ولم تفكري في عين زوجك

أسمحيلي عزيزتي كثير مااشوف نساء مثلك يعني تعقيد بصراحه
مثلا لا السفر للخارج زوجها يحاول فيها وتقول لا حرام
طيب زوجك لو أمرت أحداً أن يسجد لأحد لأمرت المرأة أن تسجد لزوجها
بعدين يتزوج وإلا يخون وتجي تبكي زوجي وزوجي وبيتزوج
طيب أنتي وين كنتي فكرتي في نفسك ومافكرتي فيه وألحين هو من حقه يفكر في نفسه مثل مافكرتي

لاحول ولاقوة إلا بالله هل هذا تنازل عن الدين قالك أكفري

الله يهديك لنفسك بس تفكيرك راح يضيعك

__________________

__________________

ففروا إلى الله

وبعدين لين سافرتي معه عادي اضغطي عليه في المصاريف ومتعي نفسك
لاتجي وحده غيرك وتتهني في زوجك
إلي مثل زوجك الحريم تدوره ويااكثرهم تبي إلي يسافر للخارج

وبعدين طاعه الله مو بس عدم سفر للخارج لا فيه أشياء كثيره
وسافري معه وخله يتقبل سفرك معه وبعدين قولي مكه والمدينه

__________________

الخ / الاخت : ملامح قمر :
أشكرك جزيل الشكر على الرد والمشاركة
وفعلا هذا اللي مخوفني ومخليني محتارة في الموضوع
ولذلك طلبت الاستشارة

حبيبتي والله اشعر بالتخبط الذي تشعرين به...لكن عليك التنازل حبيبتي...

زوجك الان مشكلته انه لايتورع عن الاماكن التي بها محرمات..واذا تركتيه يسافر لحاله مرة ثانية قد يوسوس له الشيطان ويقع في الزنا والعياذ بالله...وتدخلين انتي وزوجك في متاهات ليس لها آخر...
حبيبتي التصقي بزوجك ولا تدعيه يسافر لحاله مرة ثانية مهما كان تنازلك...ماعدا مايضر دينك ضرر شديد كأن يطلب منك شررب الخمر او كشف شعرك او ماشابه...اما اذا كانت امور بسيطة كالاغاني وغيره ف اذهبي معه واصبري...والله لن يخيبك ربي...واعلمي ان بعض الرجال كالطفل عدما تقولين له لا تلعب يعاندك ويلعب ويلعب ليس متعة في اللعب ولكن عنادا لك حتى يشعرك بأنه هو من سيقرر متى يوقف اللعب..زوجك نفس الشيء لو احسستيه بأن مايحدث في سفراته يضايقك وتذمرتي بكثرة ستجدينه يعاند ويتمسك...اما لو ذهبتي معه في سفراته واحسستيه بأنك سعيدة معه...ولا مانع من ابداء بعد الرأي كأن تقولي اليوم مرررة انبسطت بس بصراحة كأنه صوت الاغاني عالي شوي يضيق الخلق...شوي شوي بتلاقينه هو يتضايق من صوت الاغاني لكن لو قلتيله لا تسمع اغاني او بلاش نروح اماكن فيها اغاني راح يقولك بكيفي واذا ماتبي اقعدي بالبيت...خليكي سياسية معه...
انا اقولك هالكلام عن تجربة انا اسمع اغاني عادي بس نااادرا جدااا يعني لو احد شغل اغاني ما اتضايق بس اجاهد نفسي اني ما ادور للاغاني...وزوجي كان من نوع اللي يسمع اغاني الهيب هوب الاجنبية..طبعا انا مرة كنت اتضايق لاني ما احب هالنوع من الاغاني لان كلامها بذيء ودقها مخيف..بس طنشته وفي السيارة اذا شغله ما اقفلها بس احاول ارخي الصوت واسوي نفسي بقول شي وابغاه يسمعني...ومن فترة سافرنا شرم الشيخ وكان الفندق قريب من مرقص وشوفي عاد اخر الليل الساعة 3 و4 الفجر وانا اسمع صوت الدق حق الاغاني واصل لعندي في الغرفة وزوجي في سابع نومة وانا ماقدرت انام من الضيق وشوي اسمع صوت اذان الفجر والاغاني في نفس الوقت والله شي يخوف صرت بس ادعي واثاني يوم صرت اقول لزوجي عاللي صار وقلتله خفت ربي يخسف علينا الارض احسه تأثر ومرة على مرة ومع الدعاء الحمدلله ماعاد يسمعها نهائيا وطول الوقت يشغل قرآن في السيارة وفي البيت...ف انتي حاولي تستدرجيه بالطريقة هاذي افضل...يعني توصلي احاسيسك له بس بدون ماتلومينه او تنتقدي شخصه ومرة على مرة بتلاقيه يكرر نفس كلامك قدام الناس..
وتذكري حبيبتي اسلوب خاف الله وتخيل لو تموت وانت عاصي..معاد صار ينفع الحين...لان الغالب مايحب الاسلوب هذا ..حاولي اذا كلمتي احد من اهلك قدام زوجك تقوليلهم على سفرتك قوليلهم والله انبسطت كثير بس اللي ضايقني كذا كذا وكذا حتى زوجي اتضايق بس عاد ايش نسوي اتورطنا مرة ثانية نحاول مانروح مثل هالاماكن...اتوقع زوجك بينبسط ويحاول يتقمص الشخصية المحافظة المتزنة وشوي بتلاقينه زاد في التزامه..
احس كلامي ملخبط بس مستعجلة وماحبيت ما ارد على كلامك..
ربي يوفقك مع زوجك ويهديه ياااارب

أختي حورية :
آمين يارب آمين .
لقد أحببتك والله من طريقتك في الرد وماني عارفة كيف أشكرك على ردك الثمين
فجزاك الله عني خير الجزاء
وأسعدني جدا هداية زوجك على يدك وأسأل الله أن يبارك لك به ويبارك له وبك ويوفقكما لكل خير في دينكما ودنياكما
وأسلوبك جعلني أقتنع بطريقتك التي أحسست أنها من قلب مخلص يحب الخير للناس
وسأستخير الله تعالى وأعمل بما نصحتيني بحوله وقوته ..

والله يا اختي زهووور..

كما فهمت فزوجك راضي لعدم الذهاب معه .. ولو كان زوجك غير راضي لقلنا اذهبي لترضي زوجك وربك ..
ولكن انتي في عدم سفرك تبتغين رضا الله وتخشين معصيته.. ورضا الخالق وطاعته مقدم على طاعة الزوج ورضاه ..

فلذلك اقول لك :: الامر يحتاج إلى فتوى ؟

__________________