السلام عليكم ورحمة الله تعالى وبركاته

أيها الإخوة والأخوات الكرام كما هو واضح في العنوان حابه أسأل عن أسعار الجيوب التويوتا لاند كروزر المستعمل GX.R ‎2 قير عادي ومواصفات خليجي أو سعودي وارد عبد اللطيف جميل وتحديدا من موديل 2004 إلى موديل 2007 وسمعنا إن أسعارها في الرياض طيبه والجيوب معظمها تكون نظيفة ومستوردة من دول الخليج بعكس عندنا في الشمال أسعارها نار والنظافه معدومة وحبيت أسأل الإخوان الكرام إللي عنده معلومة عن الأسعار لهاذي الموديلات في مدينة الرياض يفيدنا بهاوله منا دعوة في ظهر الغيب وجزاه الله خير .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ماشاء الله عندك خبره في السيارات

اسعارها تتراوح بين الـ 110 إلى 150

وانا واقف على واحد لكنه GX ذهبي ونظافته ممتازه بـ 115 ألف موديل 2007

والله غريبه ما شاء الله تبارك الله
165 ألف قيمة جديد أوتوماتيك 2011

انا سألت الوكالة بالشرقية

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

أخي الفاضل تعبت الله يجزاك خير وأسأل الله بحوله وقوته بأنك ماتتعب أبد بإذنه تعالى وجزاك الله خيرا على إفادتك لي بهذا الخصوص وفي الحقيقه زوجي هو إللي يبغى الجيب وهو عنده جيب بس حب يغيره وراح لف معارض السيارات كلها والصالات وحصلها أكثرها أوتماتيك وخليجي وأسعارها نار ونظافتها مو ذاك الزود وممشاها يتراوح من 3000 ألف إلى 280 الف كيلو يعني قاطعة مسافات شاسعة وحصل له جيب لاند كروزر موديل 2002 GX.R‏ ممشاه 140 ألف قير عادي وتصميم سعودي 2 اللون أبيض وسعره 110000مئة وعشرة آلاف كاش طبعا على يد مالكه الأول من الشركة وصيانته كلها في شركة تويوتا وعلى كلام زوجي يقول الموتر نظيف ومايحتاج وهو لحد الآن ما أشتراه باقي يفكر ويستخير ويتشاور ويشوف هل هو يستحق السعر هاذا أو ما يستحقه فإذا كان عندك لنا إفادة أو رأي فتفضل لنا بها يا أخي الفاضل وأسأل الله أن يوفقك و يسهل أمورك كلها عاجلها وآجلها دقها وجلها علانيتها وسرها اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

جزاكي الله خير على هذا الدعاء

لا يا اختي سعره غالي وما انصحكم فيه

110 آلاف تجيب لكم احدث موديل

فلو كانت ميزانة زوجك تصل الـ 135 راح يلاقي 2005 او 2006 ونظيف

لكن يبي له وقت على ما يلاقي


بالتوفيق

__________________
العضويه يستخدمها شخصين
قال رسول الله صلى الله عليه وسلم: ( ما الدنيا في الآخرة إلا كمثل ما يجعل أحدكم أصبعه في اليم فلينظر بم يرجع).

اش رايك تشترون برادو مره حلو وسياره قويه وارخص شوي من الاندكروزر

الف110 على جيب 2002 احسه كثيييييير

مديلات الاندكروزر ال جي اكس ار من 2004 الى 2006 تقريبا من 90 الف الى 120 على حسب المواصفات
كم سلندر 6 او 8 وحسب القير اتوماتك او عادي وحسب النظافه الله يوفقكم في بجيب ممتاز وسعره حلو
الفتره اللي مضت كنت انا وزوجي بنشتري جيب لاندكروزر مستعمل وبحثنا وبحثنا والله اراد وقررنا نشتري برادو 2011 والحمد لله
الله يسرلنا الامور اي سؤال عن السيارات انا حاضره خلاص ما بقي الا اسوق

هلا فيك أختي الغالية الأوزون وألف مبروك عليك البرادو 2011 والله يعطيك خيره ويكفيك شره يارب وربنا يبارك لكم فيه إن شاء الله تعالى

بالنسبه لنا حنا طال عمرك أسرتنا كبيرة شوية عددنا 7 أفراد ولما نسافر نقطع مسافة طويلة حدود 2000 كيلو برا والبرادو أحس إن حجمه صغير علينا فحبينا اللاند كروزر علشان إنه أوسع علينا أكثروكمان حنا من عشاق البر والطلعات أحيان نطلع جبال وطعوس وتضاريس صعبه والجيب لاند كروزر عزمه أقوى في هاذي الأماكن وحنا قد سبق وأخذنا جيب سوبر سفاري نيسان وجلس معانا مدة وبعناه وأشترينا بعده جيب لاند كروزر موديل 2002 وبعناه تقريبا قبل ثلاث سنوات علشان كنا نبني بيت وصارت معانا أزمة في المصاريف وضحينا بالجيب
الأند كروزر وكملنا مشرو ع بناء البيت وشوفي الحين بعناه الجيب قبل ثلاث سنوات بحدود 100000 ألف ريال والحين جينا ندور بالمئة ألف ريال وزيادة عليها عشرة الآف ريال موديل 2004 أو 2005 أو 2006 وتنازلنا إلين 2003 وما لاقينا جيب نظيف وينشد فيه الظهر أكثر الاند كروزر إللي وجدناها تصميم خليجي قير تماتيك و8 سلندر وموديل 2005 ماشي فوق الثلاث مية ألف وفيها رشات وبعض الدقات في الرفارف والجوانب وحصلنا جيب في أحد صالات العرض لاند كروزر موديل 2002 gxr‏ تصميم سعودي اللون أبيض وداخليته بيج ماشي 140000 ألف كيلو والجيب صراحة تتعب وأنت تقول عنه نظيف ماشاء الله تبارك الله البودي يلق لق داخليته لماتشوفيها تقولي كأنه ما أحد قد ركب فيه كل شئ نظيف من الداخل والخارج وعلى يد صاحبه وصيانته في الوكاله بإستمرار وزوجي أعجبه مرة وصلى إستخاره وحس نفسيته مرتاحه لشرائه وتوكلنا على الله وشريناه بمبلغ 110000 بمئة وعشرة آلاف ريال كاش طبعا قبل ماناخذه فحصناه في الوكاله و فحص على الكمبيوتر وفي ورشتين عادية
والحمدالله طلع كل شئ فيه تمام وأشتريناه وطلعنا فيه مسافة 200 كيلو والحمدالله ماظهر فيه أي شئ ورحنا فيه البر والطعوس وجربناه في البر
وكل شئ فيه طيب وممتاز ويستاهل المبلغ إللي إندفع فيه وحنا عندنا في منطقتنا الاند كروزر طايرة وأسعارها في أرتفاع وكل السيارات الياباني أسعارها صارت عالية زوجي عنده دباب سوزوكي بك أب أشتراه تقريبا قبل 4 سنوات موديل 2001 بمبلغ 22000 ألف ريال الحين لما نزل معارض السيارت يبغى يشتري جيب لاند كروزر والشريطيه شافوا السوزوكي معاه أعطوه عليه 25 ألف ريال بس زوجي رفض مايبغى يبيعه وأنا ما أدري وش سبب إرتفاع السيارات الواردة من اليابان وفيه بعض الناس رجحوا سبب هالإرتفاع في الأسعار الزلزال إللي صار في اليابان بالرغم من إن اليابان تمتلك مصانع لشركة تويوتا في إستراليا علشان اليد العامله في أستراليا أقل تكلفه من اليد العامله في اليابان بس الإرتفاعات مازالت متواصله عندنا والله العالم وش الأسباب .
المهم ياغاليتي شاكرة لك مشاركتك الطيبه والله يوفقك ويجزاك خير على تقديم المساعدة لنا وبارك الله فيك يالغلا و بإذن الله تعالى ماراح نستغني عن معلوماتك القيمة .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يبارك لكم في السياره ويعطيكم خيرها ويكفيكم شرها والحمدلله لقيتوا مرادكم , بالنسبه للغلاء هذا وارد وارد اذا كانت الازمه الاقتصاديه اثرت على كل الدول ونزلت اسعارها في كل شي الا عندنا الطمع والجشع زايد عند التجار الله المستعان