السلام عليكم ورحمة الله وبركاته
متضايقه حدي وافكر بالخلع
أحبه وما احبه
أبيه وما أبيه
ماعاد افكر من كثر ماهو متناقض صارت قراراتي متناقضه
زوجي عانى في طفولته على يد زوجة أبوه هرب من البيت مرارا ورجعوه بالضرب وهو صغير كبر وصار شاب ومازالت نفسيته متأثره
تقدملي فوافقوا عليه اخواني بحجة اني بفزع معاه وأعوضه عن حياته
المهم زوجي الان اشعر بأنه يحتاج يعوض طفولته دائما يميل للأشياء الطفوليه والله لقيته يوم يلعب بسيكل اخوي
جلست امازحه واصوره بالجوال وانا هدفي يطلع الي داخله
قال اخ بس كنت اتمناها وانحرم منها
احيانا اخفي دموعي عنه من كثر ما احزن عليه
ينبسط لما امسح ع راسه ولما تدلعه امي في اسمه
مشكلتي معاه
ان قراراته دائما متناقضه تعبت معاه
اي مشكله معاه يهددني بالطلاق
بعدين يرجع يقول غصبا عني ماكنت في وعيي
بس هذا الشي خلاني ما اثق فيه صرت اخاف من عدم نجاح زواجنا
حملت قبل فتره وتوفى الجنين <<<<<تخيلواكيف كانت نفسيتي
لكن أنا صرت اواسيه واهديه لأنه تحطم
ما أحس برجولته في المواقف الصعبه بس انا الي أقعد أهديه وأواسيه
هذا غير مشكلتي معاه في الجماع
أحيانا مايكمل الجماع غير بيده بحجة إن بطنه يألمه ويتحسر في البول بعد الجماع
أحس لما أتودد له يبعد
لكن اذا طنشته يجي برغبته ولو بعد أيام.... بس أنا ما اتحمل بعده لأني ما أشوفه إلا بنهاية الأسبوع
صرت اقول روح لدكتورلأني أحس هذا الشي بدأ يأثر علينا
بالمختصر.....
ليش زوجي يهرب لما اقرب منه وأتودد له؟؟؟
ليش لما اتركه يجي من حاله ؟؟
كيف أتصرف معاه إذا سافر عشان دوامه هل أتصل عليه والا اطنش لأنه مايهتم لما أدق ؟؟؟؟؟؟
أحيانا وقت الجماع يسألني إذا كنت أرغب ...؟؟؟بس خجلي يمنعني أقوله اي فأرد بكيفك ؟؟؟نفسي اعرف هو قصده يبيني انا اطلبه والا يبيها من راسه ؟؟؟
زوجي احيانا ينهي الجماع واحيانايطول بدون انزال ثم يكمل بيده واحيانا يحاول ولكن لاينتصب كيف أفسر حالته لاأستطيع معاتبته أخاف تكون حاله نفسيه بس اتعذر بأني متعبه عشان ما أحرجه؟؟؟كيف أتصرف بهالحاله
اتحملوا اسئلتي مالي غنى عنكم لأني لما أشكي لأهلي يقولون تحملي هو عانى في طفولته؟؟ بس صرت مكبوته؟؟

معلومات عن زوجي....
ينفذ كل طلباتي
حنون
مزاجي وعنيد رقم 1
ما اعرف رأيه فيني بس لمااطلع مناسبه يقول قرأتي المعوذات..وفي الجماع يردد مبسوط معاك انا الحين فوق سطح القمر..
لما احقره وأطنشه يتبعني بنظراته بس بداخلي ودي ارتمي بحضنه ولما اقرب يصد
مايضمني ولايبوسني الا بمزاجه اذا يبي هو وهذا الشي يضايقني
اذا جيت معاه عالسرير واعطيته ضهري يسحبني بيدي لكن لما اقوله بدخل بحضنك يقول بنام ويعطيني ضهره
واجهته قلت حرام عليك ما اشوفك غير اخر الأسبوع واكون فاقدتك انت شايف اتصالاتي وشوقي لك بس لما تجي تصدمني اهتم فيني شوي عوضني الايام الي تغيبها يقول ابشري ابشري وبس



مدري شلون كتبت إعذروني الجوال يطفش...

تعوذي من الشيطان - تراه حريص يفرق بينك وبين زوجك _ خذيه في يدك واصبري عليه وعلميه وانصحيه بالدين ولاتطلبين خلع ولا شي والله لو تطلقتي ان زمانا اغبر ماعاد احد يطالع فيك ليش انك مطلقه اصبري عليه ودامك تحبينه اصبري وحتى هو يحبك وبالنسبه للعناد فالرجال طبعهم كذا حاولي تصبري وتتعودي وتتفنني في حلول المشاكل والنت مليان اقري واجتهدي وصدقيني لكل مجته نصيب والله يوفقك يارب .

لأ... حاولي... وستصلين لنتيجة

__________________
ان انت اكرمت الكريم ملكته.. وان انت اكرمت اللئيم تمردَ!!

صح يحتاج مجهود شوي وراح توصلين ولاتقولين سويتله وماسوالي اعطي ولاتنتظرين دخلي نفسك وعوديه عليك لحد مايصل مرحلة مايستغني عنك..وراح توصلين بس اصبري وطولي بالك.

__________________
((رب اجعلني مباركا حيثما كنت.))

جزاكم الله خير أنا والله إني احاول اعوضه بحياته
لكن صرت أخاف إني من كثر ما أتقرب منه يطفش مني ماني عارفه متى أتركه لحاله لأني لما أتركه يحن علي؟؟

جاوبوني على أسئلتي؟

احنا مو عارفين انتي وشتبين بالظبط ؟ وضحي اكثر ؟ انتي فينك اللحين عنده والا عند اهلك؟

أقرأوالأسئله الي بنهاية موضوعي محتاجةإجابتها
انا الحين عند أهلي ونفسي أعرف هل أهتم فيه رغم جفاءه وانامحتاجه أحس بحنانه والاأخليه يجي من حاله...

سبحان الله زوجك من النوع اللي موقد الاهتمام اذا اهتميتي فيه يشوف انه كثير عليه الاهتمام ويبدأ يصد

لكن ماقلتي من كم لك انتي متزوجة

وبعدين بقولها لك زوجك مستحيل يطلقك

لانه لقى حنان فاقده فمستحيل يترك هالحنان

خليه يصد بس انتي اغرقيه حب اغرقيه حنان حتى يفيض هذا الحب وهذا الحنان ويرجع لك

شوفي فاقد الشىء لايعطيه

قلت لك لاتنظرين الى ردة فعله خلي السنوات الاولى عطاء لاتنتظرين مردود ابد راح تتعبين بس ماعليه غرقيه حب صدقيني اذا تشبع من الحب راح يغرقك انتي وهالنوعيه من الرجال مستحيل يطلق اذا وجد حنان محروم منه

أنا متزوجه من 6 شهوربس

ست شهور لسى اصبري عليه اختي بس زي ماقلت لك لاتنتظري مردود خلي السنتين الاولى حب وحنان عيشيه بعالم ثاني وكلام الحب لايفارق لسانك والله راح يتغير ويبادلك نفس الشيء اما بالنسبة للضعف اللي فيه خليه ياكل فيتنامينات ويتغذى كويس ويكشف عند دكتور ذكورة