أتوقع الكثير منا مر عليه هذا النوع من العقاب سواء تعرض له أو مارسه

فهل هو أسلوب ناجح ؟؟؟

وهل هو أسلوب سليم ؟؟؟

أرى أن سكوت أحد طرفي الزواج عن مناقشة ما أغضبه ويصمت عنه لكن بدون صفح بمعنى أن يصبح جافا متجاهلا للطرف الاخر ثم محاولة إيجاد أي سبب اخر لإثارة جدال هو مظهر من مظاهر ضعف الشخصية خاصة إن كان الرجل هو هذا الطرف ... أجد هذا التصرف مناف لكل مظاهر الرجولة الحقة .

والسؤال الأخير ما أسلم طريقة لمواجهة مثل هذا التصرف ؟؟

__________________

أنا أمارسه يا بيتا

شوفي حبوبتي .. إجمالاً كل شخص له طريقة تصلح معه وربما لا تصلح مع غيره .. وعن نفسي أرى أن صمتي وقت الزعل يصلح معي ومع زوجي دائماً.

أنا إنسانة عصبية .. وإن تحدثت وناقشت وقت المشكلة فإنني لا أضمن نفسي ولا كلامي ولا صوتي .. وإن كنت قد حاولت بالفعل ترويض نفسي إلا أنني لا أضمن ألا تفلت عصبيتي مني أحياناً .. وزوجي إنسان عنيد .. فلو تحدثت وناقشت وأنا بتلك الحالة النفسية فسأرتكب خطأ دون شك يضيع حقي ويجعلني أنا الغلطانة .... وأبسط مثال: ليش عليتي صوتج وانتي تتكلمين؟

أما صمتي وكتم غيظي يا عزيزتي فهو يشعر زوجي بتأنيب الضمير .. وربما يشعره بأنني الطرف الأضعف فأكسر خاطره وما أهون عليه يخليني زعلانة فيسعى لملاطفتي وممازحتي والتحركش بي << هذا أسلوبه في الاعتذار .. عندها أدرك أنه مستعد للتجاوب معي وسماعي فأقول ما أريد وأبين سبب زعلي وأعاتبه بهدوء .. وربما أمرر الموضوع ولا أتحدث فيه وأكتفي باعتذاره غير المباشر لأنه في الغالب يعرف سبب زعلي حتى لو لم أقل.


وهو كذلك يتبع أسلوب الصمت عندما يزعل .. ولكن الحق يقال إنه لا (يتلكك) ويفتعل مشاكل أخرى بسبب زعله مني.

أما تصرفي معه فإن كنت مدركة سبب زعله فإنني أعتذر له مباشرة .. وإن لم أكن مدركة فإنني أسأله عن سبب ضيقه مني ثم أعتذر كذلك.

__________________


اللهم طِيبَ الأثر .. وحُسْنَ الرحيل.

موضوع جميل جدا ( بارك الله فيك)
العقاب باسلوب الصمت ينفع لبعض الاشخاص دون البعض
شرط ان يكون في الزمان والمكان المناسب
ينفع حينما تقدمين لشخص جهدك في ارضاءه بالوقت والمال والكلمه الطيبه والبشاشه ......الخ
دون ان يعيرك اهتماما او لمشكله تعبتي من مناقشتك معه حينها تلجئين لاسلوب الصمت حتى يشعر بالفرق
لكن
من دون افتعال المشاكل
بينما يستخدمه البعض في غير موضعه ومع الشخص الغير مناسب فيصبح هدام ويوسع المشكله اكبر
مثل استخدامه مع من لا يحسون بك سواء لجأت لاسلوب النقاش الحوار الاقناع الصمت الجفاء
لا ينفع معهم حجر كانه يقول ( اذا ما رضيتي طقي براسك الجدار)
حينها يجبرك حزنك واكتأبك على الصمت
او حينما تسعين جاهده لاخراجه من دائره الصمت بالكلام والفعل ويأبا يخرج منها
فما باليد حيله الا ان تدخلي معه في حاله صمته حزنا واكتأبا منه

ولكل شيء نهاية وأتوقع نهاية المثال الأخير بتكون مدويه

__________________

وإذا كان يتلكك ؟؟؟ أتوقع يختلف الحال ... صح ؟

__________________

هلا والله بالأخت العزيزة الغالية بيتا2 كيف حالك وأخبارك ويارب تكوني بصحة وعافية ونعمة من الله كافية
موضوعك جميل جدا والمثل قال إذا الكلام من فضة فالسكوت من ذهب لاكن بين الأزواج ما أظن إن الصمت يجدي نفعا إلا إذا كان واحد من الطرفين في قمة غضبه وهيجانه إذا ماقدرت تهدييه وتخفف عنه عصبيته فأفضل شئ إنك تسكت عنه وماتحاكيه
بالذات إذا كنت أنت السبب في غضبه تتركة حتى تهدأ نفسيته وبعدين تناقشه بأسباب المشكلة وطر ح حلولها لاكن إذا كان الخلاف بسيط ومافيه عصبية ونرفزه يعني مدة بوز بس هنا الصمت ماله داعي أبد لأنه راح يولد فجوة بين الزوجين
ويسبب شئ من الضيق بالنفس على الطرف الآخر وإذا كان من النو ع الحساس ماراح ينساها لك وتجلس في نفسه حتى لو تراضيت أنت وياه .
أنا بالنسبه عن نفسي ما أحب الصمت المطبق صمتي إذا صارت مشكلة بيننا ما أتكلم معاه إلا على قد سؤاله يعني يسألني عن أي شئ أجاوبه على قد سؤاله أو يطلب مني شئ أجيبه له وأعطيه إياه سكيتي بس سوالف وضحك ومز ح مافيه أقاطعه من هاذي الناحية وهو يتضايق من هاذا الأسلوب مايحبه علشان كذا يضطر يراضيني بسرعة لأنه ملول ويحب القرقه على راسه عنده خلايا بالمخ ماتنشط إلا إذا جلست أقرقر على راسه و بعد ماتنشط هالخلايا زوجي يشعر بالسعادة و دائما لو حصلت لنا مشكله مع بعض يطالبني بالجلوس والنقاش والتفاهم ونحل مشكلتنا بهدوء لاكن في بعض الأحيان تكون نفسيتي زفت وما أتقبل النقاش أبد ولو أجبرني على الجلوس والله إن أختك في الله ترتعد عليه مثل المكينة ما أرحمه أبد فيضطر هو لسكوت ويصغي لكل عبارتي المزلزلة حتى أنا أخلص إللي عندي وعقبها أرتاح نفسيا أحس حتى ببرودة في جسمي
وبعد ين أجلس أفكر و يجيني إحساس بتأنيب الضمير وأ كره حتى نفسي وأستحقرها لدرجة أني أحيانا أقول لنفسي والله إني ما أستاهل هالزو ج الطيب وأرو ح له
وأعتذر منه وا تأسف له
لأني تكلمت عليه ولو هو واحد غيره ماراح يصبر على عصبيتي
وكنت أنا في بيت أهلي من زمان بس أبو سلطان الله يحفظه لي غير عن كل الرجال
ماعمره حط في خاطره مني ولايحب يتصيد الأخطاء والزلات ويرا كمها عليه داخل قلبه ومافيه ولامرة من يوم ما تزوجته قال لي أنتي مرة قلتي لي كذا أو سويتي كذا أو غلطي بحقي ولو في خاطره كلام أو زعل عليه يخرجه في نفس اللحظة إللي تحصل فيها المشكلة وكل واحد فينا يفرغ إللي بجعبته ونتصالح ونتصافى
وكل واحد فينا يفرمت عقله من الكلام إللي ضايقه و ينساه بوقته .
بذكر لك مشكلة حصلت معانا أنا وزوجي وكانت بتسوي شر خ كبير في علاقتنا أنا وزوجي وبصراحة أنا السبب وأنا إللي كنت غلطانه هاذا الله يسلمك أخو زوجي الأصغر كان يعمر بيت ونقصه مبلغ من المال وأتصل على زوجي وطلب منه هاذا المبلغ كسلفة وكان مبلغ محرز وزوجي ما أعطاه الفلوس وأعتذر منه قال له ماعندي الحين فلوس وزوجي كان عنده فلوس مجمعها وسبب رفض زوجي إنه كان يطالب أخوه بمبالغ مالية سابقه أستلفها من زوجي و ماسددها له فأخو زوجي راح كلم أمه وطلب منها تكلم زوجي و تتعهد له إنه أخوه يرجعها له في أقرب وقت وأم زوجي ما أتصلت على زوجي راحت إتصلت عليه أنا وكلمتني عاد أنا كل شئ إلا أم زوجي ما أحب أردها في أي شئ أبد لأني والشاهد الله إني أحبها وأحترمها وأشوفها مثل أمي بطيبتها وحنيتها عليه أنا وعيالي المهم أنا كلمت زوجي وحاولت وجلست له بالكلام هاذا أخوك من لحمك ودمك ساعده باللي تقدر عليه أقل شئ علشان الوالدة قدرها هاذي أمك طيب خاطرها طبعا من حنتي عليه وافق يعطيه الفلوس وأعطاه الفلوس وأ كمل بناء منزله ومن بعدها أخو زوجي حتى سماعة الهاتف ماعاد رفعها علينا حتى في المناسبات والأعياد نسي إن له أخ ولا إحترم أخوه ولاقدر وقفته معاه وزوجي كان يتصل عليه والله إنه مايبغى غير إن يتطمن عليه ويشوف أخباره والفلوس ماهمته كان لما يشوف رقم زوجي مايرد على جواله و هو ساكن بمنطقه بعيدة عنا المهم زوجي صبر عليه حول سنتين وعقبها كلم أخته علشان تكلم أخوها يجيب له الفلوس إللي عنده أو أقل شئ يتصل و يعتذر لو ماعنده فلوس أو يرد على جواله راحت أخته كلمت أخوها وقال لها أنا ماعندي له فلوس وفلوسه قد رجعتها له من زمان وأنتم ماتدرون وأخت زوجي إتصلت على زوجي وقالت له هاذا الكلام وزوجي زعل وعصب وأرتفع عنده السكر وبغى يروح فيها قال زوجي يعترف بفلوسي إللي عنده وأنا بسامحه خلاص ما أبغاها بس لايضحك عليه و يتحداني ويستفزني بهاذي الطريقه وزوجي راح دق على أخوه من رقم ثاني مايعرفه وأخوه رد عليه وصارت بينهم مشادات وكلام كثير وعقبها أخو زوجي راح وأتصل على أمهم وقال لها إللي صار كله وأمهم مريضة عندها ضغط الدم تعبت عليهم وشوي إلا وأخت زوجي تتصل وتتكلم وتقول لزوجي أنتم تبغون تموتون أمي بمشاكلكم المهم زوجي كان معصب وزفها وقفل الخط وأنا رحت له أبغى أ كلمه
وأناقشه بالموضو ع وإن الرجل ينفجر عليه أنتي السبب أنتي قلتي لي إعطيه هاذا أخوك والحين شوفي كيف طلعني كذاب قدام أهلي ويقول إنه أعطاني الفلوس أنا ماتهمني الفلوس كثر ماتهمني كرامتي وقيمتي وقدري بين أهلي إللي كذبني قدامهم والحين متهميني إني أنا سبب مرض أمي وهاذا إللي صار بسبايبك أنتي وبصراحه أنا أول مرة في حياتي شفت زوجي معصب بهاذيك الحالة بس الحمدالله بعد فترة زوجي هديت أعصابه
وجلست معاه وكلمته وناقشته بالموضو ع لأنه كان مقاطع أهله مايكلمهم ومنعني حتى أنا ماعاد أتصل فيهم ولا أرد على مكالماتهم وقال إن أهله واقفين بصف أخوه ضده وحلفني على المصحف ما أتصل بأهله من ورى ظهره
المهم أخذ زوجي وقت حتى نفسيته تحسنت وأنا حسيت بإستعادته الثقه فيه وإستماعه لكلامي وكنا مقبلين على عيد الفطر وإنتظرت إلين جاء يوم العيد وراح صلى صلاة العيد هو والعيال ورجعوا و عايدنا بعضنا
وعقبها مسكت زوجي ورحنا لغرفتنا لحالنا و جلست عند رجوله ومسكتها و بستها زوجي تفاجأ من حركتي وقال خير وش فيك ليش تسو ين معي كذا قلت له تكفى إذا كان لي خاطر عندك لاتردني قال خلاص إبشري بس قومي من عند رجولي قلت مابقوم إلين تاخذ الجوال وتدق على أمك وخواتك تعايدهم بالعيد ولا ماني بقايمة من جلستي هاذي حتى تنفذ لي إللي طلبته جلس شوي ساكت عقبها قال لي خلاص بس كيف اعتذر منهم بعد هالمدة كلها قلت له هاذي بسيطه أنت رجل شهم وكريم وأمك تحبك وماتصدق فيك إتصل عليها وهنيها بالعيد وإعتذر منها عن مدة إنقطاع إتصالاتك بها وقول لها أنا بسامح أخوي بالفلوس إللي عنده لأجلك أنتي ولأجل خاطرك يالغالية وأموال الدنيا كلها عندي ماتسوى ظفرك يالحبيبه المهم زوجي ماقصر أتصل على أمه وعايدها وسولف معاها وإعتذر منها وقال لها كل إللي قلته له ولاحظت الدمو ع بعيون زوجي وقت ماكان يكلم أمه وعقبها الحمدالله من فضل الله رجع إلتم شمل العائلة من جديد ويشهد الله إني إنبسطت وفرحت من كل قلبي وقلت في نفسي خلاص توبة عقب هالمشكلة إللي صارت ماعاد أتدخل في هالأمور أبد وصار لي درس ما أنساه وأخوه رجع إعترف بفلوس زوجي عقب ماسامحه وزوجي رفضها قال أنا سامحت علشان الوالدة ولا عاد أبغاها أبد إذا كنت تبغى تعطيها للوالدة فأنت حر أما أنا خلاص أحلف بكتاب الله ماعاد أشيل منها ريال والحمدالله ربنا عوضنا خير واجد غيرها .

أنا طولت عليك كثير يا أختي بس هاذا الموضو ع إللي طرحتيه نبش هاذي السالفه إللي أثرت في حياتي وشفت فيها أ شد غضب لزوجي ولحد الآن ما أنا مصدقه إن زوجي قال لي أنتي السبب في كل إللي صار بس أنا أستاهل هالكلام إللي قاله لي
صح ولا مو صح يابيتا .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

انتي السبب بكل خير حبيبتي .. صحيح انه صارت مشكلة لفترة لكن بعدها انحلت وصارت النفوس أفضل من أول ... والموقف اللي صار محك أمام حماتك أثبت لها طيب معدن زوجك وبره بوالدته ...
لكن لو أنه أصر على كلامه وما أخذ بخاطر والدته ما كانت راحت من بالها وسجلتها عليه ولو انه الأمهات ما تسجل ولا تشيل بقلبها لكن تشعر بالولد اللي لها خاطر عنده من اللي ما تهمه كلمتها ولا يشيلها من أرضها .

شكرا لمشاركتك واضافتك الحلوة

__________________

انا جربته وناجح وبقوووة
لكن ما سبق وسواها معايا لاني والحمد لله ما أزعله ابدا

__________________

أتوقع انك تمارسيه بطريقة الحبيبة مهرة
وهذا متفقين عليه ...

سؤالي عن اللي يصمت عن سبب غضبه ويتلكك ويبحث عن المشاكل بحث

ربي يديم عليك الهنا وما يزعل منك زوجك أبد

__________________

هههههههههههههههههههههههههههههههههههههههه
يالله اسلوب مستفز جداااااااااااااااااااااااااااااااااااااااااااااااا ااااااااااااااا
يعني بتسالي سؤال ما في رد تطنيش
وما في كلام نهائي بيكون البيت مش حلو
هذا اسلوب ناجح بس ما تطولوا في استخدامو
ههههههههههههههههههههههه

__________________