السلام عليكم

تحياتي للجميع

عندي موضوع وشوي رايد منكم بعض المساعدات اذا تسمحووون..

عندي بنت خالتي اكبر مني بعشر سنوات وكانت قبل ما تتزوج ويانا تلعب وتدرسنا وهي الأن ما شاء الله كبرت وتزوجت ولديها اطفال ،، المهم انا حاجز اختها الصغيره وقبل فتره اتصلت خالتي فيني قالت ان بنتها الكبيره تبيك تتصل فيك تبيك تساعدها بموضوع ،، قلت اوكي لأني والله اعتبرها مثل اختي .. المهم اختها اللي انا حاجزها عندها بالبيت لأن البنت تدرس بالجامعه اللي عند اختها لأن ما قبلوها الجامعه اللي عند امها .. اللي صار ان البنت الكبيره طلبت شغلتها وسويتها لها وبنفس المكالمه جلست تفتح مواضيع عن اختها الصغيره من مدح وغيره وقالت لي انت انسان فاهم ما ينخاف عليك ومن هالكلام ،،، وجلست اسألها عن اشياء خاصه بأختها فكانت تجاوبني بصراحه واختها الصغيره عنده تقول لها خلاص قفلي الخط لا تتكلمي مع الرجال مع اعلم ان البنت الكبيره عايشه بضغط نفسي من زوجها . .. صارت البنت الكبيره تتصل وقت الدوام اذا راحت اختها الصغيره للجامعه وتجلس تشتكي من هموم حياتها وانا اجلس انصحها واقول لها كيف تتعامل مع زوجها والله لوجه الله لأنها مثل اختي .. فكانت تقولي ياليت ان عندي زوج مثلك كان عشت بحياه سعيده ,,قلت لها ليش قالت انت انسان متعلم وفاهم وتناقش جميع الحوارات ومتا تعصب واي احد طلب منك طلب تسويه له من نفس طيبه ... المهم انها قالت لي البارح تخانقت انا واختي الصغيره ,, قلت لها ليش قالت يا طلال اختي الصغيره خيرها مو لنا للناس يعني اذا صديقتها طلبت منها طلب اعطته اياها وانا اذا طلبتها شي ترفض مع العلم اني مسكنتها عندي بالبيت وموفره لها اي شي تحتاجه ،، قلت لها الطبع هذا ما احبه اذا كانت هذي طبع اختك فخليوها عندكم ,, انا قلت لها كذا بشوف ردت فعلها لأن الأنسان ما تحكم عليه غير تعاشره .. المهم روحت وسألت خالتي عن طيب البنت قالت والله يا خالتك ان البنت طيبه وبنت حلال ولاكن اهم شي ان تكون تحترمها فقط وشوف ايش تسوي لك مع اعلم ان علاقتي ويا خالتي قويه قويه قويه ..

فأنا محتار بين كلام خالتي وكلام بنتها الكبيره ..

ارجوا من قرأ موضوعي يفيدني ويعطيكم الف عافيه

تحياتي

سي يو

و الله يا اخ طلال اشوف انك ساعدت بنت خالتك بشي ضروري ما فيها شي

لكن مكالماتها الفاضيه وقت الدوام و الشكايه من زوجها شي ماله داعي

و المفروض ما تعطيها وجه حتى تتصل ثانية و ثالثة ..

اما بالنسبة لكلامها عن آختها فعيب عليها تتكلم عن اختها بهذي الطريقة

ممكن اختها مو مقصرة في شي و لمجرد موقف سابق قالت لك ان خيرها لغيرها

ان بعض الظن اثم لكن بنت خالتك على قد انها اكبر منك الا ان تصرفاتها

تصرف مراهقات حتى لو بينها و بين زوجها مشاكل عيب تقول لغيره يا ليت زوجي مثلك

خصوصا انك من غير محارمها و في مجال انك تتزوجها

فنصيحة من اختك الصغرى لا تعطي اذنك لأحد و مشاكلها تحلها مع نفسها

و حتى ما توجع راسك اكثر اخطب بنت خالتك و ملك عليها لا تطولها اكثر

و تكبر دائرة المشاكل و القيل و القال و تنفصلو بالآخر لا سمح الله

اقتباس:

المشاركة الأصلية كتبت بواسطة * حنونه بطبعي * و الله يا اخ طلال اشوف انك ساعدت بنت خالتك بشي ضروري ما فيها شي لكن مكالماتها الفاضيه وقت الدوام و الشكايه من زوجها شي ماله داعي و المفروض ما تعطيها وجه حتى تتصل ثانية و ثالثة .. اما بالنسبة لكلامها عن آختها فعيب عليها تتكلم عن اختها بهذي الطريقة ممكن اختها مو مقصرة في شي و لمجرد موقف سابق قالت لك ان خيرها لغيرها ان بعض الظن اثم لكن بنت خالتك على قد انها اكبر منك الا ان تصرفاتها تصرف مراهقات حتى لو بينها و بين زوجها مشاكل عيب تقول لغيره يا ليت زوجي مثلك خصوصا انك من غير محارمها و في مجال انك تتزوجها فنصيحة من اختك الصغرى لا تعطي اذنك لأحد و مشاكلها تحلها مع نفسها و حتى ما توجع راسك اكثر اخطب بنت خالتك و ملك عليها لا تطولها اكثر و تكبر دائرة المشاكل و القيل و القال و تنفصلو بالآخر لا سمح الله

الله يجزاك خير . بس الأن مو قادر اخطب ولا املك بسبب اكمال دراستي بأمريكا وقلت ولمحت لخالتي ان اتزوج واخذها وياي قالت يا خالتك البنت تبي تدرس الحين وصعبه تروح معاك لدوله بعيده .. فالبنت انا بصراحه حبيتها , ولدرجة اني كل يوم عند خالتي بالبيت اسولف وياها وكل يوم اتصل فيها وهي كذالك .
ومو عارف ايش اسوي .

بأختصااااااااار حراااااام تكلمها ع الفاضي هيه اخذت حاجتها وانتهينا انت لا ترد عليها ثاني مره اذا اتصلت............و المفروض انها ما تتكلم عن اختها بهالشكل هذي اختها و بعدين على اي اساس تتكلم عليها قدامك؟؟؟؟؟؟؟المهم لا ترد عليها انت مو محرم لها..

__________________

اقتباس:

المشاركة الأصلية كتبت بواسطة (ألين) بأختصااااااااار حراااااام تكلمها ع الفاضي هيه اخذت حاجتها وانتهينا انت لا ترد عليها ثاني مره اذا اتصلت............و المفروض انها ما تتكلم عن اختها بهالشكل هذي اختها و بعدين على اي اساس تتكلم عليها قدامك؟؟؟؟؟؟؟المهم لا ترد عليها انت مو محرم لها..

هااااي الين اول شي خليتيني اسوي موظوع ولاكن للأسف حذفوه هههه كنت بكتب فيه بيتين حا فضهم بس قلت ممكن يحذفوا موضوعي هذا كمان ههه


شكراً على ردك الجميل والرائع ولا كن خالتي ليش رافضه بنتها تروح ماعاي لأمريكا بكمل دراستي مع العلم قلت لها انا بخليها تكمل دراسه البكالوريوس بأمريكا .. كله رافضه براسه شيطان ههه

تحياتي

سي يو

هههههههههههه لا ان شاء الله ما يحذفوونه
يمكن خالتك ودها البنت تكمل دراستها بس صعبه انك تسافر من دون ما تتزوجها .......اقنعها وتزوج وسافر افضل.....بالتوفيق ان شاء الله

__________________

أخوي

عندي قاعدة في حياتي تعلمتها ، إني يوم أخذ النصيحة من شخص ..
فأنظر للشخص و طريقة تسييره لحياته ؟؟؟

بنت خالتك الكبيرة ، من تصرفاتها معاك .. واضح بإنه تنقصها الحكمة بشكل كبيييييييييييييير
فلا تخلي حكمها على أختها يأثر فيك ، بس برضو فكر فيه ..

إنت استخير و ماتعرف إيش بين الأخت و أختها

و عموما تعامل الوحدة مع أختها ، ما راح يكون مثل تعاملها مع زوجها

و نصيحة لك ..
ما يصير تتكلم عن ( بنت خالتك ) أمام أختها ..
حتى لو هي اشتكت ، فردك أبدا ما كان مناسب .. لإنه ممكن يسبب لك مشاكل إنت في غنى عنهاا
و خاصة إنه الحريم ما يصدقوا يسمعوا كلمة و يحبوا القيل و القال ( مو كل الحريم )

اقتباس:

المشاركة الأصلية كتبت بواسطة روح الطير أخوي عندي قاعدة في حياتي تعلمتها ، إني يوم أخذ النصيحة من شخص .. فأنظر للشخص و طريقة تسييره لحياته ؟؟؟ بنت خالتك الكبيرة ، من تصرفاتها معاك .. واضح بإنه تنقصها الحكمة بشكل كبيييييييييييييير فلا تخلي حكمها على أختها يأثر فيك ، بس برضو فكر فيه .. إنت استخير و ماتعرف إيش بين الأخت و أختها و عموما تعامل الوحدة مع أختها ، ما راح يكون مثل تعاملها مع زوجها و نصيحة لك .. ما يصير تتكلم عن ( بنت خالتك ) أمام أختها .. حتى لو هي اشتكت ، فردك أبدا ما كان مناسب .. لإنه ممكن يسبب لك مشاكل إنت في غنى عنهاا و خاصة إنه الحريم ما يصدقوا يسمعوا كلمة و يحبوا القيل و القال ( مو كل الحريم )

اهلين اخوي روح الطير ...

كلامك جداً رائع وجميل وفعلاً اننا نأخذ النصيحه وننظر لكيفية تيسره لحياته انت محق ...

فعلاً انبنت خالتي يب لها الخبره وبصراحه حسيت هالشي بس ما بغيت اجرحها ,,,

وانا ان شاء الله بصلي استخاره ,,

تحياتي سي يو

حتى لو قالت خيرها للناس...مو معناه انها سيئه بالعكس مادام خيرها للناس معناه انه فيها الخير..

والمفروض تسال اختها الكبيره وش الموقف الي حصل خلاها تحكم انه خيرها بس للاغراب..يمكن شي بسيط جدا حصل بينهم وقامت حقدت عليها..وطبيعي الاخوات يصير بينهم مشاكل

واغلب البنات في هاالسن يحبون صديقاتهم ويخدمونهم اكثر من اهلم..

واعتقد انك انت غير عن كل الناس الي تعرفهم خطيبتك...يعني راح تعطيك عيونها

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اقتباس:

المشاركة الأصلية كتبت بواسطة ليه الغرور؟ حتى لو قالت خيرها للناس...مو معناه انها سيئه بالعكس مادام خيرها للناس معناه انه فيها الخير.. والمفروض تسال اختها الكبيره وش الموقف الي حصل خلاها تحكم انه خيرها بس للاغراب..يمكن شي بسيط جدا حصل بينهم وقامت حقدت عليها..وطبيعي الاخوات يصير بينهم مشاكل واغلب البنات في هاالسن يحبون صديقاتهم ويخدمونهم اكثر من اهلم.. واعتقد انك انت غير عن كل الناس الي تعرفهم خطيبتك...يعني راح تعطيك عيونها

اهلا وسهلا ليه الغرور ,,

صح انا فكرت في هالكلمه البنت بصراحه فيها خير ولاكن ممكن صار بينها وبين اختها موقف ,,

انا ما حبيت اسأل اخته الكبيره عن الموقف لسبب اني احرجها اوا تألف علي قصه جديده ..

فعلا انا اذا تزوجتها اكيد بالكلمه الطيبه راح املك قلبها ..

تحياتي

سي يو