أختى بكل صراحة أقول لك لاتقع ِ فى نفس غلطتى... فأنا من اول مكالمة مع خطيبتى أنهيت موضوع الخطبة نتيجة سوء فهم متبادل ... وأشياء أخرى ...والآن أشعر بالندم ,,, وسأحاول أن أرجع ولاأعرف ماذا سيكون رد فعل أهلها..دعواتكم..
وانصحك دائما بأن لاتدخلى أحد بينك وبينه فى مشاكلكم حتى أهلكم...

بصراحه هذا اللي اتخوفه منه .. عشان كذآ كثير فسخو الخطوبه منها
وموضوعك قراته والله يكون في عونك اخي وربي يسرها لك
ويرزقك باللي تحبها وتسعدك اشكرك على مداخلتك ونصيحك

مبروك عزيزتي مقدما الله يتمم لك على خير
من ناحية تطويل الخطوبه ما انصحك مامنهافايده لاحتقدري تشوفي اخلاقه وطباعه وترتاحي له ولا لا
بس الملكه تقدري
واذا ملكتي انصحك بالأتي:
خروج لالالالا ابدا االا الى مطعم مثلا وتكون امك معاك
الجلوس معه وقت محدد ساعه مثلا حتى لاتملوا او تصير حركات مالها داعي في هذي الفتره
الحياء الحياء الحياء(كما قال رسول الله الحياء لا يأتي لابخير)وانت في هذي المرحله بحاجه له اكثر مش يقولوا العذراء في خدرها
المكالمات الكثيره تؤدي الى الملل من بعض بعد الزواج لانه قد استنفذتواجميع الطاقه في الكلام
حاولي في كل زياره يكون لك ذكرى حلوه له من اكله من ايدك حلا مثلا
من لبس فنان وراقي وغير مبتذل
من حركه في شعرك جميله
.........والخ
لان كل هذي الاشياء حتنطبع في مخك ومخه بالذات
وتجلسوا تتذكروها طوال حياتكم
والأشياء كثيره لاتحصر
بس فوق هذا كله التوفيق من رب العالمين
عليك بالدعاء في كل صلاة ان يكون زوج صالح تقر عينك به
والله مافي شيء زي الدعاء وايضا الأستغفار ليل نهار
طولت عليك معليش
أسأل الله لك التوفيق والسداد

هلا عزيزتي الله يبارك فيكي من طيبكي ايوه انا اقصد بعد المكلـه تطويلها
كلامك عين العقل وانا فعلا اصارحك كنت افكر مثل ماتقولي اما عن الحياء
لا توصين اصلا استحي بقوووه اللهم امين واياااااااك يارب
يعطيك الف عافيه على مرورك الطيب وكلامك الجميل
بالعكس سعدت بردك الجميل
اسال الله ان يلهمكي ماتردين ويوفقكي لما يحبه ويرضا
احترامي وفائق مودتي

الله يسعدك ... ويسعد كل مسلم مخلص يدعو لأخيه المسلم..
بالتوفيق اختى الكريمة ,,

اللهم امين اخي الكريم واياك يااارب
اسال الله ان يعطيك ماتريد ويرزق من حيث لا تحتسب ويقدم لك الخير اينما ذهبت
اشكرك على مرورك الطيب اخي شكري لك

مين قال لك ان اغلب المملكين فسخوا بسبب المكالمات...كلنا كلمنا والحمدلله مبسوطين...والي فسخوا اكيد اكتشفوا انه مافيه توافق بينهم..وحسوا انهم مو مرتاحين وفضلوا فسخ العقد...افضل من انه يتطلقون بعد الزواج...والاخ m.sمافسخ خطوبته عشان مكالمه ارجعي لمواضيعه وتعرفين ليش فسخ الخطبه..

اختي فترة الملكه ضروري يكون فيها مكالمات...ولا كيف تفهمينه وتدرسين شخصيته...وكمان عشان يصير فيه قبول بينكم وحب قبل الزواج والدخول..

وانصحك لا تستعجلين على الاحداث...وتفكرين..خلي كل شي يجي من تلقاء نفسه..كلنا مرينا نفس حيرتك وخوفك وبعدين عرفنا ان الامر لايستحق كل هذا التفكير والخوف...
استمتعي في فترة الملكه..ولاتحرمين نفسك من حلاوتها..

والي يقولون المكالمات الكثيره تؤدي الى الملل..طيب مو هم بيعيشون طول العمر مع بعض..جات على مكالمات يعني..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اهلا عزيزتي ايشبك احسكي معصبه في الرد
وأحنا ماقلناه من عبث خوفنا من مكالمات واسبابها يالغااليه
صارت في اقارب لنا وصحبات وناس نعرفهم عشان كذا التخوف من المكالمات لابد ان يكون
طابع في قلبنا
وانا لا انفي لك صح فيه ناس كلمو والان يجمعهم بيت واحد نسال الله ان يسعدهم مدى الحياه
اما حديثك بموضوع الفاضل m.s قراته من اول موضوع لاخر موضوع نزل قبل ارد عليه
ويمكن من الله انه خيره له .. وصح المكالمات تقرب ماقلنا شي ... لكـن كثير ماتسبب انفعالات بينهم
فعلا الاشياء ان اتت من تلقاء نفسها افضل اشكرك على مرورك وردك
اسال الله ان يوفقك لما يحبه هو ويرضى

أتفق مع ليه الغرور .. <- غيرتي اسمك يا الغربة مرة ؟؟؟؟

أفتكر في فترة ملكتي ، كنت أسمع نصايح ( أثقلي عليه ، لا تكوني جريئة ... إلخ )
و أحسها هي اللي كانت حتضيعني

لإنها ما توافقت مع ( طبع زوجي ) ..

زوجي كان يبغاني جريئة و ما يبغاني خجولة طول الوقت و يتضايق من الشئ هذا
و فيه رجال العكس تماما ..

فإنت تعاملي بطبيعتك و عفويتك و وازني ( كلامك و ردات فعلك ) ..
و استغلي الفترة هذه بفهم طبيعته

و إن كانوا زميلاتك ( فسخوا العقد قبل الزواج ) فهو الأفضل برأيي لهم
لإنهم لو ما اتفقوا من وقت الملكة فكيف راح يتفقوا بعدين ؟؟؟