السلام عليكم ورحمة الله
انا بنت عمري 22 باخبركم عن نفسي شوي
انا يتيمة وربتني امي اللي ماقصرت عني في شيء بس ضروفنا المادية كانت صفر علمتني على الانفتاحية في التفكير ودايم معي كانها صاحبتي وتثق فيني جلست طول عمري ماكلمت شباب الا قبل سنتين ونص تعرفت على شاب في الماسنجر وكانت سواليفنا تعارف ونتكلم في الرياضة لاننا نشجع نفس الفريق يعني تعرفت عليه من منتدى رياضي وطول سنتين ونص وانا اكلمة ماسنجر والله مايعرف لاصوتي ولا شكلي ولاشي بس انا تركت هذا الشاب مدة 7 اشهر بعد مالتهيت باختباراتي وقلت فرصة ابعد عنه لاني دايم كنت احس بالذنب بعدها انخطبت خطبة تقليدية وملكتي كانت قبل شهرين بالضبط واليوم اللي بعده كلمت خطيبي في الجوال وكنت ماتكلم واحس اني اسوي شيء غلط وكل شوي اروح لامي اقول تراني كنت اكلم خطيبي
المهم بعد مكالمات عرفت من خطيبي انه راعي سفريات بس بأدب وانه كان يكلم بنات كثيير وانه كلم بنت سنيين وخطبها بس الرفض جا من امها وانه خطب غيري وشافها اعجبته بس ماارتاح لها وانا اقول حال الدنيا الا مايكون الواحد له نقاط سوداء في ماضية المهم يتعلم منها لحد ماقال شيء خلاني افكر واحيانا اقرر اني اتركة
خبرني ان اهله هما اللي خطبوا له بدوون علمة وانه ماكان مقتنع بالزواج ولا كان مستعد خاصة انه صغير يعني اكبر مني بسنة واحدة ! ودايم يقول اشياء زي انا صغير انا حلو انا البنات كانوا يرمون نفوسهم علي و مادري ايش كثيير احيان اقفل من المكالمة وانا افكر متزوجة دايفيد بيكهام مثلا!!<والله العظيم بهذا الاسلوب
في هذي الفترة انا صادفت الشخص اللي عرفته قبل وصرت اكلمة فجأة وارتحت معاه كثير بس طبعا ماخبرته اني مملكة ولا شيء وقالي انا لسى لي 4 اشهر واخلص جامعه وراح اتقدم لك رسمي واكثر من مرة اقوله انت ماتحبني بس تعودت علي يقول لا انا متاكد من اختياري رغم انه شافني لا في صورة ولاعلى الطبيعه ومن الصدف العجيبة ان الاخر هذا ماضيه سلسلة طويله من مكالمة البنات وكان يلتقي بنات احيانا في الكوفيهات وكذا بس يقول انه ماارتاح مع احد غيري وانه انا وهو نفس الشخصية !!
انا للامانه ماقدر اقتنع في خطيبي وماني مقتنعه في حب الشخص الثاني لي خاصة انه ماشافني ويقول ابي رقم اخوك اخطبك منه الحين
دايم اسال نفسي ليش كلمت الشخص الثاني بعد الملكة بالذات مادري يمكن لاني احس ان خطيبي ماضية اسود وقلبي يحسسني بهالشي او اني لازم اكلم زي ماهو كلم غيري ولا لاني من جد احب الشخص الثاني واحسة يسمعني ويفهم مشاكلي حتى لو يمثل علي مادري.. احس اني ضايعه وماصرت اعرف الصح من الغلط هل انا اكمل مع انسان ماضيه اسود على الاقل بالنسبة لي ولا استنى شوي واجلس اكلم الثاني لحد مااتاكد من نيته ؟ محتاجة اسمع ارائكم لاتحرموني منها

تعرفين تفرقين بين الحرام و الحلال ..
مكالمات رجل أجنبي .. حرام ولا حلال ..
هذي بالفطرة تعرفين جوابها ..
و كمان ربي إبتلاك بخاطب يجاهر بالمعصية ..
سبحان الله .. إنتوا راضين بهالعيشة ..
خيانة في خيانة في خيانة ..
أسلوبك في الكتابة يبين إن ماااااااا عندك مشكلة في البوي فرند جدا عادي الوضع .. عجيب والله !!

تعرفين المثل اللي يقول من دق باب الناس دقوا الناس بابه ..
و
دقة بدقة .. ولو زدت لزادت السقة ..
و
من زنى يزنى به و لو بجدار بيته ..

المسألة مش بالبسااااااطة اللي إنت متصورتها ..
و لا إنت و لا خطيبك صغااااار ..
اللي بأعماركم مخلصين الجامعة .. يعني واعين وفاهمين ..
عندك خوف من مكالمة خطيبك و ما عندك خوف من مكالمة الذئب البشري ..
أنا مو مستوعبة ..
إنت خايفة ألحين من الارتباط بخطيبك لاجل ماضيه ..
طيب ماضيك غنت وحاضرك كمان يخوف خطيبك و لا لا ..؟
تفكيرك في الذئب البشري حتى بعد خطوبتك .. يخوف ولا لا ..؟
الذئب البشري يوم تركتيه .. رحمك ربي و لا عاد رجع يدور وراك ولا يهددك .. لكن إنت مصرة على المصائب ..
الرجل ((يلعب عليك بكلمتين)) .. و تصدقينهم ..
طيب لو إفترضنا إنك فسختي خطوبتك .. و أعطيتي الذئب البشري رقم أخوك ليخطبك .. وش بتقولين لاخوك .. إذا سألك من وين جاء هالرجل ...
إذا ودك تمشين صح بهالدنيا .. و تلاقين ربك نقية .. إتركيهم إثنينهم ..
لان ولا واحد فيهم ينفع يكون زوج و أب و مسؤول ..
و الله يهديك و يصلحك و يلهمك رشدك قولي أمين .......

ام داليا شوي شوي اعصابك!!
مشكلة الناس لما تستخدم الفاظ كثيرة بدون معرفة معناها
حرام - حلال - خيانة - ابتلاء
واكثر مايجيب لي المغص كلمة الذئب البشري يعني انتي قلتي لما تركته ماجاء يدور علي وش ماسك علي مثلا ؟؟
اسم الايميل !! ولا الاسم المستعار اللي عارفة من المنتدى !
انا اعرف الحلال والحرام اعرف اني ماتجاوزت حدودي حتى وانا اكلم خطيبي ماني بنت امس على فكرة يعني اسلوب التهجم انا ماحبة !
تبين تعلميني مثلا ان حياتك 1000% بدون اخطاء وان الرجال اللي انتي متزوجتية بغض النظر مطوع او ملتزم او صايع او ... ماعنده ولا شيء في ماضيه حتى لو حب عذري !
التناقش اروع طريقة للتواصل لكن مفتقدينها كثير للاسف بسبب الحياة المثاليه اللي عايشينها الاعضاء في اكثر المواقع

تكلمين و تسولفين مع رجل أجنبي عنك > أقصد اللي تعرفتي عليه في المنتدى
وتقولين ماتجاوزتي حدودك ؟؟؟
الإسلام وضع لكِ حدود و إنتِ تجاوزتيها بإقامة علاقة مع رجل أجنبي ..

بارك الله فيك.. الله يرزقك الحلال الطيب الواسع من عنده

لما خبرني بهذا الشيء صدقني رحمته مو لان اللي عمله صح بس فهمت ليش عمل كذا
هو وحيد اهله وعندة اخوات بس يعني الولد الوحيد وابوة يستخدم اسلوب الضغط عليه لازم تكون افضل الناس ولازم تكون احسن الناس مادري اذا تفكيري صح او لا بس كونه اعترف لي وان الكلام هذا زمان وانه من بعد الشوفه ارتاح وبطل يعمل اي شيء
احترت ووالله قبل الخطبة والموافقه استخرت والله حتى في الحرم وكنت مرتاحة بس تمنيت افهم شعور في داخلي متناقض بالنسبة للاثنين
تسلم يدينك

اممم انا ماقلت كل الناس بيكون تفكيرهم مثلي ولا ماكنت سالت من باب الاستفادة انا اعترض على اسلوب التهجم وكان الانسان اله مايغلط !
وبعدين علاقه حطيها في قوقل ويطلع معنى علاقه لك ياحبيبتي الكلمات اشد وقعا من السيف
قلت لك ماتجاوزت حدودي في كلامي معاه يعني اشياء يتكلم فيها تقريبا الصديق وصديقه مالها دخل باجزاء اخرى واتوقع فهمتي قصدي

كلام سليم.....
تخافين من كلمة ذئب بشري؟؟؟

بالله عليك وش تسمين اللي يكلم بنات ويستبيح اعراض المسلمين؟؟؟؟
ابن حلال وعلى قد نيتة....مثلا؟؟؟

سبحان الله...

اكره كلمة ذئب بشري واحتقرها مااخاف منها
وش اسمي اللي يكلم بنات الناس كانه هو اللي ضربهم واجبرهم انهم يكلموه <ياحبيبتي حدثي العاقل بما يعقل
واذا بنت وولد تكلموا وتناقشوا وتفاهموا في حدود الادب ايش المانع !
ياليت توصلني وجهة نظرك

^
أم داليا ماغلطت في كلامها
إنتِ كتبتي موضوع فتوقعي آراء مخالفة لهواكِ