السلام عليكم ورحمة الله وبركاته

عندي مشكلة ومـــــاعرف كيف احلهااا

والله تعبت منهااا ومو لاقيه حل ..

اناا كنت مخطووبه من فتره سنة ونص تقريباً ( ليس عقد قران ) ووافقت على الشخص على اساس انه يقرب لي وتعرفون المشاكل اللي تصير بين القرايب اذا ماوفقت عليه .. من الزعل وهالحكي!
صحيح أنـا غلطااانه ومليووون غلطاانه لأني رضييت فيه من البدايه ! وأنا مو مرتاحة لهالشخص ابداً
ماعرف كييف اشرح لكم بس ابدا مو مرتااحه له .. وكل ماجيت اصلي استخااره ..اجلس اصييح واصييح!
قلبي مو مرتاح. قلت لأهلي في فتره من خطبتي اني ماريد الرجال هذا ! لكن جلسوا معي وتكلموآ عنه وحسيت من كلامهم انهم يريدون الرجال ومافيه اي عيب
دست على عمري وقلت بكمل في المشوار ويمكن اللي فيني مجررد خوف لا أكثر من حياه جديده ببتديها! لكن عقب فتره بسيطة من الحين تم ( عقد القران يعني مملكين)

مـــــــــــــاعرف كيييف اقولكم شعوووووووري !! مااااطيييقه ابداااا ابداااا ماحب اجلس معه ابدااا
ماحب احاكيه ولا اضحك معه .. انااا مب متقبله وجوده شخصياً في حياااتي ! صرررت اكره حياااتي
حتى مجرد لمسة يدينه اكرهااا واتمنى الأرض تنشق وتبلعني .. انفررر من ضحكته وكلااامه . وكل شي فيه

الرجال مو محافظ على صلاته يعني يفوت صلاه ويأخرها. وماتوقع انه قرا او مسك المصحف . ويدخن ومو مهتم للجانب الديني واسلوووبه مرره مو حلوو. كل شي بالنسبه له هو الصح . في يوم لما جيت احاكيه عن الصلاه قال لي ليه اليوم بتعطيني نصااايح عن الدين ! بمعنى وفري على حالك هالكلام و وتم يضحك علي

ماااعرف كيف اشرح لكم . بس احس بالاشمئزاز وهو جنبي . وودي اني انهي كل شي لأنه مو الأهل هم اللي بعيشوآ معه أنا راح اعيش معه .

شووووو اسووووي . امي مو راضيه اني انفصل عنه كلمتها بالموضوع وقالت تبغيين الطلاق!!

بس مابيدي شي غير هالحل ! انااا كارهه حياااتي بكل النواحي !


بليييييز عطوني حل . ماعرف شو اسوي

كلمي اعمامك اخوالك يدخلو بالموضوع
اعملي المستحيل اذا من البدايه مو مرتاحه لهالدرجة كيف بعدين
لا تخلي احد يضغط عليكي الله يعينك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

ياختي الصراحه موضوع ابدا الاراء امانه وكل مسؤؤل عما يقول وينصح به
وانا اتوقع ان افضل حل هو ان تتواصلي مع احد الاخوات او ياريت ان تتواصل معك احد الاخوات لان كتب الحلول موضوع صعب
ونصيحه صلي استخاره وارفع يديك الى مولى العباد سبحانه بان يفرج الهم ويصلح الحال
ولاتنقطعي من الدعاء والرجاء

يعني الحل هو الإنفصااال عنه؟

اريد مسااعدتكم وآرآئكم بلييييز

أختي الحل الإنفصال طبعا

انتي لسة في البداية وفي أجمل أيام حياتك ومو مرتاحة

أجل بعد الحمل والولادة والآطفال كيف تتقبلية

بحيادية ماهي إيجابياته ؟
أحس والله أعلم إحساسك أنك مغصوة عليه هو من ينفرك منه
لو لن يزعجك سؤالي ؟ سنك؟
بالتوفيق أختي الكريمة

__________________
(( كما أن البدن إذا مرض لم ينفع فيه الطعام والشراب .. فكذلك القلب إذا مرض بالشهوات لم تنجع فيه المواعظ )).

الفوائد - ابن قيم الجوزية

ايجابياته انه طيب ويحبني كثير بس الحب وحده ما يكفي !

ومثل ما قلت لك ،، مااطيقه لو هو يحبني ..

عمري 22 سنة ..

عاشقة الغالي
ssoopp
سمو الأميرة

أشكركم على ردكم ويعطيكم العافيه ,,

أنتظر البقية ..

حبيبتي مقدر اقول شي الا الله يفرج همومك ويسعدك في حياتك ويكتب لك اللي فيه الخير.......امييييييييين
صلي صلاة الليل و ادعي ربك.........
موفقه....

__________________

أختي ,, كانت فترة الخطوبة (سنة ونصف) كافية ,, لمعرفة ما إذا كان

الشّخص مناسب أم لا ,, فلماذا وافقتي على إتمام عقد القِران ,,

إذا كان لديك من الأسباب ,, مايدعيك لرفضه ؟؟

عموماً ,, لا مجال للعتب والملام ..

أختي ,, أرى أنّ أمراً أهون من أمر ..

فالخطوبه أهون من المِلكة ,, والمِلكة أهون من الزواج والدخول ..

فلذلك ,, أنتِ مازلت على بَرّ الأمان ,, وبإمكانك الإنفصال بأقلّ الخسائر ,,

وأعانك الله على مجتمعٍ ,, لا يرحم منهم في ظروفك ,, من بعض الأقاويل ,, والتّهم الجُزاف ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..