السلام عليكم ورحمة الله
كيفكم يا امهات

انا راح اداوم بعد اسبوعين ان شاء الله
وعندي بنوته عمرها سنه

قلبي وايد معورني عليها
ما اتخيل اني بتركها كل هالساعات

انا الي الان مرتبه امورها من ناحية اني بتركها مع الوالده ..
موفره لها خادمه خصوصي تنقيتها .. هي كانت تشتغل عند اهلي .. وجدا ممتازه في التعامل والاخلاق ومتعلمه .. واخذتها من اهلي .. وزدتلها راتبها عشان تكون مخصصه لبنتي وبس .. لكنها بتسافر حاليا اجازتها و بترجع بعد شهرين
يعني اول شهرين من دوامي امي بتكون وحدها مع بنتي بدون مساعده

السوال الحين ..
في هالاسبوعين حابه ا نظم نوم بنتي بحيث يناسب الوالده
يعني ابغيها تنام علي الساعه 10 الضحي
وتنام لما ارجع من الدوام علي الساعه 3 الظهر
متي اقومها الصبح؟
وفترة ما انا بعيده عنها ابغيها تنشغل في شي .. في العاب معينه مفيده للطفل بهالعمر؟
وكف اعوضها الساعت اللي ابتعدت فيها عنها ؟

بعطيكم نبذه عن الجدول اللي باقترحه علي الوالده

تقوم الساعه 8 تفطر وتلعب لين 10 تنام ساعه وبعدها تاكل فواكه ...لين الظهر تتغدا وتنتظرني ارجع 3 وبعد ما اتغدا ننام مع ببعض ساعه

شكلي ضيعتكم بالتفاصيل
بس انا جدا مرتبكه و مب عارفه اذا بنجح اني اكون ام عامله ولا لا



دعواتكم لي

__________________

نوميها بالليل الساعة 10

صحيها الساعة 9 الصبح .. تفطر

الساعة 11 .. الوالدة تعطيها فاكهه و زبادي

تتفرج على كرتونها المفضل ساعة مثلا

تلعب بالعابها ساعة كمان ...

تكون الساعة صارت 1 ممكن تعطيها شي تاكله اما خضار مسلوقة .. او شوربة مثلا

و برضو تلهيها لغاية الساعة 3 .. تكوني جيتي . تتغدوا و تنوميها ساعة فقط

عشان بالليل تنام عالعشرة ....


صعب انها تصحى 8 و ترجع تنام 10 زي ما انتي كاتبة .. لانها بتكون بعز نشاطها

عشان كدا الهوها لغاية ما تروحي الساعة 3 العصر ساعتها بتكون تعبانة من اللعب و بتنااام

بخصوص وجودها لحالها مع جدتها.. لا تقلقي حبيبتي .. صدقيني الجدات ماشاء الله

ما يتوصوا على عيالنا ... بتلعبها و تلهيها تمام.. ماراح تغلب..

كيف تعوضيها بعد ما ترجعي ... طبعا بالاحضان و القبلات .. العبي معاها بالعابها المفضلة

اذا قادرة.. اطلعي معاها شوي تشم هوا .. اهتمي باكلها و شربها و حمامها (و لا تخليه للشغالة)

حتى لو كنتي تعباااانة ...

ربي يطول بعمر الوالدة و يحفظ لك بنوتك من كل شر ياارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

شكرا نوراا
بس انا حابه انها تاخذ غفوه الضحي عشان تريح الوالده
يعني برايك اقومها 7 الصبح يمكن تنام 10 او 11 ؟

__________________

اذا صحت الصباح مبكرا سوف تنام الساعة 11 بأذن الله وتصحى 12

واحضري لها العاب مثلا سيارة تركبها والعاب تركيب مثلا

واشتركي في قناة المجد حيث كان قناة روضة مناسبة لها جدا

واحمدي ربك انها تحت اشراف اغلى الناس

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

شكرا سحابة
الحمدلله ما بتقصر الوالده
طيب الغوالي اخر سوال
شنة بنتي اللي بجهزها لها لما تكون عند امي
شو اهم الاغراض اللي احطها لها
مع العلم ان بنتي عمرها سنه

__________________

اذا ناويه تنوميها الساعة 3 معاك لما ترجعي من الدوام فا معناه لا تنوميها قبل و هي مع الوالدة

و انها تصحى الساعة 9 مثلا و تقعد تلعب

احسن من انها تصحى 7 و تنام بعدين ساعة .. قصدي مافرقت مع الوالدة بالعكس

انها تنام الصبح مدة اطول افضل لها

ممكن تجربي اكثر من نظام و تشوفي ايش اللي بيريح والدتك و تتبعيه عادي

بالنسبة للاغراض..

طبعا حفايض.. غيارات داخلية 3 و لا 4.. ملابس طلعة .. ملابس بيت او بيجاما

اكلات خفيفة .. زبادي فواكه . بسكويت اطفال .. عصاير ..

العاب تحبها ... اشرطة فيديو لكرتون تحبه

اشياءها الخاصة الي متعودة عليها .. مثلا عضاضة اذا كانت لسه بتسنن

مشاية اذا لسه بتتعلم المشي ..

و مهم جدا تحطي ادوية اطفال (بريستمول الاطفال الخ ).. خافض حرارة مثلا .. اي شي ممكن تحتاجه الوالدة
لاقدر الله .. ربي يحمي بنوتك من كل شر ياااارب

و لا تقلقي عليها استودعيها رب العالمين و ربي يحفظها و ان شاء الله ما تتعب جدتها

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

مشكورات حبيباتيييي
ما قصرتو

__________________