السلام عليكم ورحمة الله وبركاته

في البداية اود اني وضح لكم انه ابغى مشورتكم ونصيحكتم لوحده من المعارف مقربة لي.

هي بنت عمرها 23 سنة على قدر من الدين والخلق وجامعية وحافظة القران كامل وتحب العلم مره ولها انشطة في المجتمع وعلاقات جيدة ومن اسرة متدينة ومتعلمة ومتواضعة.

المهم تقدم لها رجل كبير شوي اكبر منها بعشرين سنة او اقل بكم سنة متزوج وعنده اولاد بس مراته واولاده في بلد ثاني بعيد عشان دراستهم وهو مستقر بعيد عنهم في بلد اخر يلي فيه البنت المخطوبة عشان شغله ما يزور اولاده الا مره في السنة.

هو متدين يصلي في المسجد وحافظ له كم جزء من القران وغير مدخن وموظف شغله كويس وكريم وعاطفي مره وذكي هذي ايجابياته.

المهم صارت الملكه او العقد والبنت مو مقتنعة فيه ابد لفارق السن ووجود الزواج الاول والاولاد بس صار العقد بضغوط الاهل لانه متدين وما يتفوت وهو وصف حاله فوق الخيال قبل العقد ووعد وعود عشان يقنع اهلها فيه.

وفي فترة العقد اكتشفت البنت فيه اشياء ما عجبتها وزادت من تخوفها وعدم ارتياحها من زواجها منه هي تقول انها تشعر انه ما يناسبها ابد افكاره غير غريبه وعنيد جدا وصعب يتنازل عن رأيه وكثير الجدال وثرثار لابعد الحدود وما يراعي مشاعر ولا عنده ملاحظه وتحس انه رغم كبر سنه بس مو ناضج لسه يستشير اصدقائه في كل اموره ويشتغل في مكان مختلط مستشفى ويستشير الممرضات يلي عنده وكمان اتكالي ما يعرف يساوي شي لوحده وكمان ما قدرت تتقبل شكله.

هي طلبت منه انه يخبر زوجته الاولى بانه راح يتزوج رفض وعلل انها عندها فكرة مسبقة على نيته وقال بس اروح لعندها البلد اقول لها راح ولا قال وبعدين جلس يبرر انه ما يبغى يجرح مشاعرها.

المهم البنت مو متقبلته ولا مقتنعه فيه ابدا ولا شايفه حياتها ومستقبلها معاه وتبغى تساوي خلع لانه هو رافض يطلقها لانه يحبها كثير ومتمسك فيها ويقول اذا تركتيني تصيبني ازمة نفسية وتسيئي سمعتك وسمعتي وتصيري مطلقة !!.

ملحوظه فترة العقد لها اربع شهور وكان محدد يصير الفرح قريب بس هي رافضه ونفسيتها تعبت وتبغى تلغي الموضوع كله.

نبغى نسمع ارائكم ونصايحكم بس بالعقل والمنطق السليم

والله يبارك فيكم

صراحه ماذكرت عيب واضح

لكن هي شكلها ما تبيه

تستخير

الآن أهون من بعد الزواج

طالما حالها هكذا .. فالافضل لها و له الانفصال .. اما مسالة سمعتها فلا تخف من ذلك .. لانها لم تفعل حراما .. كما انها مطلقة قبل الدخول .. و سياتي لها من يقدرها لصفاتها الحسنة .. اما زوجها فيبدو عليه الانانية الشديدة .. حيث انه يهتم بالمه هو و لا يهتم بالمها .. فلو كان يحبها بصدق لضحي بالمه في سبيل الا تتالم هي ..

حتى لو كان الرجل فعلا رائع ....


مجرد عدم راحتها له يعد سببا كافيا لتركه ..



الزواج حياة عمررررر ... لا بد من القناعة التامة من كلا الطرفين

جزاكم الله خير على الردود

بس كثير نصحها وقال انه التقبل والحب يجي بعد الزواج. وممكن انه يتغير ويصير افضل بما انه يحبها وميت عليها.
ويلي يقول لها حرام تنفصلي وتضيعي فرصة واحد متدين ويصلي ويحبك.

ايش رايكم صحيح هذا المنطق والتفكير.

اقتباس:

المشاركة الأصلية كتبت بواسطة عاقلة ورزينة جزاكم الله خير على الردود بس كثير نصحها وقال انه التقبل والحب يجي بعد الزواج. وممكن انه يتغير ويصير افضل بما انه يحبها وميت عليها. ويلي يقول لها حرام تنفصلي وتضيعي فرصة واحد متدين ويصلي ويحبك. ايش رايكم صحيح هذا المنطق والتفكير.

فكرة اخفاءه الأمر عند زوجته ترك علامات تعجب واستفهام كثيرة .... وهذا يشير بشكل مبدأي على عدم صدق نواياه اتجاهها ... كما انه أناني

ومسألة ترويجه لنفسه وكأنه لؤطة .... نقطة ثانية كانت ستجعلني انفر منه ايضا


أسلوب استفزازي

هذا التفكيرراح ضحيته بنات كثير مافي شي يتغير في طبيعة الانسان خصوصا انه عمره فوق الاربعين وبعدين مافي غيرهذا الرجل يصلي ومتدين الحمدلله اغلب الشباب يصلون ويصومون وهذا المهم..

والحين هو في فترة الملكه طبيعي انه يكون فرحان وطايرفيها لانهاالثانيه وجديده باالنسبه له وصغيره لكن بعد الزواج الله عالم كيف راح يتعامل معها


الحين هويعتبرزوجها وهي ماتقبلته ولاحبته...ومستحيل في يوم راح تقتنع فيه لانها من الاساس مو مقتنعه

والي يقول التقبل والحب يجي بعد الزواج غلط...التقبل يجي في فترة الخطوبه..

رجاء اذا فعلا ماتبيه ونفسيتعها تعبانه تنفصل من الان احسن من ان تروح بيته ويدخل عليها ويضيع مستقبلهاوهي بعدهاصغيره ليش العجله..

وهوقالها بنفسه مايبي يطلق عشان سمعته..وماادراك يمكن زوجته ترجع البلد ويستغني عن الزوجه الثانيه

الرجل لايناسبها من جميع النواحي والباب الي يجيك منه الريح سده واستريح

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

عمرها 23 تاخذ واحد بهالعمر ومتزوج ومخلف !!!
صراحة اشوفه خطأ كبيييير
وإنه مايعلم زوجته هذا شيء غريب
ترضين تتزوجين بالدس !!!
يعني بكرة لاجات زوجته بيجيك مرة مرتين في الاسبوع لأن المسكينة ماتدري عنه وهو خايف يعلمها
والله أنا أشوف إنها تتركه افضل لها
لسه صغيرة وبيجيها نصيبها ان شاء الله
بعدين عمر كبير فرق بينهم
هي من جيل وهو من جيل
ماني متصور كيف تعيش معه
ترى الوحدة تقعد في بيت ابوها معززة مكرمة ولا تروح وتعيش حياة تبكي ليل نهار عشانها
الله يكتب لها الخير
ويسعدها مع هذا الرجل أو غيره

شكرا لك اختي الكريمة رسيل ..
وليس هذا فقط هو يقول لها كمان اذا تركتيني راح تندمي وبعدين الله ينتقم منك لانك بتظلميني ويجي واحد يتزوجك يظلمك
ويقول عن نفسه انا رحمة ونعمة لك بس انت كفرتي بهذي النعمة..

على ماذا تدل هذه الامور برأيكم تشعر انها يريد ان يفرض نفسه فرضا عليها لتتقبله..
ولها مدة اسابيع مقاطعته ماتكلمه ولا تبغى تشوفه لا تشعر بارتياح نهائي عند مكالمته.