السلام عليكم ورحمة الله وبركاته
اكتب كلماتي والدمع يحرق وجنتي واشتكي الالم ممن هو ناري وجنتي
اهديته عمرا بالازهار مزدهرا وارى الزمان يسلب مني ضحكتي
طبعا هذي الكلمات من تأليفي وفيض من مشاعري
مشكلتي ربما يراها البعض ليست مشكله ولكن قلبي متأثر جدا
انا احب زوجي وهو كذلك ولكن في الاونه الاخيرة ظهرت بعض المشكلات وكثرت مسؤليات زوجي
وتسببت هذه الاشياء في توتر العلاقه بيننا زوجي انسان صريح وواضح وهذا ماتعودته منه وعلمني الوضوح ايضا واصبحت حياتنا رائعه جدا ولكن بدأت الاحظ اشياء تسوءني وهي ان امرأة تتصل به وقد اثارت المشاكل بيننا وانا اعرف ان زوجي رجل مستقيم ويخاف الله ولكن بدأ يضع رقم سري لجواله لكي لاارى مكالمات تلك المرأة مع العلم انه حلف لي انه لايرد عليها ولكنها مصره على ارسال الرسايل والاتصال المهم قررت ان اعيش حياتي واركن تلك المرأة جانبا للحفاظ على حياتنا هذه مشكله والمشكله الاخرى ان اليوم سألته هل تغديت قال فقط اكلت سندويش وكنت مشغولا وهو يتكلم رايت ورقه في جيبه فاخرجتها من باب الفضول ووجدتها فاتورة مطعم بقيمة 500 ريال وقلت له سندويش ؟؟؟!!!!! ثم قال هذا الغداء لزملائي بالعمل ثم خرج من المنزل كالهارب فاتصلت به هاتفيا وقلت لماذا تكذب وتهرب قال ان هذا الغداء لأخي وبناته قلت ولما تكذب علي انا لن امنعك ان تشتري لاخيك ولكن بما انك كذبت فالموضوع اثار شكي انا لااصدقك ثم بدأ يدافع ويقول انتي تتدخلين فيما لايعنيك مع العلم اننا نمر بظروف وطلب مني ان اقتصد بكل شيء حتى الاكل والان فاتورة بهذا الثمن مما اثار حزني واستغرابي المهم هو الان زعلان وانا اعيش في دوامة واسأله كثيرة تدور بذهني اهمها لماذا بدأ زوجي بالكذب اين الصراحه التي تعودنا عليها
الرجاء ارشدوني فاانا في حيرة من امري ويهمني رأي الكل

اختي الغاليه أهم شئ الثقه بين الزوجين وأرجو أن لاتدعي مجالا لشك في حياتك ومو معقول إنه لوكان معه إمرأه أخرى تغدت بياكلون بهاذا المبلغ في المطعم
لأنه لوماكلين حاشي ماوصل هالسعر يمكن إنه فعلا عازم أخوه وبناته بالمطعم وأنتم كلكم عائله واحده ما أتوقع بيكذب عليك بأخوه وبناته لأنه مهما كان بيوصلك خبر العزيمه منهم وأتوقع إنه قال لك أول شئ الغداء لزملائه بس علشان مايبغاك تحطي في خاطرك بأنه ما أخذك معاه وتعاتبيه بس يوم شافك تدققين وراه قال لك الصدق بالنسبه لرمز الحمايه يمكن علشان لوطاح منه أو أفتقده خايف علا معلومات وصور فيه علشان إللي يلقاه مايفكها وأحيانا العيال يمكن يلعبوا في الجوال ويدقو ا الأرقام بالصدفه علا زملاء أبوهم فعلشان كذا حط رمز حمايه أنت أسأليه عن سبب وضعه رمز الحمايه ولوأعطاك الرمز إعرفي إن زوجك ماعنده خرابيط هدي أعصابك وخلك زوجه عاقله وحكيمه وبالحواروالتفاهم والمصارحه حياتكم بتصير أحلى من العسل أنت أدرى بزوجك ونقاط ضعفه أدخلي لقلبه عن طريقها وأتركي الشك
والعصبيه والنرفزه وإعملي بصمت ولا تفتشي جواله أعطيه الثقه مدام إنه رجل مستقيم وفيه خير وعارف حدود الله نصيحتي لك أن تحادثيه بطرق لينه في أجواء هادئه ويكون رايق ومبسوط فاتحيه وذكريه بالله سبحانه وتعالي
وقولي له يبو فلان إذا كنت أنا غافله عن شئ تخفيه في نفسك عني ترى الله يعرف ماتسره النفوس والله سبحانه يعرف مافي نفسك وأنا موكله أمري ومفوضاه إلى ربي سبحانه وتعالى وإعرف إن الله يراك ويشوف وش أنت تعمل وتسوي وإستعيني بالله عز وجل وإدعي الله أن يعصم زوجك من الفتن ماظهر منها ومابطن وعليك بلإستغفار فإن له فوائد عظيمه أعانك الله وسدد خطاك لمافيه الخير والصلاح لزوجك وبيتك تقبلي تحياتي .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اصبري يااختي ان شاء الله انها فتره وبتعدي
ياريت لو يكون رايق والجو مناسب تجلسي معاه وتذكريه بأيامكم الحلوة سوا وكيف كنتو مبسوطين وتتناقشو للسبب الي وصلكم لهنا
وتسئلي لي اول شي قال انه لاصحابه بعدين قال لاخوه وبناته
حاولي تصبري ووتناقشي نعاه بهدوء

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

شكرا اختي الكريمة على طرح المشكلة :

انا اقول المراءة الصابرة على بلوى زوجها يضمن الله لها الجنة

الرجاء ثم الرجاء عدم السماح لدخول الشك في حياتكم انا

اعرف انة صعبا عليك لكن الامور لا تحل بالعصبية والشك

وجبة غذاء بهذا السعر يعني ان الرجل مدخولة جيد ولكن

بخيل على عائلتة واسئل الله ان يرجع الى رشدة واتمنى لك

حياة سعيدة

سوال

وش قرابة المراءه اللي تتصل بزوجك ؟؟

ولماذ ؟؟ هل لضروره ..؟

وهل علاقتهم قويه ؟؟

مقهره ابي اجابه لهلاسئله !!!

شوفي انا من رايي.. طنشي الموظوع حاليا.. يعني فترة مؤقته..

بيني له انك واثقه فيه.. بس بشرط

خليك فااااااتحة عيونك مظبوووووووووط.. ولا تثيرين المشاكل..

إلييييييييين ما تشوفين دليل واظح تكبسينه فيه..

وبعدها واجههيه لأنك انتي اللي راح تكونين الأقوى ..وخليه مايسوى بيزة.. فاهمتني..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

عزيزتي..
طيعيني لاتنبشين ورا زوجك ولا ترى بتعيشين في هم وغم..
مادامه مسعدك ومو مقصر معاك من جميع النواحي خلييه يولي..
واكثري من دعاء((ربي هب لنامن ازواجنا وذرياتنا قرة اعين واجعلنا للمتقين اماما))) والله وتالله وبالله ان هذي الايه فيها سر عظيم لايعلمه الا الله في تسخير الزوج <<<<<<<مجربتها
تقبلي مروري..

شكرا لكم على تفاعلكم
زوجي لم يقصر معنا مو بخيل ابدا ولكن نحن الان نبني بيت العمر وطلب مني التوفير فزعلت ليه يطلب مني ذلك وهو يبذر على الناس هو كريم واللي في يده ليس له
وحولنا اناس استغلاليون وانا متضايقه من كذبه علي ممكن يكون مايبغى يزعلني ولكن ارى ان الصراحه افضل من الكذب وقد وضحت له ذلك وهو اليوم زعلان جدا ولم يدور بيننا اي حوار

اللي تسأل عن المراة هو كان فيه موضوع وانتهى ولكن المراه مصرة تتصل بزوجي لوقاحتها وهو لايرد عليها ولكن بما انها من بنات ابليس فهي لديها امل بانجذابه لها

هاذي أنت قلتيها إن زوجك مايرد عليها وهي من بنات إبليس فليش الشك والزعل أختي الدنيا هاذي يوم لك ويوم عليك ويوم الله يكفيك شره زوجك أبوعيالك لوطلب منك توفري أنت توفري علشان بيتكم أنت وعيالك بيت العمر وبالنسبه للفاتوره الرجل يمكنه عزم ناس
يعزون عليه وهذامن كرمه وصلت لهذا المبلغ ماترضين إن زوجك يطلع بخيل قدام الناس إللي عازمهم وأنا متأكده إنهم كثيرين لأن المبلغ أحسه كبير شويه علا شخصين أحيانا الإنسان يجيه ضيف فجأءه وفي وقت طارئ مايمديه يعزمه في البيت يكون الضيف مستعجل فيضطر
يغديه في مطعم وعلشان مايتعبك بالطبخ وا لنفخ أنتي أهدي شويه وتعوذي من الشيطان أنت بأسلوبك هاذا تنفرين الرجل وتخلينه يمكن لاقدر الله يرجع يرد على مكالمات البنت إللي تدق عليه وأنا حاسه إن سالفة إتصال البنت عليه مأثره فيك أكثر عن سالفة الفاتوره
أنت هدي أعصابك وروحي راضي زوجك الحين وإستسمحي منه ولاتجيبين له طاري لاإتصال الحرمه ولا الفاتوره ولاشئ خلي الأمورهاديه بينكم حتى تهدى النفوس وتتصافى بعدها إجلسوا مع بعض جلسة نقاش وحوار وكل واحد يصارح الثاني وإبتعدوا عن العصبيه لوشفتيه عصب أو زعل هدي الوضع وأسكتي خليه يطلع كل شئ في نفسه وإنتي إسمعيه وقولي له أبغاك تقولي كل إللي في نفسك وأنا كلي آذان صاغيه
صدقيني مشكلتك بسيطه وزوجك يحبك وأنت تحبينه لاتخلين الحواجز تفصل بينكم ويلعب عليك إبليس ويشتغل في مخك هاذا زوجك أبوعيالك روحي راضيه حتى لوكان غلطان صدقيني بتكبرين في عينه وبيشوف نفسه صغير قدامك أنت إعتذري منه وتأسفي وقولي له آنا آسفه لوجرحتك بشئ أو زعلتك صدقيني بينهار
قدامك ويقول لك بكل شئ في خاطره أبغى أقول لك معلومه أحمدي ربك على لعاملة زوجك لك بحب و بإحترام وتقدير
شوفي قصص الحريم بهاذا المنتدى شئ يشيب الراس الوحده زوجها ذالها وهاينها وسهر وخيانات ومنكرات وبعد يضربها وهي صابره ومحتسبه الوحده علشان أولادها أنت في نعمه أنتبهي لبيتك وزوجك ولاتفرطين في سعادتك وحياتك الزوجيه أتركي الشك عنك وثقي بزوجك أعطيه الثقه لأنهاضروريه ومهمه
بين الزوجين أختي@ الحب @ الرحمه @ الثقه @ الصراحه @ هاذي أربع كلمات تعتبر كل كلمه منها عمودا لعش الزوجيه يبنى عليها ويستقر هاذا العش علا أركان تلك الكلمات فإنتبهى لعشك ولا تبدئي بهدمه بهاذي الطريقه أعانك الله وأسعدك أنت وزوجك وأسأل الله أن
يصلح حالكم .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله