اولا اشكركم على هالمنتدى الراقي واللي محلي اكثر الاعضاء الرائعين اللي يتجاوبوا ويشاركوا ويعطوا حلول رائعهـ اشكركم من قلبي..

ارجوكم عندي موضوع بشاوركم فيهـ وان شاء الله تساعدوني

انا مطلقهـ لي سنهـ وعمري 23 وعندي ولد
بصراحهـ انا جدا متألمهـ من طلاقي والسبب اني كنت جدا طيبهـ معاه ومع اهلهـ حتى اهلي كانوا يحبوا كانهـ واحد منهم ويساعدوا بكل شي لاكن ماثمر فيهـ المعروف
وجرحني اكثر من مره واخرتها بخيانتهـ وكنت ابد ماابين لهـ ولا اجادلهـ وكنت احاول اني اشغلهـ المهم حاولت الين حصل اللي حصل وهو ماكان يدري اني ادري وطلقني بسبب تااافهـ جدا بس ماكان السبب اني كنت عارفهـ انه يكلم بنات
بس كان دائما على اتفهـ مشكلهـ يسحبني على بيت اهلي وكان يمد ايده علي قدام اهلهـ
بس الحمد لله ربي اختار لي الخير
الحمد لله رااااضيهـ وعارفهـ انه ان شاء الله خير لي لاني ماقصرت عليه بشي ابدا
لاكن حسبي الله عليه وعلى اهله

مشــــــــــكلتي...
تقدم لي رجل عمره 45 متزوج يخاف الله الكل يشهد له باخلاقهـ وكل شي وهو مستعد للي ابيهـ
بس انا خااااايفه ماني عارفه اوافق والا ..لا..؟؟؟
اوافق عشان اخلاقهـ؟؟
والا ماااوافق عشان فارق السن؟؟
اوافق عشان يلبي لي كل شي ابيهـ؟؟
مااوافق عشان ولدي؟؟
الحيرهـ بتقتلني وفي نفس الوقت اقول لا انا صغيرهـ وحلوهـ ومو ناقصني شي ابدا يعني لسى بدري وربي بيعوضني ..........انا خاااااايــــفهـ


انا ماابي فلوس ولاابي شي من هالدنيا مثل ماابي رجل يخاف الله فيني رجل احس معاه بالامان
احس اني انثى.........
تكفون ساعدوني
ماني قادرهـ اتخيل اني راح اتزوج واترك ولدي ...!!
ولا اني قادرهـ اتخيل اني راح اتزوج واحد اكبر مني ...!!
اخاف اتزوج ويطلع مثل الاول او اسوء منهـ..!!
اخاف ماافهمهـ اخاف مايفهمني اخاف اتعب معاهـ ..!!
اخاف اتطلق للمرهـ الثانيهـ..!!
يــــارب ساعدني..!!

كثير من الحريم يقولون مطلقهـ وجاها عريس تحمد ربها احد طالع في وجهها...!! ليش يعني المطلقهـ مالها حظ خلاص انتهت الدنيا بالنسبهـ لها وعادي تاخذ واحد اكبر منها ب15_20 سنهـ وعنده درزن عيال..!!
صح ممكن ماتكون مشكلهـ بس ليش هالنظرهـ بالنسبهـ للمطلقهـ او اللي متاخرهـ
ليـــــــــــــــــــــــــش..؟؟؟؟؟

الإشراف :

تم تعديل العنوان ليتناسب مع المضمون .

ياحبيبتي انصحك تستخيري وربي راح يهديك لما فيه خير لك لاتسمعي لكلام الناس محد راح ينفعك ولاراح يساعدك غير ربك صلي وادعي وربي ييسرلك اللي فيه خير لك

__________________
اللهم فرج همي

انا استخرت ولسى بستخير اكثر
بس ماخاب من استشار
اشكرك اختي على الرد والله ييسر الخير للجميع

يسر الله لك الخير ..

نقل إلى مكانه المناسب .

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

فارق السن كبير .. لا تستعجلي .. الحياه امامك طويله .. اكملي تعليمك اذا لم تكمليه و توظفي وان شاء الله القادم احلى

حبيبتي لا تستعجلي والله كبير بلعمر وغير عن كذا انتي لسه صغيره والعمر قدامك

لا تهدرين شبابك على عشان خاطر الناس وكلامهم

هذا راي وبكل صراحه

والله الله بلاستخاره وبتوفيق والله يسعدك يارب

انا ماني مستعجلهـ ابدا
اما كلام الناس انا مااهتم لكلام الناس لاني صح وواثقهـ من نفسي
والا هم وانتي صادقهـ مايخلوا احد في حالهـ الله المستعان
وانا معاكي في كلامك
وشاكرهـ لك صراحتك جدا لاني مااحب المجاملات
ويسعدك ربي..
جزاك الله خييييييييير

هاذا اللي انا خايفهـ منهـ الفارق..
انا ادرس حاليا وهاذا حلمي ان اكمل تعليمي لان طليقي كان راااافض اكمل تعليمي فاول شي سويته اهتميت فيهـ دراستي
اما الوضيفهـ على قول الوالدهـ بنات لهم سنين متخرجات مالقيوا لهم وضايف
بس انا اقولها ماتهمني الوضيفهـ قد مايهمني اكمل تعليمي
شــــــــــــــاكرهـ لك تفاعلك جزاك الله خير

اختي الرجال مو مثل الحرمه يعني الرجال مايشيب بسرعه يعني بمقدوره يجيب اطفال حتى لوكان عمره سبعين سنه انا اقول استخيري ووافقي وبعدين افرضي انه جاك واحد صغير لكن رافض ولدك وماعنده دين ولااخلاق لاتضيعين الفرصه ترى الفرصه مره واحده ودامنه شاريك اشرطي يكون ولدك معك يومين في الاسبوع وترى الكبير راح يعتبرك طفلته المدلله نصيحه تراه مو كبير واذا ماتبينه حوليه لي هههه-

ممكن يكون كلامك صح
بس الاطفال مو كل شي يعني في اشياء نفسيهـ
وانا معاك ان الرجال مايشيب بسرعهـ بس مو الكل بعضهم تشوفيهـ شاااايب بس روحهـ تهبل وبعضهم العكس تشوفيه شااب بس روحهـ..... على قولتك ممكن يجيني واحد صغير و....!! والله حيييرهـ

بالنسبهـ لولدي هو فعلا موافق عليهـ وماعندهـ مشكلهـ ابدا لو يجيني 3 مرات بالاسبوع
وعلى قولتك بيدللني ممكن لان على قولتهـ بيجيب لي شغالهـ وسواق ويخليني على راحتي يعني ماراح يشد علي بشي لا وزيادهـ مستعد يكتب لي شي بااسمي
انا مااحب اتكلم بها الكلام لان عمرها الفلوس ماهمتني
طفلتهـ المدللهـ >>>هاذا كلام الوالدهـ هههههه بيب لي احطكم سوى لانها مجننتي بها الكلام
اذا تبي ابشري فدااااااااااكي:14: ههههه>>والا لا خلاص بوافق
الله يعوضك و يرزقك بواحد يسعدك ويهنيكي يـــــــارب
شكرا لك على تفاعلك